Átta keppendur frá TV á Reykjavíkurskákmótinu !

  Á morgun hefst 50 Reykjavíkurskákmótið í Hörpunni og á þessu afmælismóti eru skráðir til leiks átta keppendur úr Taflfélagi Vestmannaeyja.  Unnt er að fara og fylgjast með mótinu í Hörpunni.en mótið verður dagana 4- 12 mars að báðum dögum meðtöldum.  Ingvar Jóhannesson, meðlimur í Taflfélagi Vestmannaeyja mun skýra skákir.

  Flestar umferðir hefjast kl. 16:30 og standa yfir fram yfir kvöldmat dag hvern, en á laugardag og sunnudag hefjast umferðir kl. 13:00, eru tvær umferðir eru miðvikudaginn 5 mars kl. 9:30 og aftur kl. 16:30.

  Keppendurnir á mótinu eru skráðir 274 og frá TV eru þessir í styrkleikaröð :

  10   Eduardas Rozentalis Litháen 2623 stig,
  12   Nils Grandelius, Svíþjóð, 2600 stig,
  15   Helgi Ólafsson, stórmeistari, 2546 stig,
  21   Henrik Danielsen, stórmeistari, 2501 stig,
  57   Sigurbjörn Björnsson, 2360 stig,
  109 Björn Freyr Björnsson, 2158 stig,
  134 Nökkvi Sverrisson, 2066 stig og
  230 Kristófer Gautason, 1677 stig.

Nökkvi með brons á Norðulandamótinu

í gær lauk Norðurlandamótinu í skólaskák. Mótið var haldið í Billund í Danmörku.  Nökkvi Sverrisson tefldi í efsta flokki og varð í 3. sæti. Þetta eru önnur verðlaun Nökkva á Norðurlandamóti en hann var einnig í 3. sæti í næst efsta flokki fyrir þremur árum síðan.

Árangur Íslands á mótinu var mjög góður og var Ísland eina þjóðin sem átti verðlaunasæti í öllum flokkum.

A flokkur
3. Nökkvi Sverrisson 3,5 vinn
4. Mikael Jóhann Karlsson 3,5 vinn

B flokkur
3. Dagur Ragnarsson 4
5. Óliver Aron Jóhannsson 3,5 vinn

C flokkur
2. Jón Kristinn Þorgeirsson 4,5 vinn
9. Dawid Kolka 2,5

D flokkur
3. Hilmir Freyr Heimisson 4
9. Felix Steinþórsson 2,5

E flokkur
2. Vignir Vatnar Stefánsson 4,5
5. Mykhaylo Kravchuk 3 vinn

Ísland varð jafnframt Norðurlandameistari liða og varði titilinn frá því í fyrra:

Ísland 35,5 vinningar
Danmörk 34 vinningar
Svíþjóð 33 vinningar
Noregur 32,5 vinningar
Finnland 30 vinningar
Færeyjar 15 vinningar

Mótið var trúlega það best skipulagða hingað til og t.a.m. voru allar skákir sendar út beint.

Skákþing Vestmannaeyja 2014

Skákþing Vestmannaeyja hefst miðvikudaginn 19. febrúar kl. 19:30. Tefldar verða 7 umferðir eftir svissnesku kerfi. Tímamörk eru 90 mín. á skák auk 30 sek. á leik.
Teflt verður á miðvikudögum.

Núverandi Skákmeistari Vestmannaeyja er Nökkvi Sverrisson

Dagskrá:

1. umferð miðvikudaginn 19. febrúar kl. 19:30
2. umferð miðvikudaginn 26. febrúar kl. 19:30
3. umferð miðvikudaginn 5. mars kl. 19:30
4. umferð miðvikudaginn 12. mars kl. 19:30
5. umferð miðvikudaginn 19. mars kl. 19:30
6. umferð miðvikudaginn 26. mars kl. 19:30
7. umferð miðvikudaginn 2. apríl kl. 19:30

 

Nökkvi Jólaskákmótsmeistari 2013.

  À Jóladag fór að venju fram hið árlega Jóladagsmót Taflfélags Vestmannaeyja.  Eins og öllum er kunnugt er þetta eina skákmótið á landinu þennan dag og menn leggja ýmislegt á sig til að mæta á það.

  Vegna slæms veðurs þetta árið komu færri ofan af landi en oft áður og vegna óvenju saltaðs hangikjöts voru nokkrir af ástsælustu skákmönnum Eyjanna heima í hefðbundnu vatnsbaði.

  En til að gera langa sögu stutta þá mættu sex til keppninnar að þessu sinni og vakti mesta athygli að Jólamótsmeistarinn 2012, Einar Jaxl Sigurðsson var því miður fjarverandi að þessu sinni, en sendi góðar kveðjur.

  Úrslitin urðu þau að Nökkvi Sverrisson sigraði með 7,5 vinninga, annar varð Sigurjón Þorkelsson með 6,5 vinn., en þriðji varð Kristófer Gautason með 6 vinninga.

Röð	Keppendur	NS	SÞ	KG	SU	SG	KGH	Vinn
1	Nökkvi Sverrisson	X	1,5	1	2	1	2	7,5
2	Sigurjón Þorkelsson	0,5	X	2	1	1	2	6,5
3	Kristófer Gautason	1	0	X	1	2	2	6
4	Sverrir Unnarsson	0	1	1	X	1	2	5
5	Stefán Gíslason	1	1	0	1	X	1	4
6	Karl Gauti Hjaltason	0	0	0	0	1	X	1

Snowden hyggst birta skjöl um jólamótið

  Það vakti mikla athygli snemma í morgun að í viðtali við stórblaðið Washington Post sagði hinn geðþekki Edward Snowden að hann hygðist birta leyndarskjöl á jóladag og flest skjölin vörðuðu Jólamót Taflfélags Vestmannaeyja.

  Leyniþjónustumenn víða um heim, sem þurfa helst að vera nálægt náðhúsinu, þegar Snowden tilkynnir nýjar uppljóstranir, urðu að vonum forviða þegar þeir heyrðu þessar fréttir og ekki er það ofsagt að vísindaheimurinn er í uppnámi.  Augljóst var á Snowden, sem margir fyrrum vinir hans hafa kosið að uppnefna uppljóstrara, hefur í huga að birta þarna sín stærstu tromp hingað til.

  Nú á þessari stundu er ekki vitað hvað þessi skjöl hafa að geyma, en sá eini sem er titlaður uppljóstrari í símaskránni í Vestmannaeyjum, Hörður Óskars telur að þar verði hulunni sveipað af skjölum frá Mossad, hinni leyndardómsfullu leyniþjónustu ísraels.  Hörður varðist þó allra frétta, enda sjálfur krossflæktur í uppljóstrunarmál af öllu tagi.

Mynd tekin af Herði fyrr á árum, þegar hann vann í fullu starfi sem uppljóstrari (Hörður er til hægri á myndinni). Til vinstri er kollegi hans, njósnaskvísan Yael.

Uppruni Jólamóts TV frá því fyrir landnám !

  Eins og allir ættu nú að vita verður Jólamót Taflfélags Vestmannaeyja, á sjálfan Jóladaginn, 25. desember n.k. og hefst klukkan 13:00 og fer fram í Skáksetrinu að Heiðarvegi 9 í Vestmannaeyjum.

  Jólamót Taflfélags Vestmannaeyja hefur verið haldið frá örófi alda og enginn veit í raun hvenær fyrsta jólamótið var haldið. Vísindamenn og þá sérstaklega fornleifafræðingar hafa glímt við þá ráðgátu í áratugi og eru ekki allir á einu máli um uppruna og tilurð mótsins.  Árið 2013 markar í raun þáttaskil í rannsóknum á þessu viðfangsefni því þegar nýr páfi, Jorge Bergoglio tók við um miðjan mars var það eitt af fyrstu verkum Jorge að opna gamla kjallara í Páfagarði í þessu augnamiði. Jorge, sem reyndar tók sér nafnið Frans í tilefni af stöðuhækkuninni, opnaði þannig gamlar skjalageymslur páfagarðs og leitaði þar persónulega í dyrum og dyngjum að handritum hvað þessa ráðgátu varðaði og viti menn; Rakst hann ekki á handrit sem talið er ritað á  fornnorrænu (og hann botnaði reyndar ekkert í) og var ekki seinn á sér, eftir að hafa rætt við okkur Eyjamenn á Skybe (sjá mynd) að senda ljósritað eintak til handritasérfræðings félagsins, Stefáns Gíslasonar (kallaður Stebbi Gilla).

Jorge Bergoglio veifar glaðbeittur forsvarsmönnum TV á Skybe 

  Til þess að gera langa sögu stutta, var hér um stórmerka uppgötun að ræða. Stefán lá yfir skjali þessu fram á haustið og hefur hann ásamt formanni vorum, Ægi Pál haldið niðurstöðum leyndum allt þar til nú nýverið sem ritstjórar Vefsíðu félagsins rákust á minnisblað sem lá á glámbekk í Skáksetrinu.

 

Handritið góða (ef vel er rýnt í textann sést orðið jólamót á hægri síðunni fyrir miðju blaði)

  Samkvæmt minnisblaðinu virðist sem handritið sé ritað af írska munkinum Diculiusi og greinir frá því að eitt sinn hafi hann heimsótt Heimaey og dvalið hér einn vetur um 825. Hápunktur jólahátíðarinnar hafi verið skákmót sem munkarnir héldu á jóladag og höfðu gert um langan aldur, að sögn Diculiusar.  Ekki greinir hann frá sigurvegara mótsins 825, en víst er að hann sjálfur var fremur neðarlega.  Á mótið komu munkar ofan af landi, þeir sem ekki voru þeim mun sjóveikari, allt austan úr Öræfum.

Hið árlega Jólamót TV á jóladag

  Það hefur ekki farið framhjá forsvarsmönnum Taflfélags Vestmannaeyja að jólin nálgast. Ekki vegna kaupa á jólagjöfum eða hin hefðbundnu matarinnkaup og jólakortagerð, heldur vegna stöðugra og ört vaxandi fyrirspurna, símtala, bréfa, tölvupósta og munnlegra, sem þeir verða fyrir hvar sem þeir fara og er nú svo komið að formaðurinn er farinn í frí til jóla og dvelur á ókunnum stað.

  Og hvað er allt þetta fólk að spyrja um, jú, auðvitað hvenær og hvar hið eina og sanna Jólamót Taflfélags Vestmannaeyja verður haldið.  Og ekki síður hvort sigurvegari síðasta árs verði nokkuð með að þessu sinni, svo vinningslíkurnar verði viðunandi.

  En, Stjórn TV flytur yður mikilsverð tíðindi ;  Jólamót Taflfélags Vestmannaeyja, sem er elsta, flottasta og stórkostlegasta taflmót og það eina sem haldið er í gjörvöllum heiminum á sjálfan Jóladaginn, 25. desember n.k. og hefst að venju klukkan 13:00 og verður framið að Skáksetrinu að Heiðarvegi 9 í Vestmannaeyjum.

  Allir velkomnir, hvaðan sem þeir koma og hverjir sem þeir eru og hvað sem þeir kunna í skáklist, því hin eina sanna jólastemmning er á mótinu, allir glaðir og allir sigurvegarar (eða þannig).

  Fyrir þá sem hyggjast koma ofan af landi á mótið er bent á að unnt er að ferðast til Eyjanna á skemmtiferðaskipi, sem er líklega það eina sem er í förum á þessum árstíma við strendur landsins.  Ferðin getur verið afar ánægjuleg og viðkomustaðir nokkrir, þó ekki sé vitað fyrirfram hverjir þeir verða.  Skemmtiferðaskipið Herjólfur er í ferðum á þessum hluta Atlantshafsins og er 7 hæða ef vélarrúmið er talið með og búið öllum nýjustu þægindum, t.d. er ekki þörf á líkamsræktarsal um borð, því flestir farþegar megrast nánast sjálfkrafa á leiðinni yfir hafið.  Skemmtisigling þessi er einstök upplifun og farþegum er einungis bent á að panta tímanlega, því aðsókn er mikil.

Nökkvi Skákmeistari Vestmannaeyja annað skiptið í röð

  Nú nýverið fór fram Skákþing Vestmannaeyja og varð Nökkvi Sverrisson skákmeistari Eyjanna í annað skipti í röð.  Ef litið er til sögu Skákþingsins þá var það fyrst haldið 1926 eða fyrir 87 árum.

  Í upphafi var sá sem sigraði í Skákmeistaramóti Vestmannaeyja kallaður Taflkonungur Vestmannaeyja eins og greindi í fyrstu lögum félagsins frá 1926. Um fyrsta Skákþingið segir í Skeggja, 23. desember 1926: "Kappskák var háð hér nýlega og fóru leikar svo, að stud. med.  Ólafur Magnússon varð hlutskarpastur og hlaut, auk verðlauna, nafnið "Taflkóngur Vestmannaeyja", hafði hann 14 vinninga, næstur var Daníel Sigurðsson með 10 vinninga og þriðji Guðni Jónsson, frá Vegamótum (Guðni í Ólafshúsum) stud. theol. 9,5 vinn".

  Þá segir í minningargrein um ofangreindan Ólaf "... að hann hafi oftast verið Taflkonungur Vestmannaeyja frá stofnun félagsins til andláts síns 1930. En ekki hafa fundist óyggjandi heimildir um árin 1927-30.

Í blaðinu Víði segir um Skákþingið 6. mars 1937 "Flokks skákþingi Taflfélags Vestmannaeyja er nú lokið. Teflt var í fyrsta, öðrum og þriðja flokki. Í fyrsta flokki kepptu 3 menn og voru tefldar 3 umferðir. Sigurvegari varð Hjálmar Theódórsson með 4,5 vinning, næstir honum voru Vigfús Ólafsson með 3,5 vinning og Karl Sigurhansson með 1 vinning."

Í sama blaði í febrúar 1945 er fjallað um Skákþingið 1944 : " ... Tókst þetta vel og hafa teflt í vetur milli 20 og 30 manns og endaði með því að halda Skákþing Vestmannaeyja. Var keppt i þremur flokkum. Fyrsti flokkur keppti tvískiptur. Í A flokki vann Sigurþór Halldórsson með 1 vinningum af 5 mögulegum. Annar var Angantýr Elíasson með 3 vinninga. Í B. flokki vann Vigfús Ólafsson með 4 vinningum og vann alla. Annar var Karl Sigurhansson með 2,5 vinning. Kepptu þessir menn svo til úrslita og vann Vigfús alla aftur."

Í Eyjablaðinu í janúar 1963 er fjallað um Skákþing Vestmannaeyja árið 1962 : "Skákþingi Taflfélags Vestmannaeyja fyrir árið 1962, sem hófst í haust, lauk hinn 18. janúar. Þátttakendur voru 8. Úrslit urðu þau, að Skákmeistari Vestmannaeyja varð Jón Hermundsson, hlaut 5,5 vinninga. Annar varð Arnar Sigurmundsson með 5 vinninga, og þriðji varð Karl Ólafsson með 4,5 vinning.

Sá sem oftast hefur orðið meistari er Sigurjón Þorkelsson, eða 11 sinnum, en næstir koma þeir Kári Sólmundarson, 9 sinnum, Björn Ívar Karlsson, 5 sinnum, en þeir Einar B. Guðlaugsson, Sverrir Unnarsson og Arnar Sigurmundsson hafa unnið titilinn 4 sinnum hver.

Lengstur tími frá því sami maður vann titilinn fyrst og síðan aftur er hjá Sigurjóni Þorkelssyni eða fyrst 1986 og síðast 2006 eða 20 ár, næstur kemur Arnar Sigurmundsson, (fyrst 1964 og síðast 1979 eða 15 ár) síðan koma tveir sem hafa gert þetta á áratug, þeir Kári Sólmundarson (1975 og 1985) og Björn Ívar Karlsson (2001 og 2011).

Þrír menn hafa unnið titilinn fjórum sinnum í röð, en það eru þeir Einar B. Guðlaugsson 1965-68, Kári Sólmundarson 1975-78 og Björn Ívar Karlsson 2008-11.

Þá er gaman að segja frá því að meðal meistara má sjá nokkur skyldmenni, t.d. Björn Ívar yngri og eldri, en sá yngri er sonarsonur þess eldri, einnig má finna þarna feðgana Sverri Unnarsson og Nökkva Sverrisson.

Því má loks bæta við að á Skákþinginu núna tefldu 5 fyrrverandi meistarar; Einar B. Guðlaugsson sem sigraði á árunum 1965-68, Sigurjón Þorkelsson, sem hefur 11 sinnum sigrað á liðnum áratugum, Sverrir Unnarsson sem hefur sigrað 4 sinnum, Nökkvi Sverrisson sem sigraði í fyrra og Ægir Páll Friðbertsson sem varð meistari 2004.

• 1926 Ólafur Magnússon
• 1927-29 Ólafur Magnússon (óvíst um fjölda titla Ólafs)
• 1936 Halldór Ólafsson
• 1937 Hjálmar Theódórsson
• 1944 Vigfús Ólafsson
• 1957 Árni Stefánsson
• 1958 Árni Stefánsson
• 1959 Árni Stefánsson
• 1960 Karl Ólafsson
• 1961 Bjarni Helgason
• 1962 Jón Hermundsson
• 1963 Jón Hermundsson
• 1964 Arnar Sigurmundsson
• 1965 Einar B. Guðlaugsson
• 1966 Einar B. Guðlaugsson
• 1967 Einar B. Guðlaugsson
• 1968 Einar B. Guðlaugsson
• 1969 Arnar Sigurmundsson
• 1970 Arnar Sigurmundsson
• 1971 Björn Ívar Karlsson
• 1972 Helgi Ólafsson
• 1973 Helgi Ólafsson
• 1974 Össur Kristinsson
• 1975 Kári Sólmundarson
• 1976 Kári Sólmundarson
• 1977 Kári Sólmundarson
• 1978 Kári Sólmundarson
• 1979 Arnar Sigurmundsson
• 1980 Kári Sólmundarson
• 1981 Kári Sólmundarson
• 1982 Kári Sólmundarson
• 1983 Guðmundur Búason
• 1984 Kári Sólmundarson
• 1985 Kári Sólmundarson
• 1986 Sigurjón Þorkelsson
• 1987 Stefán Þór Sigurjónsson
• 1988 Sigurjón Þorkelsson
• 1989 Sigurjón Þorkelsson
• 1990 Ágúst Ómar Einarsson
• 1991 Sigurjón Þorkelsson
• 1992 Sigurjón Þorkelsson
• 1993 Sigurjón Þorkelsson
• 1994 Ægir Óskar Hallgrímsson
• 1995 Ægir Óskar Hallgrímsson
• 1996 Sigurjón Þorkelsson
• 1997 Sigurjón Þorkelsson
• 1998 Ágúst Ómar Einarsson
• 1999 Sverrir Unnarsson
• 2000 Sverrir Unnarsson
• 2001 Björn Ívar Karlsson
• 2002 Sigurjón Þorkelsson
• 2003 Sigurjón Þorkelsson
• 2004 Ægir Páll Friðbertsson
• 2005 Sverrir Unnarsson
• 2006 Sigurjón Þorkelsson
• 2007 Sverrir Unnarsson
• 2008 Björn Ívar Karlsson (yngri)
• 2009 Björn Ívar Karlsson
• 2010 Björn Ívar Karlsson
• 2011 Björn Ívar Karlsson
• 2012 Nökkvi Sverrisson
• 2013 Nökkvi Sverrisson

Nökkvi Sverrisson Skákmeistari Vestmannaeyja 2013

Um síðastliðna helgi lauk Skákþingi Vestmannaeyja fyrir árið 2013. Nökkvi Sverrisson varð efstur með 5,5 vinninga úr 6 skákum. Annar varð formaðurinn Ægir Páll Friðbertsson með 4,5 vinninga. Í þriðja sæti varð síðan Sigurjón Þorkelsson með 4 vinninga.

Lokastaðan

1. Nökkvi Sverrisson (2064) 5,5 vinn.
2. Ægir Páll Friðbertsson (2134) 4,5 vinn
3. Sigurjón Þorkelsson (2035) 4 vinn
4. Sverrir Unnarsson (1959) 3,5 vinn
5. Stefán Gíslason (1817) 1,5 vinn
6. Karl Gauti Hjaltason (1507) 1 vinn
7. Einar Guðlaugsson (1908) 1 vinn

Chess-Results

Skákþingið - lokaumferð á miðvikudag

 Nú er öllum frestuðum skákum lokið í Skákþinginu og á miðvikudagskvöld verður tefld lokaumferð mótsins og hefst hún stundvíslega kl. 19:30. Ljóst er að fresta verður skák Einars og Ægi Páls og verður hún líklega tefld á fimmtudag eða föstudag. 

Ef tveir verða efstir og jafnir verður telft til úrslita með sömu tímamörkum og eru í mótinu. Ef þrír verða jafnir verður teflt mót og ræður dregin töfluröð litum.
Um önnur verðlaunasæti gilda SB stig en ef þau nægja ekki verður teflt um röðina 15 mínútur með skiptum litum.

 

7. umferð

Sigurjón - Stefán
Sverrir - Nökkvi
Einar - Ægir Páll
Karl Gauti situr yfir

 

staðan

1. Nökkvi 4,5 af 5
2. Ægir Páll 3,5 af 5
3. Sverrir 3,5 af 5
4. Sigurjón 3 af 5
5. Stefán 1,5 af 5
6. Einar 1 af 5
7. Gauti 1 af 6

mótið á chess-results