Sigur 4,5-1,5 á Hellismönnum C !

  A-sveit okkar lenti á móti C-sveit Hellis í 2 deild.

  Okkar A-sveit var skipuð eftirtöldum :

  Luis Galego á fyrsta borði 1-0

  Jan Johansson á öðru borði 0-1

  Þorsteinn Þorsteinsson á þriðja borði 1-0

  Páll Agnar Þórarinsson á fjórða borði 1-0

  Sævar Bjarnason á fimmta borði 1/2 - 1/2

  Björn Ívar Karlsson á sjötta borði 1-0

  Sigur 4 1/2 - 1 1/2 !

Bellirnir sáust ekki !

  D-sveitin okkar átti fyrstu umferð gegn Skakdeild Ballar, sem munu vera hressir Verslunarskólanemar.  Þeir lentu á móti þeim í fyrra og fengu kökuveislu yfir skákinni.  Skemmtilegir strákar og kátir.

  En okkar strákar settust við borðin sín og biðu spenntir eftir liðsmönnum Ballar.  En fljótlega kom í ljós að allir bellirnir voru uppteknir við annað á föstudagskvöldi.  Fóru því leikar þannig að okkar strákar, sem voru komnir um langan sjóveg frá Vestmannaeyjum, fengu ekki að tefla neitt í fyrstu umferð og uppskáru sigur 6-0 og lenda því á móti einhverri fyrnasterkri sveit í annarri umferð.

  Nei, þetta er ekki nógu gott, Bellir góðir !

Frásagnir frá deildó hér á þessari síðu.

  Í kvöld, laugardag og á sunnudag reikna ég með að slá inn helstu úrslit frá sveitum TV eftir hverja umferð ( vonandi hef ég tíma til þess ! ).

  A-sveit TV mun í kvöld tefla við Helli C, að morgni laugardags við Garðabæ A, laugardagskvöld við Akureyri B og loks við Reykjanes A á sunnudeginum.

  B, C og D-sveitir TV munu tefla í 4. deildinni.

  Eftir umferðina í kvöld mun ég birta liðsskipan sveita TV og ekki fyrr, en það er upplýst að D-sveitin er krakkasveit félagsins.

TV spáð góðu gengi !

  Þá hefur spá ritstjóra skak.is komið fyrir augu okkar minni spámanna.
  Athygli vekur að hann spáir Taflfélagi Vestmannaeyja sigri í 2 deild og öðru sæti í 4 deildinni.
  Þetta byggir hann eingöngu á því að "heimildir hermi" að við hefðum innan okkar vébanda tvo erlenda stórmeistara (það eru 6 menn í sveit).
  Það er allt gott að segja um slíkar spár og minnugur þess að yfirleitt er Gunnar mjög getspakur þá vonum við svo sannarlega að okkar gengi verði svo gott, en ekki er sopið kálið þó í ausuna sé komið.
  En lítum á spá hans fyrir 2 deild :
  "Spennan í 2. deild verður ekki síðri. Mínir heimildir herma að með Eyjamönnum teflir tveir erlendir meistarar og þar af Luis Galego sem er farinn „heim" til Eyja svo maður noti útjaskaðan frasa. Ég ætla að spá Eyjamönnum sigri. Það er hins vegar nánast ómögulegt að spá í hvaða lið fylgi Eyjamönnum upp. Ég hef satt að segja ekki hugmynd um það! Ég ætla að vera djarfur og spá að KR-ingar sem unnu þriðju deildina fylgi þeim. B-sveit Hauka, TG eða jafnvel Reyknesingar gætu þó tekið sætið. Ég ætla að spá að fallið verði c-sveitar Hellis og Selfyssinga eða jafnvel b-sveit SA sem hefur auðvitað veikst mikið eftir stofnun Máta. Á móti kemur að sterkir skákmenn úr Taflfélagi Dalvíkur styrkja liðið og ég átta mig ekki almennilega á styrkleika b-sveitar Norðlendinga. Að mínu mati getur nánast allt gerst í þessari deild og hugsanlega verði lítill sem enginn munur á liðinu í 2.-7. sæti. Sennilega meiri lýkur á ríkisstjórnin grípi til einhverja aðgerða út af efnahagsmálum en að þessi spá rætist!

Spá ritstjóra:

1. TV
2. KR
3. TG
4. Haukar-b
5. Reykjanes
6. SA-b
7. Selfoss
8. Hellir-c "

Formaður.

Menn sammála um að vel hafi til tekist.

  Í gærkveldi var fyrsta fyrirlestra- og skemmtikvöld félagsins á dagskrá.  Eftir kvöldið held ég að menn séu sammála um að þessi tilraun hafi lofað góðu.  Það á hins vegar eftir að reyna meira á þetta og þess vegna höldum við áfram að bjóða upp á slík kvöld, kannski einu sinni í mánuði.

  Björn Ívar Karlsson reið á vaðið og hann byrjaði að fara yfir skák Nataf (TV) og Stefáns K. frá því í deildakeppninni 2006-2007.  Það var gaman að sjá þessa skák skýrða og Birni Ívari tókst vel að skýra hinn beitta skákstíl Nataf, sem sigraði glæsilega í þessari skák.

  Því næst fór Björn yfir nokkur skákdæmi og tóku áheyrendur, sem voru 12 talsins, góðan þátt í umræðum.  Björn endaði síðan á að fara yfir skák frá Herceg Novi 1970 þar sem Viktor Kortsnoj stjórnaði hvítu mönnunum á móti Bobby Fischer (Kóngindversk vörn).  Skemmtilegt var að hlusta á Björn skýra skákina sem endaði með sigri Fischers.

  Fyrirlestrinum lauk um kl. 21.  Ég vona að þegar reynsla verður komin á þetta, komi fleiri til með að mæta á þessi kvöld og þá einnig þeir sem alla jafna mæta ekki á skákkvöld, en í gær sáum við t.d. dæmi þess.

Opinn fyrirlestur Björns Ívars í kvöld kl. 19:30.

  Í kvöld verður fyrsta fyrirlestra- og skemmtikvöld Taflfélags Vestmannaeyja og hefst það í Skáksetrinu að Heiðarvegi 9 kl. 19:30.

  Fyrirlestrarnir eru öllum opnir og aðgangur er að sjálfsögðu ókeypis.

  Það verður gaman að heyra hvernig Birni Ívari tekst til.

Skemmtikvöld fimmtudag 2. okt kl 19.30

Næstkomandi fimmtudagskvöld, þann 2. október n.k, fer fram fyrsta skemmtikvöld vetrarins. Áætlað er að þau verði einu sinni í mánuði. Björn Ívar Karlsson sér um fyrirlestrana og á þeim verða skákir m.a. skýrðar, farið verður í lærdómsríkar byrjanir ofl. Skemmtikvöldin eru opin öllum og ekkert kostar inn.

Haustmót TV - 1. umferð

Fyrsta umferð Haustmóts TV var tefld í kvöld. Átján voru skráðir til leiks, en tveir helltust úr lestinni áður en taflmennska hófst. Einni skák þurfti að fresta, milli norðmannsins Are Bue og Þórarins Inga. Þeir munu líklega tefla á mánudag.

Úrslit fyrstu umferðar

Bo.	No.		Name	Pts.	Result	Pts.		Name	No.
1	9		Jonsson Dadi Stein	0	0 - 1	0		Karlsson Bjorn Ivar	1
2	2		Thorkelsson Sigurjon	0	1 - 0	0		Gautason Kristofer	10
3	11		Olafsson Olafur Freyr	0	0 - 1	0		Unnarsson Sverrir	3
4	4		Olafsson Thorarinn I	0		0		Bue Are	12
5	13		Eysteinsson Robert Aron	0	0 - 1	0		Hjaltason Karl Gauti	5
6	6		Gudjonsson Olafur Tyr	0	1 - 0	0		Magnusson Sigurdur A	14
7	15		Olafsson Jorgen Freyr	0	0 - 1	0		Sverrisson Nokkvi	7
8	8		Gislason Stefan	0	1 - 0	0		Palsson Valur Marvin	16

http://chess-results.com/Tnr16346.aspx?lan=1

Skákir Haustmótsins

Haustmót Taflfélags Vestmannaeyja

Haustmót Taflfélags Vestmannaeyja hefst nk. þriðjudagskvöld kl. 19:30 í húsnæði T.V. við Heiðarveg.

Tefldar verða 7-9 umferðir eftir Monrad-kerfi, en umferðarfjöldi fer eftir þátttöku. Tímamörk verða 90 mínútur og 30 sek. bætist við hvern leik. 

Skráning í mótið er með tölvupósti: [e-mail] eða í síma 858-8866

Keppnisgjald er kr. 3000 fyrir fullorðna en kr. 1500 fyrir 16 ára og yngri.

Sigurvegari Haustmóts T.V. 2007 var Sigurjón Þorkelsson

Öllum er heimil þátttaka.

18 skráðir 30. september, kl 18:22 :

Björn Ívar Karlsson 2140
Sigurjón Þorkelsson 1895
Sverrir Unnarsson 1875
Þórarinn Ingi Ólafsson 1650
Karl Gauti Hjaltason 1645
Ólafur Týr Guðjónsson 1600
Nökkvi Sverrisson 1560
Stefán Gíslason 1545
Sindri Freyr Guðjónsson 1445
Daði Steinn Jónsson 1275
Kristófer Gautason 1270
Ólafur Freyr Ólafsson 1230
Are Aune Bue
Róbert Aron Eysteinsson
Jóhann Helgi Gíslason
Sigurður Arnar Magnússon
Jörgen Freyr Ólafsson
Valur Marvin Pálsson

 

 

Sverrir efstur á fimmtudagsmóti

Sverrir Unnarsson sigraði alla andstæðinga sína á 15 mínútna móti sem haldið var sl. fimmtudagskvöld.  Í næstu sætum komu Ægir Páll Friðbertsson og Nökkvi Sverrisson með 3 vinninga

Úrslit urðu eftirfarandi:

1. Sverrir Unnarsson
2-3. Ægir Páll Friðbertsson og Nökkvi Sverrisson
4-7. Daði Steinn Jónsson, Are Bue, Ólafur Freyr Ólafsson og Ólafur Týr Guðjónsson 2 vinninga
8-9. Jóhann Helgi Gíslason og Jörgen Freyr Ólafsson 1 vinning
10. Patrekur Emil Jónsson 0 vinning

 

 

Skrár tengdar þessari bloggfærslu:

• tafla mótsins