Sigurður efstur á fyrsta sunnudagsmóti vetrarins.

  Í dag var haldið fyrsta sunnudagsmót vetrarins.  Mæting var góð  miðað við að þetta sé rétt að hefjast og mættu 11 krakkar til leiks.

  Tefldar voru 5 umferðir og sigraði Sigurður með 4,5 vinning, en gerði jafntefli í síðustu umferðinni við Eyþór.

Úrslit:

1. Sigurður A. Magnússon 4,5 vinn.  50 stig.

2-3. Eyþór D. Kjartansson og Róbert A. Eysteinsson 3,5 vinn., 44 stig.

4-5. Ágúst Þórðarson og Davíð Jóhannesson 3 vinn., 36 stig.

6-8. Jörgen, Oliver og Máni 2,5 vinninga, 28. stig.

9-10. Guðlaugur og Lárus 2 vinn., 23 stig.

11. Sigga Magga 1 vinn. 20 stig.

Íslandsmót drengja og telpna í Eyjum - Ferðir og flug.

  Íslandsmót drengja og telpna 15 ára og yngri (fd. 1993 og yngri) fer fram í Vestmannaeyjum laugardaginn 18. október n.k.  Mótið verður í Akóges húsinu við Hilmisgötu í miðbæ Vestmannaeyja og er það staðsett nálægt gistingunni sem við erum að mæla með.

  Erfitt er að gefa ráð um ferðir til Eyja, einfaldlega vegna þess að það er aldrei hægt að treysta á flugið.  En ef veður er gott er líklega best að fljúga frá Bakkaflugvelli, sem tekur aðeins 6 mínútur.  Ef menn ætla að vera öruggir á því erum við hér í Eyjum að taka ferjuna Herjólf.  Aðrar ráðleggingar get ég ekki gefið betri, þar sem þetta eru samgöngurnar sem við búum við og ef menn treysta alfarið á flug, þá getur farið svo að menn komast ekki þangað sem þeir ætla.

  Það hefur mikið verið hringt til þess að spyrja um þetta og því læt ég hér fljóta með leiðbeiningar mínar um gistingu, ferðir og flug á mótið.

Gisting.

  Hótel Þórshamar s. 481 2900, selur gistingu á Gistiheimilinu Sunnuhól, þar sem eru svefnpláss fyrir 25 manns í svefnpokastæði í 2ja til 6 manna herbergjum á kr. 2.300 pr. nótt og þar er líka unnt að leigja rúmföt.  Á vegum Þórshamars er einnig Gistiheimilið Hótel Mamma, þar sem hægt er að fá eins til 2ja manna herbergi á kr. 5.100 nóttina (1 manns) og kr. 7.500 nóttina fyrir 2ja manna herbergi.

Ferðir.

Ferðir til Eyja eru með ferju eða flugi.

Herjólfur s. 481 2800 fer frá Þorlákshöfn alla daga kl. 12:00 og 19:30 og frá Eyjum kl. 08:15 og 16:00. Unnt er að fá 2ja eða 4ra manna klefa eða kojupláss í skipinu ef pantað er tímanlega.  Þá þarf að panta fyrir fólk og bíla.  Panta tímanlega.

Flug frá Reykjavík. Flogið er frá Reykjavík 2-3var á dag, en síðasta vél á föstudegi er kl. 16:45 og frá Eyjum laugardag kl. 17:35 og á sunnudegi kl. 12:20.

Flug frá Bakkaflugvelli. Flug til og frá Bakka getur hentað vel, en unnt er að panta flug í síma 481 3255 og er flogið eftir pöntunum ef fært er og bjart, en flugvöllurinn er staðsettur í Landeyjum ca. 20 km. austan við Hvolsvöll.

Nokkur atriði.

Mótsblað.  Gefið verður út mótsblað og munu nöfn keppenda, sem skrá sig fyrir kl. 12 miðvikudaginn 15. október, birtast í mótsblaðinu.

Verðlaun.  Íslandsmeistarar drengja og telpna fá bikar og þrjú efstu sætin í mótinu sjálfu en að auki verða bikarar fyrir efsta krakka í hverjum árgangi.

Tímasetning.  Mótið hefst kl. 09:15 á laugardagsmorgninum og lýkur kl. 17:00 sama dag.  Verðlaunaafhending verður kl. 17:10.  Þessar tímasetningar munu standa.

Skráning.  Skráning á mótið er hjá Skáksambandinu [e-mail].

Pistill liðsstjóra B-sveitarinnar.

Eftir að hafa lesið pistil liðstjóra C og  A sveita félagsins,  get ég ekki orða bundist.  Liðstjóri  A sveitarinnar hefur greinilega mikinn metnað til þess að koma liðinu aftur í deild þeirra bestu, en C sveitar liðstjórinn er bara ánægður með miðjumoðið og  gerir sitt besta að halda liðinu þar. Ekki myndi undirritaður vera lengi að segja af sér eftir viðlíka árangur og C sveitin náði.  Ég hvet til þess að liðsstjórn C verði afhent til reynslumesta liðsmanns c-sveitarinnar = Stebba Gilla.

B-sveitin var samansett af miklum reynsluboltum, sem hafa teflt að meðaltali vel á annað hundrað skákir hver einstaklingur.  Árangur liðsins var frekar undir væntingum og lítur út fyrir að sveitin fari ekki upp að ári nema algjört kraftaverk komi til.

Lárus Knútsson, annar nýliðinn okkar í b- sveitinni, tefldi tvær skákir á efsta borði og stóð vel fyrir sínu og fékk einn og hálfan vinning. Í fyrri skákinni sigraði hann stigalágan en efnilegan andstæðing sinn af öryggi og gerði síðan jafntefli við Tómas Björnsson.
Lárus er nauðsynlegur fyrir b-sveitina og verður að halda honum þar í 3 síðustu umferðunum ef einhver möguleiki á að vera að komast upp um deild. Lán á honum til A-liðsins er hafnað.

Einar Kristinn Einarsson tefldi með TV eftir ársdvöl hjá Óttari í T.R.  Einar er mikill reynslubolti og tapar ekki oft í sveitakeppni, eins og sést kannski á því að meðan hann var félagi í T.R. tapaði hann ekki kappskák. Hann náði tveimur og hálfum vinningum í þremur skákum, sem verður að teljast hreint ágætur árangur. Einar Kr. í formi er nauðsynlegur b-liðinu í baráttunni.

Ægir Páll tefldi eina skák gegn sterkum andstæðingi og gerði jafntefli. Ægir Páll er einn okkar sterkasti skákmaður, þegar hann finnur sér tíma til að setjast við skákborðið.

Sigurjón tefldi fjórar skákir og vann tvær en tapaði tveimur. Ekki var mikil lukka yfir taflmennsku Sigurjóns og hefur hann oft halað inn fleiri vinninga, en kemur alveg örugglega sterkur inn í seinni hlutann.  Spá liðstjóra er að Sigurjón tapi ekki skák í seinni hluta deildó.

Kjartan, hinn nýliðinn okkar, var eins og Sigurjón með tvo vinninga úr fjórum skákum og ágætur árangur hefði verið einn vinningur í viðbót. Kjartan á eftir að koma mun sterkari inn í liðið þegar hann hefur vanist liðsfélögunum. Kjartan tefldi eina mest spennandi skák keppninnar þegar hann lagði Sverri  Sigurðsson á hreint ótrúlegan hátt. Ég skora á Kjartan að sýna okkur hinum snilldina með ítarlegum skýringum.

Liðstjórinn tefldi allar fjórar umferðirnar og fékk þrjá vinninga. Stefnan var tekin á fjóra en með hreint ótrúlegum klaufaskap í síðustu umferðinni var sú von úr sögunni. Ef við ætlum að vera í toppbaráttu má slíkur klaufaskapur ekki sjást.

Kári Sólmundarson var að ég held elsti keppandi allra liða, tefldi eina skák og tapaði. Kári hefur á seinni árum tekið eina og eina skák fyrir liðið og er alltaf gott að geta leitað til slíkra reynslubolta.

Óli Árni fékk tvo vinninga úr þremur skákum. Ágætt hjá manni sem ekki teflir reglulega kappskák.

Þórarinn Ingi tefldi tvær skákir á sjötta borði og gerði jafntefli í báðum.  Annað jafnteflið var frekar stutt og hefði hann að ósekju mátt tefla áfram og reyna að knýja fram vinning.  

Heilt á litið hefði liðið átt að skila þremur til fjórum vinningum meira heldur en það gerði, miðað við andstæðinga. Stefnan í upphafi var að vera í toppnum eftir fyrri umferð en það vantar dálítið upp á það. Nauðsynlegt er fyrir liðið að allir sterkustu liðsmenn þess tefli með liðinu í seinni hluta keppninnar og óþarfa lán á þeim sterkustu til A-liðsins verði á algjöru lágmarki, jafnvel bannað. Síðan væri jafnvel ráð að koma því þannig fyrir að b-sveitin þurfi sem minnst að umgangast c-sveitina, þar sem okkur hefur fundist þeir hafi frekar truflandi áhrif á taflmennsku okkar. Þeir hörðurstu í  b-sveitinni hafi jafnvel orðað það að slakur árangur sveitarinnar hafi komið til vegna þeirrar ótrúlegu áráttu liðsmanna c-sveitarinnar að tapa snöggt og hanga síðan yfir skákum b-sveitarinnar og reyna að trufla þá í einbeitingunni með allskonar fíflagangi. Undanfarna daga hefur verið unnið að því þessar tvær sveitir gisti helst ekki í nágrenni við hvor aðra í seinni hlutanum á Akureyri, og jafnvel að þær tefli í sitt hvorum salnum.

Liðstjóri TV-b

Pistill liðsstjóra C-sveitarinnar.

  Þá er fyrri hlutanum lokið í deildarkeppninni.  Ég las pistil liðsstjóra A sveitarinnar sem er voða ánægður með sína menn, en það sama verður ekki sagt um undirritaðann.

  Þar sem ég á að heita liðsstjóri C-sveitarinnar þá tek ég á mig alla ábyrgð á slöku gengi sveitarinnar og mun reka aðstoðarmann minn strax, enda unnt að rekja öll mistökin beint til hans.

  C-sveitin er eina sveitin sem engar væntingar voru gerðar til og þar safnast saman skemmtilegustu liðsmenn TV og tefla gjörsamlega stefnulaust.  Markmiðið var að súpa kaffi, spjalla og fylgjast með sigrum í A- og B- sveitum félagsins.  Þá var einnig á stefnuskrá sveitarinnar að grípa í könnu á kvöldin en það kom í ljós að þessir kumpánar voru ekki á þeim buxunum, heldur fóru þeir í koju snemma og stúderuðu jafnvel sumir eldsnemma á morgnana.

  C-sveitin var hugsuð sem nokkurs konar safnþró, eða það var meiningin á bak við þessa sveit.  En alvarlegir hlutir hafa gerst, því það hefur borið á því að nokkrir liðsmenn sveitarinnar hafa sigrað andstæðinga sína eða kannski samið jafntefli.  Grípa þarf til aðgerða gagnvart þessum mönnum og húrra þeim upp í B-sveit eða niður í D-sveit, því þetta var aldrei á stefnuskránni.  Við lögðum upp með að hafa gaman af þessu, en ekki sitja kófsveittir og tefla til sigurs og eyðileggja þar með móralinn í sveitinni.

  Ég legg til að liðsstjórar A- B- og D-sveita sendi metnaðarlausa menn til okkar og við tökum þeim opnum örmum og gætum jafnvel sent þeim menn úr okkar liði sem hafa verið að eyðileggja móralinn.  Þarna hugsa ég sérstaklega til B-liðsins og get ekki stillt mig um að hlakka yfir því hvernig liðsstjóri þess liðs ætlar að reyna að kjafta sig út úr árangri sveitarinnar.

  Til þess að bjarga B-sveitinni legg ég til að Óli Árni og Þórarinn verði fastir liðsmenn þar, enda hafa þeir verið að hala inn mikið af vinningum.  Þá verður Nökkvi að fara úr C-sveitinni enda náði hann 3 vinningum af 4, sem er mjög óhagstæður samjöfnuður við aðra liðsmenn sveitarinnar.  Aðrir sem vert væri að færa úr sveitinni eru t.d. Stefán Gilla sem tefldi miklu betur en við bjuggumst við og Sindri Freyr sem halaði inn 1,5 vinning í tveimur skákum og verður að tefla með D-sveitinni í vor.

  Þeir sem eftir verða í sveitinni stefna að því að halda til Akureyrar í vor og taka á því, fylgjast vel með öðrum Eyjamönnum í baráttu þeirra og styðja þá og hvetja til dáða.  Við munum hafa skoðanir á mistökum þeirra en fagna hverjum sigri.  Kjörorð C-sveitarinnar í vor verður „Það er góður mórall í okkar liði“

Liðsstjóri TV-C.

Pistill liðsstjóra A-sveitarinnar.

   Þá er fyrri hlutanum lokið í deildarkeppninni. A-liðið er með þriggja vinninga forystu, en á eftir að tefla við sterkustu liðin í seinni hlutanum þannig að ekkert er fast í hendi enn.

Rk.	Team	1	2	3	4	5	6	7	8	TB1	TB2
1	TV a	*				4½	5½	4½	4½	19,0	8
2	Haukar b		*	2½	5	4			4½	16,0	6
3	KR a		3½	*			3½	4	3	14,0	7
4	Selfoss a		1		*	2		4	3½	10,5	4
5	TG a	1½	2		4	*	3			10,5	3
6	SR a	½		2½		3	*	3		9,0	2
7	SA b	1½		2	2		3	*		8,5	1
8	Hellir c	1½	1½	3	2½				*	8,5	1

Hér verður farið nokkrum orðum um hverja viðureign fyrir sig úr fyrri hlutanum :

TV-a – Hellir- c: 4,5-1,5

Bo.	3	TV a	Rtg	-	6	Hellir c	Rtg	4½:1½
3.1	GM	Galego Luis	2506	-		Magnusson Patrekur Maron	1872	1 - 0
3.2	IM	Johansson Jan	2450	-		Vigfusson Vigfus	2001	0 - 1
3.3	FM	Thorsteinsson Thorsteinn	2290	-		Frigge Paul Joseph	1826	1 - 0
3.4		Thorarinsson Pall A	2245	-		Kristinardottir Elsa Maria	1778	1 - 0
3.5	IM	Bjarnason Saevar	2216	-		Johannsdottir Johanna Bjorg	1655	½ - ½
3.6		Karlsson Bjorn-Ivar	2200	-		Jonatansson Sigurdur Freyr	0	1 - 0

 Þessi sigur var ekki eins auðveldur og tölurnar segja til um. Galego þurfti að hafa mikið fyrir því að sigra hinn efnilega Patrek Magnússon. Það tókst í löngu hróksendatafli sem lengi vel var ekkert nema steindautt jafntefli. Reynsla Galegos vó þungt í þessu sigri. Svíinn Jan Johansson var heillum horfinn í sinni skák og sá aldrei til sólar. Svíinn er mjög flughræddur og var alveg búinn eftir flugið yfir hafið þennan sama dag. Sævari tókst ekki að beygja hina efnilegu Jóhönnu Björgu Jóhannsdóttur. Það er ekkert grín að tefla við unglingana í dag. Verst er þó þegar þeir taka upp á því að tefla vel eins og Jóhanna gerði í þessari skák. Undirritaður átti auðveldan dag sem endaði með einfaldri fléttu og mannsvinningi. Páll innbyrti sinn vinning af sínu alkunna öryggi og sama átti við hjá Birni Ívar á 6. borði.

TG-a – TV-a: 1,5-4,5

Bo.	7	TG a	Rtg	-	3	TV a	Rtg	1½:4½
3.1		Jensson Einar Hjalti	2223	-	GM	Galego Luis	2506	0 - 1
3.2	WFM	Thorsteinsdottir Gudlaug	2156	-	IM	Johansson Jan	2450	0 - 1
3.3		Ragnarsson Johann	2157	-	FM	Thorsteinsson Thorsteinn	2290	½ - ½
3.4		Kristinsson Ogmundur	0	-	IM	Bjarnason Saevar	2216	0 - 1
3.5		Moller Baldur Helgi	2076	-		Karlsson Bjorn-Ivar	2200	0 - 1
3.6		Jonsson Bjorn	2028	-		Einarsson Einar Kristinn	2070	1 - 0

 Hér stóðu allir fyrir sínu nema undirritaður og Einar K. Einarsson sem var yfirspilaður. Ég lék snemma af mér peði og þurfti að berjast alla skákina fyrir því að halda henni sem tókst á endanum. Sigrarnir voru nokkuð öruggir og nú höfðu alþjóðlegu meistararnir okkar náð vopnum sínum og sigruðu báðir örugglega. Sama gilti um skákir Galegos og Björns Ívars.

TV-a – SA-b: 4,5-1,5

Bo.	3	TV a	Rtg	-	1	SA b	Rtg	4½:1½
2.1	GM	Galego Luis	2506	-		Sigurbjornsson Sigurjon	2101	1 - 0
2.2	IM	Johansson Jan	2450	-		Arnarson Sigurdur	2070	½ - ½
2.3	FM	Thorsteinsson Thorsteinn	2290	-		Halldorsson Hjorleifur	2007	1 - 0
2.4		Thorarinsson Pall A	2245	-		Eiriksson Sigurdur	1931	1 - 0
2.5	IM	Bjarnason Saevar	2216	-		Danielsson Sigurdur	2083	0 - 1
2.6		Karlsson Bjorn-Ivar	2200	-		Eymundsson Eymundur	0	1 - 0

  Í þessari viðureign gekk á ýmsu. Sævar fékk fljótt upp vinningsstöðu gegn Sigurði Daníelssyni og átti á einum stað í skákinn afgerandi leik sem hefði gert út um skákina. Það tækifæri fór forgörðum og í staðinn snérist taflið Sigurði í vil. Sævar þurfti að játa sig sigraðan skömmu síðar þannig að ekki byrjaði viðureignin vel. Svíinn lenti svo í miklum vandræðum og var auk þess í nokkru tímahraki. Já, þetta var undarleg viðureign. Ég sat hægra meginn við Jan og lenti í því tvisvar sinnum að að ýta á klukkuna hans (þegar ég var búinn að leika), þegar hann átti leik, en ég er örvhentur. Þetta má túlka sem svo að liðsstjórinn (ég) væri með þessu að aðstoða minn mann í tímahrakinu en svo var að sjálfsögðu ekki. Þetta gerði það að verkum að Jan fékk 1 mín. (2x30 sek.) í viðbótartíma sem reyndar kom ekki að sök þar sem þetta var snarlega lagfært af skákstjóranum. Ég hef aldrei lent í svona uppákomu áður en ég var svo einbeittur í minni skák að “autopiloten” tók alveg yfir í handahreyfingunum á klukkunni. Svíanum tókst á endanum að halda jafntefli og ég tefldi mína bestu skák, fórnaði 2 peðum í byrjuninni og yfirspilaði svo andstæðing minn án þess að hann fengi nokkra rönd við reist. Því verður að sjálfsögðu aldrei svarað hvort þetta “handafálm” mitt hafði áhrif á úrslit í skák Svíans en vissulega geta svona uppákomur truflað viðkomandi. Galego, Páll og Björn Ívar unnu allir sínar skákir mjög örugglega.

Tf Reykjanesbæjar - TV-a: 0,5-5,5

Bo.	2	SR a	Rtg	-	3	TV a	Rtg	½ :5½
4.1	IM	Jonsson Bjorgvin	2364	-	GM	Galego Luis	2484	0 - 1
4.2		Ingvason Johann	2098	-	IM	Johansson Jan	2447	0 - 1
4.3		Bergmann Haukur	2143	-	FM	Thorsteinsson Thorsteinn	2290	½ - ½
4.4		Jonatansson Helgi E	2070	-	IM	Bjarnason Saevar	2219	0 - 1
4.5		Sveinsson Jon Arni	0	-		Karlsson Bjorn-Ivar	2200	0 - 1
4.6		Olsen Agnar	0	-		Knutsson Larus	2113	0 - 1

   Hér unnum við okkar stærsta og öruggasta sigur. Galego reið á vaðið með svörtu og var fljótur að vinna Björgvin Jónsson. Þetta gaf tóninn og næstur að vinna var Sævar sem tefldi mjög vel í þessari umferð. Sjálfur var ég með svart og fékk erfitt tafl upp úr byrjuninni. Þegar miðtaflinu lauk og það stefndi í erfitt endatafl bauð ég jafntefli þar sem ég sá að við vorum með vinningsstöður á öllum hinum borðunum. Jafnteflisboði mínu var tekið og allt gekk eftir á hinum borðunum þar sem Jan, Björn Ívar og Lárus Knútsson (sem hafði komið inn á sem varamaður) innbyrtu allir sína vinninga án erfiðleika.

Árangur liðsmanna

Luis Galego                         4 / 4

Jan Johansson                  2,5 / 4

Þorsteinn Þorsteinsson        3 / 4

Páll Agnar Þórarinsson        2 / 2

Sævar Bjarnason              2,5 / 4

Björn Ívar Karlsson             4 / 4

Lárus Ari Knútsson              1 / 1

Einar Kr. Einarsson              0 / 1

  Ef litið er á árangur einstakra liðsmanna finnst mér árangur Björns Ívars standa upp úr.  Hann var með svart í öllum skákunum og innbyrti vinningana af fáheyrðu öryggi.  Galego sýndi líka mikið öryggi í sínum skákum.  Sama gildir um Pál Agnar.  Sjálfur get ég verið sáttur miðað við þær erfiðu stöður sem ég fékk með svörtu á móti Jóhanni Ragnarssyni og Hauki Bergmann. Lárus var með góða innkomu og það er gott að geta stólað á sterkan varamann. Báðir alþjóðlegu meistararnir fengu 2,5 vinninga af 4 sem var undir væntingum.  Bæði Jan og Sævar eru skákmenn sem hafa sýnt stórmeistaraárangur á ferli sínum þannig að ekkert vantar upp á hæfileika og getu.  Fyrir utan slysið á móti Sigurði Daníelssyni þá tefldi Sævar vel.  Svíinn átti hins vegar að gera miklu betur.

  Heilt yfir góður árangur hjá liðinu.  Það er góð blanda af ungum og efnilegum skákmönnum (Björn Ívar, Páll Agnar og Lárus) og svo okkur hinum sem eru reynslumeiri (Luis, Jan, Þorsteinn og Sævar). Nú þarf hver og einn að undirbúa sig vel fyrir átökin í vor þar sem við teflum við þær sveitir sem gera tilkall til þess að vinna deildina, þ.e. KR-a og Haukar-b.

 

Þorsteinn Þorsteinsson (liðsstjóri A-sveitar)

Bolvíkingar efstir á Íslandsmóti skákfélaga

Misjafnt gengi í 4 deild.

  Sveitum TV í 4. deild hefur gengið misjafnlega.

  Í fjórðu umferð keppti B-sveitin við Goðann og töpuðu 2,5 - 3,5, en sveitin þurfti að þola mikla blóðtöku eins og í 2 umferðinni, en leikar fóru þannig : Á fyrsta borði sigraði Einar K. 1-0, Sigurjón 1-0, Kjartan 0-1, Sverrir 0-1, Óli Árni 0-1 og Þórarinn 1/2 - 1/2.

  Gengi liðsmanna sveitarinnar hefur verið þannig : Lárus 1,5 af 2 skákum, Einar K. 2,5 af 3, Ægir Páll 1/2 af 1, Sigurjón 2 af 4, Kjartan 2 af 4, Sverrir 3 af 4, Kári S. 0 af 1, Óli Árni 2 af 3 og Þórarinn 1 af 2.  Alls 14,5 vinningar.

  C-sveitin líður auðvitað fyrir færslu af efstu borðum upp í B-sveitina og hefur þá sótt liðsmenn úr D-sveitinni, sem þá hefur stundum verið mönnuð 4 liðsmönnum.  Í dag tapaði C-sveitin fyrir Siglfirðingum 2-4.

  Úrslit urðu nánar þannig : Gauti 0-1, Ólafur Týr 1/2-1/2, Nökkvi 1/2-1/2, Stefán 1/2-1/2, Sindri 1/2-1/2, Are Bue 0-1.  Heildarvinningar 11.  Árangur einstakra manna :  Óli Árni 0 af 1, Þórarinn 1 af 2, Gauti 1,5 af 4, Ólafur Týr 1 af 4, Nökkvi 3 af 4, Stefán 2,5 af 4, Sindri 1,5 af 2 og Are Bue 0 af 2.

  D-sveitin (strákasveitin) tapaði stórt á móti Snæfellingum 1/2 - 5 1/2, en þeir gáfu reyndar á tveimur borðum (auð).  Úrslit urðu : Daði Steinn á 2 borði 0-1, Kristófer 1/2-1/2, Ólafur Freyr 0-1 og Valur Marvin 0-1.  Vinningar sveitarinnar eru 7,5, en þeir fengu 6 vinninga á móti Böllum, sem ekki mættu til leiks svo það er ekki talið með : Sindri Freyr 0 af 1, Are Bue 0 af 1, Daði Steinn 1/2 af 3, Kristófer 1 af 3, Ólafur Freyr 0 af 3 og Valur Marvin 0 af 3. 

Taflfélag Vestmannaeyja leiðir í 2. deild.

  Eftir fyrri hluta Íslandsmóts skákfélaga situr Taflfélag Vestmannaeyja í efsta sæti annarar deildar eftir stórsigur á A-sveit Reykjanesbæjar 5,5 - 0,5 í fjórðu umferðinni sem fram fór í dag í Rimaskóla.  Sveitin er því með 19 vinninga af 24 mögulegum.

  Úrslit urðu annars þessi : Galego sigraði Björgvin Jónsson á fyrsta borði 1-0, Jan Johansson 1-0, Þorsteinn Þorsteinsson 1/2-1/2, Sævar Bjarnason 1-0, Björn Ívar Karlsson 1-0 og Lárus Knútsson 1-0.  Sveitin leiðir því deildina eftir 4 umferðir af 7, en seinni hlutinn verður á Akureyri í byrjun mars og þá er stefnt að því að komast upp um deild.

  Galego og Björn Ívar sigruðu í öllum sínum 4 skákum.  Það gerði líka Páll Agnar sem vann báðar sínar skákir.  Vinningshlutfall hinna í efstu deild er : Jan 2,5 af 4, Þorsteinn 3 af 4, Sævar 2,5 af 4, Lárus 1 af 1 og Einar K 0 af 1.

B-sveitin í 6 sæti eftir þrjár umferðir.

  B-sveit félagsins situr í 6 sæti eftir þrjár umferðir.  Gengið hefur ekki verið alveg eins gott og vonast var til, en þá er bara að spíta í lófana.

  Í annarri umferð mættu þeir KR b sveit og töpuðu 2,5-3,5, Sigurjón tapaði á 1 borði, Kjartan tapaði líka á 2 borði, Sverrir sigraði á 3 borði, Kári tapaði á 4 borði, en Óli Árna vann á því fimmta og Þórarinn gerði jafntefli á því 6.

  Þessi umferð var erfið vegna manneklu.

  Í 3ju umferð lentu þeir á móti Víkingasveitinni A og urðu úrslit : Lárus 1/2-1/2, Einar K. 1/2-1/2, Ægir Páll 1/2-1/2, Sigurjón 0-1, Kjartan 1-0 og Sverrir 1-0, samtals 3,5-2,5 sigur og þeir sitja nú í 6 sæti með 12 vinninga og á morgun lenda þeir á móti Skakfélaginu Goðanum.

  C-sveitin lenti í 2 umferð á móti Laugvetningum (UMFL) og gerðu 3-3 jafntefli, þegar allir unnu á svart !  Úrslit urðu : Gauti 1-0, Óli Týr 0-1, Nökkvi 1-0, Stefán G. 0-1, Sindri 1-0 og Are Bue 0-1.

  Í 3ju umferð áttum við í höggi við Skákfél. Vinjar og urðu úrslit þau : Óli Árni 0-1, Þórarinn 1/2-1/2, Gauti 0-1, Óli Týr 0-1, Nökkvi 1/2-1/2 og Stefán 1-0.  Úrslit því tap 2-4 og er sveitin komin með 9 vinninga og er í 16-18 sæti og mætir næst Siglfirðingum.

  D-sveitin hefur marga fjöruna sopið og í 2 umferð lentu þeir í Sauðkræklingum og töpuðu á öllum fjórum borðunum, en þeir mönnuðu reyndar bara borð 2-5, þeir Daði Steinn, Kristófer, Ólafur Freyr og Valur.

  Í þriðju umferðinni mættu þeir Víkingasveitinni B og töpuðu 1-5 þannig : Sindri Freyr 0-1, Are Bue 0-1, Daði Steinn 1/2-1/2, Kristófer 1/2-1/2, Ólafur Freyr 0-1 og Valur 0-1.  Sveitin hefur 7 vinninga og situr í 22 sæti.

A-sveitin leiðir í 2. deild !

  Eftir þrjár umferðir leiðir A-sveit Taflfélags Vestmannaeyja í 2 deild.

  Þeir hafa unnið alla þrjá andstæðinga sína 41/2 - 1/2 !

  Í annarri umferð kepptu okkar menn á móti Garðabæ A og úrslit urðu sem hér segir:  Galego 1-0, Jan 1-0, Þorsteinn 1/2-1/2, Sævar 1-0, Björn 1-0 og Einar K. 0-1.  Sveitin blæddi fyrir að bæði Páll Agnar og Lárus voru fjarverandi í þessari umferð.

  Í þriðju umferð voru andstæðingar okkar Akureyri B og úrslit urðu: Galego 1-0, Jan 1/2-1/2, Þorsteinn 1-0, Páll Agnar 1-0, Sævar 0-1 og Björn 1-0.  Galego hefur 3/3, Björn 3/3 og Páll 2/2, Þorsteinn 2,5/3, Jan 1,5/3, Sævar 1,5/3 og Einar K 0/1.

  Á morgun mætum við Reykjanesbæ A og það verður barist til síðasta blóðdropa !

Stórsigur á UMSB 6-0.

  B-sveit okkar byrjaði vel gegn UMSB með stórsigri 6-0 í fyrstu umferð Íslandsmóts skákfélaga.

  B-sveitin er skipuð þeim Lárusi Knútssyni, Einari K. Einarssyni, Sigurjóni Þorkelssyni, Kjartani Guðmundssyni, Sverri Unnarssyni og Óla Árna Vilhjálmssyni.

  Á meðan sigraði C-sveitin Skákdeild Akureyrar D 4-2.  C-sveitin er skipuð þeim Þórarni I Ólafssyni (1/2), Karli Gauta Hjaltasyni (1/2), Andra Val Hrólfssyni (1/2), Ólaf Tý Guðjónssyni (1/2), Nökkva Sverrissyni (1) og Stefáni Gíslasyni (1).

  D-sveitin var í gær skipuð þeim Sindra Frey Guðjónssyni, Are Aune Bue, Daða Stein Jónssyni, Kristófer Gautasyni, Ólafi Freyr Ólafssyni og Val Marvin Pálssyni.

  Þá eru ýmsir varamenn ónefndir.