Tveir Eyjapeyjar á Norðurlandamót í Svíþjóð.

  Nú um helgina fer fram Norðurlandamót ungmenna í skák í Vesterás í Svíþjóð.  Keppendur eru frá öllum 6 norðurlöndunum að Færeyjum meðtöldum.  Keppt er í 5 aldursflokkum, allt frá 10 ára og yngri og upp í 18 ára og yngri.  Mótið hefst á fimmtudagsmorgun og verða tvær umferðir á dag til laugardagskvölds.

  Frá Íslandi fara 10 keppendur og þar af eru tveir frá Vestmannaeyjum, Róbert Aron Eysteinsson í yngsta flokki fd. 1999 og yngri og Kristófer Gautason í flokki 1997 og yngri.

  Undanfarin ár hafa Vestmannaeyingar átt einn til tvo keppendur á þessu móti, í fyrra fór Nökkvi Sverrisson til Færeyja og árið þar áður keppti Kristófer í Danmörku og árið 2007 hér í Reykjavík kepptu þeir báðir, Nökkvi og Kristófer.  Róbert er því nýr fulltrúi okkar hér í Eyjum og reyndar eru nokkrir aðrir strákar skammt frá því að komast á þetta mót.

  Hér á síðunni mun ég reyna að segja frá gangi mótsins og sérstaklega gangi okkar stráka úr Eyjum.

KGH

Skákþing Vestmannaeyja - lokaumferð

 Í kvöld fór 9. umferð Skákþingsins, sem jafnframt var lokaumferðin.

Formaðurinn stýrði hvítu mönnunum gegn Birni, ,,hinum unga". Gauti beitti óhefðbundnu afbrigði gegn Sikileyjarvörn Björns. Fljótlega tók staðan á sig mynd franskrar varnar þar sem hvítur leitaði færa á kóngsvæng en svartur á drottningarvæng. Þegar Gauti var kominn í hörkusókn urðu honum á mistök í útreikningi og Björn vann peð og náði um leið að verjast atlögum hvíts. Þegar ljóst var að svartur var að ná vinnandi yfirburðum fórnaði Gauti drottningu, 2 hrókum og manni, sem gekk því miður ekki upp, og varð að játa sig sigraðan. Að skákinni lokinni lét hann svo þau fleygu orð falla að annaðhvort ,,gerir maður þetta með stæl eða sleppir því".

Einar hafði hvítt á Sigurjón og tefldist Caro-Kann. Einar beitti Panov-árásinni sem einkennist af drápi á d5 í 3. leik og svo 4. c4. Hann fékk fljótlega mun rýmri og þægilegri stöðu og pressaði stíft að veikri peðastöðu Sigurjóns. Með hárréttum uppskiptum og tókst honum að auka pressuna og beindi nú spjótum sínum að kóngi svarts. Fátt var um varnir en Sigurjón þræddi lengi hárfína línu til þess að bjarga kóngsstöðunni og skákinni. Undir lokin fann Einar bráðskemmtilega drottningarfórn sem leiddi til óverjandi máts og þá gafst Sigurjón upp. Virkilega vel teflt hjá Einari.

Róbert hafði hvítt á Nökkva, sem beitti Najdorf-afbrigði Sikileyjarvarnar. Svartur hóf snemma mikla útþennslustefnu á miðborðinu og þurfti Róbert að grípa til róttækra aðgerða til þess að bjarga liðsafla sínum. Hann fórnaði manni með von um að vinna hann til baka en Nökkvi lumaði á stórhættulegu banaráði sem vann drottningu hvíts og neyddi Róbert til að gefast upp.

Daði Steinn hafði hvítt á Stefán sem tefldi franska vörn. Upp kom óvenjuleg staða snemma þegar Stefán forðaðist jafna, og samhverfa peðastöðu, með drápi á d5 með drottningu. Daði hafði rýmra tafl en missti þráðinn í miðtaflinu og Stefán vann peð. Hvítur hafði mótspilsmöguleika vegna veikleika svarts á svörtu reitunum og gloppóttrar kóngstöðu. Stefán óð upp með a-peð sitt en Daða Stein varðaði lítið um það og treysti á sókn gegn kóngi svarts með hrók, biskup, h-peð og sinn eigin kóng! Þegar kóngur hvíts var kominn alla leið á f8 og svartur í þann mund að vekja upp drottningu varð keppendum ljóst að hvítur átti gangandi þráskák og þá slíðruðu þeir sverð sín. Hörkuspennandi skák.

Þórarinn Ingi hafði hvítt á Sverri sem tefldi Najdorf-afbrigðið. Þórarinn valdi sjaldgæfa leið með 7. Df3 og Sverrir jafnaði fljótt taflið. Svartur fann svo skemmtilega leið til þess að opna miðborðið með Rb4 og d5! og fékk mun betra tafl. Sverrir vann svo fljótlega peð og með slæma peðastöðu og litla möguleika á jafntefli varð Þórarinn að gefast upp. Markviss og góð skák hjá Sverri.

Kristófer hafði hvítt á Sigurð, sem beitti Philidor-vörn. Kristófer fékk snemma rýmri og betri stöðu og vann fljótlega peð. Hann skipti svo upp á svartreitabiskup sínum fyrir riddara og missti þá aðeins tökin á svörtu reitunum á miðborðinu. Sigurður nýtti sér það til gagnfæra og vann peðið til baka. Þá kom upp endatafl sem sennilega var betra á hvítt en keppendur ákváðu að taka enga áhættu og sömdu um jafntefli.

Lárus og Eyþór voru báðir veikir í kvöld og sömdu um jafntefli í skák sinni án taflmennsku.

Þar með er enn einu Skákþinginu lokið. Björn Ívar varð skákmeistari Vestmannaeyja 2010, nokkuð örugglega, með 8,5 vinning af 9. Nökkvi skaust upp í 2. sætið með sigrinum í kvöld og Sigurjón verður að láta sér 3. sætið nægja. Athygli vekur árangur Stefáns, en hann græðir 51 stig í mótinu, og er á mikilli siglingu þessa dagana! Menn mótsins eru þó ótvírætt ungu mennirnir, Nökkvi, Daði Steinn, Kristófer, Sigurður og Róbert, sem allir stóðu sig vel og eru í miklum stigagróða.

- BÍK

úrslit 9. umferðar:

 

Bo.	Name	Pts	Res.	Pts	Name
1	Karl Gauti Hjaltason	3½	0  -  1	7½	Bjorn-Ivar Karlsson
2	Einar Gudlaugsson	4½	1  -  0	6	Sigurjon Thorkelsson
3	Robert Aron Eysteinsson	3½	0  -  1	5	Nokkvi Sverrisson
4	Dadi Steinn Jonsson	4	½  -  ½	4½	Stefan Gislason
5	Thorarinn I Olafsson	4	0  -  1	4	Sverrir Unnarsson
6	Kristofer Gautason	3½	½  -  ½	3½	Sigurdur A Magnusson
7	Larus Gardar Long	2	½  -  ½	1	Eythor Dadi Kjartansson
	Jorgen Freyr Olafsson	2	1  -  -		Bye

lokastaðan

 

Rank	Name	Rtg	Pts	BH.
1	Bjorn-Ivar Karlsson	2175	8½	42½
2	Nokkvi Sverrisson	1750	6	46
3	Sigurjon Thorkelsson	1885	6	45
4	Einar Gudlaugsson	1820	5½	45½
5	Sverrir Unnarsson	1880	5	46½
6	Stefan Gislason	1650	5	44½
7	Dadi Steinn Jonsson	1550	4½	44½
8	Thorarinn I Olafsson	1640	4	45½
9	Kristofer Gautason	1540	4	44½
10	Sigurdur A Magnusson	1290	4	35½
11	Karl Gauti Hjaltason	1560	3½	44
12	Robert Aron Eysteinsson	1315	3½	37½
13	Jorgen Freyr Olafsson	1110	3	33½
14	Olafur Tyr Gudjonsson	1650	2½	35
15	Larus Gardar Long	1125	2½	34½
16	Eythor Dadi Kjartansson	1275	1½	31½
17	David Mar Johannesson	1185	0	32½

mótið á chess-result

Róbert vann sunnudagsmótið.

   Fjórir mættu á sunnudagsmótið í dag og telfdu allir við alla tvær skákir.  Róbert vann alla, nema Lárus náði að snúa á hann í fyrri skákinni.  Lárus féll svo á tíma á móti stelpunum í annari skákinni, en Hafdís vann Auðbjörgu.

Úrslit þessi :
1.  Róbert  5 vinn. (50 stig)
2-3.  Lárus Garðar 3 vinn. (44)
2-3.  Hafdís    3 vinn. (44)
4.  Auðbjörg  1 vinn. (38)

Staðan í mótaröðinni eftir 6 mót, 14. febr.:
1.  Lárus Garðar Long 270 stig (42-46-48-42-48-44)
2.   Hafdís Magnúsdóttir   228 stig (38-30-38-30-48-44)
3.   Róbert A. Eysteinsson 192 (48-46-x-48-x-50)
4.   Sigurður A Magnússon 142 ( 48-46-x-48-xx)
5.  Jörgen Freyr Ólafsson 122 stig (x-38-48-36-xx)
6.  Eyþór Daði Kjartansson 78 stig (xxx-36-42-x)
7.  Auðbjörg Sigþórsd.  74 stig (xxxx-36-38)
8.  Davíð Már Jóhannesson 42 stig (xx-42-xxx)
9.  Indíana Guðný Kristinsd. 36 stig (xxxx-36-x)
10-11. Kristín Auður Stefánsdóttur  34 stig (xx-34-xxx)
10-11. Daníel Már Sigmarsson 34 stig (x-34-xxxx)
12-13. Viktoría Ágústa  30 stig (xx-30-xxx)
12-13. Sigga Magga    30 stig (xxxx-30-x)
14. Þórður Yngvi Sigursveinsson 28 stig (xxx-28-xx)
15. Guðlaugur G. Guðmundsson 26 stig (xxx-26-xx).

Björn Ívar Skákmeistari Vestmannaeyja 2010.

  8. umferð Skákþings Vestmannaeyja fór fram í gærkvöldi. Tefld var heil umferð þar sem fram fóru margar hörkuskemmtilegar skákir

  Daði Steinn hafði hvítt á Björn Ívar og tefldist Sikileyjarvörn skv. forskrift. Björn ákvað að fórna peði snemma í byrjuninni en hafði þó ekki fulla trú á fórninni, sennilega þar sem hann er í eðli sínu frekar ,,materíalískur" - eins og það útleggst á slæmri íslensku. Hann fékk þó mjög góð færi fyrir peðið og ákvað að fórna skiptamun í kjölfarið. Hann hefði Daði Steinn sennilega ekki átt að taka ef marka má niðurstöður ,,sílíkongellunnar" Rybku. Kóngur hvíts hraktist út á borðið þar sem svartur fékk mikil sóknarfæri og þegar Daði Steinn var óverjandi mát í 4 leikjum gafst hann upp.

  Sigurjón hafði hvítt á Þórarin Inga, sem tefldi skandinavíska leikinn. Sigurjón fékk mjög rúma stöðu og töluvert frumkvæði þar sem drottning svarts lenti í vandræðum. Það er eitt af því sem svartur verður að vara sig á þegar hann teflir 3...Dd6 - afbrigðið. Drottningin endaði svo á a7 ef ég man rétt og Sigurjón innbyrti sigurinn svo af öryggi skömmu síðar.

  Nökkvi hafði hvítt á Kristófer, sem tefldi Petroffs-vörn. Nökkvi fékk aðeins rýmri stöðu út úr byrjuninni og hefði getað unnið mann mjög snemma en missti af því. Hann fór svo í röng uppskipti og eftir það var Kristófer sennilega kominn með betra tafl.  Kristófer jók svo yfirburði sína smátt og smátt en úrvinnsla í unnu hróksendatafli vafðist fyrir honum og Nökkvi náði jafntefli með mikilli seiglu.

  Stefán hafði hvítt á Sverri í skák umferðarinnar. Upp kom rólyndisleg drottningarpeðsbyrjun sem Stefán tefldi nokkuð óvenjulega. Í miðtaflinu gaf Sverrir honum færi á að fórna manni á h6 sem Stefán gerði umhugsunarlaust, en það má geta þess að Stefán þrífst á flækjum. Fórnin leiddi til óljósrar stöðu þar sem Sverrir hefði sennilega getað þvingað fram jafntefli. Hann tefldi áfram og Stefán vann manninn til baka og stóð uppi með mun betri stöðu sem hann vann af öryggi.  Góð skák hjá Stebba.

  Einar hafði hvítt á Gauta og tefldu þeir Steinitz-afbrigðið í spánska leiknum. Einar fékk snemma mikið rými fyrir mennina sína og Gauti var þvingaður í mjög passíva vörn. Snemma varð ljóst að eitthvað varð undan að láta hjá Gauta og Einar sigldi sigrinum í höfn af öryggi.

  Róbert hafði hvítt á Lárus og tefldu þeir Petroffs-vörn. Lárus hirti eitrað peð á miðborðinu sem leiddi til þess að kóngurinn hans sat fastur á upphafsreit sínum og erfitt var fyrir svartan að koma mönnunum út. Róbert jók yfirburði sína og þá kom að því að Lárus lék af sér hrók og skákinni skömmu síðar. Öruggur sigur.

  Sigurður hafði hvítt á Jörgen, sem tefldi Tarrasch-afbrigðið gegn drottningarpeðsbyrjun. Sigurður fékk fljótlega betri stöðu og eftir drottningarflakk Jörgens lenti frúin fljótlega í vandræðum. Hún sat svo föst og var þá ljóst að svartur varð að gefa hana fyrir ekki meira en mann. Jörgen gafst þá upp.

  Eftir úrslit 8. umferðar er ljóst að Björn Ívar er búinn að tryggja sér sigurinn í mótinu, þar sem hann hefur 1,5 vinnings forskot á Sigurjón sem kemur næstur.  Lokaumferðin fer svo fram á sunnudagskvöld kl. 19:30 og eru áhorfendur velkomnir eins og alltaf.

- BÍK

Úrslit 8. umferðar.

Bo.	Name	Pts	Res.	Pts	Name
1	Daði Steinn Jónsson	4	0  -  1	6½	Björn Ívar Karlsson
2	Sigurjón Þorkelsson	5	1  -  0	4	Þórarinn I Ólafsson
3	Nökkvi Sverrisson	4½	½  -  ½	3	Kristófer Gautason
4	Stefán Gíslason	3½	1  -  0	4	Sverrir Unnarsson
5	Einar Guðlaugsson	3½	1  -  0	3½	Karl Gauti Hjaltason
6	Róbert Aron Eysteinsson	2½	1  -  0	2	Lárus Garðar Long
7	Sigurður A Magnússon	2½	1  -  0	2	Jörgen Freyr Ólafsson
	Eyþór Daði Kjartansson	0	1  -  -		Skotta

Staðan eftir 8. umferðir:

Rank	Name	Rtg	Pts	BH.
1	Björn Ívar Karlsson	2175	7½	34½
2	Sigurjón Þorkelsson	1885	6	35
3	Nökkvi Sverrisson	1750	5	37
4	Stefán Gíslason	1650	4½	35½
5	Einar Guðlaugsson	1820	4½	35
6	Sverrir Unnarsson	1880	4	38
7	Þórarinn I Ólafsson	1640	4	36½
8	Daði Steinn Jónsson	1550	4	35½
9	Kristófer Gautason	1540	3½	35½
10	Karl Gauti Hjaltason	1560	3½	31
11	Róbert Aron Eysteinsson	1315	3½	29½
12	Sigurður A Magnússon	1290	3½	28½
13	Ólafur Týr Guðjónsson	1650	2½	27
14	Lárus Garðar Long	1125	2	28
15	Jörgen Freyr Ólafsson	1110	2	26½
16	Eyþór Daði Kjartansson	1275	1	26
17	Davið Már Jóhannesson	1185	0	25

Pörun 9. umferðar - sunnudaginn 14. febrúar kl. 19:30 :

Bo.	Name	Pts	Res.	Pts	Name	SNo.
1	Karl Gauti Hjaltason	3½		7½	Björn Ívar Karlsson	1
2	Einar Guðlaugsson	4½		6	Sigurjón Þorkelsson	2
3	Róbert Aron Eysteinsson	3½		5	Nökkvi Sverrisson	5
4	Daði Steinn Jónsson	4		4½	Stefán Gíslason	7
5	Þórarinn I Ólafsson	4		4	Sverrir Unnarsson	3
6	Kristófer Gautason	3½		3½	Sigurður A Magnússon	13
7	Lárus Garðar Long	2		1	Eyþór Daði Kjartansson	17
	Jörgen Freyr Ólafsson	2			Skotta

mótið á chess-result

Skákþing Vestmannaeyja - pörun 8. umferðar

Í kvöld var tefld síðasta skák 7. umferðar. Nökkvi sigraði Stefán og fór með því upp í 3. sætið. Fyrirhuguð var skák milli Óla Týs og Daða Steins en Óli gaf skákina. Daði Steinn er því kominn í 6. sætið.

Áttunda og næstsíðasta umferðin verður teld á fimmtudagskvöld kl. 19:30 

staðan eftir 7. umferð

Rank	Name	Rtg	Pts	BH.
1	Bjorn-Ivar Karlsson	2175	6½	27
2	Sigurjon Thorkelsson	1885	5	28½
3	Nokkvi Sverrisson	1750	4½	28½
4	Sverrir Unnarsson	1880	4	29
5	Thorarinn I Olafsson	1640	4	26
6	Dadi Steinn Jonsson	1550	4	25½
7	Einar Gudlaugsson	1820	3½	28½
8	Stefan Gislason	1650	3½	27½
9	Karl Gauti Hjaltason	1560	3½	23½
10	Kristofer Gautason	1540	3	27
11	Robert Aron Eysteinsson	1315	2½	22½
12	Sigurdur A Magnusson	1290	2½	21½
13	Olafur Tyr Gudjonsson	1650	2½	21
14	Jorgen Freyr Olafsson	1110	2	21½
15	Larus Gardar Long	1125	2	20½
16	Eythor Dadi Kjartansson	1275	0	19½
17	David Mar Johannesson	1185	0	19

pörun 8. umferðar

Bo.	Name	Pts	Res.	Pts	Name
1	Dadi Steinn Jonsson	4		6½	Bjorn-Ivar Karlsson
2	Sigurjon Thorkelsson	5		4	Thorarinn I Olafsson
3	Nokkvi Sverrisson	4½		3	Kristofer Gautason
4	Stefan Gislason	3½		4	Sverrir Unnarsson
5	Einar Gudlaugsson	3½		3½	Karl Gauti Hjaltason
6	Robert Aron Eysteinsson	2½		2	Larus Gardar Long
7	Sigurdur A Magnusson	2½		2	Jorgen Freyr Olafsson
	Eythor Dadi Kjartansson	0			Bye

 

mótið á chess-result

Hugrenningar ,,hins unga" um Suðurlandsmótið

Í gær lauk Suðurlandsmeistaramótinu, sem í ár var haldið á Laugarvatni. Keppendur gistu á ,,Laugarvatn hostel", sem er prýðilegt gistiheimili staðsett í gamla pósthúsinu. Teflt var í sal hússins sem hýsti áður fyrr þá íbúa á svæðinu sem þurftu að hafa samskipti við umheiminn, hvort sem það var með bréfarskriftum eða símhringingum. Húsráðendur, hjónin Gunnar og Jóna, bjuggu vel að keppendum og eiga hrós skilið fyrir vinalega þjónustu á þessum skemmtilega stað.

Gengi Eyjamanna var til fyrirmyndar. Lokastaðan í mótinu ber þess vel merki þar sem þrír meðlimir TV röðuðu sér í efstu sætin - Björn Ívar, Þorsteinn og Sævar. Björn Ívar stóð að lokum uppi sem sigurverari eftir einvígi við Þorstein. Sverrir stóð sig einnig með mikilli prýði og lenti í 3. sæti í keppninni um Suðurlandsmeistaratitilinn, 6. sæti í heildina, en var í raun óheppinn með pörun í síðustu umferð eftir að hafa verið jafn 4 öðrum í efsta sæti eftir 6. umferð.

Ungu mennirnir stóðu sig vel. Nökkvi og Daði Steinn hlutu 3,5 vinning og skipuðu sér í 2. og 3. sætið í baráttunni um unglingaverðlaunin þar sem Nökkvi tók 2. sætið á stigum. Nökkvi var í raun óheppinn að fá ekki 4,5 vinning en yfirsjón í lokaumferðinni girti fyrir það. Róbert og Sigurður hlutu eldskírn sína á mótum sem þessu og mega vera ánægðir með árangurinn og vonandi nokkur skákstig í sarpinn.

Að öllum ólöstuðum vakti framganga Stefáns Gíslasonar mikla athygli en hann var með 3,5 vinning eftir 6 umferðir og átti möguleika á skiptu verðlaunasæti með sigri í síðustu umferð. Stefán fær mjög skemmtilegar og frumlegar hugmyndir við skákborðið og er vanur að lyfta skákmótahaldi á hærra stig með taflmennsku sinni. Hann gladdi hjörtu Eyjamanna, eins og ávallt, með sögum sínum og orðheppni í athyglisverðustu aðstæðum. Hrifning formannsins var svo mikil að hann fór fram á það að spakmæli Stefán yrðu skráð og gefin út! Hér læt ég fylgja nokkra af þeim gullmolum sem spruttu fram á varir Stefáns þegar best lét. Lesendur verða þó að gera sér grein fyrir að flest var sagt meira í gamni heldur en í alvöru.

,,Litlir leikir eru yfirleitt bestir!"

,,Staðan var svo traust að hún hélt allan tímann. Hún var eins og SS-hermenn, stóð þarna og starði." - Ummæli sem féllu eftir trausta taflmennsku Magnúsar varaforseta í tvískák.

,,Ég sé ekki einu sinni besta leikinn í þessu og hvað hef ég svo að gera í að tefla við sovéska skákskólann í fyrramálið?" - Átti að tefla við Grantas Grigorianis, miðaldra starfsmann Kjörís.

,,Þú verður að hafa 100% minni til þess að stúdera skák - og MUNA"

Magnús: ,,Stebbi, út með mennina!"
Stefán: ,,Útrásarvíkingana?"

,,Þú teflir aldrei betur en andstæðingurinn leyfir!"

,,Þú teflir aldrei betur en staðan leyfir!"

,,Þú teflir aldrei betur en þú sjálfur getur!"

,,2, 4, 6, 8, 10, 12 - þetta eru alltof mörg peð, þú mátt ekki vekja upp peð!"
 
 Að lokum ber að hrósa Magnúsi Matthíassyni fyrir gott skipulag á mótshaldinu. Hann stendur sig undantekningalaust vel í hlutverki þess sem stjórnar og vafalaust eru þar þýsku genin sem skína í gegn.

Ég þakka öllum fyrir góða skákmótahelgi!

- BÍK

Björn Ívar Karlsson Suðurlandsmeistari.

  Skákmenn í Vestmannaeyjum gerðu sér ferð upp á Laugarvatn um helgina til þátttöku í Suðurlandsmeistarmótinu í skák, sem þar fór fram.  Mótið var endurvakið í fyrra eftir áratuga hlé. Þá tókst ekki að færa titilinn til Eyja, en í ár tókst það heldur betur því Eyjamaðurinn knái, Björn Ívar Karlsson kom, sá og sigraði á mótinu.  Þeir félagar úr TV, Björn Ívar og Þorsteinn urðu efstir og jafnir með 5,5 vinninga af 7 mögulegum, en þar sem Þorsteinn er búsettur á höfuðborgarsvæðinu fór titilinn sjálfkrafa til Björns, en þeir tefldu þó um mótssigurinn í þremur stuttum skákum og hafði Björn Ívar betur 2-1.

  Árangur Eyjamanna var hreint stórkostlegur og röðuðu okkar menn sér í þrjú efstu sætin.

  Keppendur á mótinu voru 30 og er hér árangur efstu manna og Eyjamanna:

1.  Björn Ívar Karlsson  TV (2200)  5,5 vinn.
2.   Þorsteinn Þorsteinsson TV (2287) 5,5 vinn.
3.   Sævar Bjarnason TV (2195) 5 vinn.
4.   Þorvarður Ólafsson Haukar (2217) 5 vinn.
5.   Magnús Gunnarsson SSON (2107) 5 vinn.
6.   Sverrir Unnarsson TV (1958) 4,5 vinn.
11. Karl Gauti Hjaltason TV (1560) 4 vinn.
13. Aron Ellert Þorsteinsson TV (1819) 3,5 vinn.
14. Nökkvi Sverrisson TV (1784) 3,5 vinn.
15. Daði Steinn Jónsson TV (1540) 3,5 vinn.
17. Stefán Gislason TV (1625) 3,5 vinn.
19. Kristófer Gautason TV (1684) 3 vinn.
23. Þórarinn I. Ólafsson TV (1707) 3 vinn.
24. Sigurður A. Magnússon TV (1290) 3 vinn.
26. Róbert Aron Eysteinsson TV (1315) 2,5 vinn.

Suðurlandsmeistarinn.
1.  Björn Ívar Karlsson  TV (2200)  5,5 vinn.
2.   Magnús Gunnarsson SSON (2107) 5 vinn.
3.   Sverrir Unnarsson TV (1958) 4,5 vinn.

Stelpurnar stóðu sig vel.

  Í dag, sunnudag fór fram Íslandsmót grunnskólasveita stúlkna í Salaskóla í Kópavogi.  Úr Eyjum fór ein sveit stúlkna og stóðu þær sig bara dável, en þetta er í annað skipti sem þær keppa í móti uppi á landi.  Sveitin lenti í 8 sæti af 13 og endaði með 16 vinninga.

   Indíana Guðný Kristinsdóttir stóð sig afar vel og sigraði í 5 skákum sínum af 7, hún var nálægt því að hljóta borðaverðlaun en hún sigraði einmitt stúlkuna sem hlaut borðaverðlaunin, Honey Grace úr Engjaskóla.  Þá tefldi hún við nýkrýndan íslandsmeistara stúlkna, Sonju Maríu Friðriksdóttur úr Hjallaskóla og gerði sér lítið fyrir og sigraði glæsilega.

  Okkar sveit var skipuð:
  1 borð Thelma Lind Halldórsdóttir 3 vinninga
  2 borð Indíana Guðný Kristinsdóttir 5 vinninga
  3 borð Hafdís Magnúsdóttir  4 vinninga
  4 borð Auðbjörg Óskarsdóttir  4 vinninga
  Varamaður : Sigríður M. Sigþórsdóttir.

Árangur á móti einstökum skólum:
Skóli              1 borð 2 borð 3 borð 4 b. Alls vinn.
Snælandsskóli   1       1        1       1  =  4
Digranesskóli    1       1        1       1  =  4
Flataskóli          0       0        1       0  =  1
Rimaskóli A       0       1      1/2      1 =  2,5
Salaskóli A        0       0      1/2      1 =  1,5
Engjaskóli B      1      1        0        0 =   2
Hjallaskóli A      0      1        0        0  =  1

Borðaverðlaun:

• 1.       Borð  Hrund Hauksdóttir með 7/7  Rimaskóla
• 2.       Borð Honey Grace 5,5/7 Engjaskóla B
• 3.       Borð Rósa Róbertsdóttir 7/7 Engjaskóla B
• 4.       Borð Tara Sóley Mobee 7/7 Hjallaskóla

Úrslit urðu:

• 1.       Hjallaskóli A  22v
• 2.       Engjaskóli A 19,5 v
• 3.       Samsett sveit Rimaskóli B og Hólabrekkuskóli 19 v
• 4.       Engjaskóli B 18v
• 5.       Salaskóli A 17,5v
• 6.       Rimaskóli A 17v
• 7.       Flataskóli 17v
• 8.       Grunnskóli Vestmannaeyja 16v.
• 9.       Hjallaskóli B 14v
• 10.   Salaskóli C 11v
• 11.   Salaskóli B 10v
• 12.   Snælandsskóli 10v  
• 13.   Digranesskóli 4v

Fimm efstir á Suðurlandsmeistaramótinu fyrir síðustu umferð.

  Að venju er SKÁKEYJAN fyrst með fréttir héðan af Suðurlandsmeistaramótinu á Laugarvatni.

  Fyrir síðustu umferðina, sem fram fer árla í fyrramálið, eru hvorki fleiri né færri en fimm skákmenn efstir og jafnir með fjóra og hálfan vinning, en þetta eru eftirtaldir :

  Þorsteinn, Stone stone
  Altmeister Bjarnason
  Björn hinn ungi Ívar Karlsson
  Sverrir Grábjörninn svokallaði Unnarsson og
  Þorvarður "Loðfíllinn" Ólafsson.

  Í næstsíðustu umferð gerðu margir jafntefli, þ.á.m. Björn Ívar og Almeister Sævar, en Sverrir sigraði hinn viðkunnalega formann Hellis, Vigfús og Stone Stone vann Jungmeister Stoneson Aron Ellert.  Þorvarður og Magnús Gunn gerðu einnig jafntefli.

  Frægasta jafntefli umferðarinnar gerði hinn skreflangi mótsstjóri Magnús þegar hann neitaði að gefast upp og tefldi áfram, manni undir og nokkrum peðum í endatafli upp á 183 leiki og í restina náði hann að svæfa andstæðing sinn sem sofandi lék Magnús í patt, en þá var hann búinn að sofa í hálftíma.  Magnús er nú talinn með þrautseigustu skákmönnum sem uppi eru á 21 öldinni.

Altmeister Bjarnason leiðir Suðurlandsmótið.

  Þá er 5 umferðum lokið á Suðurlandsmótinu sem fram fer á Laugarvatni og leiðir hinn viðkunnanlegi Altmeister Sævar Bjarnason mótið sem stendur, en aðrir keppendur hafa færri vinninga.

  Keppendur voru rétt í þessu að snæða hjá hinni matgóðu Jónu svínakjöt ásamt ávöxtum í rjóma og súpu að hætti Laugvetninga.  Matsalurinn er reyndar staðsettur nokkurn spöl frá keppnisstað, en þangað leiddi hópinn hinn skreflangi mótsstjóri Magnús Matthíasson, þó að leiðsögn til baka væri af skornum skammti og ekki ljóst hvort einhverjir verði úti á leið til baka.

  En sem sagt hér er bæði gott og gaman að vera og munu fréttir af næstu umferð, sem er rétt að hefjast fyrst birtast á SKAKEYJUNNI að venju.