Góð umferð hjá íslendingunum.

  Þá er fimmta og næst síðustu umferð lokið hér á NM í Vesterås í Svíþjóð.  Alls komu 6,5 vinningar í hús, 5 sigrar, 3 jafntefli og tvö töp.  Reyndar áttust þeir við í E flokki Róbert og Jón Kristinn, svo það gat mest komið einn vinningur úr þeirri skák.
  Umferðin hófst kl. 9 að sænskum tíma eða kl. 8 að íslenskum tíma svo ég geri ráð fyrir að margir hafi vaknað snemma til að setja sig í stellingar til að fylgjast með gangi mála, því eins og venjulega verður SKÁKEYJAN fyrst með fréttirnar af gengi okkar krakka.  Mótherjar strákanna voru að þessu sinni tveir finnar, tveir danir og tveir norðmenn auk eins færeyings og í E flokki mætast þeir félagar Jón Kristinn og Róbert Aron.
  Glöggir lesendur SKÁKEYJUNNAR höfðu tekið eftir því að svo virtist sem Hjörvar ætti að keppa við Pål Hansen tvisvar í röð (það væri reyndar til að æra óstöðugann!) því hann átti að hafa unnið hann í fjórðu umferð í dag og fá hann svo aftur í 5 umferð á morgun, en það var ekki blessaður drengurinn hann Pål sem hann sigraði í dag heldur félagi hans Mads Hansen (þeir eru ekki frændur) sem þurfti að leggja niður vopn sín fyrir Hjörvari í dag, en aftur á móti lendir Pål í höndunum á Hjörvari í býtið á morgun.  SKÁKEYJAN biðst ekki velvirðingar á þessum mistökum, en villan kom upp í tölvukerfum útibús SKÁKEYJUNNAR í Svíþjóð.

Úrslit í fimmtu umferð :
A flokkur 1990-92
Daði Ómarsson ÍSL - Kim Räisänen FIN 1 - 0.
Vegar Koi Gandrud NOR - Sverrir Þorgeirsson ÍSL 1/2 - 1/2.
B-flokkur 1993-94
Pål Andreas Hansen NOR - Hjörvar Steinn Grétarsson ÍSL 0 - 1.
Patrekur Maron Magnússon ÍSL - Mads Hansen DAN 1/2 - 1/2.
C flokkur 1995-96
Peter Jordt DAN - Friðrik Þálfi Stefánsson ÍSL 0 - 1.
Heðin Gregersen FÆR - Dagur Andri Friðgeirsson ÍSL 1/2 - 1/2.
D flokkur 1997-98
Kristófer Gautason ÍSL - Egor Norlin SVÍ 0 - 1.
Jere Lindholm FIN - Jón Trausti Harðarson ÍSL 0 - 1.
E flokkur 1999 og yngri
Jón Kristinn Þorgeirsson ÍSL - Róbert Aron Eysteinsson ÍSL 1 - 0.

Staðan í liðakeppninni:
1.    Noregur   5 +  6,5  + 8  +  6  + 4   = 29,5 vinningar
2.    Finnland  3   +  8,5 + 8  + 6  + 3   = 28,5 vinningar
3.    Ísland    7 + 5 + 4,5 + 4,5 + 6,5 = 27,5 vinningar
4.    Svíþjóð   7,5 + 3,5 + 4  + 5,5 + 6   = 26,5 vinningar
5.    Danmörk 5,5 + 4,5 + 3,5 + 4 + 4   = 21,5 vinningar
6.    Færeyjar   2   + 2   +  2   + 4 + 6,5 = 16,5 vinningar

Eyjastrákarnir báðir búnir að vinna !

  Báðir eyjastrákarnir eru búnir að sigra í sínum skákum í 4 umferð og hafa því 2,5 vinning af 4 hér á NM í Vesterås í Svíþjóð.  Fyrst sigraði Róbert danann Benjamin Bråuner og stuttu síðar innbyrti Kristófer vinningi á móti Alfred Olsen frá færeyjum. Á morgun verða tefldar tvær síðustu umferðirnar.

  Hér í fréttinni fyrir neðan er svo gengi alls íslenska hópsins, en nú hafa 4 lokið sínum skákum.

D- flokkur 1997-98
Alfred Olsen FÆR - Kristófer Gautason ÍSL  0 - 1.
  Kristófer Gautason TV 2,5 vinn.

E- flokkur 1999 og yngri
Róbert Aron Eysteinsson ÍSL - Benjamin Bråuner DAN  1 - 0.
  Róbert Aron Eysteinsson  TV 2,5 vinn.

Fjórðu umferð lokið á NM.

  Þá er fjórðu umferð NM hér í Vesterås í Svíþjóð lokið.  Því miður komu ekki nógu margir vinningar í hús heldur einungis 4,5 eins og í morgun.  Íslendingarnir eru þó yfir 50% vinningshlutfall eða 21 vinning af 40.  Mótherjar íslendinganna voru að þessu sinni hvorki fleiri né færri en fjórir svíar, tveir danir, tveir norðmenn og tveir færeyingar, þ.á með hinn geðþekki íslandsvinur Tindskarð.

Úrslit í fjórðu umferð :
A flokkur 1990-92
Simon Hänninger SVÍ - Daði Ómarsson ÍS 1 - 0.
Nicolai Getz NOR - Sverrir Þorgeirsson ÍSL  1/2 - 1/2.
B-flokkur 1993-94
Hjörvar Steinn Grétarsson ÍSL - Mads Hansen DAN   1 - 0.
Heiðrekur Tindskarð Jacobsen FÆR - Patrekur Maron Magnússon ÍSL  0 - 1.
C flokkur 1995-96
Joar Öhlund SVÍ - Friðrik Þálfi Stefánsson ÍSL 1 - 0.
Linus Johansson SVÍ - Dagur Andri Friðgeirsson ÍSL  1 - 0.
D flokkur 1997-98
Alfred Olsen FÆR - Kristófer Gautason ÍSL  0 - 1.
Jonathan Bråuner DAN - Jón Trausti Harðarson ÍSL 1 - 0.
E flokkur 1999 og yngri
Kunal Bhatnagar SVÍ - Jón Kristinn Þorgeirsson ÍSL 1 - 0.
Róbert Aron Eysteinsson ÍSL - Benjamin Bråuner DAN  1 - 0.

Slakt í þriðju umferð á NM.

  Þá er þriðju umferð lokið hér á NM í Vesterås í Svíþjóð.  Einungis komu 4,5 vinningar í hús í morgun og er það slakasta umferðin hingað til og sú eina undir 50% vinningshlutfalli hingað til.  Í viðtali við SKÁKEYUNNA vildi fararstjóri hópsins, Björn Þorfinnsson ekkert láta hafa eftir sér og hvarf hann á Jensens Buffhus undan blaðamönnum.  Hann sagði þó í lokin að nú yrði bitið í skjaldarrendurnar og hefnt grimmilega í seinni umferð dagsins svo menn næðu nú einhverjum nætursvefni.

  Athygli vekur að mótherjar íslensku keppendanna eru meðal annarra hvorki fleiri né færri en fjórir Færeyingar, en auk þess eru tveir svíar, tveir finnar og sitthvor norðmaðurinn og daninn.

Úrslit í þriðju umferð :
A flokkur 1990-92
Daði Ómarsson ÍSL - Rasmus Janse SVÍ  1/2 - 1/2.
Rógvi Egilstoft Nielsen FÆR - Sverrir Þorgeirsson ÍSL  0 - 1.
B-flokkur 1993-94
Hjörvar Steinn Grétarsson ÍSL - Jonathan Westerberg SVÍ  1 - 0.
Patrekur Maron Magnússon ÍSL - Henri Torkkola FIN   0 - 1.
C flokkur 1995-96
Hedin Gregersen FÆR - Friðrik Þálfi Stefánsson ÍSL  0 - 1.
Dagur Andri Friðgeirsson ÍSL - Gregor Taube NOR  0 - 1.
D flokkur 1997-98
Jens Albert Ramsdal DAN - Kristófer Gautason ÍSL 1 - 0.
Jón Trausti Harðarson ÍSL - Högni Egilstoft Nielsen FÆR  0 - 1.
E flokkur 1999 og yngri
Dmitri Tumanov FIN - Jón Kristinn Þorgeirsson ÍSL 1 - 0.
Eli W. Finnson FÆR - Róbert Aron Eysteinsson ÍSL.  0 - 1.

Liðakeppnin:
1.    Noregur   5 +  6,5  + 8   = 19,5 vinningar
2-3. Ísland     7  +  5    + 4,5 = 16,5 vinningar
2-3. Finnland  3  + 8,5  + 8   = 16,5 vinningar
4.    Svíþjóð   7,5 + 3,5 + 4    = 15 vinningar
5.    Danmörk 5,5 + 4,5 + 3,5 = 13,5 vinningar
6.    Færeyjar   2   + 2   +  2   = 6 vinningar

Skák Róberts í fyrstu umferð valin skák dagsins.

  Á liðsstjórafundinum í kvöld fóru liðsstjórarnir, Björn og Stefán yfir atburði dagsins og fóru yfir það sem í vændum væri.

  Á fundinum útnefndu þeir skák dagsins og á þessum fyrsta degi NM var skák Róberts Arons Eysteinssonar Taflfélagi Vestmannaeyja fyrir valinu.  Töldu liðsstjórarnir að skákin sýndi vel þegar menn fylgja góðri hugmynd.  Í þeirri skák var Róbert með tapað tafl en sá þá fyrir sér patt nokkra leiki fram í tímann.

  Við óskum Róberti til hamingju með þetta, en hann er hér að keppa á sínu fyrsta alvöru móti.  Hér er svo staðan: 

  Hvítt (Martin Percivaldi DAN (1707 ELO)
  Svart (Róbert Eysteinsson ÍSL (1315)
  48 ... b4 !!!!  49 Bxb4 Bh7  50 Hh6  Bxf5+ !!! 51 Kxf5  Hf7+  52 Kg4  Hg7+  53 Kxh4  Hg4+  54 Kh3  Hg3+  o.s.frv. 1/2-1/2.

Fimm vinningar í hús í 2 umferð.

  Nú er annarri umferð hér á Norðurlandamóti ungmenna í skák í Vesterås lokið.  Allir hafa nú lokið sínum skákum.  Í þessari umferð náði Ísland að fá 5 vinninga eftir fljúgandi start í morgun. Ótrúlegustu skák umferðarinnar að þessu sinni átti Dagur Andri sem var kominn þremur peðum undir í endatafli, en náði með stórkostlegum hætti að snúa taflinu sér í vil og vinna.  Félagarnir, Kristófer og Jón Trausti í D flokki sömdu jafntefli eftir 14 leiki.

Úrslit í annarri umferð :
A flokkur 1990-92
Roope Kiuttu FIN - Daði Ómarsson ÍSL  1 - 0.
Sverrir Þorgeirsson ÍSL - Jakob Koba Risager DAN 1/2 - 1/2.
B-flokkur 1993-94
Björn Möller Oschner DAN - Hjörvar Steinn Grétarsson ÍSL 1 - 0.
Patrekur Maron Magnússon ÍSL - Benjamin Arvola NOR   1 - 0.
C flokkur 1995-96
Friðrik Þálfi Stefánsson ÍSL - Simon Ellegård Christensen DAN  1/2 - 1/2.
Joar Öhlund SVÍ - Dagur Andri Friðgeirsson ÍSL  0 - 1.
D flokkur 1997-98
Kristófer Gautason ÍSL - Jón Trausti Harðarson ÍSL  1/2 - 1/2.

E flokkur 1999 og yngri
Benjamin Bräuner DAN - Jón Kristinn Þorgeirsson ÍSL   0 - 1.
Róbert Aron Eysteinsson ÍSL.- Dmitri Tumanov FIN  0 - 1.

Liðakeppnin (samtals vinningar-óstaðfestar tölur)
1. Ísland   12 vinningar
2 Noregur 11,5 vinningar
3. Svíþjóð  11 vinningar.

Góð byrjun hjá Eyjastrákunum.

  Þeir byrjuðu vel á NM hér í Vesterås í Svíþjóð, eyjastrákarnir Kristófer og Róbert.

  Kristófer tefldi við finna og náði manni í miðtaflinu og innbyrti vinninginn af öryggi þrátt fyrir tilraunir finnans til sóknar gegn kóngi Kristófers með tveimur hrókum og drottningunni.  Eftir að Kristófer hafði styrkt vörnina gerði hann sig reiðubúinn til að hirða upp mannskap finnans sem sá sitt óvænna og játaði sig sigraðann í 28 leik.

  Róbert tefldi vel í fyrstu skák sinni á alvöru móti.  Hann telfdi við helstu von dana á mótinu Martin Percivaldi, sem er með 1707 Fide stig.  Róbert fékk fína stöðu upp úr byrjunni með svörtu mennina, en daninn náði svo alvarlegri máthótun sem Róbert þurfti að binda sína menn við um nokkurt skeið á meðan að daninn styrkti stöðu sína að öðru leyti.  Þegar svo virtist sem þetta væri bara úrvinnsluatriði hjá dananum, tók Róbert upp á því að fórna mönnum sínum hægri vinstri og náði síðan að skáka með sínum síðasta manni, hrók upp við kóng danans sem ekki mátti drepa, því þá var kóngur Róberts patt og því varð niðurstaðan jafntefli í 55 leikjum - Gott hjá okkar strákum.

  Næsta umferð hefst kl. 16 að sænskum tíma (15 að ísl.).

D flokkur 1997-98
Jere Lindholm FIN - Kristófer Gautason ÍSL  0 - 1.
E flokkur 1999 og yngri
Martin Percivaldi DAN - Róbert Aron Eysteinsson ÍSL. 1/2 - 1/2

7 vinningar af 10 í fyrstu umferð á NM.

  Í morgun kl. 10 að sænskum tíma (kl. 9 á Íslandi) hófst fyrsta umferð á Norðurlandamóti ungmenna í skák hér í Vesterås í Svíþjóð.  Gengi íslensku keppendanna var þrumugott og náðu þeir að landa 7 vinningum af 10.

Úrslit í fyrstu umferð :
A flokkur 1990-92
Daði Ómarsson ÍSL - Vegar Koi Gandrud NOR  1 - 0.
Sverrir Þorgeirsson ÍSL - Rasmus Janse SVÍ  1/2 - 1/2.
B-flokkur 1993-94
Heiðrekkur Tindskarð Jacobsen FÆR - Hjörvar Steinn Grétarsson ÍSL  0 - 1.
Jonathan Westerberg SVÍ - Patrekur Maron Magnússon ÍSL  1 - 0.
C flokkur 1995-96
Friðrik Þálfi Stefánsson ÍSL - Gregor Taube NOR   0 - 1.
Dagur Andri Friðgeirsson ÍSL - Stian Johansen NOR  1 - 0.
D flokkur 1997-98
Jere Lindholm FIN - Kristófer Gautason ÍSL  0 - 1.
Jón Trausti Harðarson ÍSL - Alfred Olsen FÆR  1 - 0.
E flokkur 1999 og yngri
Jón Kristinn Þorgeirsson ÍSL - Qiyu Zhou FIN   1 - 0.
Martin Percivaldi DAN - Róbert Aron Eysteinsson ÍSL. 1/2 - 1/2.

Hraðskákmót í kvöld

Í kvöld (fimmtudag) verður hraðskákmót og hefst það kl. 19:30.
Tefldar verða 7 umferðir með 5 mínútna umhugsunartíma.

Stjórn TV

Fyrsta umferð í fyrramálið.

  Í fyrramálið (fimmtudag) hefst fyrsta umferð á Norðurlandamóti ungmenna í skák hér í Vesterás í Svíþjóð,  Mótherjar íslensku keppendanna verða :

A flokkur 1990-92
Daði Ómarsson ÍSL - Rasmus Janse SVÍ
Sverrir Þorgeirsson ÍSL - Vegar Koi Gandrud NOR
B-flokkur 1993-94
Heiðrekkur Tindskarð Jacobsen FÆR - Hjörvar Steinn Grétarsson ÍSL
Jonathan Westerberg SVÍ - Patrekur Maron Magnússon ÍSL
C flokkur 1995-96
Friðrik Þálfi Stefánsson ÍSL - Gregor Taube NOR
Dagur Andri Friðgeirsson ÍSL - Stian Johansen NOR
D flokkur 1997-98
Jere Lindholm FIN - Kristófer Gautason ÍSL
Jón Trausti Harðarson ÍSL - Alfred Olsen FÆR
E flokkur 1999 og yngri
Jón Kristinn Þorgeirsson ÍSL - Qiyu Zhou FIN
Martin Percivaldi DAN - Róbert Aron Eysteinsson ÍSL.