Lárus enn efstur á sunnudagsmóti

Síðastliðinn sunnudag varð Lárus enn og aftur efstur og er með örugga forystu í mótaröðinni.

1. Lárus 4 vinninga (50 stig)
2-3. Hafdís Magnúsdóttir 1 vinningur ( 44 stig)
2-3. Máni Sverrisson 1 vinningur (44 stig)

   Næsta sunnudag verður ekkert mót vegna Íslandsmóts barnaskólasveita sem haldið verður í Smáranum í Kópavogi.

Staðan í mótaröðinni eftir 9 mót, 16. mars.:
1.  Lárus Garðar Long 378 stig (42-46-48-42-48-44-50-50-50)
2.   Hafdís Magnúsdóttir   318 stig (38-30-38-30-48-44-x-46-44)
3.   Róbert A. Eysteinsson 192 (48-46-x-48-x-50-xxx)
4.   Auðbjörg Óskarsdóttir 160 stig (xxxx-36-38-46-40-x)
5.   Sigurður A Magnússon 142 ( 48-46-x-48-xxxxx)
6.  Jörgen Freyr Ólafsson 122 stig (x-38-48-36-xxxxx)
7.  Eyþór Daði Kjartansson 78 stig (xxx-36-42-xxxx)
8.  Sigríður M. Sigþórsdóttir 70 stig (xxxx-30-xx-40-x)
9.  Máni Sverrisson  44 stig (xxxxxxxxx-44)
10.  Davíð Már Jóhannesson 42 stig (xx-42-xxxxxx)
11.  Indíana Guðný Kristinsd. 36 stig (xxxx-36-xxxx)
12-13. Kristín Auður Stefánsdóttur  34 stig (xx-34-xxxxxx)
12-13. Daníel Már Sigmarsson 34 stig (x-34-xxxxxxx)
14. Viktoría Ágústa  30 stig (xx-30-xxxxxx)
15. Þórður Yngvi Sigursveinsson 28 stig (xxx-28-xxxxx)
16. Guðlaugur G. Guðmundsson 26 stig (xxx-26-xxxxx)

Æfingar fyrir mótin framundan.

  Nú eru að hefjast daglegar æfingar fyrir íslandsmótin sem eru framundan.

  Allir þeir sem eru fæddir 1997 og yngri geta mætt og viljum við hvetja ykkur til að hringja í Karl Gauta 898 1067 til að fá frekari upplýsingar eða bara mæta.

Íslandsmót barnaskólasveita sunnudaginn 21 mars í Smáranum (f.d. 1997 og yngri)
Íslandsmót barna sunnudaginn 28 mars í Eyjum (1999 og yngri)

  Fyrstu æfingarnar opnar öllum :
  Mánudagur 15 mars kl. 18:00
  Þriðjudagur 16 mars kl. 17:00
  Miðvikudagur 17 mars kl. 17:00 og
  Fimmtudagur 18 mars kl. 19:30.

Vorum hársbreidd frá sigri.

   Eins og kunnugt er endaði a-sveit TV í öðru sæti á Íslandsmóti skákfélaga um helgina í skugga kæru Bolvíkinginga vegna Alexey Dreev sem tefldi á fyrsta borði okkar.

5. umferð

Okkur tókst hið ótrúlega að vinna Bolvíkinga, jafnvel þrátt fyrir að þeir væru stigahærri á 7 borðum af 8! Sú viðureign var þrungin spennu frá upphafi til enda og allan tímann voru margir áhorfendur yfir borðunum þar sem við tefldum. Við höfðum hist í hádeginu sama dag til að fara yfir viðureignina og þar var ákveðið að við þyrftum a.m.k. 3 vinninga á borði 1-5 og 1 vinning á borði 6-8 til að eiga möguleika gegn Bolvíkingum. Jafntefli var bannorð á fyrstu 5 borðunum en ákveðið var að í lagi væri að sættast jafntefli á neðstu þremur borðunum ef þau byðust þar sem okkar menn voru mun stigalægri þar.

 

Það liðu ekki nema 30 mínútur þar til stórmeistarinn Þröstur Þórhallsson bauð mér jafntefli á 6. borði og tók ég því. Ég sá reyndar eftir því þar sem ég var með betra tafl og gat teflt áfram án þess að taka áhættu. En minnugur þess hvað við lögðum með upp fyrir viðureignina sættist ég á jafntefli. Skák Dreevs og Baklan á fyrsta borði var lengi í járnum en Baklan bauð jafntefli sem Dreev þáði enda með skiptamun undir en þó með gott spil fyrir. Ég hafði það á tilfinningunni að Bolvíkingar væru hræddir við okkur eins og jafnteflisboð Þrastar gegn mér og Baklans gegn Dreev sýndu. Skák Natafs og Kuzubovs á öðru borði var í jafnvægi allan tímann og jafntefli var samið þegar komið var út í endatafl. Skák Helga og Miezis var dramatísk og Helgi var með betra allan tímann. Þráleikið var í stöðu sem Helgi var með unnið í en það var ekki auðfundinn vinningur. Helgi var ósáttur við jafnteflið eins og sönnum keppnismanni sæmir. Skák Maze og Jóhanns Hjartarsonar skipti nokkrum sinnum um eigendur en okkar maður vann á endanum í snúnu riddaraendatafli. Hinn ungi Svíi í liði okkar, Nils Grandelius, rúllaði Jóni L. Árnasyni upp í skemmtilegri skák en þetta var frumraun hans fyrir TV og vissulega lofar þessi 17 ára gamli Svíi góðu fyrir framtíðina. Páll Agnar fékk fljótt góða stöðu gegn Jóni Viktori og á einum stað gat hann einfaldað stöðuna til vinnings. Það tókst ekki og staðan leystist upp í jafntefli. Björn Ívar sá aldrei til sólar gegn Braga Þorfinnssyni og tapaði.

Borð	Titill	TV a	Stig	Titill	Bolungarvík a	Stig	4,5:3,5
1	GM	Dreev Alexey	2653	GM	Baklan Vladimir	2644	½ - ½
2	GM	Nataf Igor-Alexandre	2529	GM	Kuzubov Yuriy	2634	½ - ½
3	GM	Olafsson Helgi	2522	GM	Miezis Normunds	2558	½ - ½
4	GM	Maze Sebastien	2515	GM	Hjartarson Johann	2596	1 - 0
5	IM	Grandelius Nils	2496	GM	Arnason Jon L	2491	1 - 0
6		Thorarinsson Pall A	2253	IM	Gunnarsson Jon Viktor	2462	½ - ½
7	FM	Thorsteinsson Thorsteinn	2286	GM	Thorhallsson Throstur	2433	½ - ½
8		Karlsson Bjorn-Ivar	2200	IM	Thorfinnsson Bragi	2360	0 - 1

 

Frábær sigur 4,5-3,5 sem síðan var dæmdur af okkur þar sem kæra Bolvíkinga út af Dreev var tekin til greina. Þessi úrskurður fór illa í okkar liðsmenn sem höfðu barist til síðasta blóðdropa til að sigra Bolvíkinga. Ákveðið var að áfrýja úrskurðinum í þeirri von að honum yrði snúið okkur í vil enda töldum við okkur hafa öll gögn í málinu sem sönnuðu að Dreev gekk í TV sl. sumar.

6. umferð

Fyrir næstu umferð vorum við því annað hvort með 1,5 vinnings forskot á Bolvíkinga eða 0,5 vinnings forskot, allt eftir því hvort áfrýjun okkar í máli Dreevs yrði tekin til greina. Í þessari umferð mættum við sveit Hellis-b og unnum á endanum 6,5-1,5 sem voru viss vonbrigði. Dreev vann Omar Salami örugglega. Sama gilti um Nataf, Helga, Maze, Grandelius og Pál gegn sínum andstæðingum. Sjálfur varð ég að sætta mig við jafntefli gegn Sæbergi Sigurðssyni en ég varð að velja á milli jafnteflisleiðar eða að taka á mig mun verri stöðu. Sömu lögmál voru uppi á teningnum hjá Birni Ívari gegn Ögmundi Kristinssyni en Björn hafnaði þar jafnteflisboði, tók á sig verri stöðu og tapaði á endanum. Enn og aftur var vinningur Dreevs tekinn af okkur og því endaði viðureignin 5,5-1,5. Bolvíkingar unnu Hellismenn-a 7,5-0,5 í þessari umferð og skutust þar með upp fyrir okkur í fyrsta sætið.

 

Borð	Titill	Hellir b	Stig	Titill	TV a	Stig	1½:6½
1		Salama Omar	2272	GM	Dreev Alexey	2653	0 - 1
2		Halldorsson Bragi	2240	GM	Nataf Igor-Alexandre	2529	0 - 1
3		Kristinsson Baldur	2166	GM	Olafsson Helgi	2522	0 - 1
4		Loftsson Arnaldur	0	GM	Maze Sebastien	2515	0 - 1
5		Berg Runar	2129	IM	Grandelius Nils	2496	0 - 1
6		Bjornsson Gunnar	2123		Thorarinsson Pall A	2253	0 - 1
7		Sigurdsson Saeberg	2118	FM	Thorsteinsson Thorsteinn	2286	½ - ½
8		Kristinsson Ogmundur	0		Karlsson Bjorn-Ivar	2200	1 - 0

 7. umferð

Við urðum því að vinna stórt í síðustu umferðinni til að eiga möguleika á því að verða Íslandsmeistarar. Við tefldum við a-sveit Fjölnis og unnum með 6,5-1,5. Dreev og Nataf komust ekkert áleiðis gegn andstæðingum sínum. Helgi vann fjöruga skák gegn Faruk Tairi. Maze vann langt endatafl gegn Davíð Kjartanssyni með Hrók+Biskup á móti Hrók og var unun að horfa á þá úrvinnslu. Grandelius sigraði Færeyinginn Rogva Rasmussen örugglega. Páll Agnar komst ekkert áfram gegn jafnteflisvélinni Jóni Árna Halldórssyni. Mér tókst að hafa sigur á Bjarna Hjartarsyni í örlítið betra endatafli. Björn Ívar vann svo Sigríði Helgadóttur örugglega.

 

Borð	Titill	TV a	Stig	Titill	Fjölnir a	Stig	6½:1½
1	GM	Dreev Alexey	2653	GM	Steingrimsson Hedinn	2540	½ - ½
2	GM	Nataf Igor-Alexandre	2529	IM	Henrichs Thomas	2461	½ - ½
3	GM	Olafsson Helgi	2522		Tairi Faruk	2298	1 - 0
4	GM	Maze Sebastien	2515	FM	Kjartansson David	2303	1 - 0
5	IM	Grandelius Nils	2496		Rasmussen Rogvi W	2154	1 - 0
6		Thorarinsson Pall A	2253		Halldorsson Jon Arni	2202	½ - ½
7	FM	Thorsteinsson Thorsteinn	2286		Hjartarson Bjarni	2112	1 - 0
8		Karlsson Bjorn-Ivar	2200		Helgadottir Sigridur Bjorg	1711	1 - 0

 

Bolvíkingar unnu b-sveit Hellis 8-0 og enduðu þar með í efsta sæti. Ég hef reifað málsmeðferð mótstjórnarinnar og dómstóls Skáksambandsins á öðrum stað en þar vorum við órétti beittir. Þetta hafði niðurdrepandi áhrif á liðsmenn okkar og ég er þess fullviss að vinningarnir hefðu orðið fleiri ef þetta mál hefði ekki komið upp. Ljóst er að við höfum byggt upp lið sem getur sigrað deildakeppnina og það verður gert strax á næsta ári.

 Árangur einstakra liðsmanna TV-a

Titill	Nafn	Skákstig	Land	Vinningar	Skákir
GM	Dreev Alexey	2653	RUS	2	3
GM	Nataf Igor-Alexandre	2529	FRA	5	7
GM	Olafsson Helgi	2522	ISL	5,5	7
GM	Hoffmann Michael	2513	GER	2,5	4
GM	Maze Sebastien	2515	FRA	6,5	7
IM	Grandelius Nils	2496	SWE	3	3
	Thorarinsson Pall A	2253	ISL	4	7
FM	Thorsteinsson Thorsteinn	2286	ISL	5	7
	Karlsson Bjorn-Ivar	2200	ISL	3	7
	Bjornsson Bjorn Freyr	2166	ISL	1	2
IM	Bjarnason Saevar	2171	ISL	0,5	2

 ·         Dreev var þéttur og stóð fyrir sínu. Skákmaður af hæsta gæðaflokki
 ·         Það sama gildir um Nataf
 ·         Helgi stóð sig mjög vel og sýndi gamla og góða takta
 ·         Hoffmann sýndi minna en búast mátti við og var því settur út úr liðinu
 ·         Maze tefldi vel, af mikilli grimmd og uppskar vel
 ·         Grandelius er með 100%. Maður framtíðarinnar
 ·         Páll barðist vel. Góður liðsmaður sem stóð fyrir sínu
 ·         Ég tefldi ekki vel og uppskar meira en stöðurnar gáfu tilefni til
 ·         Björn Ívar brást alveg í seinni hlutanum en tefldi vel í þeim fyrri. Verður að tefla meira
 ·         Björn Freyr gerði nokkurn veginn það sem búast mátti við af honum
 ·         Sævar tefldi illa og uppskar samkvæmt því
Þorsteinn Þorsteinsson, liðsstjóri a-sveitarinnar

Silfur í 1 og 4 deild.

  Þá er íslandsmóti skákfélaga lokið.  Gengi okkar sveita var hreint ágætt.  B-sveit TV lenti í 2 sæti í 4 deild og keppir því í 3 deild að ári.  Auk þess lenti C-sveit félagsins í 4 sæti og vel hugsanlegt að þeir fari líka upp í 3 deild ef liðum verður fjölgað þar eins og hugmyndir eru uppi um.

  Árangur A-sveitarinnar.
  1 deild
  1. Taflfélag Bolungarvíkur, 39,5
 2. Taflfélag Vestmannaeyja, 36,5
  3. Taflfélag Reykjavíkur 32,5
  4. Haukar 31,5
  5. Taflfélagið Hellir 31,5
  6. Skákdeild Fjölnis 27
  7. Hellir b sveit 19
  8. Haukar b sveit 6,5

  Liðsmenn okkar í seinni hluta voru þessir í réttri röð og vinningar af 3 skákum fyrir aftan í sviga :
  Alexey Dreev (2653) (2 v), Igor Alexandre Nataf (2529) (2v), Helgi Ólafsson (2522) (2,5v), Sebastian Maze (2515) (3v), Niels Grandelius (2496) (3v), Páll Agnar Þórarinsson (2253) (2v), Þorsteinn Þorsteinsson (2286) (2v) og Björn Ívar Karlsson (2200) (1v).
  Sætasti sigurinn var þegar sveitin lagði Íslandsmeistara Bolvíkinga í 5 umferð 4,5 - 3,5 í æsispennandi viðureign og var í langan tíma ekki hægt að komast að borðunum svo mikill var áhorfendaskarinn.  Er óhætt að segja að Bolarnir hafi farið niður í logum og sigurinn síst of stór.

  Árangur B- og C- sveitarinnar.
  4 deild.
  1. Víkingaklúbburinn 29,5
 2. Taflfélag Vestmannaeyja b-sveit 28,5
  3. KR b sveit 28
 4. Taflfélag Vestmannaeyja c-sveit 27,5
  5. Goðinn 26
  6-32. Ýmis félög.

  Liðsmenn B- sveitar voru eftirtaldir (árangur í sviga):
Sævar Bjarnason (2161) (1 v), Lárus Knútsson (2088) (2v), Einar K. Einarsson (2065) (1,5v), Sigurjón Þorkelsson (2031) (2,5v), Kjartan Guðmundsson (1988) (2,5v) og Sverrir Unnarsson (1980) (2,5v).

 Liðsmenn C- sveitar voru eftirtaldir (árangur í sviga):
Árni Óli Vilhjálmsson (0,5v af 1), Nökkvi Sverrisson (1784) (2,5v), Aron Ellert Þorsteinsson (1821) (2v af 2), Páll Ammendrup (2v af 2), Páll Magnússon (1v af 2), Ólafur Hermannsson (1,5v af 2), Kristófer Gautason (1684) (3v) og Daði Steinn Jónsson (2v).

  Það sem helst markaði liðsstjórn c-sveitarinnar að þessu sinni var hinn mikli fjöldi liðsmanna sem þurfti að hvíla og vorum við oft með nægilegan efnivið í d-sveit.  Margir vildu tefla en komust ekki að og er nauðsynlegt að senda 4 sveitir í haust svo við getum leyft öllum okkar mönnum að tefla.  Þeim er þakkaður áhuginn og hvattir til að hafa samband í haust að nýju og skrá sig inn svo við þurfum ekki að lenda í því að þeir fái ekki að tefla sem vilja.  Gaman var að sjá marga nýliða í félaginu tefla og ekki síst hversu vel mönnum gekk í keppninni þrátt fyrir litla taflmennsku að undanförnu.

Pistill liðsstjóra A-liðs TV.

Skáksambandið fær falleinkunn.
  Eins og kunnugt er var Alexey Dreev (2650), liðsmaður Taflfélags Vestmannaeyinga, dæmdur ólöglegur í deildakeppninni. Við Eyjamenn vorum mjög ósáttir við þessa niðurstöðu þar sem haldbær gögn voru til um inngöngu hans í TV síðastliðið sumar. Staðfesting þess efnis var send í bréfi til Skáksambandsins síðasta sumar auk þess sem Helgi Árnason, formaður Fjölnis, staðfesti gjörninginn á sumarmánuðum en Dreev hafði verið félagsmaður í Fjölni. Þessi gögn eru öll til hjá Skáksambandinu og lágu fyrir í málinu. Miðað við gögn málsins verður það því að teljast mjög þröng túlkun að meta Dreev ólöglegan í TV.

  Annað mál sem tengist þessu máli óbeint er að liðsmaður Bolvíkinga var búinn að hafa aðgang að félagatali allra félaga í allan vetur. Þessi gögn hafa hingað til ekki verið opinber fyrir hin félögin. Undirritaður bað formlega um félagatal Bolvíkinga og fleiri félaga fyrir deildakeppnina í tölvupósti til Skáksambandsins, en ég hef enn ekki fengið svar við þeirri beiðni! Í þessu ljósi verður það að segjast að félögunum er klárlega mismunað um upplýsingar frá Skáksambandinu.

  Dreev var dæmdur ólöglegur þar sem það fórst fyrir að skrá hann á félagatal TV. Einhver hefði haldið að þrjú bréf til Skáksmabandins um inngöngu Dreev í TV hefðu átt að sanna það að hann væri fullgildur félagsmaður í TV og að það væri ígildi félagatals. Það er alkunna að félagatöl svo til allra skákfélaga í landinu eru ófullkomin en TV hefur reyndar sent þau skilvíslega inn á hverju ári.

  Ekkert virðist lagt upp úr því í reglum Skáksambandsins að staðfesting liggi fyrir hjá viðkomandi skákmanni og geta því félögin skráð hvern sem er í sitt félag án samþykkis viðkomandi. Staðfesting frá Dreev um inngögnu hans í TV lá fyrir í málinu með tölvupósti frá því sumar. Auk þess er rétt að benda á það að íslenskir skákmenn geta skipt um félag á miðri leiktíð en ekki erlendir. Þetta er skýr mismunum og brot á Evrópuréttinum þannig að reglur Skáksambandsins brjóta í bága við viðurkenndar réttarfarsreglur. Það síðast nefnda þýðir að málið myndi að öllum líkindum vinnast ef dómstólaleiðin yrði farin.

  Ákvörðun mótsstjórnar og síðar dómstóls Skáksambandins er umdeilanleg en það sem fór mest fyrir brjóstið á okkur Eyjamönnum var málsmeðferð úrskurðaraðilanna. Í fyrsta lagi fóru Bolvíkingar fram á að Helgi Árnason yrði dæmdur vanhæfur í málinu en hann sat í mótsstjórninni sem fékk það hlutverk að dæma í málinu. Þetta var byggt á því að Helgi væri málsaðili þar sem hann staðfesti á sínum tíma að Dreev hafði gengið úr Fjölni í TV. TV fékk engan andmælarétt varðandi þessa ákvörðun sem er í meira lagi vafasamt. Einar S. Einarsson tók sæti Helga í dómnefndinni en að mati Eyjamanna var hann klárlega vanhæfur þar sem hann er annálaður Vestfirðingur. Eyjamenn fengu með öðrum orðum aldrei tækifæri til að mótmæla aðkomu Einars að málinu þannig að Bolvíkingar voru þar með komnir með dyggan heimamann í málið.

  Kæra Bolvíkinga var lögð fram fyrir úrslitaviðureign Vestmannaeyinga og Bolvíkinga á föstudeginum. Strax í kjölfarið úrskurðaði mótsstjórnin Dreev ólöglegan. Eyjamenn unnu Bolvíkinga 4,5-3,5, en viðureignin var úrskurðuð 4-4 vegna þátttöku Dreevs. Þetta var góður sigur (og síst of stór miðað við stöðurnar) hjá okkur Eyjamönnum þar sem Bolvíkingar voru stigahærri á svo til öllum borðum.

  TV fékk hvorki afrit af kæru Bolvíkinga né úrskurði mótsstjórnar fyrr en sólarhring seinna og þá fyrst eftir mikla eftirfylgni. Þetta atriði gerir það að verkum að málsmeðferð Skáksambandsins fær algjöra falleinkunn þar sem áfrýjun okkar Eyjamanna hefði eðlilega þurft að byggja á þessum gögnum. Eyjamenn þurftu því að áfrýja úrskurðinum til dómstóls Skáksambandsins án þess að hafa málsgögnin í höndunum. Klukkan 14.00 á laugardeginum staðfesti síðan dómstóllinn niðurstöðu mótsstjórnar. Þá var Karl Gauti Hjaltason, formaður TV, búinn að skrifa 4 blaðsíður um málið til varnar Eyjamönnum sem voru sem sagt aldrei teknar fyrir. Áður en Karl Gauti fékk tækifæri til að reifa sjónarmið sín fyrir dómstólnum var hann sem sagt búinn að komast að niðurstöðu! Þetta þýðir með öðrum orðum að aldrei var gert ráð fyrir neinum andmælarétti Eyjamanna í öllu ferlinu. Þetta er náttúrulega fyrir neðan allar hellur og Skáksambandinu til háborinnar skammar. Einnig voru vinningar teknir af Eyjamönnum áður en að endanleg niðurstaða lá fyrir í málinu sem verður að teljast vafasöm ákvörðun enda er enginn sekur fyrr en sekt er sönnuð.

  Sem betur fer hafði þetta ekki áhrif á þá niðurstöðu að Bolvíkingar urðu Íslandsmeistarar og vil ég nota tækifærið til að óska þeim til hamingju með titilinn en óneitanlega varpar þetta mál skugga á mótið.

Þorsteinn Þorsteinsson, liðsstjóri TV-a

Ný Fide stig.

  1. mars komu ný Fide skákstig.  Taflfélag Vestmannaeyja eignaðist einn nýjan skákmann á lista, en það er hinn gamalkunni skákmaður í Vestmannaeyjum Einar Guðlaugsson, sem komin er inn á lista með 1937 stig. Hæstur er sem fyrr stórmeistarinn Helgi Ólafsson með 2524 stig.  Mesta hækkun fær Björn Ívar sem hækkar um heil 13 stig.  Nú eru tíu TV menn yfir 2000 stigum en alls 18 á lista.

Annars er listi yfir TV menn með stig þessi (hækkun eða lækkun í sviga):

Helgi Ólafsson GM 2524
Þorsteinn Þorsteinsson 2271 (-7)
Páll Agnar Þórarinsson 2251
Björn Ívar Karlsson 2213 (+13)
Ægir Páll Friðbertsson 2192
Björn freyr Björnsson 2162
Sævar Bjarnason IM 2161 (-3)
Lárus Knútsson 2089
Einar K. Einarsson 2040
Sigurjón Þorkelsson 2031 (+1)
Kjartan Guðmundsson 1979
Sverrir Unnarsson 1949 (-9)
Einar Guðlaugsson 1937 (Nýr)
Kári Sólmundarsson 1855
Aron Ellert Þorsteinsson 1821 (+2)
Nökkvi Sverrisson 1785 (+1)
Þórarinn I. Ólafsson 1697 (-10)
Kristófer Gautason 1671 (-13)

Lárus sigrar enn.

  Enn og aftur sigraði Lárus á sunnudagsmótinu í dag og er hann efstur á mótaröðinni.

1.  Lárus  3 vinn. (50 stig)
2.  Hafdís 2 vinn. (46 stig)
3-4. Auðbjörg  0,5 vinn. (40 stig)
3-4. Sigga  0,5 vinn. (40 stig)

Staðan í mótaröðinni eftir 8 mót, 28. febr.:
1.  Lárus Garðar Long 370 stig (42-46-48-42-48-44-50-50)
2.   Hafdís Magnúsdóttir   274 stig (38-30-38-30-48-44-x-46)
3.   Róbert A. Eysteinsson 192 (48-46-x-48-x-50-xx)
4.   Auðbjörg Óskarsdóttir 160 stig (xxxx-36-38-46-40)
5.   Sigurður A Magnússon 142 ( 48-46-x-48-xxxx)
6.  Jörgen Freyr Ólafsson 122 stig (x-38-48-36-xxxx)
7.  Eyþór Daði Kjartansson 78 stig (xxx-36-42-xxx)
8.  Sigríður M. Sigþórsdóttir 70 stig (xxxx-30-xx-40)
9.  Davíð Már Jóhannesson 42 stig (xx-42-xxxxx)
10.  Indíana Guðný Kristinsd. 36 stig (xxxx-36-xxx)
11-12. Kristín Auður Stefánsdóttur  34 stig (xx-34-xxxxx)
11-12. Daníel Már Sigmarsson 34 stig (x-34-xxxxxx)
13. Viktoría Ágústa  30 stig (xx-30-xxxxx)
14. Þórður Yngvi Sigursveinsson 28 stig (xxx-28-xxxx)
15. Guðlaugur G. Guðmundsson 26 stig (xxx-26-xxxx).

Feðgarnir komnir með hálfan vinning.

  Nú stendur yfir Reykjavíkurmótið í skák og keppa nokkrir TV menn á því.

  Af heimamönnum þá keppa feðgarnir Sverrir og Nökkvi á mótinu og hefur þeim gengið vel hingað til og eru að skora á móti miklu sterkari andstæðingum.  Lítum á gengi þeirra á mótinu;

1 umferð
Vishal Sareen  IND 2364 - Nökkvi Sverrisson TV 1784 = 1/2
Sverrir Unnarsson TV 1958 - Cori T. Deysi PER 2412  =  0 - 1

2 umferð
Nökkvi Sverrisson TV 1784 -Sabastien Maze FRA 2554 = 0 - 1 (Maze teflir fyrir TV)
Steil Antoni Fiona LUX 2198 - Sverrir Unnarsson TV 1958 = 1/2

3 umferð (á morgun)
Odd Martin Guttulsrud NOR 2061 - Nökkvi Sverrisson TV 1684 =
Sverrir Unnarsson TV 1958 - Heini Olsen FÆR 2355 =

Af öðrum TV mönnum er þetta að frétta:
Þorsteinn Þorsteinsson TV 2278  1 vinning
Sævar Jóh.  Bjarnason TV 2164 1 vinning
Sabestian Maze  TV- FRA 2554 1,5 vinning
Luis Galego TV - POR 2487 1 vinning.

Lárus sigraði á sunnudagsmótinu

Það var rólegt yfir sunnudagsmótinu í dag en einungis 2 keppendur mættu, Lárus og Auðbjörg. Eins og við vitum eru margir félagsmenn í burtu þessa daganna, m.a. vegna Norðurlandamóts. Teflt var 4 skáka einvígi sem Lárus vann af öryggi, 4-0, og er hann efstur á mótaröðinni.

1.  Lárus  (50 stig)
2.  Auðbjörg  (46 stig)

Staðan í mótaröðinni eftir 7 mót, 21. febr.:
1.  Lárus Garðar Long 320 stig (42-46-48-42-48-44-50)
2.   Hafdís Magnúsdóttir   228 stig (38-30-38-30-48-44-x)
3.   Róbert A. Eysteinsson 192 (48-46-x-48-x-50-x)
4.   Sigurður A Magnússon 142 ( 48-46-x-48-xxx)
5.  Jörgen Freyr Ólafsson 122 stig (x-38-48-36-xxx)
6.  Eyþór Daði Kjartansson 78 stig (xxx-36-42-xx)
7.  Auðbjörg Sigþórsd.  120 stig (xxxx-36-38-46)
8.  Davíð Már Jóhannesson 42 stig (xx-42-xxxx)
9.  Indíana Guðný Kristinsd. 36 stig (xxxx-36-xx)
10-11. Kristín Auður Stefánsdóttur  34 stig (xx-34-xxxx)
10-11. Daníel Már Sigmarsson 34 stig (x-34-xxxxx)
12-13. Viktoría Ágústa  30 stig (xx-30-xxxx)
12-13. Sigga Magga    30 stig (xxxx-30-xx)
14. Þórður Yngvi Sigursveinsson 28 stig (xxx-28-xxx)
15. Guðlaugur G. Guðmundsson 26 stig (xxx-26-xxx).

NM í skólaskák í Svíþjóð lokið.

  Þá er síðastu umferðinni lokið hér á NM í Vesterås í Svíþjóð.  Liðakeppnin var mjög jöfn, en Norðmenn höfðu þetta á síðustu metrunum, en Ísland lenti í 3ja msæti á eftir finnum.  Þrátt fyrir svona gott gengi í liðakeppninni hlutu íslendingar aðeins ein verðlaun, þegar Hjörvar Steinn hlaut silfur.

  Kristófer lenti á móti efsta manni í D flokki og eftir langa og erfiða skák endaði hún með jafntefli. Róbert fékk brosmilda færeyinginn Janus Skaale og tapaði.

Úrslit í síðustu umferð :
A flokkur 1990-92
Sverrir Þorgeirsson ÍSL - Roope Kiuttu FIN  1/2 - 1/2.
Margar Berg FÆR - Daði Ómarsson ÍSL  0 - 1.
B-flokkur 1993-94
Benjamin Arvola NOR - Hjörvar Steinn Grétarsson ÍSL 0 - 1.
Karl Marius Dahl FÆR - Patrekur Maron Magnússon ÍSL  0 - 1.
C flokkur 1995-96
Friðrik Þálfi Stefánsson ÍSL - Linus Johansson SVÍ  1/2 - 1/2.
Simon Ellegård Christensen DAN - Dagur Andri Friðgeirsson ÍSL 1 - 0.
D flokkur 1997-98
Kristófer Gautason ÍSL - Kristian Stuvik Holm NOR  1/2 - 1/2.
Jón Trausti Harðarson ÍSL - Rina Weinman SVÍ  0 - 1.
E flokkur 1999 og yngri
Jón Kristinn Þorgeirsson ÍSL - Sebastian Mihajlov NOR 1/2 - 1/2.
Janus Skaale FÆR - Róbert Aron Eysteinsson ÍSL 1 - 0.

Staðan í liðakeppninni fyrir síðustu umferð:
1.    Noregur   5 +  6,5  + 8  +  6  + 4   = 29,5 vinningar
2.    Finnland  3   +  8,5 + 8  + 6  + 3   = 28,5 vinningar
3.    Ísland    7 + 5 + 4,5 + 4,5 + 6,5 = 27,5 vinningar
4.    Svíþjóð   7,5 + 3,5 + 4  + 5,5 + 6   = 26,5 vinningar
5.    Danmörk 5,5 + 4,5 + 3,5 + 4 + 4   = 21,5 vinningar
6.    Færeyjar   2   + 2   +  2   + 4 + 6,5 = 16,5 vinningar