Björn Ívar sigraði á hraðskákmóti - Róbert stóð sig frábærlega

Í kvöld fór fram hraðskákmót og mættu 10 til leiks. Björn Ívar og Róbert tóku snemma forystu og vakti örugg taflmennska Róberts athygli. Þeir mættust í 6. umferð og hafði Björn Ívar sigur. Róbert lét það ekki hafa áhrif á sig og vann rest! Nökkvi og Einar fylgdu fast á hæla þeirra. Fjöldi ungra skákmanna mætti á mótið og var það jákvætt.

 Lokastaðan:

1. Björn Ívar 9 v. af 9
2. Róbert Aron Eysteinsson 8 v.
3. Nökkvi Sverrisson 7 v.
4. Einar Sigurðsson 5,5 v.
5. Lárus Garðar Long 5 v.
6. Sigurður Magnússon 4,5 v.
7. Davíð Jóhannesson 3 v.
8. Indíana Guðný Kristinsdóttir 2 v.
9. Thelma Halldórsdóttir 1 v.
10. Jón Þór Halldórsson 0 v.

Hraðskákmót

Fimmtudagskvöld kl. 19:30 verður hraðskákmót og verða tefldar 7-9 umferðir.

Á næstunni - nánar auglýst um helgina.

Skólaskákmeistaramót Vestmannaeyja
Atskákmeistaramót Vestmannaeyja
Hraðskákmeistaramót Vestmannaeyja

Stjórn TV

Indíana Guðný stúlknameistari Vestmannaeyja 2010.

  Í dag fór fram Stúlknameistaramót Vestmannaeyja 2010.  Er þetta annað árið í röð þar sem slíkt mót er haldið og voru þátttakendur nú 16 talsins.  Mótið var spennandi, en það fór svo í lokin að Indíana Guðný Kristinsdóttir sigraði alla 6 andstæðinga sína og sigraði þannig með fullu húsi.  Í öðru sæti varð Hafdís Magnúsdóttir með 5 vinninga, en jafnar í 3 sæti voru þær Thelma Lind Halldórsdóttir og Auðbjörg Helga óskarsdóttir með 4 vinninga, en Thelma Lind sigraði  einmitt á þessu sama móti í fyrra.

  Í flokki stúlkna fæddra 2000 urðu 4 stúlkur efstar og jafnar með 3 vinninga.

Úrslit.
1.  Indíana Guðný Kristinsdóttir 6 vinn.
2.    Hafdís Magnúsdóttir 5 vinn.
3-4. Thelma Lind Halldórsdóttir 4 vinn.
3-4. Auðbjörg Helga Óskarsdóttir 4 vinn.
5.    Erika Ýr Ómarsdóttir 3,5 vinn.
6-9. Díana Hallgrímsdóttir, Inga Birna Sigursteinsdóttir,
          Elsa Rún Ólafsdóttir og Eva Aðalsteinsdóttir    3 vinn.
10-12. Berglind Halla Þórðardóttir, Sigríður Margrét
            Sigþórsdóttir og Eva Lind Ingadóttir     2,5 vinn.
13-14.  Elísa Hallgrímsdóttir, Gisný Birta Kristjánsdóttir  2 vinn.
15-16.  Mia Rún Guðmundsdóttir og Telma Aðalsteinsdóttir  1 vinn.

Árgangsverðlaun.
2002  Berglind Halla Þórðardóttir     2,5 vinn.
2001  Auðbjörg Helga Óskarsdóttir    4 vinn.
2000  Díana Hallgrímsdóttir, Inga Birna Sigursteinsdóttir,
          Elsa Rún Ólafsdóttir og Eva Aðalsteinsdóttir    3 vinn.
1999  Hafdís Magnúsdóttir 5 vinn.
1996  Indíana Guðný Kristinsdóttir 6 vinn.

StoneStone í 10 sæti í Þessalóníku.

  Okkar ágæti liðsstjóri FIDE-meistarinn Þorsteinn Þorsteinsson (2271), öðru nafni StoneStone sigraði í dag Grikkjann Georgios Kafetzis (1929) í 4 umferð alþjóðlega mótsins í Þessalóníku.  Þorsteinn hefur 3 vinninga og er í 10.-21. sæti.

  Alls taka 106 skákmenn þátt í mótinu.  Þar er eru 5 stórmeistarar, 8 alþjóðlegir meistarar og 3 FIDE-meistarar.  Þorsteinn er nr. í 20 stigaröðinni.

• Heimasíða mótsins 
• Chess-Results

Fermingarmyndin af StoneStone.

Lesin inn: 15.6.2008

Sverrir Grænlandsfari í útvarpsviðtali !

   Okkar víðförli félagi í TV, Sverrir Unnarsson (gegnir nú nafninu Grænlandsfarinn) var í viðtali við á Rás 2 í morgun - hlusta hér  : 

Viðtalið við Sverri

Sverrir heimskautafari.

  Hér er Sverrir að fara í ferð á hundasleða (takið eftir að sleðinn er merktur TV, neðarlega á hægra skíðinu).

  Okkar ágæti félagi, Sverrir Unnarsson hefur nú um páskana verið á Grænlandi að kenna skák og tefla við krakkana á Grænlandi.  Hann hefur einnig tekið sér margt annað skemmtilegt fyrir hendur.

  Hann er staddur í Scoresbysundi (70°N) í 50 gráðum í mínus og með sleðahunda spangólandi á dyrastafnum og ísbirni á hlaupum á næsta götuhorni.   Scoresbysund (Grænlendingar kalla staðinn Illoqqortoormiut - reynið að bera það fram! ) er afar stór fjörður beint norður af Íslandi.  Ef það væri hér á Íslandi þá næði þessi fjörður eiginlega yfir allt landið.

 

 

 

 

 

 Hér er kort af svæðinu, þó alls ekki öllu Scoresbysundi (Sverrir er þar sem rauði punkturinn er).

  Sverrir hefur komist í hörku viðskiptasambönd á staðnum og mun hafa keypt sér úlpu úr moskusuxaskinni, skó úr skinninu sem er á afturendanum á ísbirni (þar er sterkasta skinnið), hálsfesti úr vígtönnum ísbjarnar, standlampa úr Náhvalsbeini, hnífapör úr rostungstönnum og skáksett að auki og síðast en ekki síst loðhúfu úr sauðnautsskinni.  Það verður gaman að taka á móti Sverri hér á flugvellinum í Eyjum, hann ætti að vera auðþekkjanlegur !

  Ef við þekkjum Sverri rétt kemur hann örugglega með ísbjarnarhaus til skrauts í skáksetrið í Eyjum.

  Endilega lesið frásagnir af ferðinni þeirra hér : Góður granni.

Kennslumyndband: Peðsendatafl

Hér kemur þriðja kennslumyndbandið í þessari páskaseríu. Að þessu sinni skoðum við peðsendatafl úr skákinni Hannes Hlífar Stefánsson - Christopher Lutz frá Ólympíumótinu í Manilla 1992. Guðmundur Sigurjónsson hafði skrifað um sama endatafl í tímaritsgrein frá 9. áratugnum og sýnt fram á vinningsleið fyrir hvítan. Hannesi mistókst að vinna endataflið. Kíkið á myndbandið hér að neðan eða á http://www.screencast.com/t/OWZlZjllNjI og skoðið vinningsleiðina!

- Björn Ívar

Kennslumyndband: Að byggja brú

Myndbandið sem hér fylgir er nr. 2 í röðinni og fjallar að þessu sinni um að ,,byggja brú'' í hróksendatafli. Áhugasamir geta skoðað myndbandið hér að neðan eða fylgt þessum tengli: http://www.screencast.com/t/YjMxY2VmOT

 - Björn Ívar

 

Kennslumyndband: Mát með biskup og riddara

Myndbandið sem hér fylgir er gert í tilraunaskyni en mun engu að síður vonandi nýtast áhugasömum skákmönnum. Hægt er að horfa á myndbandið hér að neðan eða á slóðinni http://www.screencast.com/t/NjNhODVlZD.

- Björn Ívar

 

Skákeyjan kom út um helgina.

  Í tilefni að Íslandsmóti barna sem haldið var í Vestmannaeyjum um helgina kom út nýtt tölublað af SKÁKEYJUNNI, eina eftirlifandi skáktímariti á Íslandi.

  Umfjöllun í blaðinu var að vonum mest mótið sjálft.  Á forsíðu eru myndir úr starfi TV og ávarp Formanns TV.  Á síðu 2 á Björn Ívar Karlsson viðtal við Sigmund Andrésson heiðursfélaga Taflfélags Vestmannaeyja.  Á síðu 3 eru sýnd fjögur skákdæmi úr nýjum skákum yngri kynslóðar félagsins.  Þetta eru skákir frá HM 2009 í Tyrklandi, NM 2010 í Svíþjóð, NM barnaskólasveita 2009 í Eyjum og úr Skákþingi Vestmannaeyja 2010.  Skákmennirnir eru Kristófer Gautason, Róbert Aron Eysteinsson, Sigurður Arnar Magnússon og Daði Steinn Jónsson.  Á baksíðunni eru síðan litmyndir af keppendum á Íslandsmóti barna í Eyjum 28. mars 2010.

  Það er gaman að segja frá því að fyrstu eintök SKÁKEYJUNNAR eru orðnir safngripir og Bragi í fornbókabúðinni segir þetta blað fágæti mikið og seldi nýverið 1. tölublað SKÁKEYJUNNAR á háar fjárhæðir, enda voru margir um hituna.  Bragi segist enn vera ófélagsbundinn, en vissulega hafi hann leitt hugann að því að ganga í TV, sérstaklega vegna kraftmikillar útgáfustarfsemi.

  Við vonum að nýjasta tölublaðið berist áskrifendum fljótlega.  Við í ritstjórninni tökum niður pantanir  gegnum athugasemdadálkinn hér.