Og enn nýr liðsauki.

  Í gær gekk dr. Kristján Guðmundsson (2262) í raðir Taflfélags Vestmannaeyja en Kristján hefur mörg undanfarin ár verið í Taflfélagi Garðabæjar og varð Íslandsmeistari með því félagi árið 1992. Kristján er ættaður úr Eyjum þannig að við höldum uppteknum hætti með því að sópa til  okkar skákmönnum sem eiga ættir sínar að rekja til Eyjanna fögru.

  Kristján er enn einn í röð nokkurra sterkra skákmanna sem nýlega hafa gengið í TV og mun hann án efa styrkja a-liðið.  Kristján þótti snemma hæfileikaríkur á skáksviðinu og var meðal efnilegustu skákmanna landsins upp úr 1970.  Hann tók m.a. þátt í Reykjavíkurskákmótinu 1974 sem var sterkt lokað mót og stóð sig vel. Sínum besta árangri náði hann þó í World Open í Bandaríkjunum árið 1981 þegar hann varð meðal efstu manna fyrir ofan marga sterka stórmeistara.

  Við bjóðum Kristján velkominn í raðir okkar.

Enn nýr liðsauki í TV.

     Ingvar Þór Jóhannesson (2328) er genginn í raðir okkar, en hann var áður í Helli. Ingvar hefur verið í fremstu röð íslenskra skákmanna um nokkurt skeið og verður okkur því án efa góður liðsstyrkur.
     Ingvar á ættir sínar að rekja til Eyja þannig að segja má að hann sé nú kominn á heimaslóðir.  Nánari upplýsingar um ættir hans munu birtast á síðunni bráðlega.  Nú fyrir stuttu  gekk Jon Ludvig Hammer (2636) í TV þannig að lið okkar styrkist með degi hverjum.

Liðsauki í TV.

  Nýr liðsauki hefur skolað á fjörur Taflfélags Vestmannaeyja, þar sem er norðmaðurinn Jon Ludvig Hammer (2636) en hann hefur gengið í félagið og mun hann galvaskur tefla fyrir liðið í haust. Jon Ludvig er aðeins tvítugur að aldri og næstbesti skákmaður Norðmanna en hann hefur hingað til ( ! ) fallið í skuggann af stórstirninu Magnúsi Carlsen (2826).

  Fyrir í liði TV eru stórmeistararnir Alexey Dreev (2660), Sebastien Maze (2573), Igor-Alexandre Nataf (2541) að ógleymdum Helga Ólafssyni (2527) auk alþjóðlega meistarans Nils Grandeliusar (2505), sem verður væntanlega útnefndur stórmeistari í haust, og Fide meistarans Þorsteins Þorsteinssonar (2231).

  Væntir TV mikils af ofangreindum á næsta keppnistímabili.

 

Skákkeppni sjómanna og landkrabba á laugardag.

   Næstkomandi laugardag verður hin árlega skákkeppni milli sjómanna og landkrabba í tengslum við sjómannadaginn hér í Eyjum.  Þá mætast þessi lið í tvöfaldri sveitakeppni, en hver sveit er venjulega skipuð 10 mönnum.

   Undanfarin ár hafa landmenn borið sigurorð af sjómönnum.  Keppnin fer fram á bryggjunni ef veður leyfir en annars í  Fiskmarkaðinum eða í Básum við herjólfsbryggjuna.  Allir félagsmenn TV er auðvitað velkomnir og verður leytast við að sem flestir fái að spreyta sig.

   Það er von félagsins að sem flestir af neðangreinum geti mætt og skipað lið landmanna, en aðrir ónefndir eru auðvitað velkomnir :

  Björn Ingi Karlsson (Björn Ingi Hrafnsson eða Björn Ívar Karlsson?
  Ægir Páll Friðbertsson
  Sigurjón Þorkelsson
  Sverrir Unnarsson
  Þórarinn Ingi Ólafsson
  Nökkvi Sverrisson
  Ólafur Týr Guðjónsson
  Kristófer Gautason
  Daði Steinn Jónsson
  Karl Gauti Hjaltason
  Róbert Aron Eysteinsson
  Stefán Gíslason
  Sigurður Arnar Magnússon
  Jörgen Freyr Ólafsson
  Lárus Garðar Long
  Hafdís Magnúsdóttir
  Auðbjörg Óskarsdóttir
  Indíana Guðný Kristinsdóttir
  Thelma Lind Halldórsdóttir

Sigurður með 3 og Jörgen með 2 vinninga.

   Nú er lokið meistarmóti Skákskóla íslands.  Tveir keppendur fóru á mótið úr Vestmannaeyjum, þeir Sigurður Arnar Magnússon og Jörgen Freyr Ólafsson.  Hjörvar Steinn Grétarsson sigraði með 6,5 vinninga af 7 mögulegum.

  Sigurður endaði í 21 sæti af 32 keppendum með 3 vinninga.

   Jörgen endaði í 30 sæti með 2 vinninga.

Lokastaðan:

Rk.	Name	Rtg	Pts.
1	Gretarsson Hjorvar Steinn	2445	6,5
2	Asbjornsson Ingvar	1985	5,5
3	Karlsson Mikael Johann	1705	5
4	Johannsson Orn Leo	1775	5
5	Thorsteinsdottir Hallgerdur	1980	4,5
6	Brynjarsson Helgi	1975	4,5
7	Lee Gudmundur Kristinn	1575	4,5
8	Johannsdottir Johanna Bjorg	1675	4,5
9	Ragnarsson Dagur	1545	4,5
10	Finnbogadottir Tinna Kristin	1910	4
11	Hauksdottir Hrund	1465	4
12	Sigurdsson Birkir Karl	1435	4
13	Hardarson Jon Trausti	1500	4
14	Kjartansson Dagur	1530	4
15	Kristinardottir Elsa Maria	1685	3,5
16	Andrason Pall	1645	3,5
17	Thorgeirsson Jon Kristinn	1505	3,5
18	Johannesson Oliver	1310	3,5
19	Kristinsson Kristinn Andri	0	3,5
20	Bjorgvinsson Andri Freyr	1200	3
21	Magnusson Sigurdur A	1340	3
22	Jonsson Hjortur Snaer	1450	3
23	Jonsson Robert Leo	1180	3
24	Jónsson Logi	0	3
25	Ragnarsson Heimir Páll	0	3
26	Heidarsson Hersteinn	1190	2,5
27	Johannesson Kristofer Joel	1295	2,5
28	Kolka Dawid	1170	2
29	Johannsdottir Hildur Berglind	0	2
30	Ólafsson Jörgen Freyr	1215	2
31	Kjartansson Sigurdur	0	1
32	Helgason Hafþór	0	0

 

Sigurður og Jörgen á meistaramót Skákskólans.

  Meistaramót Skákskóla Íslands hefst á morgun, föstudaginn 28. maí. og stendur til sunnudagsins 30. maí.  Nokkrum Eyjapeyjum var boðið að taka þátt í mótinu og eru tveir skráðir til leiks.  Okkar sterkustu strákar, Nökkvi, Daði Steinn og Kristófer geta því miður ekki verið með nú vegna ýmissa ástæðna en Sigurður og Jörgen halda uppi merkjum TV á mótinu.  Björn Ívar verður með æfingu fyrir strákana í kvöld :

  Sigurður Arnar Magnússon (1340)  og
  Jörgen Freyr Ólafsson   (1215).

   Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.   Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik.  Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik.  Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Dagskrá: 1. umferð: Föstudagurinn 28.maí, kl. 18, 2. umf.: föstudag 28.maí, kl. 19, 3. umf. föstudagurinn 28. maí kl. 20, 4. umf. laugardag 29. maí kl. 10-14, 5. umf. laugardag 29. maí, kl. 15-19, 6. umf. sunnudag 30. maí kl. 10-14 og loks 7. umf. sunnudag 30. maí kl. 15-19.

Skák um fjölskylduhelgina.

  Næstu helgi verður fjölskylduhelgi í Vestmannaeyjum.  Taflfélagið mun hafa opið hús á laugardeginum og taka á móti gestum eins og venjulega.  Félagsmenn í Taflfélaginu eru hvattir til að mæta og tefla við gesti og gangandi.

  Húsið opnar á laugardag kl. 13 og verður opið til klukkan 16.  Björn Ívar og Sverrir munu vera á staðnum ásamt þeim nemendum sem komast  til að hjálpa til.

Meistaramót Skákskólans hefst 28. maí.

  Meistaramót Skákskóla Íslands hefst föstudaginn 28. maí. og stendur til sunnudagsins 30. maí.  Nokkrum Eyjapeyjum hefur verið gefinn kostur að taka þátt í mótinu og verða þeir að láta vita sem fyrst um þátttöku sína.  Þetta eru þeir:

  Nökkvi Sverrisson     (1781 - 1760)
  Daði Steinn Jónsson (1580)
  Kristófer Gautason   (1681 - 1545)
  Sigurður Arnar Magnússon (1340)
  Róbert Aron Eysteinsson    (1330)
  Jörgen Freyr Ólafsson   (1215)  og
  Lárus Garðar Long       (1145)

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.   Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik.  Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik.  Skákstig: Mótið verður reiknað til skákstiga, en þrjár fyrstu umferðirnar til At-skákstiga.  Verðlaun:  Meistaratitill Skákskóla Íslands og farandbikar.  Einnig  flugfar m/Flugleiðum  2. verðlaun: Flugfarmiði á leiðum Flugfélags Íslands innanlands.  3. - 5. verðlaun: Vandaðar skákbækur.  Aldursflokkaverðlaun. 1. Tvenn verðlaun fyrir þá keppendur sem ná bestum árangri í hópi 14 ára og yngri og Verðlaun fyrir keppendur 12 ára og yngri. 1. - 3. verðlaun: Vandaðar skákbækur. 

Dagskrá: 1. umferð: Föstudagurinn 28.maí, kl. 18, 2. umf.: föstudag 28.maí, kl. 19, 3. umf. föstudagurinn 28. maí kl. 20, 4. umf. laugardag 29. maí kl. 10-14, 5. umf. laugardag 29. maí, kl. 15-19, 6. umf. sunnudag 30. maí kl. 10-14 og loks 7. umf. sunnudag 30. maí kl. 15-19.

Þátttöku má tilkynna beint til formanns TV, Gauta s. 898 1067 eða til Skáksambandsins eða skólastjóra Helga Ólafssonar, sími SÍ 5689141 eða á netfangið [e-mail] eða [e-mail]

Kristófer Íslandsmeistari í skólaskák.

  Kristófer Gautason Grunnskóla Vestmannaeyja varð efstur í yngri flokki Landsmótsins í Skólaskák sem lauk nú skömmu eftir hádegið.  Kristófer hlaut 10 vinninga af 11 mögulegum og hlaut því titilinn Landsmótsmeistari yngri flokks.  Hann fær í verðlaun m.a. flugferð innanlands.

  Þetta er í fyrsta skipti sem Vestmannaeyjingur vinnur Íslandsmeistaratitil á Landsmótinu í skólaskák.  Nokkrum sinnum áður höfum við náð öðru sæti og því þriðja, bæði Nökkvi Sverrisson og Björn Ívar Karlsson hér á árum áður.  Landsmótið er byggt upp þannig að keppendur ávinna sér rétt til keppni á því með því að sigra fyrst á skólamóti síns skóla og síðan eru haldin kjördæmamót í hverju hinna gömlu kjördæma og efstu menn á þeim mótum hittast síðan á Landsmót.

 Keppendur í yngri flokki voru 12 og tefldu allir við alla. Kristófer tapaði ekki skák, en gerði tvö jafntefli.  Fyrir síðustu umferðina var hann í 2-3 sæti og tefldi svo við efsta manninn.  Þá skák varð hann að vinna til að hampa titlinum sem hann og gerði.

  Úrslit.
  1.  Kristófer Gautason Vestmannaeyjum 10 vinn.
  2. Oliver Jóhannsson, Rimaskóla 9,5 vinn.
  3. Jón Kristinn Þorgeirsson, Akureyri 9,5 vinn.
  4. Dagur Ragnarsson, Rimaskóla 9 vinn.

  Kristófer á Landsmótinu.

  Í eldri flokki sigraði Emil Sigurðarson Reykjavík með 9,5 vinninga.  Nökkvi Sverrisson, fékk 7 vinninga og hafnaði í 5 sæti en Daði Steinn Jónsson fékk 5,5 vinninga og lenti í 8 sæti.

Kristófer efstur og Nökkvi í öðru sæti á Landsmótinu.

  Nú er sex umferðum lokið á Landsmótinu í Skólaskák, sem fram fer í Reykjavík yfir helgina.  Kristófer Gautason leiðir yngri flokkinn og hefur fullt hús stiga. Nökkvi Sverrisson er í öðru sæti í eldri flokki og hefur 5 vinninga.  Daði Steinn hefur hlotið 3,5 vinninga og er nú í 7 sæti.  Á morgun laugardag verða tefldar 3 skákir og hefst sú fyrsta klukkan 9:30.