Atskákmót í kvöld, fimmtudag !

  Í dag, fimmtudag fer fram haust-atskákmeistaramótið og hefst mótið kl. 19:30.

  Allir velkomnir.

Einar Kristinn efstur á hraðskákmóti.

  Í kvöld fór fram hraðskákmót og mættu 11 manns.  Einar Kristinn sigraði með 10 vinninga og tapaði aðeins fyrir Sverri.  Í 2-3 sæti urðu þeir Daði Steinn og Kjartan jafnir með 9 vinninga, en Daði Steinn vann innbyrðis skák þeirra.

  úrslit.
  1. Einar Kristinn Einarsson  10 vinn.
 2-3. Daði Steinn Jónsson       9 vinn.
 2-3. Kjartan Guðmundsson    9 vinn.
  4. Sverrir Unnarsson             8 vinn.
  5. Nökkvi Sverrisson             7 vinn.
  6. Karl Gauti Hjaltason          6 vinn.
  7. Róbert Aron Eysteinsson  5 vinn.
  8. Þórarinn I. Ólafsson          4,5 vinn.
  9. Sigurður A. Magnússon     4 vinn.
 10. Davíð Már Jóhannesson   2 vinn.
 11. Jörgen Freyr Ólafsson     1,5 vinn.

  Haustmótið byrjar næstu daga og er enn unnt að skrá sig til þátttöku.

Haustmótið hefst á fimmtudagskvöldið.

  Hið árlega Haustmót TV hefst á morgun. fimmtudag kl. 19:30.  Mótið er 7 umferðir og verða tímamörk 1 klst. 30 mín á skák.

  Þeir sem ætla að taka þátt skrái sig hjá Gauta (898 1067 begin_of_the_skype_highlighting              898 1067      end_of_the_skype_highlighting) eða Sverri (858 8866 begin_of_the_skype_highlighting              858 8866      end_of_the_skype_highlighting).

  Áætlaðar umferðir verða þessar :
  1. umferð fimmtudag 14 október
  2. umferð sunnudag 17 október
  3. umferð þriðjudag 19 október
  4. umferð fimmtudag 21 október
  5. umferð þriðjudag 26 október
  6. umferð fimmtudag 28 október
  7. umferð sunnudag 31 október

  Frestanir verða tefldar daginn eftir fyrirhugaðan dag og reglur félagsins um frestanir gilda á mótinu.

Skráðir keppendur 13. óktóber

Einar Kristinn Einarsson
Kjartan Guðmundsson
Þórarinn Ingi Ólafsson
Nökkvi Sverrisson
Karl Gauti Hjaltason
Kristófer Gautason
Stefán Gíslason
Sverrir Unnarsson

Pistill formanns TV.

Íslandsmót skákfélaga.
Taflfélag Vestmannaeyja með forystu eftir fyrri hlutann.

     Taflfélag Vestmannaeyja trónir nú á toppi efstu deildar skákfélaga á landinu en um helgina fór fram fyrri hluti Íslandsmóts skákfélaga, þar sem öll taflfélög landsins leiða saman sveitir sínar.  Í fyrri hlutanum eru tefldar 4 skákir en 3 í þeim síðari sem verður í mars á næsta ári.  Það er því ansi löng bið þar til úrslit fást í mótinu. Taflfélagið teflir fram afar sterkri sveit skákmanna og fengu til liðs við sig fjóra erlenda stórmeistara, auk þess sem stórmeistarinn Helgi Ólafsson teflir með liðinu.  Í hverri viðureign er teflt á átta borðum og varamenn eru settir inn eftir þörfum.  Liðið skipa (skákstig í sviga):
     Mikhail Gurevich (2613), Jon Ludvig Hammer (2636), Helgi Ólafsson (2527), Sebastian Maze (2573),  Igor Alexandre Nataf (2541), Ingvar Þór Jóhannesson (2328), Kristján Guðmundsson (2262), Þorsteinn Þorsteinsson (2231), Páll Agnar Þórarinsson (2250) og Björn Ívar Karlsson (2210). 
     Í fyrstu umferð mættust sveit TV og KR og er skemmst frá því að segja að Vesturbæingarnir riðu ekki feitum hestum frá þeirri viðureign því skákirnar unnust á öllum borðum og niðurstaðan því 8-0 og strax eftir fyrstu umferð vorum við komnir í efsta sætið með 1,5 vinnings forskot á Bolvíkinga sem unnu Fjölni með 6,5 vinningi.
     Í annarri umferð mættum við Akureyringum og sigruðum aftur stórt 7-1, þar sem Helgi tapaði óvænt sinni skák.  Eftir þá umferð vorum við með nauma forystu með hálfs vinnings forskot á Bolvíkinga sem unnu KR-inga 8-0.  Björn Ívar Karlsson tefldi í báðum þessum fyrstu umferðum með A sveitinni og vann sínar skákir.
     Í þriðju umferðinni á laugardagskvöldið mættum við sveit TR þar sem fyrirfram var búist við að róðurinn yrði ekki eins léttur og í fyrstu umferðunum tveimur.  Liðsstjórinn okkar, Þorsteinn Þorsteinsson sá ekki til sólar í sinni skák og tapaði.  Jon Ludvig á 2 borði, Ingvar Þór á 6 borði og Kristján á því 7 unnu sínar skákir, en aðrir gerðu jafntefli og niðurstaðan varð 5-3.  Eftir þessa umferð leiddi TV með 2 vinninga, þar sem Bolvíkingar töpuðum fyrir Hellismönnum með minnsta mun 3,5-4,5.  Í þessari umferð tefldu bæði Björn Ívar og Páll Agnar með B sveitinni þar sem þeir eru í toppbaráttunni í 3 deild og unnu sínar skákir þar.
     Í síðustu umferð haustsins mættum við Fjölni án Helga Ólafssonar.  Í skemmstu máli þá enduðu allar skákir með jafntefli nema hvað Kristján og Páll Agnar unnu sínar skákir á 6 og 8 borði.  Á meðan unnu Bolvíkingar Akureyringa 5,5-2,5 sem máttu teljast hagstæð úrslit fyrir okkur þó ýmislegt hafi gengið furðanlega á afturfótunum á skákborðum Akureyringa.

     Niðurstaðan er því sú að Eyjamenn leiða Íslandsmótið með 1,5 vinning þegar það er rúmlega hálfnað, en eiga vissulega eftir þau lið sem eru í 2 og 3 sæti, en höfuðandstæðingarnar frá Bolungarvík eiga þó einnig eftir TR.  Það fer vel á því að þessir stórkostlegu útgerðarbæir á sitt hvorum enda landsins tróna efstir í keppni bestu liða landsins.
     Í raun eru það þó Hellismenn sem eiga léttasta prógrammið eftir, KR og Akureyringa auk okkar, svo mótið er allt galopið.  Það er því skondið og í raun svolítið barnalegt að lesa pistla forseta SÍ sem lætur eins og "ljóska" og spáir Hellismönnum siglingu á rólegum sjó í 3 sæti á eftir TV og TB.  Eftirá bætir hann um betur og lætur sem hann fái flash-back yfir stöðunni núna, vegna þess að Eyjamenn séu efstir sem hann þó spáði sjálfur fyrir um.

 Staðan eftir fyrri hlutann (4 skákum lokið af 7):
      Félag                                    U J T
1.     Taflfél. Vestmannaeyja       4 0 0           8 stig  25 vinn.
2.     Taflfél. Bolungarvíkur            3 0 1           6 stig    23,5 vinn.
3.     Taflfél. Hellir, Rvík                4 0 0           8 stig    22 vinn.
4.     Taflfél. Reykjavíkur               2 1 1           5 stig    17,5 vinn.
5.     Skákd. Fjölnis, Rvík              2 1 1           5 stig    14,5 vinn.
6.     Skákfél. Akureyrar                 2 0 2           4 stig    12 vinn.
7.     Skákd. Hauka, Hfj.                1 0 3           2 stig     8 vinn.
8.     Skákd. KR, Rvík                   1 0 3           2 stig    5,5 vinn.
     Við megum bara vel við una eftir helgina, markmiðið hafi verið að hafa forystu eftir fyrri hlutann og það tókst.  Auðvitað væru fleiri vinningar vel þegnir, en svona er skákin, það er ekki á allt kosið.

       Þá er ég ánægður með gengi okkar í 3 deild þar sem B sveitin er í toppbaráttunni og er sem stendur í 3 sæti, en tvö efstu liðin fara upp um deild.  Uppistaðan í sveitinni voru Masha Klinova, Sævar Bjarnason, Lárus Ari Knútsson, Einar K. Einarsson, Ægir Páll Friðbertsson og Kjartan Guðmundsson auk varamanna sem komu niður úr A sveitinni.  Ein skák tapaðist á klaufalegum mistökum, þegar liðsmaður settist við rangt borð.  Liðsstjóri hefur verið Einar K. Einarsson í forföllum Sverris Unnarssonar.

       Þá er C sveitin að gera góða hluti, en uppistaðan í sveitinni eru þeir Nökkvi, Aron Ellert, Daði Steinn og Kristófer.  Þessum ungu mönnum til aðstoðar koma svo nokkrir gamalkunnir skákrefir og hafa þeir allir staðið sig vel í erfiðu prógrammi.  Sveitin er nú í 4 neðsta sæti af 16 sveitum en þrjár neðstu sveitirnar falla niður í 4 deild.
Staða sveita TV í 3 deild :
1.     Víkingasveitin                        3 1 0  7 stig  17,5 vinn.
2.     Taflfél. Garðabæjar                3 1 0  7 stig  15 vinn.
3.     Taflfél. Vestmannaeyja B   3 0 1  6 stig  15,5 vinn.
4.     Skákfél. Akureyrar B             3 0 1   6 stig  15,5 vinn.
5.     Goðinn, Húsavík                   2 2 0   6 stig  15 vinn.
----
13. Taflfél. Vestmannaeyja C 1 1 2   3 stig    8,5 vinn.

     D sveit Taflfélagsins keppir í neðstu deild, en í þeirri sveit eru áhugamenn úr ýmsum áttum.  Þeir hafi komið á óvart og eru um miðja deild í 10 sæti af 22 og hafa unnið eina viðureign og gert tvö jafntefli 3-3.  Helsti galli sveitarinnar hefur verið mönnunin, því tvisvar hefur það gerst að borðin hafa ekki öll verið mönnuð og verður að bæta úr því fyrir vorið.
Árangur einstakra manna í öllum sveitum félagsins:
Mikhail Gurevich         3 vinn. (A)               Jon Ludvig Hammer          3,5 vinn. (A)
Helgi Ólafsson             1,5 vinn. (af 3) (A)  Sebastian Maze                 3 vinn. (A)
Igor Alexandre Nataf   3 vinn. (A)              Ingvar Þór Jóhannesson  3,5 vinn. (A)
Kristján Guðmundss.   2 vinn (af 2) (A)     Þorsteinn Þorsteinsson    0,5 vinn (af 2) (A)
Björn Ívar Karlsson       3,5 vinn. (A+B)    Páll Agnar Þórarinsson   4 vinn. (A+B)
Masha Klinova              3,5 vinn. (B)          Sævar Bjarnason             3 vinn. (B)
Lárus Ari Knútsson      2 vinn. (af 2) (B)   Einar K. Einarsson          2,5 vinn. (B)
Ægir Páll Friðbertsson  1 vinn (af 3) (B)    Kjartan Guðmundsson  1,5 vinn. (af 3) (B+C)
Nökkvi Sverrisson         2 vinn. (B+C)        Daði Steinn Jónsson      0,5 vinn. (C)
Kristófer Gautason       2 vinn. (C)             Arnar Sigurmundsson   1 vinn. (af 2) (C)
Lúðvík Bergvinsson     1 vinn. (af 2)(C)    Óli Árni Vilhjálmsson    1,5 vinn. (C)
Ólafur Hermannsson    3 vinn. (C+D)        Páll Ammendrup            2 vinn. (af 2) (D)
Páll Magnússon            2 vinn. (af 3) (D)   Gunnar Salvarsson       3 vinn. (D)
Karl Gauti Hjaltason     3,5 vinn. (D)          Sævar Helgason            0,5 vinn. (af 2) (D).

      Þá vil ég að lokum þakka mótshöldurum og starfsfólki fyrir þeirra þátt í að mótið skuli hafa tekist svo vel, sú vinna er mikil og óeigingjörn.  Keppendum, sem tefldu fyrir Taflfélag Vestmannaeyja, nær og fjær þakka ég fyrir áhugann og óbilandi dugnað í þágu félagsins.  Mótherjum okkar þakka ég einnig fyrir heiðarlega og skemmtilega keppni.

Haustmót TV hefst á fimmtudaginn - 8 skráðir

  Hið árlega Haustmót TV hefst n.k. fimmtudag kl. 19:30.  Mótið er 7 umferðir og verða tímamörk 1 klst. 30 mín á skák.

  Þeir sem ætla að taka þátt skrái sig hjá Gauta (898 1067) eða Sverri (858 8866).

  Áætlaðar umferðir verða þessar :
  1. umferð fimmtudag 14 október
  2. umferð sunnudag 17 október
  3. umferð þriðjudag 19 október
  4. umferð fimmtudag 21 október
  5. umferð þriðjudag 26 október
  6. umferð fimmtudag 28 október
  7. umferð sunnudag 31 október

  Frestanir verða tefldar daginn eftir fyrirhugaðan dag og reglur félagsins um frestanir gilda á mótinu.

Skráðir keppendur 13. óktóber

Einar Kristinn Einarsson
Kjartan Guðmundsson
Þórarinn Ingi Ólafsson
Nökkvi Sverrisson
Karl Gauti Hjaltason
Kristófer Gautason
Stefán Gíslason
Sverrir Unnarsson

Eyjamenn með 1,5 vinnings forskot á Íslandsmótinu í skák.

  Nú er fyrri hlutanum lokið og í efstu deild leiðum við með 1,5 vinningi á Bolvíkinga.

  Í fyrstu umferð gjörsigruðum við KRinga 8-0 og í annarri umferð unnum við Akureyringa 7-1.  Í þriðju umferð bárum við sigurorð á Taflfélagi Reykjavíkur 5-3 og í síðustu umferð haustsins unnum við Fjölni 5-3.

Staða efstu liða eftir fyrri hlutann 4 umf. af 7 búnar:

1. Taflfél. Vestmannaeyja  4 0 0  8 stig  25 vinn.

2. Taflfél. Bolungarvíkur       3 0 1   6 stig   23,5 vinn.

3. Taflfél. Hellir Reykjavík     4 0 0   8 stig   22 vinn.

Átta félög tefla í efstu deild og tefla allir við alla.

Þeir sem hafa telft fyrir Eyjamenn í þessum fjórum fyrstu umferðum eru eftirtaldir:

Mikhail Gurevich GM

Jon Ludvik Hammer GM

Helgi Ólafsson GM

Sebastian Maze GM

Igor Alexandre Nataf GM

Ingvar Þór Jóhannesson

Kristján Guðmundsson

Þorsteinn Þorsteinsson

Páll Agnar Þórarinsson og

Björn Ívar Karlsson.

  Í þriðju deild tefldu Eyjamenn fram B- og C- sveit. B sveitin er nú í 3 sæti af 16 sveitum með 6 stig og 15,5 vinninga og er að berjast um sæti í 2 deild að ári, en tvær efstu sveitirnar fara upp um deild.  B sveitin er skipuð mörgum stórgóðum mönnum sem hafa metnað til að ná langt að þessu sinni.  Liðið var styrkt með Mariu Klinovu (eiginkonu Gurevich) að þessu sinni.

   C sveitin er í 13 sæti með 3 stig og 8,5 vinninga og er í fallbaráttunni, en sú sveit er skipuð ungum og efnilegum strákum ásamt blöndu af gamalkunnum Eyjamönnum.

  Í fjórðu deild teflir D- sveit TV og gerðu þeir jafntefli í gær 3-3, þar sem tvö borð voru ómönnuð og er sveitin nú í 10 sæti af 22 með 4 stig og 13,5 vinning.

 Væntalegir eru pislar frá liðsstjórum sveita félagsins í dag eða á morgun.

Eyjamenn með 2 vinninga forskot á Íslandsmótinu í skák.

  Nú þegar þremur umferðum er lokið á Íslandsmót Skákfélaga eru Eyjamenn enn efstir með 20 vinninga (af 24 mögulegum) og fullt hús stiga eða 6 (2 stig fyrir sigur), en þeir keppa í efstu deild skákfélaga á landinu.  Í þriðju umferð sigraði A sveit Taflfélags Vestmannaeyja sveit Taflfélags Reykjavíkur 5-3, en í morgun unnu við Akureyringa 7-1.

  Staða efstu liða eftir 3 umferðir:
  1. Taflfél. Vestmannaeyja      3 0 0   6 stig  20 vinn.
  2. Taflfél. Bolungarvíkur         2 0 1   4 stig  18 vinn.
  3. Taflfél. Hellir Reykjavík       3 0 0   6 stig  16 vinn.
  Átta félög tefla í efstu deild og tefla allir við alla.

  Þeir sem hafa telft fyrir Eyjamenn í þessum þremur fyrstu umferðum eru eftirtaldir :

  Mikhail Gurevich stórmeistari
  Jon Ludvik Hammer stórmeistari
  Helgi Ólafsson stórmeistari
  Sebastian Maze stórmeistari
  Igor Alexandre Nataf stórmeistari
  Ingvar Þór Jóhannesson
  Kristján Guðmundsson
  Þorsteinn Þorsteinsson
  Páll Agnar Þórarinsson og
  Björn Ívar Karlsson

   Í fyrramálið kl. 11 mætir sveitin sterkri sveit Fjölnis í Reykjavík.

  Í þriðju deild tefla Eyjamenn fram tveimur sveitum B- og C- sveit.  B sveitin er nú í 4 sæti af 16 sveitum með 4 stig og 11,5 vinninga.  C sveitin er í 14 sæti með 2 stig og 5,5 vinninga.

  Í fjórðu deild teflir D- sveit TV og gerðu þeir jafntefli í dag 3-3, þar sem þrjú borð voru ómönnuð og er sveitin nú í 11 sæti af 22 með 3 stig og 10,5 vinning.

   Sjá nánar á skak.is

Eyjamenn gjörsigruðu KR-inga 8-0.

  Þá er fyrstu umferð Íslandsmóts Skákfélaga lokið í gærkvöldi og í efstu deild gjörsigraði A sveit Taflfélags Vestmannaeyja sveit KR-inga 8-0.  KRingar sáu ekki til sólar og urðu að lúta í gras á öllum borðunum átta.

  Þeir sem tefldu fyrir Eyjamenn í þæessari fyrstu umferð veour eftirtaldir :

  Mikhail Gurevich stórmeistari
  Jon Ludvik Hammer stórmeistari
  Helgi Ólafsson stórmeistari
  Sebastian Maze stórmeistari
  Igor Alexandre Nataf stórmeistari
  Ingvar Þór Jóhannesson
  Páll Agnar Þórarinsson og
  Björn Ívar Karlsson

   Í morgun mætti sveitin sveit Akureyringa og síðustu fréttir hermda að staðan séi 6-1 fyrir Eyjamenn en þá var einni skák ólokið.  Eyjamenn tróna því á toppi deildarinnar.  Klukkan 17 verður síðan 3 umferð og kl.l 11 í fyrramálið er fjórða og síðasta umferð fyrri hlutans, en síðari hlutinn fer fram í byrjun mars.

  Í þriðju deild tefla Eyjamenn fram tveimur sveitum B- og C- sveit.  B sveitin sigraði í gær 5-1, en tapaði í morgun 2-4 og er um miðja deild.  C- sveitin tapaði stórt í gær 0-6 en sigraði í morgun 4-2.

  Í fjórðu deild teflir D- sveit TV og unnu þeir í gær 5-1, en töpuðu naumlega fyrir B-sveit Selfyssinga í morgun 2,5 - 3,5.

B sveit TV er vel mönnuð.

  Nú, þegar það er ekki nema rúmlega vika þar til Íslandsmót skákfélaga hefst er undirbúningur í fullum gangi.  Í skákpistlinum í síðustu viku var A sveit félagsins kynnt en hana skipa fjórir erlendir skákmenn og síðan íslendingar með GM Helga Ólafsson í fararbroddi, en hann leiðir nú Olympíulið Íslands í Rússlandi og gengur bara ágætlega.  Erlendu liðsmenn félagsins hafa verið að standa sig geysivel á mótinu og þannig er hinn sænski Nils Grandelius (2500) búinn að innbyrða flesta vinninga fyrir sænska liðið eða 5,5 af 6 mögulegum og er taplaus, en hann var varamaður í liðinu en hefur ekki hvílt enn sem komið er.  Þá hefur Jon Ludvig Hammer hinn norski halað inn 4 vinninga af 6 fyrir norðmenn en hann situr á 2 borði á eftir Magnusi Carlsen sem hefur aðeins 2 vinninga af 4.  En nóg um það.  Liðsstjórar B-liðs TV eru þeir Einar K. Einarsson og Sverrir Unnarsson, en liðið keppir nú í 3 deild eftir að hafa unnið sig upp úr 4 deild í vor.  Nú liggur liðsskipan haustsins fyrir og er liðið skipað eftirtöldum skákmönnum, en 6 skákmenn taka þátt í hverri viðureign.   :

Ægir Páll Friðbertsson (2045)

Lárus Ari Knútsson (1995)

Einar K. Einarsson (1985)

Sigurjón Þorkelsson (1890)

Sverrir Unnarsson (1885)

Kjartan Guðmundsson (1840)

Einar Guðlaugsson (1820)

Nökkvi Sverrisson (1745)

Aron Ellert Þorsteinsson (1670)

Að auki teflir félagið fram C- sveit í 3 deild og D- og E- sveitum í 4 deild, en síðastnefnda sveitin er skipuð skákkrökkum úr Eyjum.  Í næstu viku verður fjallað um aðrar sveitir félagsins.

Grein þessi birtist í EYJAFRÉTTUM s.l. miðvikudag.

Krakkasveit TV.

  Íslandsmót skákfélaga hefst föstudaginn 8. október n.k. og fer fram í Rimaskóla í Reykjavík.  Mótið stendur yfir fram á sunnudag og tefldar eru 4 skákir, ein á föstudeginum, tvær á laugardeginum og ein á sunnudeginum.  Yngri krakkarnir í félaginu hafa oft myndað eina sveit á mótinu og er hugmyndin að vera með slíka að þessu sinni.  Kristófer og Daði Steinn yrðu þó að öllum líkindum í efri sveitunum en neðangreinir krakkar þurfa að fara að ákveða hvort þau geti mætt :

1  Sigurður Arnar Magnússon (1335)
2  Róbert Aron Eysteinsson (1330)
3  Davíð Már Jóhannesson (1190)
4  Jörgen Freyr Ólafsson  (1175)
5  Lárus Garðar Long     (1145)
6  EyÞór Daði Kjartansson ( 0)
7  Hafdís Magnúsdóttir    ( 0)