Björn Ívar efstur fimmtudagsmóti

Björn Ívar varð langefstur á hraðskákmóti sem fram fór í kvöld. Björn Ívar sigraði alla andstæðinga sína örugglega. Karl Gauti skaust upp í 2. sætið í lokaumferðinni og varð fyrir ofan Sverri á stigum.

Lokastaðan
Sæti	Nafn	Vinningar	SB.
1	Björn Ívar Karlsson	7	21,00
2	Karl Gauti Hjaltason	4½	11,75
3	Sverrir Unnarsson	4½	10,25
4	Daði Steinn Jónsson	4	9,50
5	Róbert Aron Eysteinsson	3	7,00
6	Valur Marvin Pálsson	2½	6,75
7	Kristófer Gautason	2	3,50
8	Sigurður Arnar Magnússon	½	1,25

Atskákmeistaramótið í kvöld.

  Minnum á að í kvöld verður Atskákmeistaramót TV og hefst það kl. 19:30.  Allir velkomnir.

Haustmótið fært til 12-14 nóv.

  Sú ákvörðun var tekin í gær að færa haustmót TV fram um eina helgi vegna óvissu með ferðir í og úr Landeyjahöfn.  Mótið fer því fram helgina 12. - 14. nóvember, en það er 7 umferðir 30 mín + 30 sek. hraðmót.

  Skráning er hafin.  Nánar um gistingu og annað á morgun.

Ný FIDE stig.

  Í dag komu út ný Fide skákstig.  Breytingar stiga hjá félagsmönnum í Taflfélagi Vestmannaeyja eru oftast ekki stórvægilegar, en þó flestar til hækkunar.

  Hæstur á lista TV manna er enn sem fyrr Helgi Ólafsson 2518 stig og lækkar hann um 9 stig frá síðasta lista, næstur honum er nú Ingvar Þór Jóhannesson með 2340 stig og hækkar um heil 12, en þriðji er Kristján Guðmundsson sem hækkar um 13 stig og er í 2275 stigum, fjórði er svo Páll Agnar Þórarinsson sem hækkar um 9 stig og endar í 2267 stig.

 Mestu hækkun hlaut Kristján Guðmundsson sem hækkaði um 13 stig.  Nú eru 11 TV menn yfir 2000 stigum og fjölgaði þeim um einn frá því síðast, en alls 19 á lista.

Annars er listi yfir TV menn með stig þessi (hækkun eða lækkun í sviga):

Helgi Ólafsson GM          2518    ( -9 )
Ingvar Þór Jóhannesson 2340  (+12)
Kristján Guðmundsson    2275  (+13)
Páll Agnar Þórarinsson   2267   ( +9)
Þorsteinn Þorsteinsson  2220  ( -11)
Björn Ívar Karlsson       2211   ( +1)
Ægir Páll Friðbertsson  2194   ( +2 )
Sævar Bjarnason IM    2151   (+3)
Lárus Knútsson          2090   ( +3)
Einar K. Einarsson      2049   ( +3)
Sigurjón Þorkelsson    2039   ( 0 )
Kjartan Guðmundsson  1989  ( +1)
Einar Guðlaugsson       1937  (  0)
Sverrir Unnarsson        1926   ( 0)
Kári Sólmundarsson       1855   ( 0)
Aron Ellert Þorsteinsson 1819 ( -2)
Nökkvi Sverrisson          1787  (+6)
Þórarinn I. Ólafsson      1697  ( 0 )
Kristófer Gautason        1681 ( -2)

Daði Steinn í 2-3 sæti á Íslandsmótinu.

  Um helgina fór fram Íslandsmeistaramót drengja og stúlkna í Reykjavík.  Tveir strákar fóru frá Taflfélagi Vestmannaeyja, þeir Daði Steinn Jónsson og Kristófer Gautason.

  Keppendur voru 52 og voru tefldar 9 umferðir af 25 mínútna atskákum.  Okkar drengir voru í toppnum allan tímann og fór svo að Daði Steinn Jónsson lenti í 2-3 sæti í mótinu í heild með 7 vinninga og jafn Jóni Kristni Þorgeirssyni frá Akureyri en Jón Kristinn var hærri á stigum og þar með hlaut Daði Steinn þriðja sætið.  Hann tapaði einungis fyrir efsta manni mótsins, Mikael Jóhann frá Akureyri, og gerði svo tvö jafntefli.  Góður árangur hjá Daða Steini.  Kristófer gekk ekki eins vel og endaði með 5,5 vinning og í 11 sæti.

  Akureyringar komu sáu og sigruðu á mótinu, hlutu íslandsmeistaratitla í flokki 15 ára og yngri og einnig í flokki 13 ára og yngri.  Mikael Jóhann sigraði alla andstæðinga sína og vann af miklu öryggi.  Stórgott hjá þeim og óskum við þeim innilega til hamingju með árangurinn.

Nökkvi Hausthraðskákmeistari Vestmannaeyja.

  Í kvöld fór fram Hausthraðskákmeistaramót Vestmannaeyja.  Tíu keppendur mættu til leiks og urðu feðgarnir knáu, Nökkvi og Sverrir efstir og jafnir með 8,5 vinningar af 9 mögulegum.  Sverrir gaf innbyrðis einvígi þeirra á millum og stóð því Nökkvi uppi sem sigurvegari.

  Hinn gamalkunni Eyjapeyji, Stefán Gíslason, bar sigurorð af hinum unga og efnilega Daða Stein Jónssyni í baráttu þeirra um þriðja sætið.  Í fimmta sætinu varð einn af gömlu refunum, Einar Sigurðsson en í því sjötta hinn ungi og efnilegi Róbert Aron Eysteinsson.  Aðrir voru neðar á lista.

Lokastaðan
Sæti	Nafn	vinn	SB.
1	Nökkvi Sverrisson	8½	32,25
	Sverrir Unnarsson	8½	32,25
3	Stefán Gíslason	7	21,00
4	Daði Steinn Jónsson	6	15,00
5	Einar Sigurðsson	5	10,00
6	Róbert A Eysteinsson	4	6,00
7	Karl Gauti Hjaltason	2	2,00
	Sigurður A Magnússon	2	2,00
	Þórainn I Ólafsson	2	2,00
10	Hafdís Magnúsdóttir	0	0,00

Hraðskák annað kvöld.

  Á morgun, fimmtudag fer fram haust hraðskákmeistaramóti TV og hefst að venju kl. 19:30.

  Allir velkomnir.

  Minnum einnig á unglingameistaramót Íslands 13 og 15 ára sem hefst í Reykjavík á laugardag og stendur fram á sunnudag (sjá eldri frétt hér að neðan).  Ljóst er að a.m.k. tveir keppendur verða frá TV á mótinu.

Mótadagskrá TV til áramóta.

  Hér birtum við mótadagskrá TV fram að áramótum, en dagskráin getur að sjálfsögðu tekið nokkrum  breytingum.

28. október      - Hausthraðskákmeistaramót TV 2010
  4. nóvember  -  Atskákmeistaramót TV 2010
5-7. nóvember - Haustmót TV - Helgarmót 7. umferðir (30m+30s)  OPIÐ MÓT
11. nóvember  - Hraðskákmeistaramót TV 2010
18. nóvember  - XIV Fyrirlestur BIK.
25. nóvember  - Aðventumót (atskák 3 kvöld)
  2. desember  - Aðventumót (atskák 3 kvöld)
  9. desember  - Aðventumót (atskák 3 kvöld)
16. desember  - Jólaatskákmót TV
25. desember  - Jólamót TV - 180 jólamótið í óslitinni röð jólamóta -
                          OPIÐ MÓT  - Kannski elsta skákmót í heimi ?
31. desember  - Volcano open  OPIÐ MÓT

Unglingameistaramót næstu helgi.

  Næstu helgi 30-31. október fer fram í Reykjavík Íslandsmót 13 ára og 15 ára.  Keppt verður í báðum þessum aldursflokkum í einum flokki og verða tefldar níu 25 mínútna atskákir á tveimur dögum.   Fyrri flokkurinn 13 ára og yngri er miðaður við fæðingarár 1997 og yngri, en síðari flokkurinn 15 ára og yngri er miðaður við fæðingarár 1995 og yngri.

  Keppnin fer fram í Faxafeni 12 í Reykjavík og verða skákirnar reiknaðar til atskákstiga. Þátttökugjald er 1000 kr.  Taflfélagið mun veita fararstjórn ef keppendur verða margir frá Eyjum, en reiknað er með að hver og einn útvegi sér náttstað.  Frekari upplýsingar er unnt að fá hjá Gauta s. 898 1067.  Skráningu lýkur fimmtudaginn 28. október.  Verðlaunabikarar fyrir þrjá efstu í hvorum flokki, íslandsmeistarar í bæði stráka/pilta og stúlku/telpnaflokki.

  Umferðirnar :
  Laugardagur 30/10  1 umf. kl. 13, 2 umf. kl. 14, 3 umf. kl. 15,
                                   4 umf. kl. 16:30 og 5 umf. kl. 17:30.
  Sunnudagur 31/10    6 umf. kl. 11, 7 umf. kl. 12, 8 umf. kl. 13:30
                                   9 umf. kl. 14:30, Verðlaunaafhending kl. 15:30.

  Skráning á : [e-mail] eða í síma 568 9141 virka daga kl. 9-13.

Sigurjón efstur á Haust Atskákmeistaramótinu.

  Í kvöld fór fram Haust-Atskákmeistaramót TV og mættu 11 keppendur.  Tefldar voru 5 umferðir með 15 mínútna umhugsunartíma.  Sigurjón og Nökkvi urðu efstir og jafnir, en þeir gerðu innbyrðis jafntefli sín á milli, en Sigurjón var hærri á stigum.

  Helstu úrslit:
  1. Sigurjón Þorkelsson 4,5 vinn. (16,5)
  2. Nökkvi Sverrisson    4,5 vinn. (15)
  3. Karl Gauti Hjaltason  3 vinn. (14,5)
  4. Sverrir Unnarsson      3 vinn. (14,5)
  5. Stefán Gíslason           3 vinn. (12)
  6. Daði Steinn Jónsson      3 vinn. (10,5)
  7. Jörgen Freyr Ólafsson    2 vinn. (11,5)
  8. Róbert Aron Eysteinsson  2 vinn. (11)
  9. Sigurður Arnar Magnússon  2 vinn. (10)
10. Hafdís Magnúsdóttir            1 vinn. (11,5)
11. Eyþór Daði Kjartansson       1 vinn. (10)