Björn Ívar sigraði Jólamótið.

  Eina skákmótið sem haldið er á jóladag er Jólamót Taflfélags Vestmannaeyja, en það fór fram í dag kl. 13 og var lokið kl. 15:30.  Keppendur að þessu sinni voru 16 og voru átök oft á tíðum hörð.  Tefldar voru 11 umferðir 5 mínútna hraðskákir.  Hinn knái drengur, Björn Ívar Karlsson sigraði með 11 vinningum og vann alla andstæðinga sína.  Í öðru sæti varð Nökkvi Sverrisson og hinn efnilegi Daði Steinn Jónsson varð þriðji.  Í yngri flokki varð því Daði Steinn efstur, en Kristófer Gautason í öðru sæti og Sigurður A. Magnússon í þriðja sæti.

Úrslit.

1. Björn Ívar Karlsson 11 vinninga
2. Nökkvi Sverrisson 9 vinninga
3. Daði Steinn Jónsson 7.5 vinninga

Yngri en 15 ára.
1. Daði Steinn Jónsson 7,5 vinninga
2. Kristófer Gautason 7 vinninga
3. Sigurður A. Magnússon 5,5 vinninga

Lokastaðan
Sæti	Nafn	FIDE	Vinn	BH.
1	Karlsson Bjorn-Ivar	2200	11	67½
2	Sverrisson Nokkvi	1784	9	68
3	Jonsson Dadi Steinn	0	7½	66
4	Unnarsson Sverrir	1958	7	70
5	Sigurmundsson Arnar	0	7	61
6	Gautason Kristofer	1684	6½	66½
7	Gislason Stefan	0	6½	62
8	Hjaltason Karl Gauti	0	5½	59
9	Magnusson Sigurdur A	0	5½	56
10	Sigurdsson Einar	0	5	57
11	Johannesson David Mar	0	4½	61
12	Kjartansson Tomas Aron	0	4	55½
13	Olafsson Thorarinn I	1707	3½	62½
14	Sigurdsson Johannes Thor	0	3½	50
15	Kjartansson Eythor Dadi	0	2	51½
16	Magnusdottir Hafdis	0	0	54½

mótið á chess-results

Jólamótið kl. 13.

  Taflfélag Vestmannaeyja óskar öllum velunnurum félagsins Gleðilegra Jóla.

  Í dag, Jóladag fer fram hið árlega Jólamót Taflfélags Vestmannaeyja og er eina skákmótið sem haldið er á þessum degi.  Og hvers vegna ?  Einfaldlega vegna þess að þannig hefur það alltaf verið frá því elstu menn muna og það hafa þeir frá þeim elstu sem þeir hittu á barnsaldri og svona hefur það verið mann fram af manni hér í Vestmannaeyjum.

  Jólamótið á sér svo fastan sess í hugum Eyjamanna að engin getur hugsað sér að missa af því og þeir sem eru svo óheppnir að vera uppi á landi á Jóladag og missa af mótinu, taka yfirleitt eina eða tvær skákir við nærstadda eftir hádegi á Jóladag, svona til þess að vera með okkur í anda.

 Nei - Ekki missa af jólamóti TV, það væri óráð.

  Þeir sem ætla að mæta og búa uppi á landi - er bent á að Herjólfur hefur farið sína síðustu ferð í gær aðfangadag, svo eina leiðin til þess að mæta er að hringja í Ribsafari og koma með þeim yfir sundið - En hvað gerir maður ekki fyrir Jólamótið.

   Snyrtilegur klæðnaður - Súrsaða sviðasultan og súru selshreifarnir uppseldir.

  Allir velkomnir.

Jólamótið á morgun, jóladag.

  Á morgun Jóladag fer fram hið árlega Jólamót Taflfélags Vestmannaeyja sem er eina skákmótið sem haldið er á þessum degi.  Og hvers vegna ?  Einfaldlega vegna þess að þannig hefur það verið frá því elstu menn muna og það hafa þeir frá þeim elstu sem þeir hittu á barnsaldri og svona hefur það verið mann fram af manni hér í vestmannaeyjum.

  Jólamótið á sér svo fastan sess í hugum Eyjamanna að engin getur hugsað sér að missa af því og þeir sem eru svo óheppnir að vera uppi á landi á Jóladag og missa af mótinu, taka yfirleitt eina eða tvær skákir við nærstadda eftir hádegi á Jóladag, svona til þess að vera með okkur í anda.

 Nei - Ekki missa af jólamóti TV, það eykur á jólaskapið.

  Þeir sem ætla að mæta og búa uppi á landi - er bent á síðustu ferð Herjólfs frá Þorlákshön kl. 11:30 í dag aðfangadag -  Það er þess virði.

   Snyrtilegur klæðnaður - Súrsuð sviðasulta og súrir selshreifar eins og venjulega.

  Allir velkomnir.

Jóladagskrá TV.

  Á stjórnarfundi Taflfélags Vestmannaeyja í gær var sett upp Jóladagskrá félagsins, svohljóðandi:

Hið árlega Jólamót TV Jóladag kl. 13 - 15:30.  Hraðskákmót, Opið öllum.
Miðvikudaginn 29. des. kl. 19:30 - Jólasveinamót TV - Hraðskákmót, Opið öllum.
Miðvikudaginn 29. des. kl. 21:00 - Jólasveinamót fullorðinna - Hraðskákmót, Opið eldri en 18 ára.
Gamlársdagur 31. des. kl. 12:00 - Volcanó Open - Volcanó Café - Hraðskákmót, Opið öllum.
Skákþing Vestmannaeyja hefst Miðvikudaginn 12. janúar 2011 kl. 19:30, Opið öllum - skráning hafin.

  Þá fjallaði stjórnin ýmis önnur mál, þessi helst :
Nýr samningur við Sparisjóð Vestmannaeyja undirritaður 23. des. kl. 17:00.
Lagfæringar á ofnum í húsnæði félagsins.
Kæra TV til skákdómstólsins vegna vals á keppendum á NM í skólaskák 2011.
Firmakeppni TV verður haldin í lok janúar.

Hið árlega jólaskákmót á Jóladag kl. 13.

  Eina skákmótið á landinu sem fram fer á Jóladag ár hvert, er Jólamót Taflfélags Vestmannaeyja.  Talið er að mótið eigi rætur að rekja langt aftur í aldir.  Brottfluttir Eyjamenn koma alls staðar af að landinu til þess að taka þátt í mótinu því ekki vilja þeir láta það spyrjast um sig að þeir hafi misst af Jólamóti TV.

  Einn maður, sem kominn var yfir sjötugt, hafði eitt sinn misst af þjóðhátíð og nokkrum árum seinna missti hann af Jólamóti TV vegna sjúkrahúslegu, sagði í viðtali af því tilefni að það hafi verið erfitt að vera á Kanarí yfir Þjóðhátíðina, en hann lýsti líðan sinni á Jóladag 2003 sem skelfilegri lífreynslu, því uppúr hádegi hafi hann farið að æla, fengið hjartsláttartruflanir og æðagúlpa á vísi og þumalfingur.  Læknar hafi komið hlaupandi að og ekkert skilið í þessu fyrr en gamall maður í næsta rúmi hafi stunið upp að nú væri Jólamótið að byrja og stuttu síðar var sá fallinn í meðvitundarleysi, sem stóð til klukkan að verða 4, en þá var líka Jólamótinu það árið lokið.

  Nei - Ekki missa af jólamóti TV, það er betra fyrir heilsuna.

  Snyrtilegur klæðnaður áskilinn.  Súrsuð sviðasulta og súrir selshreifar eins og venjulega.

  Allir velkomnir.

Hraðskákmót á fimmtudegi

Hraðskákmót verður á morgun, fimmtudag kl. 19:30.

Tefldar verða 7-9 umferðir með 5 mínútna umhugsunartíma.

Stjórn TV

Ný íslensk skákstig.

  Nú eru komin inn ný íslensk skákstig miðað við 1. desember og kemur einn nýliði inn fyrir TV, Eyþór Daði Kjartansson með 1265 stig og óskum við honum til hamingju en hann er aðeins 10 ára.  Nökkvi Sverrisson hækkaði mest allra eða um heil 60 stig og er næst efstur á landinu unglinga fædd 1994.

 Helgi Ólafsson GM    2530
 Ingvar Þór Jóhannesson 2350
 Páll Agnar Þórarinsson 2260
 Kristján Guðmundsson  2255
 Þorsteinn Þorsteinsson  2215
 Björn Ívar Karlsson  2170
 Sævar Bjarnason     2140
 Björn Freyr Björnsson 2130
 Ægir Páll Friðbertsson 2035
 Lárus Ari Knútsson   2000
 Einar k. Einarsson   1960
 Sverrir Unnarsson   1895
 Sigurjón Þorkelsson 1890
 Kjartan Guðmundsson 1845
 Nökkvi Sverrisson  1805 (+60) (2 sæti fd. 94)
 Einar Guðlaugsson  1805
 Arnar Sigurmundsson 1725
 Óli Á. Vilhjálmsson  1695
 Stefán Gíslason     1685
 Aron Ellert Þorsteinsson 1655
 Lúðvík Bergvinsson 1630
 Kristófer Gautason 1625 (+40) (1 sæti fd. 97)
 Þórarinn I. Ólafsson 1625
 Ólafur Hermannsson 1620
 Daði Steinn Jónsson 1590 (+10) (4 sæti fd. 96)
 Karl Gauti Hjaltason 1545
 Sigurður A. Magnússon 1375 (+40) (2 sæti fd. 99)
 Róbert Aron Eysteinsson 1355 (+25) (3 sæti fd. 99)
 Eyþór Daði Kjartansson 1265 (NÝR) (1 sæti fd. 00)
 Davíð Már Jóhannesson 1190
 Jörgen Freyr Ólafsson 1145
 Lárus Garðar Long  1145

Björn Ívar sigurvegari á Nóvemberhelgarmótinu

   Í gær laugardag lauk Nóvembermóti TV.  Mótið var 5 umferðir og tók sólarhring.  Mótið var aðallega haldið til að gefa yngri skákmönnum tækifæri til að afla sér stiga og virðist það hafa tekist ágætlega í mörgum tilfellum.  Björn ívar Karlsson sigraði alla andstæðinga sína og vann með fullt hús 5 vinninga.  Í örðu sæti varð Nökkvi Sverrisson sem einungis tapaði fyrir Birni.  Í þriðja sæti varð Sverrir Unnarsson sem tapaði bara fyrir þeim sem fyrir ofan hann voru.

  Nokkrir fengu góðar hækkanir, þannig hækkar Nökkvi um rúm 30 stig og Sigurður um 20.  Tveir keppendur komast inn á íslenska listann Sigurjón Njarðarson og Eyþór Daði Kjartansson sem kemur inn á rúmum 1200 stigum.   Til hamingju með þetta.

Lokastaðan
Sæti	Nafn	Stig	Vinn	BH.
1	Bjorn-Ivar Karlsson	2160	5	13½
2	Nokkvi Sverrisson	1745	4	12½
3	Sverrir Unnarsson	1885	3	16
4	Kristofer Gautason	1585	2½	13½
5	Sigurdur A Magnusson	1335	2½	11
6	Sigurjon Njardarson	0	2½	9½
7	Stefan Gislason	1675	2	16
8	Karl Gauti Hjaltason	1555	2	11½
9	Eythor Dadi Kjartansson	1210	1½	9
10	Jorgen Freyr Olafsson	1175	0	12½

mótið á chess-results

Nóvemberhelgarmótið hófst í kvöld

Í kvöld voru tefldar tvær fyrstu umferðir Nóvembermóts TV. Björn Ívar, Nökkvi og Kristófer eru efstir og jafnir með fullt hús.
Þriðja umferð verður tefld í fyrramálið kl 10 og þá mætast:

Bo.	Name	Pts	Res.	Pts	Name
1	Kristofer Gautason	2		2	Bjorn-Ivar Karlsson
2	Stefan Gislason	1		2	Nokkvi Sverrisson
3	Sverrir Unnarsson	1		1	Sigurjon Njardarson
4	Jorgen Freyr Olafsson	0		1	Sigurdur A Magnusson
5	Karl Gauti Hjaltason	0		0	Eythor Dadi Kjartansson

 

Haustmótið um helgina.

  Um næstu helgi 12. til 14. nóvember fer fram Haustmót Taflfélags Vestmannaeyja.  Mótið að þessu sinni verður hraðmót.  Tefldar verða 7. umferðir monrad með 30 mín á skák + 30 sek. aukatíma á hvern leik.

  Keppendum ofan af landi stendur til boða ódýr gisting á Mömmu (herbergi) eða á Sunnuhvoli (herbergi eða svepnpokapláss) sími 481 2900 og auðvelt er að sigla frá Landeyjahöfn sími í Herjólfsafgreiðslu 481 2800.

  Mótið er stigamót, en umferðum verður fækkað niður í fimm reynist þátttaka lítil, ella verður haldið við áætlun.  Skráning keppenda er í athugasemdum við þessa færslu eða í síma 898 1067 hjá Gauta eða Sverri sími 858 8866.

Mótið verður reiknað til Íslenskra stiga.

Umferðartafla.
1. umferð föstudaginn 12. nóvember kl. 19:30
2. umferð föstudaginn 12. nóvember kl. 22:00
3. umferð laugardaginn 13. nóvember kl. 10:00
4. umferð laugardaginn 13. nóvember kl. 13:00
5. umferð laugardaginn 13. nóvember kl. 16:00
6. umferð sunnudaginn 14. nóvember kl. 11:00
7. umferð sunnudaginn 14. nóvember kl. 13:00
Áætluð mótsslit kl. 15:00.

  Mótshaldarar áskilja sér rétt til að breyta umferðarröð og dagskrá mótsins.