Taflfélag Vestmannaeyja

15.2.2011 | 19:19

Skákþing Vestmannaeyja - lokastaðan

Í dag var tefld lokaskák Skákþingsins, þegar Sverrir sigraði Einar í snarpri skák.
Þar með er ljóst að Sverrir varð í öðru sæti og Nökkvi í því þriðja en öruggur sigurvegari mótsins er Björn Ívar Karlsson

Lokastaðan

Sæti	Nafn	Fide	Vi	BH.
1	Bjorn-Ivar Karlsson	2211	8½	45½
2	Sverrir Unnarsson	1926	6½	49
3	Nokkvi Sverrisson	1787	6½	47
4	Sigurjon Thorkelsson	2039	6	45½
5	Stefan Gislason	1685	5½	43½
6	Dadi Steinn Jonsson	1590	5½	40
7	Einar Gudlaugsson	1937	5	48½
8	Robert Aron Eysteinsson	1355	5	36
9	Karl Gauti Hjaltason	1545	4½	37
10	Thorarinn I Olafsson	1697	4	46
11	Kristofer Gautason	1679	4	39
12	Sigurdur A Magnusson	1375	3½	36½
13	Eythor Dadi Kjartansson	1265	3	33
14	Hafdis Magnusdottir	0	2	34½
15	Jorgen Freyr Olafsson	1140	2	33½
16	Tomas Aron Kjartansson	1010	½	34½

chess-results

Íþróttir | Breytt 20.2.2011 kl. 22:15 | Slóð | Facebook | Athugasemdir (0)

13.2.2011 | 23:46

Skákþing Vestmannaeyja - lokaumferð

Lokaumferð Skákþingsins fór fram í kvöld.

Kristófer hafði hvítt á Björn Ívar og tefldi Alapin-afbrigðið gegn Sikileyjarvörn. Hvítur vann snemma biskupaparið en svartur fékk töluvert rými og fljóta liðskipan fyrir mennina sína. Svartur þandi sig á drottningarvængnum og hefði hvítur átt að svara í sömu mynt mun fyrr. Í miðtaflinu gaf svartur drottninguna fyrir tvo hróka og náði þá sterkum tökum á stöðunni sem hvítur gat ekki losað sig úr. Í tapaðri stöðu lék hvítur sig svo í mát.

Sverrir og Einar áttu að mætast en skákinni var frestað og verður hún tefld í vikunni.

Þórarinn Ingi hafði hvítt á Nökkva og tefldist enskur leikur. Nökkvi beitti afbrigði sem hefur verið vinsælt að undanförnu og fékk snemma betra tafl, aðallega vegna tímataps hvíts sem drottningarferðalag hans kostaði hann. Hvítur var lengi að mynda sér spil á drottningarvængnum og var Nökkvi farinn að undirbúa sig fyrir kóngssókn þegar Þórarinn Ingi lék allt í einu af sér manni og þurfti að gefast upp.

Hafdís hafði hvítt á Sigurjón sem tefldi Sikileyjarvörn. Lítið er um skákina að segja. Hvítur lék snemma af sér manni og eftir drottningaruppskipti innbyrti Sigurjón vinninginn af miklu öryggi í rólegheitum.

Róbert hafði hvítt á Gauta og tefldu þeir franska vörn. Gauti fékk snemma betra tafl og kom í veg fyrir að hvítur gæti hrókað. Hann hefði átt að halda mönnunum inni á borðinu því eftir uppskipti einfaldaðist staðan mikið og hvítur jafnaði taflið. Keppendur sömdu svo um jafntefli í jafnri stöðu.

Jörgen og Daði Steinn áttu að mætast en þar sem Jörgen mætti ekki til leiks dæmdist Daða Steini sigurinn.

Stefán hafði hvítt á Tómas. Eftir óvenjulega byrjun fékk Stefán rýmra tafl. Tómas veikti svo kóngsstöðu sína sem Stefán nýtti sér með stórsókn á kóngsvængnum. Tómas varð fljótlega mát í kjölfarið.

Eyþór hafði hvítt á Sigurð sem tefldi franska vörn. Lítið er um byrjunina að segja að öðru leiti en það að Sigurður lék fljótlega af sér manni á klaufalegan hátt sem Eyþór nýtti sér. Eyþór tefldi svo eins og herforingi í framhaldinu og gaf svörtum engin tækifæri til þess að komast inn í skákina. Eftir uppskipti á mönnum fór hvítur í sókn á kóngsvæng sem var stórhættuleg og vann í framhaldinu mikið lið. Eyþór mátaði Sigurð svo á skemmtilegan hátt á kóngsvængnum. Fín taflmennska hjá Eyþóri en Sigurður flýtti sér alltof mikið og getur mun betur en hann sýndi í þessari skák.

úrslit 9. umferðar

Bo.	Nafn	Vi	Úrslit	Vi	Nafn
1	Kristofer Gautason	4	0 - 1	7½	Bjorn-Ivar Karlsson
2	Sverrir Unnarsson	5½	frestað	5	Einar Gudlaugsson
3	Thorarinn I Olafsson	4	0 - 1	5½	Nokkvi Sverrisson
4	Hafdis Magnusdottir	2	0 - 1	5	Sigurjon Thorkelsson
5	Robert Aron Eysteinsson	4½	½ - ½	4	Karl Gauti Hjaltason
6	Jorgen Freyr Olafsson	2	- - +	4½	Dadi Steinn Jonsson
7	Stefan Gislason	4½	1 - 0	½	Tomas Aron Kjartansson
8	Eythor Dadi Kjartansson	2	1 - 0	3½	Sigurdur A Magnusson

Mótinu er þá lokið fyrir utan frestuðu skákina hjá Sverri og Einari. Sú skák getur breytt ýmsu í baráttunni um 2. og 3. sætið en Sverrir getur tryggt sér 2. sætið með sigri en Einar getur nælt sér í 3. sætið með sigri.

Um taflmennskuna í mótinu má segja að Björn Ívar hafi sigrað af nokkru öryggi. Hann gerði einungis eitt jafntefli, gegn Nökkva, sem tefldi skínandi vel í mótinu. Eftir óþarfa tap í byrjun móts setti hann í fluggírinn og tefldi af miklu öryggi eftir það. Daði Steinn stóð sig einnig með mikilli prýði í mótinu. Taflmennska hans er alltaf að verða betri og stíllinn er mjög öruggur. Af öðrum ólöstuðum eru Nökkvi og Daði Steinn menn mótsins. Árangur annarra var nokkurn veginn eftir bókinni. Róbert stóð sig vel og endaði með 5 vinninga, eftir að hafa náð punktum gegn sér sterkari andstæðingum. Athygli vekur einnig að Hafdís náði sér í 2 vinninga á sínu fyrsta móti.

Staðan:

Sæti	Nafn	Stig	Vi	BH.
1	Bjorn-Ivar Karlsson	2211	8½	44½
2	Nokkvi Sverrisson	1787	6½	46
3	Sigurjon Thorkelsson	2039	6	44½
4	Sverrir Unnarsson	1926	5½	49	1 frestuð
5	Stefan Gislason	1685	5½	42½
6	Dadi Steinn Jonsson	1590	5½	39
7	Einar Gudlaugsson	1937	5	47½	1 frestuð
8	Robert Aron Eysteinsson	1355	5	35
9	Karl Gauti Hjaltason	1545	4½	37
10	Thorarinn I Olafsson	1697	4	45
11	Kristofer Gautason	1679	4	38
12	Sigurdur A Magnusson	1375	3½	36½
13	Eythor Dadi Kjartansson	1265	3	33
14	Hafdis Magnusdottir	0	2	34½
15	Jorgen Freyr Olafsson	1140	2	33½
16	Tomas Aron Kjartansson	1010	½	34½

chess-results

Íþróttir | Breytt 15.2.2011 kl. 19:07 | Slóð | Facebook | Athugasemdir (0)

13.2.2011 | 12:12

Lokaumferð Skákþingsins í kvöld

Í kvöld fer fram lokaumferð Skákþings Vestmannaeyja og hefst hún kl. 19:30.
Skák Sverris og Einars hefur þegar verið frestað og verður hún tefld á þriðjudag eða miðvikudag.

9. umferð 13. feb. Kl.19:30

Bo.	Nafn	Vi	Úrslit	Vi	Nafn
1	Kristofer Gautason	4		7½	Bjorn-Ivar Karlsson
2	Sverrir Unnarsson	5½	frestað	5	Einar Gudlaugsson
3	Thorarinn I Olafsson	4		5½	Nokkvi Sverrisson
4	Hafdis Magnusdottir	2		5	Sigurjon Thorkelsson
5	Robert Aron Eysteinsson	4½		4	Karl Gauti Hjaltason
6	Jorgen Freyr Olafsson	2		4½	Dadi Steinn Jonsson
7	Stefan Gislason	4½		½	Tomas Aron Kjartansson
8	Eythor Dadi Kjartansson	2		3½	Sigurdur A Magnusson

Íþróttir | Breytt s.d. kl. 13:36 | Slóð | Facebook | Athugasemdir (0)

9.2.2011 | 23:54

Björn Ívar Vestmannaeyjameistari 2011

8. umferð Skákþingsins fór fram í kvöld.

Sigurður hafði hvítt á Björn Ívar og tefldi nokkuð óvenjulega leið gegn Sikileyjarvörn svarts. Svartur fékk snemma biskupaparið gegn riddarapari svarts en þurfti að reyna að opna stöðuna til þess að virkja biskupana. Hvítur fór þá heldur geist af stað með riddarana sína og stóðu þeir höllum fæti á miðborðinu þar sem þeir völduðu hvorn annan. Svartur hótaði að vinna annan riddarann og þurfti hvítur þá að gefa þá báða fyrir einn hrók. Með biskupaparið í opinni stöðu vann svartur svo örugglega.

Nökkvi hafði hvítt á Sverri sem tefldi Najdorf-afbrigðið. Fljótlega kom upp hið hvassa Gautaborgar-afbrigði þar sem svartur fær góðan reit á e5 fyrir riddara en hvítur opna f-línu og nokkuð virka menn. Svartur hrókaði langt og færði hvítur alla mennina yfir á drottningarvænginn þar sem þeir stóðu ógnandi. Hvítur átti nokkrar vænlegar sóknarleiðir í framhaldinu en kaus að gefa skiptamun með von um að vinna mann til baka í framhaldinu. Svartur átti þá möguleika að halda skiptamuninum vegna máthótunar en sást yfir það og fór út í stöðu manni undir vegna yfirsjónar. Svartur gafst þá strax upp. Með sigrinum gerði Nökkvi út um vonir Sverris að jafna Björn Ívar, sem hefur 2 vinninga forskot fyrir síðustu umferð og hefur þegar tryggt sér titilinn.

Sigurjón hafði hvítt á Kristófer sem tefldi Bogo-indverska vörn. Hvítur byggði stöðuna rólega upp en svartur jafnaði taflið eftir að hafa leikið c5 í miðtaflinu. Mikil uppskipti urðu í framhaldinu og sömdu keppendur um jafntefli í jafnri stöðu.

Einar hafði hvítt á Þórarinn Inga og tefldu þeir spánska leikinn. Hvítur fékk snemma rýmra tafl og átti svartur erfitt með að virkja biskupinn sinn sem stóð á b7. Biskupinn var seinna leppaður vegna stöðu svarts hróks á b8 og hvítur braust þá í gegn á miðborðinu. Hann fékk mjög öflugan riddara á e4 sem hoppaði á d6 og batt svörtu mennina niður. Eftir drottningaruppskipti hafði hvítur mjög hættulegt frípeð auk þess að vinna einnig eitt af peðum svarts. Hvítur innbyrti svo sigurinn af öryggi.

Stefán átti að mæti Eyþóri en þar sem Eyþór mætti ekki til leiks var Stefáni dæmdur sigur.

Daði Steinn hafði hvítt á Hafdísi frænku sína og fékk snemma mun rýmra tafl og virkari menn. Hafdísi sást þá yfir máthótun snemma í miðtaflinu sem hvítur nýtti sér og mátaði svarta kónginn á e8.

Tómas hafði hvítt á Róbert og tefldu þeir rólegt afbrigði spánska leiksins. Mikil uppskipti urðu í byrjuninni en staðan var nokkuð róleg þegar báðir keppendur hófu aðgerðir á kóngsvæng. Tómas varð þá á yfirsjón og tapaði drottningunni klaufalega. Róbert vann örugglega í framhaldinu.

Jörgen hafði hvítt á Gauta sem tefldi Sikileyjarvörn. Gauti vann snemma tvö peð en hvítur hafði smá spil sem hann nýtti sér ekki til fullnustu. Gauti innbyrti sigurinn af öryggi.

Næsta umferð fer fram á sunnudagskvöldið n.k. kl. 19.30. Fyrir hana hefur Björn Ívar, eins og áður sagði, tryggt sér sigurinn. Næstir eru jafnir feðgarnir Sverrir og Nökkvi og verður spennandi að sjá hvort annar þeirra nær að tryggja sér 2. sætið en þeir eru í harðri baráttu við Sigurjón og Einar sem eru hálfum vinningi á eftir þeim.

úrslit 8. umferðar

Bo.	Nafn	Úrslit	Nafn
1	Sigurdur A Magnusson	0 - 1	Bjorn-Ivar Karlsson
2	Nokkvi Sverrisson	1 - 0	Sverrir Unnarsson
3	Sigurjon Thorkelsson	½ - ½	Kristofer Gautason
4	Einar Gudlaugsson	1 - 0	Thorarinn I Olafsson
5	Eythor Dadi Kjartansson	- - +	Stefan Gislason
6	Dadi Steinn Jonsson	1 - 0	Hafdis Magnusdottir
7	Tomas Aron Kjartansson	0 - 1	Robert Aron Eysteinsson
8	Jorgen Freyr Olafsson	0 - 1	Karl Gauti Hjaltason

Staðan eftir 8. umferð

Sæti	Nafn	Stig	Vi	BH.
1	Bjorn-Ivar Karlsson	2211	7½	37
2	Sverrir Unnarsson	1926	5½	39
3	Nokkvi Sverrisson	1787	5½	37½
4	Sigurjon Thorkelsson	2039	5	40
5	Einar Gudlaugsson	1937	5	37½
6	Stefan Gislason	1685	4½	37½
7	Dadi Steinn Jonsson	1590	4½	31½
8	Robert Aron Eysteinsson	1355	4½	26½
9	Thorarinn I Olafsson	1697	4	35½
10	Karl Gauti Hjaltason	1545	4	28½
11	Kristofer Gautason	1679	4	27½
12	Sigurdur A Magnusson	1375	3½	30½
13	Eythor Dadi Kjartansson	1265	2	26
14	Hafdis Magnusdottir	0	2	25½
15	Jorgen Freyr Olafsson	1140	2	25
16	Tomas Aron Kjartansson	1010	½	27

Pörun 8. umferðar

Bo.	Nafn	Vi	Úrslit	Vi	Nafn
1	Kristofer Gautason	4		7½	Bjorn-Ivar Karlsson
2	Sverrir Unnarsson	5½		5	Einar Gudlaugsson
3	Thorarinn I Olafsson	4		5½	Nokkvi Sverrisson
4	Hafdis Magnusdottir	2		5	Sigurjon Thorkelsson
5	Robert Aron Eysteinsson	4½		4	Karl Gauti Hjaltason
6	Jorgen Freyr Olafsson	2		4½	Dadi Steinn Jonsson
7	Stefan Gislason	4½		½	Tomas Aron Kjartansson
8	Eythor Dadi Kjartansson	2		3½	Sigurdur A Magnusson

chess-results

Veljið skák (64 alls):

Íþróttir | Breytt s.d. kl. 23:55 | Slóð | Facebook | Athugasemdir (0)

8.2.2011 | 11:32

Björn Ívar Suðurlandsmeistari í skák 2011.

Um helgina fór fram Suðurlandsmeistaramótið í skák í félagsheimilinu að Þingborg rétt austan við Selfoss. 26 skákmenn mættu til leiks, þar af 5 úr Taflfélagi Vestmannaeyja, þeir Björn Ívar, Nökkvi, Stefán Gíslason, Kristófer Gautason og Daði Steinn Jónsson.

Mótið var 7 umferðir, 4 atskákir og 3 kappskákir. Fóru leikar þannig að Björn Ívar Karlsson stóð uppi sem sigurvegari með 6 vinninga af 7 mögulegum. Þetta er afar góður árangur hjá Birni og annað árið í röð sem hann hampar þessum titli. Árangur annara TV manna var einnig góður og að öðrum ólöstuðum þá stóð Daði Steinn Jónsson afar vel og lenti í 11 sæti í heildina með 4 vinninga, en hann vann allar kappskákir sínar á mótinu. Daði Steinn hlaut verðlaun sem efsti maður í flokki þeirra sem voru undir 16oo skákstigum.

Í hraðskákmóti Suðurlands sem fram fór að loknu mótinu sigraði Björn Ívar einnig og er því tvöfaldur Suðurlandsmeistari í skák.

Sjá frekari umfjöllun á sudurskak.is

Lokastaðan:


Rank	SNo.	Name	Rtg	Pts	BH.
1	3	Karlsson Bjorn Ivar	2211	6	28½
2	1	Gislason Gudmundur	2360	5½	32½
3	2	Thorgeirsson Sverrir	2330	5½	30
4	5	Johannsson Orn Leo	1940	5	29
5	17	Brynjarsson Eirikur Orn	1624	4½	28½
6	12	Andrason Pall	1720	4½	25
7	19	Lee Gudmundur	1585	4	29½
8	4	Vigfusson Vigfus	1999	4	27
9	8	Matthiasson Magnus	1806	4	22½
10	10	Birgisson Ingvar Orn	1795	4	22½
11	18	Jonsson Dadi Steinn	1590	4	21
12	9	Sverrisson Nokkvi	1805	3½	28
13	13	Sigurdarson Emil	1720	3½	23½
14	14	Grantas Grigorianas	1710	3½	23
15	20	Sigurdsson Birkir Karl	1560	3	28½
16	25	Birgisdottir Inga	0	3	25½
17	22	Gardarsson Magnus	1475	3	24
18	7	Jonsson sigurdur H	1868	3	22½
19	11	Gudmundsson Einar S	1745	3	21
20	6	Sigurjonsson Bjorn Solvi	1910	3	20½
21	15	Gislason Stefan	1685	3	18½
22	16	Gautason Kristofer	1679	2½	26
23	26	Siggason Thorvaldur	0	2	22½
24	21	Einarsson Thorleifur	1525	1½	20½
25	23	Palmarsson Erlingur Atli	1420	1½	17
26	24	Olafsson Emil	1325	1	20

Íþróttir | Slóð | Facebook | Athugasemdir (0)

3.2.2011 | 00:18

Skákþing 7. umferð - Nökkvi stöðvaði sigurgöngu Björns Ívars

7. umferð Skákþingsins fór fram í kvöld.

Björn Ívar hafði hvítt á Nökkva og tefldi óvenjulega byrjun sem kennd hefur verið við Larsen. Hvítur fékk betra tafl út úr byrjuninni og svartur þurfti að þola örlitlar þrengingar. Nökkvi leysti vandamál sín mjög vel og jafnaði taflið í miðtaflinu. Eftir það skiptist út í endatafl þar sem staðan var hnífjöfn. Björn reyndi að tefla áfram til vinnings en Nökkvi tefldi stöðuna eins og herforingi og hvítur komst ekkert áfram. Jafntefli. Fín taflmennska hjá Nökkva.

Sverrir hafði hvítt á Daða Steinn og tefldi kóngsbragð - ekki í fyrsta skipti! Daði Steinn tefldi byrjunina nokkuð vel og þurfti Sverrir að eyða töluverðum tíma til þess að finna bestu leiðina. Hann gerði það hins vegar, fékk betri stöðu og vann mann og skákina í framhaldinu af öryggi.

Þórarinn Ingi hafði hvítt á Sigurjón sem tefldi sjaldgæft afbrigði í Sikileyjarvörn. Svartur náði að laska peðastöðu hvíts með hagstæðum uppskiptum en Þórarinn leysti vandamálin nokkuð vel og setti pressu á drottningarvænginn. Keppendur sömdu svo um jafntefli í nokkuð jafnri stöðu.

Gauti hafði hvítt á Einar sem tefldi nokkuð lokað afbrigði franskrar varnar. Gauti þurfti að þola töluverðar þrengingar og tók báða keppendur tíma að koma mönnum sínum á framfæri. Gauti braust svo loks í gegn og vann peð eftir leppun. Hann hefði svo getað unnið annað peð, í stöðu sem var talsvert betri á hvítt, en kaus að hörfa sem hleypti Einari aftur inn í skákina. Einar vann svo lið í framhaldinu á skemmtilegan hátt og skákina í kjölfarið.

Róbert hafði hvítt á Stefán sem tefldi skandinavíska leikinn. Stefán vann peð í byrjuninni og í framhaldinu annað en hleypti Róberti óþarflega mikið inn í skákina sem náði að mynda sér frípeð á drottningarvængnum. Róbert tefldi vel í framhaldinu og eyddi Stefán talsverðum tíma í að reyna finna bestu leiðina. Hvítur kaus svo að fórna manni til þess að fækka peðum svarts á borðinu og gafst svo kostur á því að vinna síðasta peð svarts sem hefði leitt til stöðu þar sem svartur hefði tvo riddara gegn einum riddara hvíts. Keppendur sömdu því um jafntefli. Fín úrslit hjá Róberti.

Kristófer hafði hvítt á Jörgen og tefldu þeir ítalska leikinn. Kristófer beitti afbrigði sem hann þekkir vel en Jörgen tefldi prýðilega og nýtti tímann sinn vel. Staðan varð jöfn í miðtaflinu en með seiglu tókst Kristófer að setja pressu á Jörgen sem sást þá yfir að hvítur gæti unnið drottningu hans og gafst upp í kjölfarið.

Sigurður hafði hvítt á Tómas og tefldu þeir nokkuð óvenjulega drottningarpeðsbyrjun. Sigurður vann snemma lið og þrátt fyrir sóknartilraunir svarts varðist hvítur vel og sigldi sigrinum örugglega í höfn.

Hafdís hafði hvítt á Eyþór sem tefldi Petroffs-vörn. Snemma urðu miklar flækjur í skákinni og stóðu menn í dauðanum hægri vinstri. Eyþór kaus þá að fórna báðum hrókunum á mjög skemmtilegan hátt fyrir mátsókn, sem hefði gengið upp ef ekki hefði verið fyrir útsjónarsemi Hafdísar sem tók bara annan hrókinn. Sókn svarts var hins vegar mjög hættuleg og leiddi hún til vinnings skömmu síðar.

Um helgina fer fram Suðurlandsmótið í skák á Selfossi og þar sem nokkrir keppendur Skákþingsins taka þátt fer næsta umferð ekki fram fyrr enn eftir viku, n.k. miðvikudag kl. 19:30.

úrslit 7. umferðar

Bo.	Nafn	Úrslit	Nafn
1	Bjorn-Ivar Karlsson	½ - ½	Nokkvi Sverrisson
2	Sverrir Unnarsson	1 - 0	Dadi Steinn Jonsson
3	Thorarinn I Olafsson	½ - ½	Sigurjon Thorkelsson
4	Karl Gauti Hjaltason	0 - 1	Einar Gudlaugsson
5	Robert Aron Eysteinsson	½ - ½	Stefan Gislason
6	Kristofer Gautason	1 - 0	Jorgen Freyr Olafsson
7	Sigurdur A Magnusson	1 - 0	Tomas Aron Kjartansson
8	Hafdis Magnusdottir	0 - 1	Eythor Dadi Kjartansson

staðan eftir 7. umferð

Sæti	Nafn	Stig	Vi	BH.
1	Bjorn-Ivar Karlsson	2211	6½	29½
2	Sverrir Unnarsson	1926	5½	29
3	Sigurjon Thorkelsson	2039	4½	31
4	Nokkvi Sverrisson	1787	4½	27½
5	Einar Gudlaugsson	1937	4	29
6	Thorarinn I Olafsson	1697	4	27
7	Stefan Gislason	1685	3½	29½
8	Dadi Steinn Jonsson	1590	3½	26½
9	Robert Aron Eysteinsson	1355	3½	23
10	Sigurdur A Magnusson	1375	3½	20½
11	Kristofer Gautason	1679	3½	20½
12	Karl Gauti Hjaltason	1545	3	23
13	Jorgen Freyr Olafsson	1140	2	20
14	Eythor Dadi Kjartansson	1265	2	19
15	Hafdis Magnusdottir	0	2	17½
16	Tomas Aron Kjartansson	1010	½	20½

pörun 8. umferðar (miðvikudaginn 9. febrúar kl. 19:30)

Bo.	Nafn	Vi	Úrslit	Vi	Nafn
1	Sigurdur A Magnusson	3½		6½	Bjorn-Ivar Karlsson
2	Nokkvi Sverrisson	4½		5½	Sverrir Unnarsson
3	Sigurjon Thorkelsson	4½		3½	Kristofer Gautason
4	Einar Gudlaugsson	4		4	Thorarinn I Olafsson
5	Eythor Dadi Kjartansson	2		3½	Stefan Gislason
6	Dadi Steinn Jonsson	3½		2	Hafdis Magnusdottir
7	Tomas Aron Kjartansson	½		3½	Robert Aron Eysteinsson
8	Jorgen Freyr Olafsson	2		3	Karl Gauti Hjaltason

chess-results

Veljið skák (56 alls):

Íþróttir | Breytt s.d. kl. 00:41 | Slóð | Facebook | Athugasemdir (0)

30.1.2011 | 23:12

Björn Ívar með örugga forystu á Skákþinginu eftir 6. umferð

6. umferð Skákþingsins fór fram í kvöld. Efstu keppendur mættust allir og var búist við hörku baráttu. Umferðin stóð hins vegar ekki alveg undir væntingum og voru skákirnar í daufari kantinum.

Einar hafði hvítt á Björn Ívar sem tefldi rólegt afbrigði tískuvarnar. Einar nýtti tækifæri sín ekki vel í byrjuninni og gaf Birni kost á að loka stöðunni og skorða peðin á þeim reitum sem hentuði honum. Hvítur hafði lítið spil í framhaldinu og þegar ljóst var að hann væri dæmdur til þess að bíða eftir sókn svarts þá brá hann á það ráð að fórna manni fyrir óljósar bætur. Björn tefldi vel í framhaldinu og innsiglaði sigurinn með nokkrum nákvæmum varnarleikjum.

Sigurjón hafði hvítt gegn Sverri sem tefldi einnig tískuvörn. Staðan var nokkuð lokuð, peðastaðan samhverf og litlir möguleikar á gegnumbrotum. Eftir að báðir keppendur höfðu komið liði sínu á framfæri sömdu þeir um jafntefli í hnífjafri stöðu.

Nökkvi hafði hvítt á Róbert sem fékk snemma mjög þrönga og óþægilega stöðu eftir að hafa brugðist óvenjulega við skoska leik hvíts. Nökkvi tók hárrétta ákvörðun í miðtaflinu og skipti upp á biskup sínum gegn riddara svarts og skildi svartan eftir með mjög slæman biskup gegn riddara hvíts. Hvítur vann í framhaldinu peð og skákina í framhaldinu af öryggi.

Þórarinn Ingi hafði hvítt á Sigurð sem tefldi Chigorin-vörn. Staðan sem upp kom var fremur óvenjuleg þar sem hvítur eyddi töluverðum tíma í tilfæringar á hvítreita biskup sínum. Svartur var ekki nógu fljótur að nýta sér tempóin sem hann vann og hvítur var á undan í sókn. Þórarinn fórnaði svo skemmtilega skiptamun sem hann vann margfalt til baka og að lokum drottningu svarts sem gafst þá upp.

Stefán hafði hvítt á Gauta og tefldist drottningapeðsbyrjun. Staðan var frekar þung og valdi hvítur rólega stöðubaráttu í stað þess að brjótast strax í gegn. Gauti varðist vel og eftir uppskipti á hrókum var lítið eftir í stöðunni og keppendur sömdu um jafntefli.

Daði Steinn hafði hvítt á Eyþór og tefldu þeir ítalska leikinn. Daði Steinn vann snemma nokkur peð eftir ónákvæmni svarts og í framhaldinu mann og innbyrti sigurinn af öryggi eftir það.

Jörgen átti að hafa hvítt gegn Hafdísi en þar sem hann mætti ekki féll hann á tíma og Hafdís vann.

Tómas hafði hvítt á Kristófer sem tefldi Petroffs-vörn. Snemma urðu mikil uppskipti á mönnum og upp kom miðtafl sem var örlítið betra á svart en þar sem mislitir biskupar voru á borðinu var erfitt fyrir svartan að gera sér neitt mat úr því. Tómas tefldi mjög vel í framhaldinu og Kristófer þurfti á tímabili að passa sig þegar kóngur hvíts var kominn á f6. Skákin endaði með jafntefli skömmu síðar. Fín skák hjá Tómasi.

Úrslit 6. umferðar

Bo.	Nafn	V	Úrslit	V	Nafn
1	Einar Gudlaugsson	3	0 - 1	5	Bjorn-Ivar Karlsson
2	Sigurjon Thorkelsson	3½	½ - ½	4	Sverrir Unnarsson
3	Nokkvi Sverrisson	3	1 - 0	3	Robert Aron Eysteinsson
4	Thorarinn I Olafsson	2½	1 - 0	2½	Sigurdur A Magnusson
5	Stefan Gislason	2½	½ - ½	2½	Karl Gauti Hjaltason
6	Dadi Steinn Jonsson	2½	1 - 0	1	Eythor Dadi Kjartansson
7	Jorgen Freyr Olafsson	2	- - +	1	Hafdis Magnusdottir
8	Tomas Aron Kjartansson	0	½ - ½	2	Kristofer Gautason

Staðan eftir 6. umferðir

Sæti	Nafn	Stig	Vi	BH.
1	Bjorn-Ivar Karlsson	2211	6	21½
2	Sverrir Unnarsson	1926	4½	22
3	Sigurjon Thorkelsson	2039	4	24
4	Nokkvi Sverrisson	1787	4	16½
5	Thorarinn I Olafsson	1697	3½	20
6	Dadi Steinn Jonsson	1590	3½	18
7	Stefan Gislason	1685	3	23
8	Einar Gudlaugsson	1937	3	22
9	Robert Aron Eysteinsson	1355	3	17
10	Karl Gauti Hjaltason	1545	3	15½
11	Sigurdur A Magnusson	1375	2½	17
12	Kristofer Gautason	1679	2½	15
13	Jorgen Freyr Olafsson	1140	2	13
14	Hafdis Magnusdottir	0	2	12½
15	Eythor Dadi Kjartansson	1265	1	16½
16	Tomas Aron Kjartansson	1010	½	14½

Næsta umferð fer fram á miðvikudaginn kl. 19:30

Pörun 7. umferðar

Bo.	Nafn	Vi	Úrslit	Vi	Nafn
1	Bjorn-Ivar Karlsson	6		4	Nokkvi Sverrisson
2	Sverrir Unnarsson	4½		3½	Dadi Steinn Jonsson
3	Thorarinn I Olafsson	3½		4	Sigurjon Thorkelsson
4	Karl Gauti Hjaltason	3		3	Einar Gudlaugsson
5	Robert Aron Eysteinsson	3		3	Stefan Gislason
6	Kristofer Gautason	2½		2	Jorgen Freyr Olafsson
7	Sigurdur A Magnusson	2½		½	Tomas Aron Kjartansson
8	Hafdis Magnusdottir	2		1	Eythor Dadi Kjartansson

mótið á chess-results

Íþróttir | Breytt 2.2.2011 kl. 22:11 | Slóð | Facebook | Athugasemdir (0)

26.1.2011 | 23:35

Skákþing - Björn Ívar með vinningsforskot eftir 5. umferðir

Í kvöld fór 5. umferð Skákþingsins fram. Björn Ívar og Stefán mættust í mjög athyglisverðri skák. Stefán hefur verið að tefla mjög skemmtilega í mótinu og hikar ekki við að fórna liði ef tækifæri gefst. Svo varð einnig raunin í þessari skák þar sem Stefán fórnaði snemma manni fyrir 3 peð og það sem virtust vera nokkuð góð sóknarfæri. Honum yfirsást hins vegar varnarleikur sem leiddi til uppskipta og stöðu sem var mjög vænleg fyrir hvítan. Björn innbyrti vinninginn svo nokkuð örugglega.

Sverrir og Þórarinn Ingi mættust og snaraði Sverrir fram kóngsbragði venju samkvæmt. Eitthvað virtist Þórarinn Ingi hafa legið yfir fræðunum því hann kom með mjög skemmtilega tilraun til þess að refsa kóngsstöðu hvíts. Vakti skákin talsverða athygli manna sem vildu frekar fylgjast með henni heldur en eigin skákum. Sennilega yfirsást Þórarni eitthvað í byrjuninni því Sverrir fékk nokkuð frjálsar hendur til þess að koma liði sínu á framfæri þrátt fyrir að þurfa að "hróka með höndunum". Sterkt miðborð og öflug staðsetning manna hvíts urðu svo til þess að vörnin reyndist svörtum of erfið og Sverrir vann.

Daði Steinn og Sigurjón áttust við og tefldi Sigurjón Caro-Kann. Daði Steinn tefldi af mikilli festu og uppskar jafnt endatafl. Sigurjón hóf þá mikið "svæðanudd" í hróksendatafli og framkallaði örlitla peðaveikleika í stöðu hvíts. Sýndi hann þar mikla seiglu í stöðu þar sem flestir hefðu sæst á jafntefli. Vörnin reyndist Daða Steini erfið þar sem hann hleypti kóngi svarts of langt inn í stöðu sína og með smekklegri fórn tókst Sigurjóni að innbyrða vinninginn.

Einar og Nökkvi tefldu spennandi skák í þekktri leið í Najdorf-afbrigðinu. Einar vann peð eftir örlitla yfirsjón Nökkva og uppskar mjög öflug sóknarfæri. Hann fórnaði svo manni en valdi vitlaust framhald og í stað þess að fá upp unnið tafl einfaldaðist staðan. Upp kom endatafl þar sem Nökkvi hafði hrók, riddara og biskup gegn tveimur hrókum auk peða. Kóngsstaða svarts var nokkuð veik og erfitt fyrir hann að nýta sér liðsmuninn. Sættust keppendur því á jafntefli.

Róbert tefldi skoska-bragðið gegn Jörgen Frey og uppskar betri stöðu eftir byrjunina. Jörgen varðist vel og þrátt fyrir að hafa glatað hrókunarréttinum hélt hann stöðunni saman. Þá sást honum yfir sniðuga leið Róberts sem vann hrók og skákina í kjölfarið.

Gauti og Kristófer áttust við í skák þar sem Kristófer tefldi Petroffs-vörn. Hann fékk biskupaparið og örlítið betri stöðu út úr byrjuninni en í stað þess að opna taflið og nýta mátt biskupana lokaðist staðan og Gauti fékk sóknarfæri á kóngsvæng. Þegar mesta fjörið var að færast í skákina slíðruðu keppendur sverðin og sömdu um jafntefli. Friðsamir feðgar.

Hafdís og Sigurður mættust og tefldur var ítalski leikurinn. Hafdís hefur bætt sig allt frá byrjun móts og teflir betur með hverri umferðinni sem líður. Hún mætti hins vegar ofjarli sínum í þessari skák þar sem Sigurður vann lið í miðtaflinu eftir nokkuð jafna byrjun, og innsiglaði sigurinn með mátsókn.

Bræðurnir Eyþór og Tómas mættust í þessari umferð. Tómas hefur lítið teflt að undanförnu og nýtti Eyþór sér þar með því að leggja nokkrar illkvittnislegar gildrur fyrir bróður sinn. Fór svo að Tómas féll grunlaus í eina gildruna og tapaði drottningunni. Eyþór innbyrti svo sigurinn af öryggi.

Björn Ívar hefur vinningsforskot eftir umferðina. Næstur kemur Sverrir og þar á eftir Sigurjón. Jafnir í 4.-6. sæti eru svo Einar, Nökkvi og Róbert.

Í næstu umferð, sem fram fer á sunnudagskvöld kl. 19:30, mætast efstu menn og verður gaman að sjá hvort línurnar skýrist enn frekar á toppnum.

Úrslit 5. umferðar:

Bo.	Nafn	Vi	Úrslit	Vi	Nafn
1	Björn Ívar Karlsson	4	1 - 0	2½	Stefán Gíslason
2	Sverrir Unnarsson	3	1 - 0	2½	Þórarinn I. Ólafsson
3	Daði Steinn Jónsson	2½	0 - 1	2½	Sigurjón Þorkelsson
4	Einar Guðlaugsson	2½	½ - ½	2½	Nökkvi Sverrisson
5	Róbert Aron Eysteinsson	2	1 - 0	2	Jörgen Freyr Ólafsson
6	Karl Gauti Hjaltason	2	½ - ½	1½	Kristófer Gautason
7	Hafdís Magnúsdóttir	1	0 - 1	1½	Sigurður A. Magnússon
8	Eyþór Daði Kjartansson	0	1 - 0	0	Tómas Aron Kjartansson

Staðan eftir 5. umferðir:

Vinn	Nafn	Stig	Vi	BH.
1	Björn Ívar Karlsson	2211	5	15
2	Sverrir Unnarsson	1926	4	15
3	Sigurjón Þorkelsson	2039	3½	16
4	Einar Guðlaugsson	1937	3	13½
5	Nökkvi Sverrisson	1787	3	12½
6	Róbert Aron Eysteinsson	1355	3	10½
7	Stefán Gíslason	1685	2½	17
8	Daði Steinn Jónsson	1590	2½	14
9	Þórarinn I. Ólafsson	1697	2½	14
10	Sigurður A. Magnússon	1375	2½	11
11	Karl Gauti Hjaltason	1545	2½	10
12	Kristófer Gautason	1679	2	13
13	Jörgen Freyr Ólafsson	1140	2	9
14	Eyþór Daði Kjartansson	1265	1	10½
15	Hafdís Magnúsdóttir	0	1	10
16	Tómas Aron Kjartansson	1010	0	9

Pörun 6. umferðar

Bo.	Nafn	Vi	Úrslit	Vi	Nafn
1	Einar Guðlaugsson	3		5	Björn Ívar Karlsson
2	Sigurjón Þorkelsson	3½		4	Sverrir Unnarsson
3	Nökkvi Sverrisson	3		3	Róbert Aron Eysteinsson
4	Þórarinn I. Ólafsson	2½		2½	Sigurður A. Magnússon
5	Stefán Gíslason	2½		2½	Karl Gauti Hjaltason
6	Daði Steinn Jónsson	2½		1	Eyþór Daði Kjartansson
7	Jörgen Freyr Ólafsson	2		1	Hafdís Magnúsdóttir
8	Tómas Aron Kjartansson	0		2	Kristófer Gautason

mótið á chess-results

Íþróttir | Breytt 30.1.2011 kl. 23:20 | Slóð | Facebook | Athugasemdir (0)

26.1.2011 | 00:15

Skákþing Vestmannaeyja - 4. umferð lauk í kvöld

Í kvöld lauk 4. umferð Skákþingsins og unnust allar skákir kvöldsins á svart og þar með náðist aðeins hálfur vinningur á hvítt í umferðinni. Athyglisverðasta skák kvöldsins var skák Stefáns og Sverris, þar sem Stefán yfirspilaði Sverri í byrjuninni og var með yfirburðastöðu þegar hann einfaldaði taflið og gaf Sverri færi á að jafna taflið. Lokin tefldi Stefán veikt og Sverrir vann.
Í öðrum skákum kvöldsins unnu Einar, Gauti og Jörgen sínar skákir.

5. umferð verður tefld miðvikudaginn 26. janúar kl. 19:30

Bo.	Nafn	V	Úrslit	V	Nafn
1	Sigurjon Thorkelsson	2½	0 - 1	3	Bjorn-Ivar Karlsson
2	Stefan Gislason	2½	0 - 1	2	Sverrir Unnarsson
3	Thorarinn I Olafsson	2	½ - ½	2	Dadi Steinn Jonsson
4	Kristofer Gautason	1½	0 - 1	1½	Einar Gudlaugsson
5	Sigurdur A Magnusson	1½	0 - 1	1½	Nokkvi Sverrisson
6	Hafdis Magnusdottir	1	0 - 1	1	Karl Gauti Hjaltason
7	Eythor Dadi Kjartansson	0	0 - 1	1	Robert Aron Eysteinsson
8	Tomas Aron Kjartansson	0	0 - 1	1	Jorgen Freyr Olafsson

Staðan eftir 4. umferð

Sæti	Nafn	Stig	Vinn	BH.
1	Bjorn-Ivar Karlsson	2211	4	10½
2	Sverrir Unnarsson	1926	3	10
3	Sigurjon Thorkelsson	2039	2½	11
4	Stefan Gislason	1685	2½	10
5	Thorarinn I Olafsson	1697	2½	8½
	Dadi Steinn Jonsson	1590	2½	8½
7	Einar Gudlaugsson	1937	2½	8
8	Nokkvi Sverrisson	1787	2½	6½
9	Robert Aron Eysteinsson	1355	2	6½
10	Karl Gauti Hjaltason	1545	2	6
11	Jorgen Freyr Olafsson	1140	2	4
12	Sigurdur A Magnusson	1375	1½	8½
13	Kristofer Gautason	1679	1½	8
14	Hafdis Magnusdottir	0	1	5½
15	Eythor Dadi Kjartansson	1265	0	8½
16	Tomas Aron Kjartansson	1010	0	8

Pörun 5. umferðar

Bo.	Nafn	V	Úrslit	V	Nafn
1	Bjorn-Ivar Karlsson	4	-	2½	Stefan Gislason
2	Sverrir Unnarsson	3	-	2½	Thorarinn I Olafsson
3	Dadi Steinn Jonsson	2½	-	2½	Sigurjon Thorkelsson
4	Einar Gudlaugsson	2½	-	2½	Nokkvi Sverrisson
5	Robert Aron Eysteinsson	2	-	2	Jorgen Freyr Olafsson
6	Karl Gauti Hjaltason	2	-	1½	Kristofer Gautason
7	Hafdis Magnusdottir	1	-	1½	Sigurdur A Magnusson
8	Eythor Dadi Kjartansson	0	-	0	Tomas Aron Kjartansson

mótið á chess-results

Veljið skák (32 alls):

Íþróttir | Breytt s.d. kl. 00:18 | Slóð | Facebook | Athugasemdir (0)

23.1.2011 | 23:12

Björn Ívar með örugga forystu eftir 4. umferð.

Í kvöld hófst 4. umferð Skákþingsins, en að venju þurfti að fresta nokkrum skákum. Á efsta borði áttust við Sigurjón og Björn Ívar og vann sá síðarnefndi eftir slæman afleik Sigurjóns. Þórarinn og Daði Steinn gerðu átakalítið jafntefli. Nökkvi vann Sigurð og loks vann Róbert Eyþór Daða.
Frestaðaðar skákir verða tefldar á morgun og þriðjudag. Eftir umferðina er Björn Ívar einn efstur með fullt hús eftir fjórar umferðir.

Úrslit 4. umferðar:

Bo.	Nafn	V	úrslit	V	Nafn
1	Sigurjón Þorkelsson	2½	0 - 1	3	Björn Óvar Karlsson
2	Stefán Gíslason	2½	frest	2	Sverrir Unnarsson
3	Þórarinn I. Ólafsson	2	½ - ½	2	Daði Steinn Jónsson
4	Kristófer Gautason	1½	frest	1½	Einar Guðlaugsson
5	Sigurður A. Magnússon	1½	0 - 1	1½	Nökkvi Sverrisson
6	Hafdís Magnúsdóttir	1	frest	1	Karl Gauti Hjaltason
7	Eyþór Daði Kjartansson	0	0 - 1	1	Róbert Aron Eysteinsson
8	Tómas Aron Kjartansson	0	þri 13	1	Jörgen Freyr Ólafsson

Staðan eftir 4. umferðir:

Sæti	Nafn	Stig	Vinn	BH.
1	Björn Ívar Karlsson	2211	4	9½
2	Sigurjón Þorkelsson	2039	2½	9
3	Daði Steinn Jónsson	1590	2½	8½
4	Þórarinn I. Ólafsson	1697	2½	7½
5	Nökkvi Sverrisson	1787	2½	7
6	Stefán Gíslason +fr.	1685	2½	6½
7	Sverrir Unnarsson +fr.	1926	2	10
8	Róbert Aron Eysteinsson	1355	2	6
9	Einar Guðlaugsson +fr.	1937	1½	8
10	Kristófer Gautason +fr.	1679	1½	6
11	Sigurður A. Magnússon	1375	1½	6
12	Karl Gauti Hjaltason +fr.	1545	1	6½
13	Hafdís Magnúsdóttir +fr.	0	1	4½
14	Eyþór Daði Kjartansson	1265	0	6
15	Jörgen Freyr Ólafsson +fr.	1140	1	4½
16	Tómas Aron Kjartansson +fr.	1010	0	6½