Taflfélag Vestmannaeyja

5.5.2011 | 00:23

Björn Ívar sigurvegari á Vormóti TV

Lokaumferð Vormótsins fór fram í kvöld. Björn Ívar hafði vinningsforskot fyrir umferðina en Nökkvi og Sverrir komu á hæla hans.

Sverrir hafði hvítt á Björn Ívar í kvöld, í hörkuspennandi skák sem tók yfir 80 leiki. Byrjunin var róleg stöðubarátta í Sikileyjarvörn þar sem keppendur stilltu mönnunum upp í ákjósanlegar stöður og hikuðu með að taka af skarið. Björn Ívar var kominn með nokkuð þægilega stöðu í miðtaflinu þegar Sverrir ákvað að stofna til uppskipta, sem sennilega var misráðið, því í framhaldinu náði svartur tökum á stöðunni sökum veikrar kóngstöðu hvíts. Svartur vann peð í framhaldinu en hvítur fórnaði þá peði, sem var klárlega praktískasti möguleikinn og treysti á virka vörn. Virk vörn er best í hróksendatöflum og var þarna um hárrétta ákvörðun að ræða hjá Sverri. Staðan var hins vegar unnin á svart engu að síður og með bestu taflmennsku hefði Björn getað klárað skákina í endataflinu. Honum urðu hins vegar á stórkostleg mistök og Sverrir hefði getað snúið taflinu við og knúið Björn til uppgjafar (47. Hc5! í stað 47. Ha5?)! Hins vegar misstu báðir keppendur af þessum möguleika og skákin hélt áfram með aðeins betri stöðu á svart. Fljótlega skiptist upp í endatafl sem er fræðilegt jafntefli og tefldi Sverrir hárrétt allt til loka þegar hann lék 78. Ha3 í stað 78. Hc2! sem heldur jafntefli. Hugmyndin er að svara 78..Hb5 með 79. Hg2+! og svartur verður að sætta sig við jafntefli. Eftir þessi mistök hvíts vann svartur, þó með nokkrum blendnum tilfinningum eftir þessa sviptingasömu skák. Skákina má sjá hér að neðan.

Daði Steinn hafði hvítt á Nökkva, sem tefldi mjög skemmtilega samsuðu af Najdorf-afbrigðinu og dreka-afbrigðinu, sem hefur verið kallað því skemmtilega nafni Dragondorf. Daði Steinn brást ekki rétt við og eftir uppskipti á hvítreita biskupum náði Nökkvi öllum völdum á stöðunni með Rc4! Það var lítið sem hvítur gat gert í framhaldinu því með hnitmiðuðum sóknarleikjum innbyrti Nökkvi vinninginn af öryggi.

Gauti hafði hvítt á Jörgen, sem mætti ekki til leiks og tapaði því.

Hafdís hafði hvítt á Róbert og tefldist þar nokkuð hefðbundinn ítalskur leikur. Svartur náði snemma frumkvæðinu og valdi hárrétt framhald með því að fara í sókn á drottningarvængnum með Db8. Hafdís brást ekki rétt við og tapaði liði og skákinni skömmu síðar.

Sigurður hafði hvítt á Eyþór, sem mætti heldur ekki til leiks og tapaði.

Lokastaðan er þannig að Björn Ívar stendur uppi sem sigurvegari með 5 vinninga af 5 mögulegum. Nökkvi er annar með 4 og Sverrir, Gauti og Róbert næstir með 3 vinninga. Sverrir er hæstur þeirra af stigum.

úrslit lokaumferðar

Bo.	Name	Pts	Res.	Pts	Name
1	Sverrir Unnarsson	3	0 - 1	4	Bjorn-Ivar Karlsson
2	Dadi Steinn Jonsson	2	0 - 1	3	Nokkvi Sverrisson
3	Karl Gauti Hjaltason	2	+ - -	1½	Jorgen Freyr Olafsson
4	Hafdis Magnusdottir	1	0 - 1	2	Robert Aron Eysteinsson
5	Sigurdur A Magnusson	1	+ - -	½	Eythor Dadi Kjartansson

Lokastaðan

Rank	Name	Rtg	Pts	BH.
1	Bjorn-Ivar Karlsson	2220	5	14½
2	Nokkvi Sverrisson	1824	4	13
3	Sverrir Unnarsson	1929	3	15
4	Karl Gauti Hjaltason	1537	3	13½
5	Robert Aron Eysteinsson	1399	3	11½
6	Dadi Steinn Jonsson	1732	2	15½
7	Sigurdur A Magnusson	1369	2	10½
8	Jorgen Freyr Olafsson	1154	1½	9½
9	Hafdis Magnusdottir	1135	1	9½
10	Eythor Dadi Kjartansson	1258	½	12½

chess-results

Veljið skák (25 alls):

Íþróttir | Breytt s.d. kl. 08:44 | Slóð | Facebook | Athugasemdir (0)

28.4.2011 | 00:17

Björn Ívar efstur fyrir lokaumferð Vormótsins

4. umferð Vormótsins fór fram í kvöld.

Nökkvi hafði hvítt á Björn Ívar, sem tefldi Sikileyjarvörn. Nökkvi tefldi nákvæmt og uppskar rýmra tafl út úr byrjununni. Björn ákvað að fórna peði í miðtaflinu sem var misráðið og Nökkvi fékk töluvert betra tafl. Honum varð á ónákvæmni í flækjunum og Björn snéri taflinu sér í vil með skiptamunsfórn. Með bestu taflmennsku hefði hvítur sennilega átt að halda jöfnu en eftir uppskiptin vann Björn peð og skákina í framhaldinu.

Gauti hafði hvítt á Sverri. Upp kom Najdorf-afbrigði Sikileyjarvarnar og tefldi Gauti nokkuð óvenjulega gegn því en uppskar heldur betra tafl eftir mjög athyglisverða peðaframrás (a4-a5!). Taldi undirritaður ,,menntaða" taflmennsku Gauta eftir byrjunina bera vott um það að hann er að bæta sig sem skákmaður. Hvítur missti hins vegar þráðinn í framhaldinu og lenti í klemmu á drottningarvængnum en hefði í stað þess getað haldið pressunni. Sverrir innbyrti vinninginn af öryggi eftir það.

Jörgen hafði hvítt á Róbert og tefldu þeir skoska-leikinn. Jörgen fékk betra tafl eftir byrjunina en tefldi alltof hratt og missti frumkvæðið úr höndum sér. Róbert vann peð í framhaldinu og eftir ónákvæmni hvíts vann svartur örugglega.

Sigurður hafði hvítt á Daða Stein sem tefldi Nimzo-indverska vörn. Byrjunarleikirnir voru nokkuð hefðbundnir þangað til Sigurður lék klaufalega af sér peði. Daði Steinn nýtti sér það og hvíta staðan hrundi í kjölfarið. Öruggur sigur svarts.

Eyþór átti að hafa hvítt gegn Hafdísi en mætti ekki til leiks og uppskar Hafdís því sinn fyrsta punkt í mótinu.

Lokaumferðin fer fram nk. miðvikudag kl. 19:30.

- BÍK

úrslit 4. umferðar

Bo.	Name	Pts	Res.	Pts	Name
1	Nokkvi Sverrisson	3	0 - 1	3	Bjorn-Ivar Karlsson
2	Karl Gauti Hjaltason	2	0 - 1	2	Sverrir Unnarsson
3	Jorgen Freyr Olafsson	1½	0 - 1	1	Robert Aron Eysteinsson
4	Sigurdur A Magnusson	1	0 - 1	1	Dadi Steinn Jonsson
5	Eythor Dadi Kjartansson	½	- - +	0	Hafdis Magnusdottir

staðan eftir 4. umferð

Rank	Name	Rtg	Pts	BH.
1	Bjorn-Ivar Karlsson	2220	4	9
2	Nokkvi Sverrisson	1824	3	9
3	Sverrir Unnarsson	1929	3	8
4	Karl Gauti Hjaltason	1537	2	9½
5	Dadi Steinn Jonsson	1732	2	9½
6	Robert Aron Eysteinsson	1399	2	8½
7	Jorgen Freyr Olafsson	1154	1½	5½
8	Sigurdur A Magnusson	1369	1	8½
9	Hafdis Magnusdottir	1135	1	4½
10	Eythor Dadi Kjartansson	1258	½	8

pörun 5. umferðar (lokaumferð)

Bo.	Name	Pts	Res.	Pts	Name
1	Sverrir Unnarsson	3		4	Bjorn-Ivar Karlsson
2	Dadi Steinn Jonsson	2		3	Nokkvi Sverrisson
3	Karl Gauti Hjaltason	2		1½	Jorgen Freyr Olafsson
4	Hafdis Magnusdottir	1		2	Robert Aron Eysteinsson
5	Sigurdur A Magnusson	1		½	Eythor Dadi Kjartansson

chess-results

Íþróttir | Breytt 5.5.2011 kl. 08:44 | Slóð | Facebook | Athugasemdir (0)

14.4.2011 | 16:37

Vormót TV: Björn Ívar og Nökkvi efstir

Björn Ívar Karlsson (2220) og Nökkvi Sverrisson (1824) eru efstir að loknum þremur umferðum á Vormóti TV. Björn Ívar sigraði Karl Gauta í snarpri skák og Nökkvi vann Sigurð.
Næsta umferð verður tefld n.k. miðvikudag kl. 19:30 en ljóst er að fresta verður viðureign efstu manna vegna þátttöku Nökkva í áskorendaflokknum.

úrslit 3. umferðar

Bo.	Nafn	V	Úrslit	V	Nafn
1	Bjorn-Ivar Karlsson	2	1 - 0	2	Karl Gauti Hjaltason
2	Nokkvi Sverrisson	2	1 - 0	1	Sigurdur A Magnusson
3	Dadi Steinn Jonsson	1	0 - 1	1	Sverrir Unnarsson
4	Robert Aron Eysteinsson	0	1 - 0	½	Eythor Dadi Kjartansson
5	Jorgen Freyr Olafsson	½	1 - 0	0	Hafdis Magnusdottir

staðan eftir 3. umferðir

Sæti	Nafn	Stig	Vi	BH.
1	Bjorn-Ivar Karlsson	2220	3	7
2	Nokkvi Sverrisson	1824	3	6½
3	Sverrir Unnarsson	1929	2	7
4	Karl Gauti Hjaltason	1537	2	6
5	Jorgen Freyr Olafsson	1154	1½	2½
6	Dadi Steinn Jonsson	1732	1	7½
7	Robert Aron Eysteinsson	1399	1	7
8	Sigurdur A Magnusson	1369	1	6
9	Eythor Dadi Kjartansson	1258	½	5½
10	Hafdis Magnusdottir	1135	0	5

pörun 4. umferðar (miðvikudaginn 20. apríl

Bo.	Nafn	VI	Úrsl	VI	Nafn
1	Nokkvi Sverrisson	3		3	Bjorn-Ivar Karlsson
2	Karl Gauti Hjaltason	2		2	Sverrir Unnarsson
3	Jorgen Freyr Olafsson	1½		1	Robert Aron Eysteinsson
4	Sigurdur A Magnusson	1		1	Dadi Steinn Jonsson
5	Eythor Dadi Kjartansson	½		0	Hafdis Magnusdottir

chess-results

Íþróttir | Breytt 5.5.2011 kl. 08:44 | Slóð | Facebook | Athugasemdir (0)

13.4.2011 | 18:46

Vormót - pörun 3. umferðar

Pörun 3. umferðar liggur nú fyrir eftir jafntefli Jörgens og Eyþórs í lokaskák 2. umferðar.

Umferðin hefst kl. 19:30 í kvöld

Bo.	Name	Pts	Res.	Pts	Name
1	Bjorn-Ivar Karlsson	2		2	Karl Gauti Hjaltason
2	Nokkvi Sverrisson	2		1	Sigurdur A Magnusson
3	Dadi Steinn Jonsson	1		1	Sverrir Unnarsson
4	Robert Aron Eysteinsson	0		½	Eythor Dadi Kjartansson
5	Jorgen Freyr Olafsson	½		0	Hafdis Magnusdottir

Íþróttir | Slóð | Facebook | Athugasemdir (0)

12.4.2011 | 18:05

Einni æfingu bætt við fyrir lengra komna

Ákveðið hefur verið að bæta við einni æfingu á viku fyrir þá nemendur sem hafa verið að mæta á mánudögum kl. 17:10 hjá Birni Ívari. Æfingin verður kl. 19:30 á þriðjudögum og hér eftir verða æfingarnar bæði á mánudögum kl. 17:10 og á þriðjudögum kl. 19:30.

Fyrsta þriðjudagsæfingin er í kvöld kl. 19:30 en allir sem mættu á æfingu í gær vita af henni nú þegar.

Kv. Björn Ívar

Íþróttir | Breytt s.d. kl. 18:08 | Slóð | Facebook | Athugasemdir (0)

6.4.2011 | 17:56

3. umferð Vormótsins frestast

Enn er ólokið einni skák úr 2. umferð og verður því að fresta 3. umferð um viku.

Þeir sem eiga frestaða skák eru vinsamlegast beðnir um að ljúka henni í síðasta lagi á morgun og þá verður pörun 3. umferðar ljós

2. umferð

Daði Steinn - Björn Ívar ... 0 - 1
Sverrir - Nökkvi ................ 0 - 1
Róbert A. - Karl Gauti ....... 0 - 1
Hafdís - Sigurður .............. 0 - 1
Eyþór Daði - Jörgen Freyr FRESTAÐ

Íþróttir | Slóð | Facebook | Athugasemdir (0)

4.4.2011 | 11:31

Hafdís vann borðaverðlaun á 2 borði.

Eins og sagt var frá hér í gær hlutu Eyjamenn 4 sæti á íslandsmóti barnaskólasveita sem fram fór í Rimaskóla um helgina, en það er skemmtilegt að segja frá því að Hafdís Magnúsdóttir, sem tefldi á 2 borði B-sveitarinnar hlaut borðaverðlaun, en hún hlaut 8 vinninga af 9 á mótinu og er henni óskað til hamingju með þennan góða árangur, en óþarft er að taka það fram að þetta er í fyrsta skipti sem stúlka héðan fær borðaverðlaun á þessu móti.

41 sveit frá 21 skóla kepptu á mótinu og lenti B sveitin í 36 sæti, þó aðeins hafi tveir krakkar verið í sveitinni og þurft að gefa 2 skákir í hverri umferð. Það er auðvitað ekki gott að vera með slíka sveit og ekki síst fyrir mótherjana, sem þá sitja við auð borð, en við ákváðum að láta þau keppa á mótinu í stað þess að fara fíluferð í bæinn, en þriðji keppandinn þurfti að sitja hjá í A sveitinni, því varamaður A sveitar má ekki samkvæmt reglum Skáksambandsins keppa í B sveit. Hópurinn fór af stað á laugardagsmorguninn með Herjólfi kl. 07:30 og kom til Eyja aftur í gærkvöldi kl. 22:30 eftir langt og strangt ferðalag. Í umfjöllun skak.is um mótið er ekki minnst einu orði á árangur okkar krakka þó þeir hafi verið einu krakkarnir sem mættu á mótið utan af landi.

Afhverju mættu ekki fleiri sveitir utan af landi ? Ég held að sú ákvörðun að hafa mótið á tveimur dögum hafi mikið með það að gera að ferðalag krakka utan af landi verður afar langt og erfitt, en auðveldlega er unnt að halda þetta mót á einum degi, enda tók mótið í heild u.þ.b. 5 tíma.

Íþróttir | Breytt s.d. kl. 11:34 | Slóð | Facebook | Athugasemdir (0)

3.4.2011 | 15:32

Eyjamenn í 4 sæti á Íslandsmótinu.

Nú er lokið Íslandsmóti barnaskólasveita og fóru leikar þannig að okkar sveit lenti í 4 sæti aðeins hársbreidd frá bronsverðlaunum, 0,5 vinningi.

Í 5 umferð töpuðu þeir fyrir Álfhólsskóla 2,5-1,5 og í 6 umferð töpuðu þeir stórt fyrir sigurvegurunum úr Rimaskóla 4-0, en unnu í síðustu tveimur umferðunum 4-0 og enduðu með 24 vinninga.

B sveitin skipuð þeim Hafdísi og Daníel Má stóð sig vel og náðu 15 vinningum þó þau væru aðeins tvö í sveitinni og þurftu alltaf að gefa tvær skákir í hverri umferð. Hafdís fær líklega borðaverðlaun á öðru borði en hún náði 8 vinningum af 9 mögulegum. Glæsilegt hjá henni. Daníel Már hlaut 7 vinninga á fyrsta borði.

Íþróttir | Slóð | Facebook | Athugasemdir (0)

2.4.2011 | 16:04

Stórt tap gegn Salaskóla.

A sveit Eyjakrakka hefur 14,5 vinning eftir 5 umferðir á Íslandsmóti barnaskólasveita og verður að berjast um verðlaunasæti á morgun, þegar síðustu 4 umferðirnar verða tefldar. Sem stendur er sveitin í 4 sæti og mætir sveit Álfhólfsskóla í fyrramálið kl. 11. Efst er sveit Rimaskóla með 18 vinninga og í öðru sæti sveit Álfhólsskóla með 17 vinninga.

Það sem gerði útslagið með sigurlíkur okkar krakka var stórt tap gegn Salaskóla í 4 umferð þar sem Salaskóli sigraði 4-0. Í 3 umferð unnum við Melaskóla 2,5-1,5 en að öðru leyti unnust viðureignir 4-0.

Þó mótinu sé ekki lokið, þá eru sigurlíkur okkar hverfandi. B sveitin hefur 8 vinninga og er neðarlega, en hún er aðeins skipuð 2 liðsmönnum.

Á morgun munum við fylgjast með gangi okkar krakka.

Íþróttir | Breytt 3.4.2011 kl. 09:33 | Slóð | Facebook | Athugasemdir (0)

2.4.2011 | 14:41

A sveitin með 8 vinninga og B með 3.

Nú þegar tvær umferðir eru búnar á Íslandsmóti barnaskólasveita hefur A sveit Eyjamanna 8 vinninga af 8 mögulegum og í næstu umferðum mæta þeir sterkustu sveitum mótsins. A sveitin er skipuð eftirtöldum : Sigurður A Magnússon, Róbert A Eysteinsson, Jörgen F Ólafsson, Eyþór D Kjartansson og varamaður er Guðlaugur G Guðmundsson, en hann gat ekki vegna reglna mótsins teflt með B sveitinni þar sem hann þarf að vera til taks fyrir A sveitina þar sem Eyþór þarf að fara í kvöld vegna fermingar bróður síns á morgun.

B sveitin er því þunnskipuð vegna ofangreinds og aðeins tveir meðlimir í þeirri sveit, Hafdís Magnúsdóttir og Daníel Már Sigmarsson, eftir tvær umferðir hafa þau 3 vinninga af 4 mögulegum og eru auðvitað rétt fyrir neðan miðju á mótinu. En gott hjá þeim engu að síður.

Íþróttir | Slóð | Facebook | Athugasemdir (0)

« Fyrri síða | Næsta síða »