Vinnslustöðin sigraði firmakeppni TV 2011.

  Í gærkvöldi fór fram firmakeppni Taflfélags Vestmannaeyja og voru 48 fyirtæki sem tóku þátt.  Fyrst fóru fram undanúrslit með útsláttarfyrirkomulagi, en þegar 8 fyrirtæki voru eftir fór fram hraðskákkeppni þar sem Vinnslustöðin sigraði.  Keppendur, sem voru átta drógu þá út fyrirtæki sem þeir kepptu fyrir.  Bergur Huginn varð í örðu sæti og Glófaxi í því þriðja.  Í fjóra sæti varð Huginn, teiknistofa Páls Zóphaníassonar varð í því fimmta, síðan komu Godthaab í Nöf, Sparisjóður Vestmannaeyja og Ísfélagið.

  Taflfélagið þakkar öllum þessum fyrirtækjum fyrir frábæran stuðning við félagið.

	Nafn	1	2	3	4	5	6	7	8	Vinn	SB
1	Vinnslustöðin - Nökkvi Sverrisson	*	1	1	1	1	½	1	1	6,5	20,25
2	Bergur Huginn - Kjartan Guðmundsson	0	*	1	0	1	1	1	1	5	12,5
3	Glófaxi - Sverrir Unnarsson	0	0	*	1	1	1	1	1	5	11,5
4	Huginn - Karl Gauti Hjaltason	0	1	0	*	0	1	1	1	4	8,5
5	Teiknist Páls Zóph. - Kristófer Gautason	0	0	0	1	*	1	1	1	4	7,5
6	Godthaab í Nöf - Daði Steinn Jónsson	½	0	0	0	0	*	1	1	2,5	4,25
7	Sparisjóður Vestm.eyja - Stefán Gíslason	0	0	0	0	0	0	*	1	1	0
8	Ísfélag Vestm.eyja - Sigurður A Magnússon	0	0	0	0	0	0	0	*	0	0

 

Firmakeppni TV 2011 í kvöld.

  Í kvöld fer fram hin árlega firmakeppni Taflfélags Vestmannaeyja og verða tefldar 5 mínútna skákir þar til úrslit fást.  Keppnin hefst kl. 19:30 og eru allir velkomnir.

  Ýmis fyrirtæki í Eyjum og jafnvel af fasta landinu hafa styrkt keppnina og eru þetta eftirtalin        48 fyrirtæki sem verða með í kvöld :

Vinnslustöðin  ......................  Eyjatölvur ..................   Eyrún
Ísfélagið    ...........................   Eyjasýn .............. Vélaverkstæðið Þór
Sparisjóður Vestmannaeyja ...   Volare  ................... Steini Pípari
Bergur Huginn  .......................  Klettur ......................  Skýlið
Godthaab í Nöf ..................   Hótel Þórshamar ........  Hjólbarðastofan
Skeljungur .........................    2 Þ ehf   .....................    Eyjatré
Olíuverslun Íslands ...............    Eyjablikk ...................   Net
Tryggingarmiðstöðin ...............   Póley   ..............   Grímur Kokkur
Ós ehf  ...........................       Skóstar ..................  Faxi ehf
N 1 .....................................    Vöruval  ...........  Karl Kristmanns
Glófaxi  ................................   Topppizzur   ......... Lyf og Heilsa
Miðstöðin   ............................  Lyf og Heilsa   ........  Eimskip
HUGINN          .......................  Raggi rakari
Fasteignasala Vestmannaeyja .....  Litla Kaffistofan
Einsi Kaldi veisluþjónusta   .................    Skipalyftan
Teiknistofa Páls Zóphaníassonar ........    Kaupás
Gröfuþjónusta Brinks   ........................    Háls ehf
Bílaverkstæði Harðar & Matta ..............     Snyrtistofan Dröfn

Haustmót 7. umferð

Á miðvikudag var tefld lokaumferðin í Haustmótinu. Óvæntustu úrslit mótsins komu í þessari umferð, þegar Formaðurinn lagði Nökkva í snarpri skák. Stefán vann Kristófer eftir að hafa unnið peð í miðtaflinu og unnið síðan örugglega á því í endatafli. Daði Stein sigraði síðan Hafdísi.

Skák Kristófers og Nökkva er enn ólokið og ekki er ljóst hvenær hún getur farið fram.

Úrslit 7. umferðar:

Kristófer - Stefán 0-1
Nökkvi - Karl Gauti 0-1
Daði Steinn - Hafdís 1-0

 Staðan þegar einni skák er ólokið:

Nr.	Nafn	Stig	1	2	3	4	5	6	7	Vin
1	Nökkvi Sverrisson	1951	*	1	0	1	1		1	4
2	Sverrir Unnarsson	1901	0	*	0	1	1	1	1	4
3	Karl Gauti Hjaltason	1538	1	1	*	0	½	0	1	3,5
4	Daði St. Jónsson	1633	0	0	1	*	½	½	1	3
5	Stefán Gíslason	1684	0	0	½	½	*	1	1	3
6	Kristófer Gautason	1580		0	1	½	0	*	1	2,5
7	Hafdís Magnúsdóttir	1078	0	0	0	0	0	0	*	0

chess-results

Haustmót TV - lokaumferð tefld í kvöld.

Í kvöld kl. 19:30 verður tefld lokaumferðin í Haustmóti TV. Mótið mun þó ekki klárast í kvöld, þar sem einni skák er enn ólokið úr 3. umferð og verður hún tefld um næstu helgi.

Pörun 7. umferðar

Kristófer - Stefán
Nökkvi - Karl Gauti
Daði Steinn - Hafdís
Sverrir situr yfir

Staðan eftir 6. umferð

1. Nökkvi Sverrisson 4 vinn. (2 skákir eftir)
2. Sverrir Unnarsson 4 vinn. (lokið keppni)
3. Kristófer Gautason 2,5 vinn. (2 skákir eftir)
4. Karl Gauti Hjaltason 2,5 vinn.
5-6. Daði Steinn Jónsson og Stefán Gíslason 2 vinn.
7. Hafdís Magnúsdóttir

 chess-results

Haustmót TV - 6 umferð tefld í kvöld

Í kvöld verður tefld 6. umferð Haustmóts TV.

pörun 5. umferðar.

Hafdís - Nökkvi
Karl Gauti - Kristófer
Stefán - Sverrir (frestað - tefld 17. nóv)

Staðan eftir 5. umferð

Nr.	Nafn	Stig	1	2	3	4	5	6	7	Vin
1	Nökkvi Sverrisson	1951	*	1		1	1			3
2	Sverrir Unnarsson	1901	0	*	0	1		1	1	3
3	Karl Gauti Hjaltason	1538		1	*	0	½		1	2,5
4	Daði St. Jónsson	1633	0	0	1	*	½	½		2
5	Stefán Gíslason	1684	0		½	½	*		1	2
6	Kristófer Gautason	1580		0		½		*	1	1,5
7	Hafdís Magnúsdóttir	1078		0	0		0	0	*	0

Enn er frestaðri skák úr 3. umferð ólokið milli Kristófers og Nökkva.

chess-results

Haustmót TV - 3. umferð tefld á morgun

Á morgun, miðvikudag verður tefld 3. umferð í Haustmóti TV. Ljóst er að fresta þarf skák Kristófers og Nökkva þar til í byrjun næstu viku.

Staðan að loknum 2. umferðum

 1. Nökkvi 2 vinninga
 2. Daði Steinn 1,5 vinn
3-4. Karl Gauti og Sverrir 1 vinn
 5. Stefán 0,5 vinn
6-7. Hafdís og Kristófer 0 vinn.

pörun 3. umferðar

Stefán Gíslason - Hafdís Magnúsdóttir
Sverrir Unnarsson - Daði Steinn Jónsson
Kristófer Gautason - Nökkvi Sverrisson

chess-results

Haustmót TV - 2. umferð tefld í kvöld

Önnur umferð Haustmóts TV verður tefld í kvöld kl. 19:30.

2. umferð

Nökkvi - Sverrir
Daði Steinn - Stefán
Hafdís - Karl Gauti

chess-results

Skákæfing á þriðjudag

Skákæfing fyrir eldri hóp (fæddir 1998 og síðar) á morgun, þriðjudag kl. 16:30. Umsjón hefur Nökkvi Sverrisson.

Pistill liðsstjóra A sveitar TV.

     Það var ljóst fyrir mótið að við værum í stöðu lítilmagnans gagnvart Bolvíkingum. Undanfarin tvö ár höfum við veitt þeim harða keppni um efsta sætið en fjárskortur olli því að við gátum ekki styrkt liðið okkar í þetta skiptið með erlendum meisturum í sama mæli og áður. Henrik Danielsen og Masha Klinova komu ný inn í liðið í þetta sinn.

      Liðsfundur var haldinn í hádeginu á föstudeginum þar sem lagt var upp með að okkar kjörorð þessa helgi væru einbeiting og barátta.

TV - Fjölnir:  6,5 - 1,5
     Við mættum stigalágu liði Fjölnis í 1. umferð. Gurevich varð að sætta sig við jafntefli við Héðinn Steingrímsson eftir að hafa 5 sinnum hafnað jafnteflisboðum Héðins! Helgi fipaðist í byrjuninni á móti Faruk Tairi en rétti svo fljótt úr kútnum og vann örugglega. Henrik vann jafnteflisvélina Jón Árna Halldórsson örugglega. Ingvar gerði jafntefli við Erling Þorsteinsson þar sem sá síðarnefndi hætti að skrá leikina og var á tímablili 8 leikjum á eftir Ingvari á skorblaðinu! Ingvar kallaði til dómara en sá refsaði Erlingi ekki fyrir þessa ósæmilegu hegðun. Fullkomlega eðlilegt hefði verið að taka tíma af Erlingi þar sem báðir voru naumir á tíma og Erlingur sparaði sér tíma með því að skrá ekki leikina á löngum köflum en þar sem honum var ekki refsað hagnaðist hann á brotinu. Klinova vann örugglega 5. borði. Páll Agnar vann baráttuskák eftir langt og strangt endatafl. Undirritaður gerði jafntefli við hinn unga og efnilega Dag Ragnarsson. Drengurinn tefldi vel og ég ákvað að bjóða jafntefli þegar staðan hans var orðin hættulega góð! Björn Ívar vann sína skák af öryggi. Eftir á að hyggja fannst mér þetta fulllítill sigur en svona gerast kaupin á eyrinni.

      Það var annars eftirtektarvert í þessari umferð hvað b-lið Bolvíkinga, sem mætti a-liði þeirra, var veikt. Þar var í raun um að ræða c- lið en ekki b-lið enda fór það svo að a-liðið vann viðureignina 8-0. Þetta finnst mér dapurlegt hlið á annars glæsilegri keppni. Koma verður í veg fyrir slík möndl í framtíðinni og þar er vandséð hvort nokkuð annað er til úrræða en að banna einu og sama félaginu að vera með tvær sveitir í sömu deild. Enda fór það svo að b-lið Bolvíkinga var allt annað og miklu sterkara strax í næstu umferð á eftir þannig að hér er augljóslega ekki keppt á jafnréttisgrundvelli.

      Hér er ekki vegið að hinum ágætu sveitum Bolvíkinga en þegar kerfið býður upp á svona trix er alltaf hætt við að menn standist ekki freistingarnar.

Hellir - TV: 3,5 - 4,5
     Á pappírnum var Hellir með sterkara lið en við (meðalstig). Það var því visst afrek að vinna þá. Gurevich samdi fljótt jafntefli við Hannes. Hann sagði mér að hann ætti erfitt með Hannes og hefði tapað illa fyrir honum áður. Hann var auk þess með svart og við áttum að tefla tvær skákir þennan dag þannig að þetta verður að teljast skynsamleg ákvörðun hjá mentornum. Helgi tefldi vel á móti stórmeistaranum Simon Williams og vann örugglega, það var aldrei spurning hver úrslitin yrðu í þeirri skák. Henrik gerði jafntefli með svörtu á móti Hjörvari Steini. Ingvar tefldi glimrandi vel og vann Björn Þorfinnsson örugglega í þungri pósaskák. Klinova lent í vel undirbúnum Sigurbirni Björnssyni og tapaði. Páll Agnar tefldi við Róbert Lagerman og var sú skák í jafnvægi allan tíman og endaði með jafntefli. Sjálfur fékk ég vinningsstöðu gegn Davíð Ólafssyni en klikkaði herfilega á úrvinnslunni og þegar Davíð bauð mér jafntefli var ekkert í stöðunni. Björn Ívar gerði svo jafntefli á móti Andra Áss en skákin var í jafnvægi allan tíman.  Að vinna Helli var að mínu mati besti árangur liðsins þessa helgi.

TV - TR: 3,5 – 4,5
     „Gömlu mennirnir“ voru þreyttir í seinni umferðinni á laugardeginum  og ljóst var að sigurinn á móti Helli hafði tekið sinn toll. Hér litu því nokkur stutt jafntefli dagsins ljós. Gurevich hafnað þó jafnteflisboði rússneska stórmeistarans Papins en varð þó að sætta sig við skiptan hlut að lokum. Helgi gerði jafntefli  á öðru borði sem og Henrik og Ingvar á 3. og 4. borði. Klinova og Páll Agnar á 5. og 6. borði fengu erfiðar stöður gegn Karli Þorsteins og Guðmundi Kjartanssyni og töpuðu bæði. Ég gerði jafntefli við Snorra Bergsson en Björn sigraði Daða Ómarsson á 8. borði í vel útfærðri skák.

      Fyrsta tap okkar var staðreynd en hér fannst mér að við hefðum átt að gera aðeins betur. Þó er rétt að geta þess að meðalstig TR mann voru hærri en okkar en ég hefði verið sáttur við 4-4 í þessari viðureign.

TB - TV: 6 - 2
       Við unnum Bolvíkinga í fyrra svo til stigalægri á öllum borðum. Meðalstig Bolvíkinga þetta árið voru 2564 stig á móti stigum okkar 2390 stigum þannig að eitthvað varð undan að láta. Gurevich var með svart og fórnaði snemma peði á mót Wely á 1. borði og tefldi til sigurs. Hann hafnaði jafnteflisboði Hollendingsins en allt kom fyrir ekki og skákin endaði með jafntefli. Gurevich sagði mér eftir umferðina að hann hefði hafnað jafnteflisboðum 7 sinnum um helgina! Helgi gerði öruggt jafntefli við ofurstórmeistann Kuzubov. Á 3. borði lenti Henrik í klemmu gegn stórmeistaranum Baklan en með mikilli baráttu og þrautseigju tókst honum að halda jöfnu. Ingvar missteig sig og tapaði gegn gríska stórmeistaranum Halkias. Klinova fékk upp jafnt endatafl á móti Jóhanni Hjartarsyni en lék því klaufalega niður og tapaði. Páll Agnar átti erfiðan dag á móti Jóni L. og tapaði.

       Kristján Guðmundsson kom nú inn í liðið og tefldi við Stefán Kristjánsson. Kristján náði að jafna taflið með svörtu upp úr byrjuninni en svo seig fljótt á ógæfuhliðina og Stefán vann. Með þessum vinningi innsiglaði Stefán sinn stórmeistaratitil þannig að tapið gegn Bolvíkingum var að vissu leyti til góðs! Stig Kristjáns (2277) rétt dugðu til að Stefán næði stórmeistaratigninni. Lengi leit út fyrir að Kristján gæti ekkert teflt þessa helgi. Ef Kristján hefði ekki teflt, hefði Stefán lent á mér og mig hefði hann aldrei unnið! Jafnvel þótt hann hefði unnið mig hefði það ekki dugað honum þar sem ég var með 2237 elóstig.

      Sjálfur tefldi ég við Braga Þorfinnsson. Staðan var í jafnvægi lengst af og upp kom hróksendatafl sem Bragi tefldi illa og var ég á tímabili með praktíska vinningsmöguleika en sá ekki góðan leik sem leyndist í stöðunni og því varð jafntefli niðurstaðan.

       Stærsta tap okkar í mörg ár var staðreynd en það var við ofurefli að etja. Menn gerðu eins og þeir gátu og börðust fram í rauðan dauðann. Sem liðsstjóri gat ég ekki farið fram á meira. Sérstaklega fannst mér baráttuvilji Henriks og Gurevich í þessari umferð vera til fyrirmyndar.

SAMANTEKT
     TV-a er í 4. sæti að loknum fyrri hlutanum. Liðið er hins vegar búið að tefla við sterkustu sveitirnar þannig að markmiðið er að lyfta liðinu upp í 2. sætið í vor. Ef það tekst verður það þriðja eða fjórða árið í röð sem við tökum silfrið. Gleymum því ekki að ástsælasta lið Íslandssögunnar, íslenska karlalandsliðið í handbolta, gengur ýmist undir nafninu Strákarnir okkar eða Silfurdrengirnir þannig að þetta er ekki alslæmt!

      Árangur okkar var nokkurn veginn á pari við stig okkar þannig að það má segja að sveitin hafi teflt á eðlilegum styrk þessa helgi, no more no less! Sé tölfræðin skoðuð, stendur þó frammistaða Helga Ólafssonar upp úr en taflmennska Helga minnti mig á gamla og góða daga þegar hann var upp á sitt besta. Einnig var frammistaða Björns Ívars og Ingvars yfir væntingum ef málið er skoðað út frá stigaútreikningum sem hér fylgja að neðan.

       Vonbrigðin felast í slöku gengi Klinovu en stúlkan á mikið inni og hefur t.d. hæst náð 2450 elóstigum þannig að getan er til staðar. Aðrir stóðu nokkurn veginn undir væntingum. Þó ber að hafa þann fyrirvara á að í 1. umferð mættum við mjög stigalágu liði þannig að útreikningar út frá meðalstigum eru á mörkunum að vera marktækir, sérstaklega fyrir neðri borðin. 

Nafn	Meðalstig andstæðinga	Átti að fá	Fékk	Mismunur
Helgi	2476	2,28	3/4	0,72
Björn Ívar	2059	2,19	2,5/3	0,31
Ingvar	2385	1,72	2/4	0,28
Gurevich	2599	2,08	2/4	-0,08
Henrik	2436	2,60	2,5/4	-0,10
Þorsteinn	2208	2,16	2/4	-0,16
Kristján	2485	0,23	0/1	-0,23
Páll Agnar	2293	1,84	1,5/4	-0,34
Klinova	2363	1,76	1/4	-0,76

     Til að finna út stigahækkun/stigalækkun viðkomandi er tölunum í dálkinum Mismunur margfaldað með þeim stuðli sem menn eru með en hann er ýmist 10 eða 15.
Þorsteinn Þorsteinsson
Liðsstjóri A-liðsins TV

Haustmót TV hófst á miðvikudag

Á miðvikudagskvöld hófst Haustmót Taflfélags Vestmannaeyja. Einungis 7 skráðu sig til leiks og var því ákveðið að allir tefldu við alla. 

úrslit 1. umferðar

Karl Gauti - Daði Steinn 0-1
Stefán - Nökkvi 0-1
Sverrir - Kristófer 1-0
Hafdís sat yfir.

2. umferð miðvikudaginn 12. september

Hafdís - Karl Gauti
Nökkvi - Sverrir
Daði Steinn - Stefán
Kristófer situr yfir.