Álfhólsskóli sigraði vinamótið.

  Álfhólsskóli sigraði í tveimur síðustu umferðunum á Vinamóti Eyja- og Álfhóls í Kópavogi og unnu því þrjár umferðir af fjórum og þar með mótið.

  Í þriðju umferð vann Álfhólsskóli með 3 vinningum gegn 2 vinningum Eyjamanna og í síðustu umferðinni unnu þeir  með 4,5 vinningum gegn 1/2 vinningi Eyjamanna.

1. umferð   0 - 5
2. umferð   3 - 2
3. umferð   2 - 3
4. umferð   0,5 - 4,5
Samtals viðureignir 1-3, og vinningar 5,5 - 14,5

  Bestu skákir í hvoru liði um sig voru valdar af þjálfurum þeirra, þeim Smára Teitssyni og Nökkva Sverrissyni og unnu þeir sérstök verðlaun ;

  Guðlaugur Gísli Guðmundsson Vestmannaeyjum í 2 umferð og
  Felix Steinþórsson Álfhólsskóla fyrir skák í 3 umferð.

  Keppendur fyrir hönd Eyja voru þeir Sigurður Arnar Magnússon, Jörgen Freyr Ólafsson, Eyþór Daði Kjartansson, Guðlaugur Gísli Guðmundsson og Daníel Már Sigmarsson.

Jafnt í Vinamóti Eyja og Álfhóls.

  Í gær hófst Vinamót Eyja- og Álfhóls í Kópavogi með fyrstu umferð kl. 18:00 og í morgun fór fram önnur umferð kl. 9:30 og sú þriðja er á eftir klukkan 13, en mótinu lýkur á morgun kl. 10 með síðustu umferðinni.

  Í fyrstu umferðinni kom í ljós það sem Eyjamenn reyndar vissu að Eyjastrákarnir voru ansi ryðgaðir og töpuðu öllum sínum skákum 0-5.  Í morgun voru þeir þó vel vaknaðir og sigruðu 3-2 og hefur því hvort liðið um sig unnið eina umferð, en Álfhólsskóli er yfir á vinningum 7-3. Tefldar eru kappskákir klukkstund + 30 sek á leik.

  Margir af krökkunum eru að tefla sínar fyrstu kappskákir og standa sig bara vel.

Dagskráin :
3 umf. Laugardagur kl. 13:00
4 umf. Sunnudagur kl. 10:00

  Keppendur eru allir á aldrinum 11-13 ára, en leyfilegt er að bæta inn mönnum ef þátttaka verður ekki næg.  Mótið er hugsað sem æfingamót fyrir krakkana, en Álfhólsskóli varð íslandsmeistari barnaskólasveita í vor og eru á leið á Norðurlandamót í Svíþjóð í haust.

  Allir keppendur fá verðlaunapening og svo verða verðlaunabikarar fyrir bestu skákir úr hvoru liði.

  Í dag klukkan 16:00 verður OPIÐ Vorhraðskákmeistaramót Vestmannaeyja með þátttöku allra þessara krakka og félagsmanna í TV og annarra gesta.  Verðlaun fyrir þrjú efstu sætin í mótinu sjálfu og einnig eru sérstök verðlaun fyrir yngri en 16 ára.  Rétt er að ítreka að mótið er öllum opið, eina skilyrðið er að mæta á staðinn fyrir kl. 16:00 á laugardaginn.  Mótið fer fram í Skáksetrinu að Heiðarvegi 9 í Vestmannaeyjum.

Vinamót Eyja og Álfhóls hefst í dag kl. 18:00

  Í dag hefst Vinamót Eyja- og Álfhóls í Kópavogi með fyrstu umferð kl. 18:00.  Allir eru velkomnir að fylgjast með.

  Mótið fer þannig fram að keppt verður á 4-5 borðum í sveitakeppnisformi, kappskákir klukkstund + 30 sek á leik.  Stefnt er að því að krakkarnir tefli bara eina skák innbyrðis við hvern og einn.

Dagskrá :
1 umf. Föstudagur kl. 18:00
2 umf. Laugardagur kl. 9:30
3 umf. Laugardagur kl. 13:00
4 umf. Sunnudagur kl. 10:00

  Keppendur eru allir á aldrinum 11-13 ára, en leyfilegt er að bæta inn mönnum ef þátttaka verður ekki næg.  Mótið er hugsað sem æfingamót fyrir krakkana, en Álfhólsskóli varð íslandsmeistari barnaskólasveita í vor og eru á leið á Norðurlandamót í Svíþjóð í haust.

  Allir keppendur fá verðlaunapening og svo verða verðlaunabikarar fyrir bestu skákir úr hvoru liði.

  Á laugardeginum kl. 16:00 verður OPIÐ Vorhraðskákmeistaramót Vestmannaeyja með þátttöku allra þessara krakka og félagsmanna í TV og annarra gesta.  Verðlaun fyrir þrjú efstu sætin í mótinu sjálfu og einnig eru sérstök verðlaun fyrir yngri en 16 ára.  Rétt er að ítreka að mótið er öllum opið, eina skilyrðið er að mæta á staðinn fyrir kl. 16:00 á laugardaginn.  Mótið fer fram í Skáksetrinu að Heiðarvegi 9 í Vestmannaeyjum.

Vorhraðskákmót TV á laugardag kl. 16:00

  Laugardaginn 19 maí fer fram Vorhraðskákmót Vestmannaeyja og hefst það klukkan 16.  Mótið er opið öllum og hvetjum við skákáhugamenn að mæta á það.

  Að þessu sinni verða skákkrakkar úr Álfhólsskóla meðal keppenda og krakkar úr Eyjum og verða sérstök verðlaun fyrir yngri en 16 ára í boði auk verðlauna fyrir mótið sjálft.

  Tefldar verða a.m.k. 9 umferðir monrad, en mótshaldarar áskilja sér rétt til breytinga eftir þátttöku.

Vinamót Eyja og Álfhólsskóla um helgina

  Næstu helgi 18 - 20 maí fer fram vinamót Eyja- og Álfhólsskóla í Kópavogi.

  Mótið fer þannig fram að keppt verður á 4-5 borðum í sveitakeppnisformi, kappskákir klukkstund + 30 sek á leik.  Stefnt er að því að tefla 4-5 skákir eftir atvikum.

  Keppendur úr Eyjum verða á aldrinum 11-13 ára, en leyfilegt er að bæta inn mönnum ef þátttaka verður ekki næg.  Mótið er hugsað sem æfingamót en Álfhólsskóli varð íslandsmeistarar barnaskólasveita í vor og eru á leið á Norðurlandamót í Svíþjóð í haust.

  Allir keppendur fá verðlaunapening og svo verða verðlaunabikarar fyrir bestu skákir úr hvoru liði.

  Skákirnar ; Föstudagur kl. 18, Laugardagur kl. 9:30, Laugardagur kl. 13 og Sunnudagur kl. 10:00.  Allir krakkar eru velkomnir á æfingar og í keppnina ef þau ná í liðið.  Næsta æfing er á morgun kl. 17 og verður boðið upp á Pizzu eftir æfingu.

6 mættu á hraðskákina í gær

  Í gærkvöldi var hraðskák og mættu 6 á mótið.

  Mikhael sigraði alla sína andstæðinga og Kristófer var annar. Daníel Már, Guðlaugur og Eyþór stóðu sig vel.

  Nú styttist í heimsókn Álfhólsskóla helgina 18 - 20 maí og verður sett upp liðakeppni af því tilefni og verða verðlaun í boði, bæði einstaklings og fyrir liðin.  Tefldar verða 3-4 kappskákir til íslenskra stiga og að auki er í ráði að halda Suðurlandsmeistarammótið í hraðskák síðdegis á laugardeginum.

  Nökkvi er með æfingar í dag kl. 16 og áfram næstu daga.

Æfing á morgun

Æfing verður á morgun, fimmtudaginn 10. maí klukkan 16. Nökkvi verður með æfinguna. Opið öllum á grunnskólaaldri.

Hraðskák í kvöld

Hraðskákmót verður í kvöld kl. 19:30. Tefldar verða 7-9 umferðir monrad.

Spjall um Hraðskákmeistaramót Suðurlands sem ráðgert er laugardaginn 19. maí og heimsókn Íslandsmeistara Álfhólsskóla þá helgi.

Suðurlandsmeistarar í báðum flokkum !

  Í morgun fóru fjórir krakkar úr Vestmannaeyjum til að taka þátt í Suðurlandsmeistaramótinu í skólaskák, sem haldið var á Selfossi.  Þetta voru þau Daði Steinn Jónsson, Kristófer Gautason í eldri flokki og Sigurður Arnar Magnússon og Hafdís Magnúsdóttir í yngri flokki.  Taflfélag Vestmannaeyja sá um för ungmennanna.

  Keppendur komu frá 5 skólum á svæðinu og var telft í flokkum 1.-7 bekk og 8.-10. bekk.  Í eldri flokki voru 7 keppendur en 8 í þeim yngri.  Tefldar voru 10 mín skákir, allir við alla.

Sigurvegari yngri flokks var Sigurður Arnar Magnússon frá Grunnskóla Vestmannaeyja.

Sigurvegari eldri flokks var Kristófer Gautason einnig frá Grunnskóla Vestmannaeyja. 

  Þessir tveir hafa því unnið sér inn réttinn til að taka þátt í landsmótinu í skólaskák sem fram fer í Stórutjarnarskóla í Þingeyjarsveit næstu helgi.

Verðlaunasæti:
Eldri, 8.-10. bekkur.:
1.  Kristófer Gautason Grunnskóla Vestmannaeyja     6 v
2.  Emil Sigurðarson Grunnskóla Bláskógabyggðar         5 v
3.  Daði Steinn Jónsson Grunnskóla Vestmannaeyja   4 v

Yngri, 1.-7. bekkur.:
1.  Sigurður Arnar Magnússon Gr.sk. Vestm.eyja     7 v
2.  Haraldur Baldursson Grunnskólanum Hellu              5 v
3.  Sunna Skeggjadóttir Flóaskóla                                4 v
4.  Hafdís Magnúsdóttir Gr.sk. Vestmannaeyja          3 v

  Kristófer sigraði alla andstæðinga sína og það sama gerði Sigurður. Hafdís var bara hársbreidd frá því að ná í bronsið.

  Minnt er á að eftir tvær vikur. laugardaginn 19 maí, verður Suðurlandsmeistaramótið í hraðskák haldið hér í Eyjum og eru allir velkomnir að taka þátt, en þessa sömu helgi er von á góðum gestum frá Íslandsmeisturum barnaskólasveita úr Álfhólsskóla til æfinga og skemmtunar.

Skólaskákmótið á morgun 1 maí á Selfossi

  Skólaskákmót Suðurlands verður haldið í Selinu á Selfossi (félagsheimili HSK) á morgun, þriðjudaginn 1. maí og hefst kl. 14.

  Keppt er í tveimur flokkum, yngri og eldri flokki, 1. - 7. bekk og 8. - 10. bekk.

  Sigurvegarar tryggja sér þátttöku á Landsmótinu í Skólaskák sem haldið verður í Stóru-Tjarnarskóla í Þingeyjarsýslu 3- 6. maí n.k.

  Að sögn hafa 5 skólar boðað komu sína, Hvolsvellingar, Hellverjar, Flóamenn, Flúðingar og Tungnamenn.

  Nánari upplýsingar eru hjá kjördæmisstjóra, Magga Matt, s. 691 2254.