Landmenn sigruðu Hafrenning.

  Í tengslum við sjómannadaginn í Vestmannaeyjum hefur lengi tíðkast að sjómenn og landkrabbar keppa í skák.  Þessi siður hófst í formannstíð Stefáns Gíslasonar í Taflfélaginu og hafa landkrabbar sigrað í þessari skemmtilegu keppni mörg undanfarin ár.  Keppnin ber heitið Hafrenningur.

  Keppnin hefur verið með því sniði að teflt er á allt að 10 borðum, tvær umferðir.  Annað liðið sest og mótherjarnir velja sér andstæðing og svo öfugt í seinni umferðinni.  Ef færri mæta eru borðin einfaldlega færri eins og í ár þegar sjómenn gátu einungis mannað 8 borð í fyrri umferðinni en 9 í þeirri seinni.  Tímamörk voru 10 mínútur á mann.  Að þessu sinni tók ein stúlka þátt í keppninni, Thelma Lind Halldórsdóttir og töldu kunnugir að þetta væri í fyrsta skipti sem stúlka tekur þátt í sjómannaskákkeppninni.

  Heildarúrslit urðu 12,5 - 4,5 landmönnum í vil.

  Úrslit fyrri umferðar :
  Sjómenn                 - Landmenn                   2-6
  Rúnar Þórisson       - Sverrir Unnarsson         0-1
  Stefán Hilmarsson  - Ólafur Freyr Ólafsson    0-1
  Þórleifur Karlsson    - Ólafur Týr Guðjónsson  1-0
  Sigmar Þr. Óskars   - Stefán Gíslason            0-1
  Einar Sigurðsson     - Kristján Fr. Kristjánss.  0-1
  Bergvin Haraldsson - Nökkvi Sverrisson         0-1
  Einar Guðlaugsson  - Björn Ívar Karlsson       0-1
  Jón Valgeirsson       - Thelma Lind Halldórsd. 1-0

Úrslit síðari umferðar :
  Sjómenn                 - Landmenn                 2,5-6,5
  Rúnar Þórisson       -  Sigurður A. Magnússon 0-1
  Jón Valgeirsson       - Ólafur Týr Guðjónsson  0-1
  Stefán Hilmarsson   - Ólafur Freyr Ólafsson    0-1
  Einar Sigurðsson     - Stefán Gíslason          0,5-0,5
  Þórleifur Karlsson    -  Björn Ívar Karlsson       0-1
  Sigmar Þr. Óskars   - Nökkvi Sverrisson          0-1
  Bergvin Haraldsson - Kristján Fr. Kristjánss.   1-0
  Einar Guðlaugsson  - Sverrir Unnarsson          1-0
  Ragnar Berg Vignis. - Thelma Ling Halldórsd.  0-1

Skákkeppni á sjómannadaginn.

  Á morgun laugardag er á dagskrá hin árlega skákkeppni milli sjómanna og landkrabba, HAFRENNINGUR.  Keppnin hefst kl. 14 og allir þeir sem ætla að taka þátt mæti kl. 13:45 niður í Friðarhöfn, þar sem keppnin fer fram ef veður leyfir, ella verður hún færð inn.  Félagar í TV er hvattir til að mæta og treysta liðið.  Nokkrir krakkar hafa fengið að spreyta sig síðustu ár og verður svo nú, ef þátttaka leyfir, a.m.k. í annarri umferðinni.

  Að venju verður stefnt að því að tefla á 10 borðum, tvær umferðir.

  Undanfarin ár hafa landkrabbar unnið.

Sjö úr TV með forstig.

  Með nýjum skákstigalista voru einnig margir sem eru að safna forstigum og detta inn á lista fljótlega eða þegar þeir ná tilskyldum fjölda skáka, sumir eru reyndar alveg við það að komast inn á lista og verða því að vera duglegir að taka þátt í næsta kappskákmóti.  Þetta eru þeir :

  Sigurður Arnar Magnússon 1380 (5)
  Davíð Már Jóhannesson    1330 (6)
  Jóhann Helgi Gíslason     1280 (4)
  Eyþór Daði Kjartansson  1275 (5)
  Haukur Sölvason            1250 (7)
  Valur Marvin Pálsson      1205 (4)
  Lárus Garðar Long          1125 (8)

Grandelius vann í 2. umferð

Nils Grandelius, Svíinn knái, vann Hollendinginn Ivan Sokolov í 2. umferð Sigeman-mótsins í Malmö. Að loknum tveimur umferðum hefur Nils 1,5 vinning.

Glæsileg úrslit hjá "eyjapeyjanum" og óskum við honum til hamingju með þetta. Nánari upplýsingar um mótið eru á http://www.sigeman-chess.com

 

- BÍK

4 af 10 nýliðum úr Eyjum.

  Nú er kominn út ný íslensk skákstig og er áhugavert fyrir okkur Eyjamenn að skoða þann lista því á honum eru 10 nýliðar og koma hvorki fleiri né færri en 4 þeirra úr TV, þetta eru þeir :

  Jóhannes Þór Sigurðsson  1315
  Róbert Aron Eysteinsson   1250
  Nökkvi Dan Elliðason         1165
  Jörgen Freyr Ólafsson       1110

  Sannarlega glæsilegt hjá þeim.  Listinn er ekki allur kominn á netið, svo við sjáum ekki einstakar hækkanir eða forstig okkar manna, en ljóst er að með mestu hækkanir, er einn á topp 10 listanum frá TV :

  Kristófer Gautason með hækkun um +85 stig.

Grandelius teflir á Sigeman skákmótinu

Nýjasti meðlimur Taflfélags Vestmannaeyja, hinn bráðefnilegi sænski skákmaður Nils Grandelius (2491), tekur þessa dagana þátt í gríðarsterku skákmóti í Malmö í Svíþjóð - Sigeman skákmótinu. Meðal þátttakenda er Nigel Short (2674), sem tapaði eftirminnilega í heimsmeistaraeinvígi gegn Garry Kasparov í London 1993 og er kunnugur Vestmannaeyingum eftir þátttöku sína í Alþjóðlega skákmótinu sem haldið var í Safnahúsinu í Eyjum 1985. Aðrir þátttakendur eru Svíarnir Emmanuel Berg (2610), liðsmaður Fjölnis, og Tiger Hillarp Persson (2618) sem teflt hefur með Selfyssingum, Finninn Tomi Nyyback (2655) og svo hinn eiturharði Ivan Sokolov (2669), sem hefur oftar en einusinni teflt á Íslandi, meðal annars undir merkjum Hróksins og hlotið með þeim Íslandsmeistaratitil. Sokolov er fæddur í fyrrum Júgóslavíu en hefur nú hollenskan ríkisborgararétt.

 Nils hafði svart gegn Nybaack í fyrstu umferð. Svíinn tefldi vel og lyktaði skákinni með jafntefli eftir harða viðureign, sem verður að teljast góð byrjun á mótinu hjá okkar manni.

Öðrum viðureignum lyktaði þannig að Short vann Berg með afar vandaðri taflmennsku og Sokolov vann Tiger Hillarp með svörtu mönnunum eftir skemmtilega fórn.

Mótið stendur yfir frá 3.-7. júní og má nálgast frekari upplýsingar um það á http://www.sigeman-chess.com

 

- BÍK

Opið hús hjá Taflfélaginu á laugardag.

  Laugardaginn 30. maí verður opið hús hjá Taflfélaginu kl. 14-16 í tengslum við fjölskyldudaginn í Vestmannaeyjum.

  Allir félagar og nemendur eru velkomnir til að tefla við gesti og gangandi.  Ef vel viðrar verður teflt á gangstéttinni fyrir utan.

  Mætum öll !

Ágúst Már gerir það gott fyrir austan !

  Félagi okkar, hann Ágúst Már er staddur einhverstaðar fyrir austan og svo bar við um daginn að hann fór að heimsækja Skriðuklaustur, en þar var haldið skákmót og hreppti strákurinn annað sætið í skákmótinu í flokki 16 ára og yngri þar sem keppendur voru 9 talsins, en eins og við vitum er Ágúst varla búinn að ná áratug í aldri. Til hamingju með þetta Ágúst !

Hér er svo frásögn af mótinu af heimasíðu UMF. Þristins :

  Kaffihúsaskákmót KAABER og UMF Þristar fór fram laugardaginn 9. maí á Skriðuklaustri. Þátttaka var með besta móti en alls mættu 15 þátttakendur til leiks. Sex í flokki 17 ára og eldri og níu í flokki 16 ára og yngri. Telfdar voru fimm umferðir hjá eldri og níu hjá yngri.  Var keppnin nokkuð jöfn og spennandi í báðum flokkum. Gaman var að sjá hve margir ungir og efnilegir skákmenn reyndu með sér. Um mitt mót var gerð hlé á keppni og gæddu þá keppendur sér, í mesta bróðerni, á glæsilegum kaffiveitingum að hætti Skriðuklausturs. Úrslit urðu eftirfarandi:

16 ára og yngri:

1. Ágúst Jóhann Ágústsson 9 vinn.
2. Ágúst Már Þórðarson, 8 vinninga
3. Mikael Máni Freysson, 7,5 vinn.

Nökkvi og Kristófer efstir í sínum aldursflokkum.

  Það má með sanni segja að strákarnir úr TV hafi staðið sig vel á meistaramóti Skákskólans sem fram fór um helgina.  Mót þetta er sterkasta unglingaskákmót sem haldið er hér á landi og allir bestu krakkar á landinu taka þátt.  Fyrstu þrjár umferðirnar voru atskákir en í síðustu fjórum umferðunum voru tefldar kappskákir.

  Frá Eyjum fóru 4 strákar, en alls tóku 27 krakkar þátt í mótinu.  Okkar strákar náðu mjög góðum árangri, sem var eftirfarandi:

    6. Nökkvi Sverrisson 4,5 vinn.
  16. Daði Steinn Jónsson 3,5 vinn.
  18. Kristófer Gautason 3 vinn.
  23. Valur Marvin Pálsson 2,5 vinn.

  Nökkvi Sverrisson varð efstur í flokki 14 ára og yngri með 4,5 vinninga.

  Kristófer Gautason varð efstur í flokki 12 ára og yngri með 3 vinninga.

  Lokaumferð skilaði 3,5 vinningum í hús hjá okkar mönnum:

Dagur Andri Friðgeirsson (1645) - Nökkvi 0-1
Hörður Aron Hauksson (1700) - Daði Steinn 1/2
Kristófer - Dagur Kjartansson (1485) 1-0
Valur Marvin - Hersteinn Heiðarsson 1-0

Árangur okkar manna var mjög góður, þar sem allir voru ofar heldur en stig þeirra segja til um og hækka þar með þó nokkuð á Íslenska stigalistanum.  Í kappskákunum stóðu þeir sig sérstaklega vel og fengu allir 2 vinninga eða fleiri.  Daði Steinn hækkaði um heil 30 stig á listanum miðað við núverandi stig, en taka verður með í reikninginn að stig 1. júní eru ekki komin inn.

Lokastaða okkar manna:

5-7. Nökkvi Sverrisson 4,5 vinninga (+23 stig)
11-16. Daði Steinn Jónsson 3,5 vinninga (+31 stig)
17-20. Kristófer Gautason 3 vinninga (+17 stig)
21-23.  Valur Marvin Pálsson 2,5 vinninga

• Heimasíða Skákskólans
• Chess-Results

Meistaramót Skákskólans

Lokaumferð Meistaramóts Skákskólans var tefld seinnipartinn í dag og skilaði hún 3,5 vinningum í hús:

Dagur Andri Friðgeirsson (1645) - Nökkvi 0-1
Hörður Aron Hauksson (1700) - Daði Steinn 1/2
Kristófer - Dagur Kjartansson (1485) 1-0
Valur Marvin - Hersteinn Heiðarsson 1-0

Árangur okkar manna var mjög góður, þar sem allir voru ofar heldur en stig þeirra segja til um og hækka þar með þó nokkuð á Íslenska stigalistanum.

Lokastaða okkar manna:

5-7. Nökkvi Sverrisson 4,5 vinninga (+23 stig)
11-16. Daði Steinn Jónsson 3,5 vinninga (+31 stig)
17-20. Kristófer Gautason 3 vinninga (+17 stig)
21-23.  Valur Marvin Pálsson 2,5 vinninga

• Heimasíða Skákskólans
• Chess-Results