Haustmót TV - 4. umferð tefld í kvöld

Í kvöld, fimmtudaginn 1. okóber kl. 19:30, verður teld 4. umferð Haustmóts T.V. Tveimur skákum er þegar frestað og verða þær tefldar á sunnudag eða mánudag.

pörun 4. umferðar (tefld fimmtudaginn 1. október kl. 19:30)

Nafn	Pts	Res.	Pts	Name
Sverrir Unnarsson	3	frestað	2½	Bjorn Ivar Karlsson
Karl Gauti Hjaltason	2½	0 - 1	2½	Nokkvi Sverrisson
Einar Gudlaugsson	2	1 - 0	2	Dadi Steinn Jonsson
Kristofer Gautason	2	1 - 0	1½	Valur Marvin Palsson
Robert A Eysteinsson	1½	0 - 1	1½	Stefan Gislason
Olafur Freyr Olafsson	1	frestað	1	Larus Gardar Long
Johann Helgi Gislason	1	o  -   +	1	Nokkvi Dan Ellidason
Johannes T Sigurdsson	1	frestað	0	Sigurdur A Magnusson
David Mar Johannesson	0			Bye

mótið á chess result

skákir mótsins

Pistill liðsstjóra A-sveitar TV.

     Eins og fram hefur komið leiðir TV efstu deild á Íslandsmóti skákfélaga og er það í fyrsta skiptið í sögu félagsins sem það gerist. Þegar ég kom að máli við Karl Gauta formann eftir sigurinn í 2. deild á Akureyri í fyrra vaknaði hugmyndin um að gera atlögu að Íslandsmeistaratitlinum í ár. Ljóst var að ef það ætti að ganga eftir þyrftum við að styrkja liðið með erlendum skákmönnum. Leitað var til stórmeistaranna Igors Alexandre Nataf (2529) og Sebastien Maze (2515), sem báðir eru Franskir og eru gamalkunnir TV-menn frá fyrri tíð. Þeir voru strax tilbúnir að tefla fyrir okkur sem og Þjóðverjinn Michael Hoffmann (2513), stórmeistari.  Fyrir voru heimamaðurinn Björn Ívar Karlsson (2200) og stórmeistarinn og Eyjamaðurinn Helgi Ólafsson (2522). 

TR a – TV a.
     Við settumst því vongóðir að tafli á móti TR í fyrstu umferð enda með sterkara lið á pappírnum en þeir. Ég hafði náð í erlendu meistarana á hótel í miðbænum fyrir umferðina og lagði síðan bílnum á tilteknu bílastæði við Rimaskóla hálftíma seinna. Þetta er í sjálfu sér ekki í frásögur færandi nema hvað við pössuðum það vandlega eftir þessa umferð að leggja bílnum aldrei aftur í þetta stæði!

     Viðureignin gegn TR þróaðist fljótt okkur í óhag og það lá snemma í loftinu að við myndum tapa. Þeir okkar sem voru með hvítt fengu lítið út úr byrjuninni (Helgi, Maze, Sævar og ég). Þrjú jafntefli litu einmitt fljótt dagsins ljós hjá Helga, Sævari og mér. Það er ekki góðs viti að fá ekki meira með hvítu mönnunum í liðakeppni sem þessari en stöðurnar sem við fengum buðu ekki upp á meira. Páll Agnar, Hoffmann og Björn Ívar voru snemma komnir með erfiðar stöður. Nataf var sá eini sem fékk góða stöðu upp úr byrjuninni gegn Rússanum Michael Ivanov og innbyrti hann vinninginn fljótt og örugglega. Þetta reyndist vera eina vinningsskák okkar í þessari viðureign. Páll Agnar, Hoffmann og Björn Ívar töpuðu svo sínum skákum og ljóst var því að við myndum tapa viðureigninni. Spurningin var bara hve stórt tapið yrði þar sem Maze var með tapað hróksendatafl gegn Snorra Bergssyni. Honum tókst samt sem áður bjarga jafnteflinu og niðurstaðan varð því 3 - 5 tap.

     Hörmuleg byrjun gegn liði sem við áttum að öllu jöfnu að vinna. Útlendingarnir voru þreyttir eftir flug til landsins sama dag en Nataf hafði náð að leggja sig fyrir skákina sem hinum tókst ekki að gera. Þetta er e.t.v. skýringin á lélegri taflmennsku Maze og Hoffmanns í þessari umferð. Engum datt í hug á þessari stundu að við yrðum komnir í efsta sætið eftir fyrri hlutann, við vorum afskrifaðir í toppbaráttunni af öllum og mikið var gert úr tapi okkar í kvöldfréttum Útvarpsins.

Borð	TR a	Stig	-	TV a	Stig	5-3
1	Ivanov Mikhail M	2459	-	Nataf Igor-Alexandre	2529	0 - 1
2	Gunnarsson Arnar	2443	-	Olafsson Helgi	2522	½ - ½
3	Kjartansson Gudmundur	2413	-	Hoffmann Michael	2513	1 - 0
4	Bergsson Snorri	2338	-	Maze Sebastien	2515	½ - ½
5	Sigfusson Sigurdur	2335	-	Thorarinsson Pall A	2253	1 - 0
6	Loftsson Hrafn	2259	-	Thorsteinsson Thorsteinn	2286	½ - ½
7	Steindorsson Sigurdur P	2216	-	Karlsson Bjorn-Ivar	2200	1 - 0
8	Einarsson Bergsteinn	2210	-	Bjarnason Saevar	2171	½ - ½

TV a - Haukar b
     Þegar við komum að Rimaskóla þennan laugardagsmorgun og ég var í þann mund að leggja bílnum tók Maze það sérstaklega fram að við skyldum leggja bílnum sem lengst frá því stæði sem við höfðum notað í fyrstu umferðinni. Ég fór að hans ráðum og keyrði stóran hring frá gamla stæðinu og lagði bílnum í annað stæði. Í þessari umferð var teflt við eitt af veikari liðum deildarinnar og því kom ekkert annað til greina en stórsigur. Í stuttu máli fengum við fljótt betri stöður á öllum borðum og viðureignin endaði 7,5 - 0,5 okkur í vil. Hér hvíldi Sævar og í hans stað kom Björn Freyr Björnsson inn á 8. borð en þetta var hans frumraun fyrir TV. Björn Ívar var sá eini sem sleppti jafntefli í þessari viðureign en hann stóð allan tímann betur án þess þó að geta innbyrt vinninginn. Ásættanleg úrslit en 8 – 0 sigur var þó markmiðið. Það var ákveðið eftir þessa umferð, á leiðinni með útlendingana á hótelið, að við myndum nota sama bílastæði í seinni umferð dagsins („lucky parking spot“ eins og Maze orðaði það).

Borð	TV a	Stig	-	Haukar b	Stig	7½: ½
1	Nataf Igor-Alexandre	2529	-	Bjornsson Sverrir Orn	2174	1 - 0
2	Olafsson Helgi	2522	-	Rodriguez Fonseca Jorge	2018	1 - 0
3	Hoffmann Michael	2513	-	Arnarsson Sveinn	1961	1 - 0
4	Maze Sebastien	2515	-	Ottesen Oddgeir	1903	1 - 0
5	Thorarinsson Pall A	2253	-	Valdimarsson Einar	1838	1 - 0
6	Thorsteinsson Thorsteinn	2286	-	Traustason Ingi Tandri	1788	1 - 0
7	Karlsson Bjorn-Ivar	2200	-	Gunnarsson Gunnar	0	½ - ½
8	Bjornsson Bjorn Freyr	2166	-	Ahlander Johan	0	1 - 0

Haukar a – TV a

     Þetta var erfiðasta viðureign helgarinnar og hér var það mikil barátta sem skóp sigurinn. Snemma litu þó þrjú jafntefli dagsins ljós en það var í skákum Danielsen og Natafs á fyrsta borði, Ágústs Sindra og Páls Agnars á 5. borði og í skák Hlíðars og Björns Ívars á 7. borði. Í þessum skákum sættu andstæðingar okkar sig fljótt við jafntefli sem var gott fyrir okkur þar sem okkar menn voru allir með svart. Ég var fyrstur að innbyrða vinning fyrir okkar sveit á móti Þorvarði Ólafssyni í vel útfærðri skák. Stuttu síðar þurfti Sævar að gefast upp þannig að staðan í viðureigninni var aftur orðin jöfn. Síðan tók við hörð barátta í þeim skákum sem eftir voru. Skák Helga gegn Svíanum Semcesen var löng og snúin þar sem okkar maður var með betra og reyndi hvað hann gat til að vinna. Svíinn varðist vel og jafntefli varð niðurstaðan eftir langa baráttu. Helgi sagði mér eftir skákina að hann hefði líklegast verið með hann einhvers staðar og var ekki sáttur með jafnteflið. Næstur til að vinna var Maze en hann tefldi frábæra skák gegn Svíanum Björn Ahlander og vann af öryggi, líklegast besta skák liðsins í fyrri hlutanum. Hoffmann var allan tímann með betra gegn Tikkanen en ákvað að taka jafntefli þegar sigur liðsins var í höfn enda var áhættusamt tímahrak framundan. Sigur með minnsta mun en góður baráttusigur og ljóst var að við vorum komnir á beinu brautina. Þau stórtíðindi gerðust í þessari umferð að Jorge Fonseca (2018) tókst að vinna Jóhann Hjartarson (2596) þannig að b liði Hauka tókst þar með að ná einum vinningi af Bolvíkingum sem átti eftir að reynast heilladrjúgt fyrir okkur þar sem Jóhann ákvað að tefla ekki næstu skák með Bolvíkingum daginn eftir sem veikti lið þeirra. Þetta var bara byrjunin á hrakförum Bolvíkinga.

Borð	Haukar a	Stig	-	TV a	Stig	3½:4½
1	Danielsen Henrik	2473	-	Nataf Igor-Alexandre	2529	½ - ½
2	Semcesen Daniel	2465	-	Olafsson Helgi	2522	½ - ½
3	Tikkanen Hans	2447	-	Hoffmann Michael	2513	½ - ½
4	Ahlander Bjorn	2423	-	Maze Sebastien	2515	0 - 1
5	Karlsson Agust S	2298	-	Thorarinsson Pall A	2253	½ - ½
6	Olafsson Thorvardur	2211	-	Thorsteinsson Thorsteinn	2286	0 - 1
7	Hreinsson Hlidar	2276	-	Karlsson Bjorn-Ivar	2200	½ - ½
8	Thorgeirsson Sverrir	2142	-	Bjarnason Saevar	2171	1 - 0

Hellir a – TV a

     Við lögðum bílnum að sjálfsögðu í sama stæði og daginn áður! Í þessari viðureign gekk okkur flest í haginn. Björn Ívar reið á vaðið og rúllaði Sigurbirni Björnssyni upp í stuttri og vel tefldri skák. Þetta gaf tóninn. Nataf jafnaði auðveldlega taflið á fyrsta borði með svörtu gegn Hannesi Hlífari og jafntefli varð fljótt niðurstaðan. Áhyggjuefni var að Páll Agnar var með tapaða stöðu eftir 7 - 8 leiki á móti Róberti Lagermann. Til að gera langa sögu stutta þá innbyrtu Helgi og Hofmann sína vinninga af miklu öryggi gegn Birni Þorfinnssyni og Hjörvari Steini Grétarssyni á meðan að ég gerði jafntefli við Ingvar Þór Jóhannesson. Við vorum því snemma komnir með 4 vinninga og þrjár skákir eftir. Maze var með betra gegn Magnúsi Erni Úlfarssyni en Páll Agnar og Björn Freyr voru báðir með tapaðar stöður. Maze tókst síðan að vinna sína skák af öryggi á meðan að Páli Agnari tókst að bjarga vonlausri stöðu í jafntefli. Þetta jafntefli var kraftaverk helgarinnar að mínu mati. Björn Freyr tapaði svo eftir góða baráttu gegn Andra Áss Grétarssyni. Niðurstaðan varð því stórsigur á móti þéttu liði Hellis 5,5 - 2,5.

     Þau stórtíðindi gerðust í þessari umferð að Bolvíkingar, sem leitt höfðu keppnina hingað til, töpuðu stórt gegn Haukum a sem gerði það að verkum að við vorum komnir í efsta sætið!

Borð	Hellir a	Stig	-	TV a	Stig	2½:5½
1	Stefansson Hannes	2577	-	Nataf Igor-Alexandre	2529	½ - ½
2	Thorfinnsson Bjorn	2395	-	Olafsson Helgi	2522	0 - 1
3	Gretarsson Hjorvar Steinn	2320	-	Hoffmann Michael	2513	0 - 1
4	Ulfarsson Magnus Orn	2380	-	Maze Sebastien	2515	0 - 1
5	Lagerman Robert	2351	-	Thorarinsson Pall A	2253	½ - ½
6	Johannesson Ingvar Thor	2323	-	Thorsteinsson Thorsteinn	2286	½ - ½
7	Bjornsson Sigurbjorn	2287	-	Karlsson Bjorn-Ivar	2200	0 - 1
8	Gretarsson Andri A	2328	-	Bjornsson Bjorn Freyr	2166	1 - 0

Árangur liðsins

     Árangur liðsins verður að teljast vel viðunandi, þrátt fyrir óvænt tap gegn TR í fyrstu umferð. Menn tóku sig strax saman eftir tapið í fyrstu umferð og náðu að rétta hlut liðsins með mikilli baráttu og sigurvilja sem sýnir að mikill karakter er í liðinu.

     Í upphafi móts stillti ég liðinu upp eftir stigum nema hvað ég setti Pál Agnar upp fyrir mig af taktískum ástæðum en hann er stigalægri en ég. Þetta gekk upp þar sem við fengum samanlagt 5 vinninga af 7 mögulegum á borði 5 og 6 sem ég er ekki viss um að við hefðum fengið ef ég hefði verið borði ofar en Páll Agnar.

• Nataf fékk 3 vinninga af 4 og tefldi vel.
• Helgi fékk 3 vinninga af 4. Hann tefldi vel og af miklu öryggi þrátt fyrir æfingaleysi.
• Maze fékk 3,5 vinning af 4 og stóð sig með þeim árangri best í liðinu
• Hoffmann tapaði illa gegn Guðmundi Kjartanssyni í 1. umferð en tefldi vel eftir það. Hann fékk 2,5 vinning af 4 sem er tæplega viðunandi.
• Páll Agnar sem var ekki í neinni æfingu en tókst af miklu harðfylgi að fá 2 vinninga af 4 og á heiður skilinn fyrir að gefast aldrei upp.
• Sjálfur fékk ég 3 vinninga af 4 sem ég er sáttur við.
• Björn Ívar fann sig ekki í þremur fyrstu umferðunum en náði svo að vinna glanspartí á móti Sigurbirni Björnssyni (Helli). Björn Ívar á að geta betur.
• Sævar fann sig alls ekki og virðist vera í lægð. Hann fékk 0,5 vinning af 2.
• Björn Freyr tefldi tvær skákir og var með einn vinnig og eitt tap sem er viðunandi.

Borð		Nafn	Stig	umf.1	umf.2	umf.3	umf.4	Vinningar	Skákir
1	GM	Nataf Igor-Alexandre	2529	1	1	½	½	3	4
2	GM	Olafsson Helgi	2522	½	1	½	1	3	4
3	GM	Hoffmann Michael	2513	0	1	½	1	2,5	4
4	GM	Maze Sebastien	2515	½	1	1	1	3,5	4
5		Thorarinsson Pall A	2253	0	1	½	½	2	4
6	FM	Thorsteinsson Thorsteinn	2286	½	1	1	½	3	4
7		Karlsson Bjorn-Ivar	2200	0	½	½	1	2	4
8		Bjornsson Bjorn Freyr	2166		1		0	1	2
	IM	Bjarnason Saevar	2171	½		0		0,5	2

     Það er ljóst að það er spennandi vor framundan. Hrakfarir Bolvíkinga héldu áfram eftir mótið og nú síðast gekk Stefán Kristjánsson úr félaginu eftir deilur við forráðamenn þess. Við teflum einmitt við Bolvíkinga í næstu umferð og það verður án efa úrslitaviðureign keppninnar. Ljóst er að við mætum til leiks í vor til að verða Íslandsmeistarar, dolluna til Eyja. Einnig er ljóst að ég mun nota sama bílastæði og síðast!

Þorsteinn Þorsteinsson

Pistill Liðsstjóra B-sveitar TV.

  Eftir fyrri hluta Íslandsmóts skákfélaga má B-sviet TV þokkalega við una, en sveitin er í 6 sæti með 17 vinninga, aðeins einum vinningi frá efsta sætinu, en tvö efstu sætin gefa rétt til þátttöku í 3. deild að ári.

  B-sveitin er skipuð miklum reynsluboltum, sem hafa teflt í áraraðir í "Deildó" svo lagt var upp með að vera í toppbaráttunni eftir fyrri hlutann.  Árangur B-sveitarinnar byggist þó að miklum hluta á að A-sveit félagsins sé sterk, svo ekki sé verið að taka menn mikið af efstu borðum B-sveitar yfir í A-sveitina.

  Staðan eftir fyrri hlutann:
  1.   Víkingaklúbburinn A  3 0 1  18 vinn.
  2. Goðinn A   4 0 0  17 vinn.
  3. KR B      4 0 0   17 vinn.
  4. Víkingaklúbburinn B  3 1 0  17 vinn.
  5.  Austurland    2 1 1   17 vinn.
  6. TV B     3 0 1  17 vinn.
  7. SR B      3 0 1  16 vinn.
  8. Sf. Vinjar   2 1 1  15 vinn.
  9. KR  C    3 0 1   14 vinn.
10. UMSB    2 1 1  14 vinn.

  Staða liðsins eftir fyrri hlutann gefur góðar væntingar um að markmiðið náist, þ.e. að koma liðinu upp í 3. deild.  Ljóst er þó að allir verða að ná toppárangri í seinni hlutanum og ekki má mikið koma upp á.

1. umferð.
TV  B       - Siglufjörður  = 3,5 - 2,5
Lárus Knútsson (2088)   - Bragi Bjarnason  1/2 - 1/2
Kjartan Guðmundsson (1988) - Páll Ágúst Jónsson  0 - 1
Sverrir Unnarsson (1980) -  Sigurður Ægisson   1 - 0
Andri Valur Hrólfsson     -  Birgir Sigurðsson  1/2 - 1/2
Nökkvi Sverrisson  (1769) - Halldór Skaftason  1 - 0
Ægir Óskar Hallgrímsson   -  Birgir Ólafsson    1/2 - 1/2

     Sveit Siglufjarðar voru fyrstu andstæðingar okkar þetta árið.  Fyrirfram mátti búast við að þetta yrði fremur auðveld viðureign fyrir okkar menn, en svo varð ekki raunin. Reyndar eru Siglfirðingar með mjög sterka skákmenn í sínum röðum.  Nökkvi lagði andstæðing sinn eftir mistök andstæðingsins í byrjun skákarinnar.  Andri gerði fljótlega jafntefli í sinni skák.  Andstæðingur Kjartans hefur ekki teflt mikið undanfarin ár en var firnasterkur skákmaður á unglingsárunum og hefur greinilega viðhaldið þekkingunni.  Þess má geta að Páll Ágúst er bróðursonur Ása Galdró í Eyjum, svo líklega er kunnáttan í ættinni.  Kjartan fékk fljótlega erfiða stöðu og varð að játa sig sigraðan.  Lárus komst ekkert áleiðis gegn Braga og Ægir óskar fékk erfiða en gríðarlega flókna stöðu sem hann náði að jafna í lokin en var komin í tímahrak og jafntefli varð niðurstaðan.  Sverrir sigraði Sigurð Ægisson nokkuð örugglega.

2. umferð.
TV  B       -     TR D  = 4,5 - 1,5
Lárus Knútsson (2088)   -  Atli Antonsson        1 - 0
Einar K. Einarsson (2038) - Agnar Darri Lárusson (1752)  1 - 0
Kjartan Guðmundsson (1988) - Jón Einar Karlsson   1 - 0
Sverrir Unnarsson (1980) -  Páll Andrason (1550)  1/2 - 1/2
Nökkvi Sverrisson  (1769) - Örn Leó Jóhannsson (1728) 1/2 - 1/2
Ægir Óskar Hallgrímsson  -  Eiríkur Örn Brynjarsson (1648) 1/2 - 1/2

  Í annarri umferð mættum við D-sveit Taflfélags Reykjavíkur.  Undirritaður fórnaði manni fyrir það sem hann hélt að væri mátsókn, en fékk ekkert út úr henni og var stálheppinn að fá jafntefli.  Ægir Óskar og Nökkvi komust ekkert áleiðis gegn sínum andstæðingum og sættust einnig á jafntefli.  Þá voru einungis eftir 3 efstu borðin og sýndu liðsmenn TV mikinn baráttuanda og kláruðu sína andstæðinga svo útkoman var öruggur sigur.

3. umferð.
TV  B     -   Goðinn A  = 2,5 - 3,5
Lárus Knútsson (2088)   -  Erlingur Þorsteinsson (2124)  1/2 - 1/2
Kjartan Guðmundsson (1988) - Sindri Guðjónsson (1915)  0 - 1
Sverrir Unnarsson (1980) -  Sigurður Jón Gunnarsson  1/2 - 1/2
Óli Árni Vilhjálmsson   -  Jakob Sævar Sigurðsson (1808)  0 - 1
Nökkvi Sverrisson  (1769) - Barði Einarsson (1754) 1/2 - 1/2
Páll Jörgen Ammendrup  -  Smári Sigurðsson   1 - 0

   Við vorum frekar óheppnir með andstæðinga í 3 umferð. Við höfum átt í erfiðleikum með Þingeyingana undanfarin ár. Þeim hafði einnig bæst við liðsstyrkur, þar sem Erlingur Þorsteinsson gekk til liðs við félagið fyrir skömmu. Lárus og Erlingur gerðu frekar stutt jafntefli sem og Nökkvi og Barði. Fljótlega fengu Kjartan og Óli Árni erfiðar stöður sem töpuðust eftir langa baráttu. Okkar nýji liðsmaður Páll Ammendrup sigraði síðan Smára. Liðsstjórinn tefldi við Sigurð Jón Gunnarsson. Mikið gekk á í skákinni og fórnaði Sigurður skiptamun til að verjast máti og fékk tvö peð upp í hann. Eftir 4 tíma setu var jafntefli samið í stöðu sem hvorugur mátti reyna að vinna. Niðurstaðan var tap í viðureigninni og ljóst að ekkert nema stór sigur í næstu umferð héldi í vonina um að vera á toppnum eftir fyrri hlutann.

4. umferð.
TV  B     -   SELFOSS  B  =  6 - 0
Lárus Knútsson (2088)   -  Ingvar Örn Birgisson   1 - 0
Einar K. Einarsson (2038) - Magnús Garðarson   1 - 0
Kjartan Guðmundsson (1988) - Erlingur Atli Pálmarsson  1 - 0
Sverrir Unnarsson (1980) -  Árni Guðbjörnsson   1 - 0
Andri Valur Hrólfsson   -  Brynjar Guðlaugsson      1 - 0
Nökkvi Sverrisson  (1769) - Hörður Gunnarsson  1 - 0

   Stór sigur segir allt um þessa viðureign við B-sveit SSON. Nökkvi vann sína skák hratt og örugglega og í kjölfarið fylgdu sigrar hjá Andra og Kjartani. Einar fórnaði peðum eins og oft áður fyrir stöðuna, en lenti í talverðum erfiðleikum með að innbyrða vinninginn. Sverrir vann peð úr byrjuninni og vann síðan eftir slæman afleik andstæðingsins. Lárus átti langa setu. Hann vann peð en með mislita biskupa á borðinu ásamt hrókum var erfitt að finna vinning í stöðunni. Lárus náði þó að trikka andstæðinginn eftir langar setur og tryggja liðið í baráttunni um efstu sætin.

  Árangur sveitarinnar :
  Lárus Knútsson  2088  0,5 -  1  - 0,5 -  1  = 3 af 4
  Einar Kristinn   2038      X   -  1  -   X  -  1  = 2 af 2 !
  Kjartan Guðm.  1988      0  -   1  -   0  -  1  = 2 af 4
  Sverrir Unnars. 1980      1  - 0,5 - 0,5 -  1  = 3 af 4
  Andri Valur Hrólfsson    0,5 -  X  -  X   -  1  = 1,5 af 2
  Óli Árni Vilhjálmsson       X  -  X   -  0  -   X  = 0 af 1
  Nökkvi Sverris. 1769      1  - 0,5 - 0,5 -  1  = 3 af 4
  Ægir Óskar Hallgr.         0,5 - 0,5 - X   -  X  = 1 af 2
  Páll J. Ammendrup          X   -  X   - 1   -  X  = 1 af 1.

  Lárus stóð vel fyrir sínu á 1. borði. Hann vann 2 skákir og gerði 2 jafntefli.  Fínn árangur hjá Lalla.
  Einar K. tefldi einungis 2 skákir og vann þær báðar. Einar er gríðarlega mikill keppnismaður og er nauðsynlegt að hann tefli allar skákir í seinni hlutanum.
  Kjartan var með 50% hlutfall. Það má segja honum til varnar að liðsstjóri sveitarinnar gekk á bak orða sinna frá s.l. ári og lét hann tefla ofar en samið hafði verið um.
  Sverrir var með 3 vinninga af 4. Taflmennskan var ekki nægilega örugg og var hann heppninn að tapa ekki á móti unglingasveit TR. Sverrir getur betur.
  Andri Valur stóð fyrir sínu með 1,5 vinning úr 2 skákum. Fínn árangur.
 Óli Árni tefldi eina skák og tapaði. Er bæði sárkvalinn af vöðvabólgu og ekki í neinni kappskákæfingu, en kemur vonandi sterkari til leiks í vor.
  Nökkvi átti frekar náðugt mót, 3 vinningar af 4. Ágætur árangur en hefði mátt vera aðeins harðari í jafnteflisskákunum.
  Ægir Óskar tefldi 2 skákir og gerði jafntefli í báðum. Hann er ekki í keppnisæfingu en sýndi þó að hann kann þetta.
  Páll Ammendrup er nýr félagi í TV og tefldi aðallega með C-sveitinni og stóð sig afar vel. Hann telfldi eina skák með okkur og vann hana. 

  Ljóst er að margt verður að ganga upp til að sveitin komist upp í 3. deild í vor. Gríðarlega spennandi keppni er framundan í mars eins og sést á stöðunni í deildinni hér að ofan. Í 5. umferð mætum við Víkingaklúbbnum B-sveit, sem eru með innanborðs tvo gamla TV-menn, þá Óskar Hallgrímsson og Ágúst Örn Gíslason. Mjög mikilvægt er að ná góðum úrlistum í viðureigninni til að viðhalda möguleikum sveitarinnar á því að komast upp í 3. deild.

Sverrir Unnarsson liðsstjóri B-sveitar TV.

Haustmót TV - pörun 4. umferðar

Í dag voru tefldar 2 frestaðar skákir úr 3. umferð sem ekki tókst að ljúka fyrir Íslandsmót skákfélaga. Stefán sigraði Davíð Má og Kristófer lagði Jóhannes. 4. umferð Haustmótsins verður telfd fimmtudaginn 1. október kl. 19:30

úrslit 4. umferðar

Name	Pts	Res.	Pts	Name
Nokkvi Sverrisson	2	½  -  ½	2	Bjorn Ivar Karlsson
Dadi Steinn Jonsson	2	0  -  1	2	Sverrir Unnarsson
Valur Marvin Palsson	1½	0  -  1	1½	Karl Gauti Hjaltason
Einar Gudlaugsson	1	+  -  -	1	Nokkvi Dan Ellidason
Kristofer Gautason	1	1  -  0	1	Johannes T Sigurdsson
Johann Helgi Gislason	1	-  -  +	½	Robert A Eysteinsson
Stefan Gislason	½	1  -  0	0	David Mar Johannesson
Sigurdur A Magnusson	0	0  -  1	0	Olafur Freyr Olafsson
Larus Gardar Long	0	1  -  -		Bye

 staðan eftir 3. umferð 

sæti	Nafn	stig	vi	BH.
1	Sverrir Unnarsson	1875	3	7½
2	Nokkvi Sverrisson	1725	2½	8½
3	Bjorn Ivar Karlsson	2170	2½	6½
4	Karl Gauti Hjaltason	1615	2½	4½
5	Einar Gudlaugsson	1810	2	7
6	Kristofer Gautason	1480	2	7
7	Dadi Steinn Jonsson	1455	2	6½
8	Valur Marvin Palsson	1275	1½	7
9	Robert A Eysteinsson	1250	1½	6½
10	Stefan Gislason	1670	1½	5
11	Sigurjon Thorkelsson	1885	1	8
12	Nokkvi Dan Ellidason	1165	1	6
13	Johann Helgi Gislason	1280	1	5½
14	Olafur Freyr Olafsson	1330	1	5
15	Larus Gardar Long	1125	1	4½
16	Johannes T Sigurdsson	1315	1	4
17	Sigurdur A Magnusson	1380	0	7
18	David Mar Johannesson	1330	0	6

 

pörun 4. umferðar (tefld fimmtudaginn 1. október kl. 19:30)

Nafn	Pts	Res.	Pts	Name
Sverrir Unnarsson	3		2½	Bjorn Ivar Karlsson
Karl Gauti Hjaltason	2½		2½	Nokkvi Sverrisson
Einar Gudlaugsson	2		2	Dadi Steinn Jonsson
Kristofer Gautason	2		1½	Valur Marvin Palsson
Robert A Eysteinsson	1½		1½	Stefan Gislason
Olafur Freyr Olafsson	1		1	Larus Gardar Long
Johann Helgi Gislason	1		1	Nokkvi Dan Ellidason
Johannes T Sigurdsson	1		0	Sigurdur A Magnusson
David Mar Johannesson	0			Bye

mótið á chess result

skákir mótsins

Pislar frá liðsstjórum að koma inn !

  Í dag eða á morgun verða hér á þessari síðu birtir pislar allra liðsstjóra TV frá fyrri hluta Íslandsmóts Skákfélaga sem fram fór um helgina.

  Þorsteinn mun skrifa pistil A-sveitarinnar sem trónir á toppi Íslandsmótsins.

  Sverrir mun skrifa pistil B-sveitarinnar sem er í toppbaráttu í 4 deildinni.

  Stebbi Gilla mun svo skrifa pistil C-sveitarinnar sem er rétt ofan við miðja 4 deild.

Eyjamenn efstir eftir fyrri hlutann !

  Þá er fyrri hluti Íslandsmóts Skákfélaga lokið með fjórum umferðum af sjö.  Eftir fyrri hlutann er A-sveit Taflfélags Vestmannaeyja efst Taflfélaga á landinu.  Í fyrri hlutanum eru tefldar fjórar umferðir en síðustu þrjár í þeim seinni.  Síðari hlutinn verður tefldur fyrstu helgina í mars á næsta ári.  Fyrirfram var búist við sigri Bolvíkinga og var Hellismönnum og Eyjamönnum spáð 2-3 sæti.

  Í fyrstu umferð mættum við TR a, fornfrægu félagi þeirra Reykjavíkurmanna.  Fyrirfram mátti búast við að við myndum sigra með okkar fjóra stórmeistara, en sú varð ekki raunin, því byrjunin var slök og máttum við játa okkur sigraða 3-5.

  Nú réð á að halda haus ef sigurlíkur okkar áttu ekki að verða hverfandi.  Í annarri umferð var því ekkert annað en að bíta í skjaldarrendurnar þegar við mættum b-sveit Hauka.  Það fór svo að við náðum vopnum okkar og sigruðum stórt 7,5-0,5.

  En betur mátti ef duga skyldi því enn var nokkur spölur í efstu liðin.  Í þriðju umferð mættum við a-sveit Hauka og mátti nú koma í ljós úr hvaða efni okkar menn voru gerðir.  Erfið viðureign endaði með minnsta sigri 4,5-3,5 og við náðum að hanga í efstu liðunum.

  Nú var komið að því að mæta erkiféndunum Hellismönnum, sem hafa mörgum titlunum hampað í gegnum tíðina.  Nú var að duga eða drepast og var dagsskipunin að berjast til síðasta blóðdropa.  Það má segja að allt hafi fallið með okkur í þessari umferð, okkar menn vöknuðu bísperrtir og tóku Möllersæfingar í morgunsárið undir stjórn hins eitilharða Steina og mættu einbeittari en nokkru sinni.

  Sigur okkar var stærri en nokkurn grunaði og blés Björn Ívar fyrsta stefið með sigri sínum á 7. borði.  Tónninn var gefinn og fljótlega vorum við komnir í 4-1, þegar Helgi Ólafsson á 2. borði og Hoffmann á því þriðja sigruðu og Nataf á fyrsta borði og Þorsteinn á því sjötta gerðu jafntefli.  Leit þó út fyrir tap á 5 og 8 borði lengi vel og spurning með 4 borð.  Allar ár runnu þó til Dýrafjarðar og Páll Agnar náði að snúa heilladísunum sér í hag og gera jafntefli og Maze á 4 borði sigraði enn og aftur.  Stórsigur 5,5-2,5 var staðreynd og á næsta borði unnu Haukar sigur á firnasterku liði Bolvíkinga og Eyjamenn voru orðnir efstir eftir fyrri hlutann.

  Spennan er í algjöru hámarki og munu margir skákjöfrar ekki eiga svefnsamar vetrarnætur fram að síðari hlutanum.

  Árangur einstakra liðsmanna :
  A - Sveit TV - 1 deild.
  Lið .................................. TR a  HauB HauA HeA Samt.
  Igor-Alexandre Nataf GM .   1      1      0,5    0,5   = 3
  Helgi Ólafsson GM ...........   0,5    1      0,5     1    = 3
  Michael Hoffmann GM  .....    0      1      0,5     1    = 2,5
  Sabestian Maze GM  .......   0,5    1       1       1    = 3,5
  Páll Agnar Þórarinsson ...    0      1      0,5    0,5  = 2
  Þorsteinn Þorsteinsson ..    0,5   1      1      0,5   = 3
  Björn Ívar Karlsson .........   0      0,5    0,5     1   = 2
  Björn Freyr Björnsson ....    X       1      X        0   = 1
  Sævar Bjarnason ...........    0,5    X      0        X   =  0,5
  Samtals .........................     3     7,5   4,5     5,5  = 20,5 = 1 sæti.

  B- Sveit TV  - 4 deild
  Lið .................................. Siglufj TRD GoðA SSONB Samt.
  Lárus Knútsson  .............   0,5    1     0,5      1   =  3
  Einar K. Einarsson ..........     X     1      X        1    = 2
  Kjartan Guðmundsson ....    0      1      0       1    =  2
  Sverrir Unnarsson ...........    1    0,5    0,5     1    = 3
  Óli Á. Vilhjálmsson ..........    X      X       0       X   = 0
  Andri Valur Hrólfsson ......    0,5   X       X       1   = 1,5
  Nökkvi Sverrisson ...........    1     0,5   0,5      1   = 3
  Ægir Óskar Hallgrímsson .   0,5   0,5    X      (c)   = 1
  Páll Ammendrup ..............    (c)    (c)    1      (c)   = 1
  Samtals ...........................   3,5   4,5   2,5     6    = 16,5 = 6 sæti

  C - Sveit TV - 4 deild
  Lið ..................................  GoðA HelC SA B TR E  Samt.
  Ægir Óskar Hallgrímsson .   (b)    (b)    X     0,5  = 0,5
  Páll Ammendrup ..............    0      1     (b)    0,5  = 1,5
  Stefán Gíslason  ..............    0     0,5   0,5     X    =  1
  Jón Ragnarsson  .............     X      X     X       0    =  0
  Ólafur Hermannsson .......    1      0      1       X    = 2
  Karl Gauti Hjaltason ........   0,5    X      0      0,5  = 1
  Gunnar Salvarsson .........    0,5    X      X       X    = 0,5
  Kristófer Gautason .........     X      0     0,5    (1)   = 1,5
  Alexander Gautason ......      X      1      1       X   =  2
  Daði Steinn Jónsson .......     0      1       1      1    =  3
  Samtals ..........................     2     3,5     4     3,5  = 13 = 13 sæti

Deildakeppnin hefst í kvöld.

  Þá er komið að mestu skákhátíð ársins, deildakeppninni, sem hefst í kvöld.

  TV sendir að þessu sinni þrjár sveitr, A-sveitin sem teflir í 1 deild og er skipuð valinkunnum meisturum og verður sagt nánar frá því eftir að keppni hefst.  Liðsstjóri er hinn eitilharði Þorsteinn Þorsteinsson og hefur hann hert lið sitt með fjallgöngum og sjósundi á undanförnum mánuðum.

  B-sveit okkar er skipuð sterkum skákmönnum sem ætla að freista þess enn og aftur að endurheimta sæti sitt í 3 deild.  Liðsstjórar eru Einar K. Einarsson og Sverrir Unnarsson og hafa þeir haldið krísufundi að undanförnu. Í fyrstu umferð tefla þeir við Siglfirðinga.

  C-sveit okkar er skipuð bæði yngri og eldri skákmönnum og hefur besti mórallinn einmitt verið í þeirri sveit í gegnum árin.  Liðsstjóri sveitarinnar er Karl Gauti og verður pepp fyrir sveitarmeðlimi í dag kl. 18 á Hard Rock.

Mótaáætlun fyrir veturinn

Í vetur verða nokkuð mörg mót á fastalandinu sem skákmenn úr Eyjum ættu að skoða að tefla á.
Ljóst er að einhverjir fara á Íslandsmót drengja og telpna á Akureyri og einnig verða sendar sveitir á Íslandsmót unglingasveita sem haldið verður Í Garðabæ.

Hefst	Lýkur	Heiti	Mótsstaður	Þáttakendur
25.09.09	27.09.09	Íslandsmót skákfélaga	Rimaskóli	allir
24.10.09	25.10.09	Íslandsmót drengja og telpna	Akureyri	fæddir 94 og yngri
07.11.09	08.11.09	Unglingameistaramót Íslands	Hellir	20 ára og yngri
28.11.09	28.11.09	Íslandsmót unglingasveita	Garðabær	fæddir 94 og yngri
09.01.10	09.01.10	Íslandsmót barna	Óákveðið	fæddir 99 og yngri
06.02.10	06.02.10	Íslandsmót grunnskólasveita - stúlkur	Óákveðið	fæddar 94 og yngri
07.02.10	07.02.10	Íslandsmót stúlkna	Óákveðið	fæddar 94 og yngri
05.03.10	06.03.10	Íslandsmót skákfélaga	Óákveðið	allir
14.03.10	14.03.10	Árnamessa - skákmót	Stykkishólmur	fæddir 94 og yngri
20.03.10	21.03.10	Íslandsmót barnaskólasveita	Óákveðið	fæddir 97 og yngri
28.03.10	29.03.10	Íslandsmót framhaldsskólasveita	TR	framhaldsk. Nem
31.03.10	03.04.10	Stigamót Hellis	Hellir	allir
09.04.10	11.04.10	Skákþing Norðlendinga	Húsavík	allir
17.04.10	18.04.10	Íslandsmót grunnskólasveita	Óákveðið	fæddir 94 og yngri
06.05.10	09.05.10	Landsmótið í skólaskák	Óákveðið

 

Haustmót TV - 3. umferð

Í kvöld hófst 3. umferð með 6 skákum. Í viðureignum efstu manna gerðu Nökkvi og Björn Ívar jafntefli í hörku skák og Sverrir lagði Daða Stein. Tveimur skákum lauk án taflmennsku og hefur það gerst allt of oft í mótinu. Tveimur skákum var frestað.

Round 3
Bo.	Name	Pts	Res.	Pts	Name
1	Nokkvi Sverrisson	2	½  -  ½	2	Bjorn Ivar Karlsson
2	Dadi Steinn Jonsson	2	0  -  1	2	Sverrir Unnarsson
3	Valur Marvin Palsson	1½	0  -  1	1½	Karl Gauti Hjaltason
4	Einar Gudlaugsson	1	+  -  -	1	Nokkvi Dan Ellidason
5	Kristofer Gautason	1	-	1	Johannes T Sigurdsson
6	Johann Helgi Gislason	1	-  -  +	½	Robert A Eysteinsson
7	Stefan Gislason	½	-	0	David Mar Johannesson
8	Sigurdur A Magnusson	0	0  -  1	0	Olafur Freyr Olafsson
	Larus Gardar Long	0	1  -  -		Bye

• mótið á chess result
• skákir mótsins

Haustmót TV - 3. umferð tefld í kvöld.

Í kvöld, þriðjudaginn 22. september verður tefld 3. umferð Haustmótsins og hefst hún kl. 19:30 Þetta er jafnframt síðasta umferð mótsins fyrir Íslandsmót Skákfélaga sem verður um næstu helgi í Reykjavík.

pörun 3. umferðar ( tefld þriðjudaginn 22. september kl. 19:30)

Bo.	Name	Pts	Res.	Pts	Name
1	Nokkvi Sverrisson	2		2	Bjorn Ivar Karlsson
2	Dadi Steinn Jonsson	2		2	Sverrir Unnarsson
3	Valur Marvin Palsson	1½		1½	Karl Gauti Hjaltason
4	Einar Gudlaugsson	1		1	Nokkvi Dan Ellidason
5	Kristofer Gautason	1		1	Johannes T Sigurdsson
6	Johann Helgi Gislason	1		½	Robert A Eysteinsson
7	Stefan Gislason	½		0	David Mar Johannesson
8	Sigurdur A Magnusson	0		0	Olafur Freyr Olafsson
	Larus Gardar Long	0			Bye

mótið á chess result