Samantekt um HM Tyrklandi.

  Það er nú liðið svolítið frá því Heimsmeistaramótinu í Tyrklandi lauk og ætlaði ég alltaf að taka saman árangur einstakra þjóða og líka aðeins að lista upp árangur okkar íslensku krakka.  Menn geta haft á því sínar skoðanir, en þetta voru stórkostlegir ferðafélagar, skemmtilegir og hógværir krakkar og þakka ég þeim hér með fyrir samveruna í Tyrklandi.

  Árangur einstakra þjóða:
  Indland  :  1 gull, 3 silfur og 2 brons (mest piltar)
  Rússland : 2 gull, 1 silfur og 1 brons
  Kína    :     2 gull og 2 brons (jafnt í báðum kynjum)
  Pólland  :  3 silfur og 1 brons (mest piltar)
  Iran (IRI): 2 gull og 1 brons,
  Georgia  :  2 silfur og 1 brons (allt stúlkur)
  Perú       :  2 gull  (sitt af hvoru kyni)
  Azerbj. :    1 gull og 1 brons (báðar stúlkur)
  Bandaríkin 2 silfur (bæði kyn)
  Israel :      1 gull (stúlka)
  Austurríki : 1 gull (piltur)
  Spánn     :  1 silfur (piltur)
  Kanada   :  1 brons (piltur)
  Frakkland : 1 brons (piltur)
  Tyrkland  :  1 brons (stúlka
  Stórþjóðirnar meðal ungra skákmeistara eru Indland, Rússland og Kína.  Vestur-Evrópuþjóðirnar eiga einn verðlaunahafa frá Austurríki, Spáni og Frakklandi.  Perú á tvo gullverðlaunahafa.  Heimaþjóðin státar aðeins af 1 bronsverðlaunum.

Þá er það árangur íslendinganna:
  Bjarni Jens Kristinsson 5 vinn.    70 sæti af 104  (eða 67,3 af 100).
  Kristófer Gautason    4,5 vinn.  105 sæti af 142  (eða 73,9 af 100).
  Tinna Kristín Finnbogadóttir 4 vinn. 53 sæti af 65  (eða 81,5 af 100).
  Mikael Jóhann Karlsson 4 vinn.  115 af 138  (eða 83,3 af 100).

  Ég held þessi árangur sé bara viðunandi, sérstaklega þar sem þetta var fyrsta stórmót þeirra flestra og held ég að þau séu öll að hækka sig.  Kristófer fer líklega vel yfir 1700 á FIDE, en hann var undir 1500 á íslenska listanum fyrir mótið.  Þessi árangur þeirra fjögurra er í góðu meðallagi íslenskra krakka á stórmótum síðastliðin ár.  Ég á von á því að þessir landsbyggðarkrakkar komi enn sterkari á næstu stórmót sem þau taka þátt í.

  Miðað við hin Norðurlöndin þá getum við sæmilega við unað, t.d. er Bjarni ofar en finninn og daninn en neðar en svíinn og norðmaðurinn.  Kristófer getur verið sáttur því hann skaut þremur finnum og svía aftur fyrir sig, en var neðar en dani og norðmaður.  Hins vegar var hann, ásamt neðsta finnanum sá eini af þeim sem var stigalaus fyrir mótið.

  Heimsmeistari í flokki Kristófers var Bobby Cheng frá Austurríki með 9 vinninga af 11.  Sá keppandi sem sýndi mesta yfirburði í sínum flokki var stúlka frá Azerbajan, Gunay Uugar Qizi Mammadzada að nafni en hún hlaut 10,5 vinninga af 11 í flokki stúlkna 10 ára og yngri.

KGH.