Endatafl með riddara og biskup skipti miklu í lokin !

  Daninn Jonas Nielsen á fjórða borði og Patrekur Þórsson úr Rimaskóla áttust við í síðustu skák mótsins, þar sem Patrekur var með biskup og riddara og reyndi að máta danann.

  Þetta er fræðilega hægt en mjög erfitt, en ef það tekst ekki í 50 leikjum getur andstæðingurinn krafist jafnteflis, en auðvtiað verður hann að gera það sjálfur.

  Það var þannig að ef Patreki tækist að vinna hefði Rimaskóli náð að komast í 2 sæti, en ef ekki yrði skólinn í því 4.  Svo þetta skipti miklu máli og óhætt að segja að þarna hafi mikil ábyrgð verið lögð á litlar herðar.

  Það fór svo á endanum eftir rúmlega 160 leiki og 4,5 klukkustunda setu að yfirdómarinn slökkti á klukkunum og dæmdi jafntefli.

  Mótinu lauk því þannig að efstir urðu Norðmenn, en hnífjafnir í 2 sæti voru Grunnskóli Vestmannaeyja og Gustavslundskolan frá Svíþjóð með 10,5 vinninga og 5 stig og innbyrðis viðureign þeirra var líka jöfn svo verðlaununum var skipt og báðir skólar fá silfurverðlaun.