Vetrarstarfið í fullan gír.

  Þá er vetrarstarf Taflfélagsins komið á fullt skrið og hófst í dag með stúlknaæfingu þar sem mæting var ágæt.  Nú hefjast æfingar í hverjum flokkinum af öðrum í þessari viku og ekki má gleyma hinu árlega Vinnslustöðvarmóti sem verður um næstu helgi, en þegar hafa 14 keppendur skráð sig í mótið og enn stendur skráning yfir og eru nemendur beðnir um að skrá sig sem allra fyrst.  Ráðgert er að Haustmót TV hefjist fimmtudaginn 10. september og er byrjað að taka við skráningum þar.  Deildakeppnin verður helgina 25. september í Reykjavík, svo nú er ráð að byrja að æfa sig fyrir þá miklu hátíð.

Stundatafla TV gildir frá deginum í dag, á þriðjudögum kl. 17 eru stúlknatímar, á miðvikudögum kl. 17 fyrir stráka fædda 2000 og 2001, á fimmtudögum á sama tíma fyrir stráka fædda 2002 og 2003 og á mánudögum kl. 17 fyrir stráka fædda 1998 og 1999.  Á hverjum sunnudegi kl. 15 eru hin hefðbundnu sunnudagsmót fyrir yngri hópana og á fimmtudagskvöldum kl. 19:30 eru mót eða fyrirlestrar fyrir fullorðna.

Undirbúningur fyrir Norðurlandamót barnaskólasveita er komin á fullan skrið en mótið verður helgina 18-20 september í Eyjum og er von á u.þ.b. 50 gestum til Eyja af því tilefni frá öllum Norðurlöndunum.  Strákarnir eru byrjaði að sækja tíma og taka auðvitað þátt í báðum mótunum sem verða á næstu dögum.

Aðalfundur Taflfélags Vestmannaeyja verður fimmtudaginn 15. október og hefst kl. 19.30.

Á dagskrá eru  hefðbundin aðalfundarstörf.

 

Starfsemi Taflfélagins fer öll fram í húsnæði félagsins „Skáksetrinu" að Heiðarvegi 9, gengið inn frá Heiðarvegi.