Meistaramót Skákskólans næstu helgi.

  Helgina 22-24. maí fer fram meistaramót Skákskólans í Reykjavík.

  Bestu nemendum í Vestmannaeyjum hefur verið boðið að taka þátt eins og undanfarin ár.

  Nú er nokkuð ljóst að Nökkvi, Ólafur Freyr og Kristófer stefna allir að þátttöku, en það sama býðst einnig þeim Daða Stein, Val Marvin, Sigurði og Róbert.  Þeir þurfa að fara að taka ákvörðun um þetta.

  Mótið hefst kl. 18 á föstudag og þá verða tefldar þrjár atskákir, á laugardag verða tvær kappskákir og einnig tvær á sunnudag og seinasta umferðin hefst kl. 15 á sunnudag svo seinni ferð Herjólfs ætti að nást.  Þátttöku má tilkynna beint til skákskólans eða til Sverris eða Gauta.

  Hér úrdráttur úr auglýsingu um mótið á skak.is:
  Meistaramót Skákskóla Íslands hefst föstudaginn 22. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og þeir sem tekið hafa þátt í námskeiðum á vegum  skólans. Skráning stendur nú yfir í eftirfarandi netföng: [e-mail] og/eða [e-mail]

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum 10 sek. fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvern leik.

Skákstig: Mótið verður reiknað til skákstiga, en þrjár fyrstu umferðirnar til Atskákstiga.

Dagskrá :
1, 2 og 3. umf. : ATSKÁKIR,       Föstudagur   22. maí, kl. 18, 19 og 20.
4 og 5. umf.   :   KAPPSKÁKIR,  Laugardagur 23. maí, kl. 10-14 og 15-19.
6 og 7. umf.   :   KAPPSKÁKIR,  Sunnudagur  24. maí, kl. 10.-14 og 15-19.