37 tóku þátt á sunnudagsmótum í vor hjá TV.

  Þar sem mótröð vorannar er nú lokið verður pizzaveisla á mótinu á sunnudaginn og hefst kl. 15 að venju.  Þá verða jafnframt verðlaun afhent fyrir árangur vorannar.

  Dagskrá sunnudagsins 
  Sunnudagsmót (án stiga)
  Pizzuveisla
  Verðlaunaafhending.
  Afhent verða verðlaun fyrir efstu sæti í mótaröðinni í vor, besta árangur stúlkna og besta árangur yngri flokks og einnig sérstök framfara- og mætingarverðlaun.

  Þeir urðu í efstu sætum í mótaröðinni, Sigurður, Róbert og Jörgen eins og verið hefur um skeið, en baráttan um 4-6 sæti endaði þannig að Eyþór hafði nauman sigur á Lárusi, en Davíð og Ágúst drógust afturúr á lokasprettinum, Ágúst fór reyndar í sveitina og var ekki með á lokasprettinum.  Sigurður vann 6 mót af 15, Róbert 2 og Jörgen 1, en Eyþór, Tómas og Davíð unnu eitt mót hvor. Á tveimur mótum urðu þeir jafnir í efsta sæti Sigurður og Róbert og einu sinni skiptu þeir fyrsta sæti, Lárus, Ágúst og Jóhann Helgi.  Hafdís varð langefst stúlkna og Daníel Hregg. langefstur yngri flokksins.  37 tóku þátt í heildina, 8 stúlkur, 6 úr yngri flokki en 23 eldri.