Daði Steinn og Nökkvi á leið á Landsmótið.

  Í morgun fóru þeir Daði Steinn Jónsson og Nökkvi Sverrisson norður til Akureyrar, þar sem þeir taka þátt í Landsmótinu í skólaskák, sem fer fram næstu 4 daga.

  Daði Steinn keppir í yngri flokki 1-7 bekk, en Nökkvi í eldri flokki 8-10 bekk.  Í hvorum flokki eru 12 keppendur sem koma alls staðar af landinu og eru fulltrúar síns kjördæmis. Tefldar eru 11 skákir þ.e. alllir við alla í hvorum flokki og er hver skák með umhugsunartímann 30 mín + 30 sek á leik.

  Spennandi verður að fylgjast með okkar strákum á mótinu og verða fréttir af gengi þeirra settar inn á þessa síðu eftir atvikum.