Dapur fréttaflutningur af Íslandsmóti skákfélaga.

  Íslandsmóti skákfélaga lauk s.l. laugardagskvöld á Akureyri.

  Í gær fór dagurinn í ferðalög hjá flestum liðum.

  Þegar síður skákfélaga eru skoðaðar í dag er lítið um fréttir af mótinu.  Skak.is er með stutt yfirlit yfir helstu úrslit, en þó svo að síðustu umferðina vantar inn í tölurnar í 4 deild, TR hefur síðan tekið þetta upp af síðunni.  Önnur umfjöllun er afar döpur.  Ekki orð á síðu sigurvegaranna eða næstbesta liðsins og ekki orð á síðu mótshaldaranna.  Semsagt afar lítið efni er að finna um þetta langstærsta mót hins almenna skákmanns með einni undantekningu þó.  Skákfélagið Goðinn hefur sett inn helstu úrslit og umfjöllun um sitt gengi og hafi þeir þökk fyrir.  Ég hef svo gert það sama um það sem að okkur snýr.  Ég verð að játa að þetta er afar dapurt.  Á síðum flestra félaga er ekkert að finna.  Ég held að það sé ekki unnt að búast við að umfjöllun um skák aukist ef við stöndum okkur ekki sjálfir !

Athugasemdir

[Skák.is, 23.3.2009 kl. 15:14]

Sæll Karl Gauti.

Þakka þér fyrir skemmtilega helgi og til hamingju með árangurinn.

Ég held að skýringin sé einföld.  Langflestir voru á ferðalagi í gær og þegar heim er komið er tómt á tanknum. 

Í dag er það vinnan svo hjá fólki sem er fyrir.  Þetta mun tínast inn í dag og næstu daga hjá félögunum.

Ég hef uppfært fjórðu deildina.  

Kveðja,
Gunnar