Sigruðum aðra deildina með yfirburðum.

  Þá er Íslandsmóti skákfélaga lokið.  Frá Eyjum fóru fjórar sveitir norður til Akureyrar um helgina og uppskáru ágætlega. A-sveit félagsins sigraði aðra deild með fáheyrðum yfirburðum og keppa með þeim bestu í fyrstu deild í haust.

  Sveitin var skipuð þeim:
  1. Luis Galego
  2. Jan Johansson
  3. Þorsteinn Þorsteinsson
  4. Páll Agnar Þórarinsson
  4. Sævar Bjarnason
  5. Björn Ívar Karlsson
  6. Lárus Knútsson
  6. Einar K. Einarsson

 

Nafn	HeC	Gbæ	AkB	Rnes	KR	Self	Hau	Alls	%
Luis	1	1	1	1	½	1	1	6,5	93
Jan	0	1	½	1	1	½	½	4,5	64
Þorsteinn	1	½	1	½	1	1	½	5,5	79
Páll	1	x	1	x	x	x	x	2	100
Sævar	½	1	0	1	½	½	½	4	57
Björn	1	1	1	1	1	1	½	6,5	93
Lárus	x	x	x	1	½	½	½	2,5	63
Einar	x	0	x	x	x	x	x		0
Alls	4,5	4,5	4,5	5,5	4,5	4,5	3,5	31,5	75

    Björn Ívar Karlsson og Luis Galego stóðu sig afar vel og innbyrtu báðir 6,5 vinninga af 7 mögulegum, sem var besti árangur í sveitinni. Páll Agnar sigraði báðar sínar skákir. Þorsteinn fékk 5,5 vinninga af 7.  Sveitin tapaði ekki viðureign og fékk í heildina 75% vinningshlutfall og einungis þrjár skákir töpuðust.

  Liðsstjóri var Þorsteinn Þorsteinsson og stýrði hann liðinu af fádæma keppnishörku sem fór vel í liðið og uppskáru þeir ríkulega samkvæmt því.

Lokastaðan í 2. deild:

1. TV 31,5 v.
2. Haukar-b 25,5 v.
3. KR 23 v.
4. SR 21 v.
5. TG 17,5 v.
6. Hellir-c 17 v.
7. SA-b 16,5 v.
8. Selfoss 16 v.

  Helgin á Akureyri var stórskemmtileg og sumarblíða fyrir norðan.  Taflfélag Vestmannaeyja þakkar gestrisni þeirra norðanmanna svo og starfsmönnum og SÍ fyrir mótshaldið. Athygli vakti að landsbyggðarfélög sigruðu í öllum fjórum deildunum að þessu sinni.

  Eyjamenn komu heilu og höldnu til síns heima um 23 í kvöld.