1429 skákir - Nýtt met !

  Gífurleg harka færðist í skákmaraþonið þegar Martröðin hófst milli klukkan 10:30 og 12 í morgun og voru tefldar yfir 300 skákir á síðustu 100 mínútunum.  Að lokum fór það svo að nýtt met var slegið og niðurstaðan var 1429 skákir, en gamla metið var 1352.

  Áheitasöfnunin gekk vel og fengu eftirtaldir Pizzaveislu í verðlaun, en veislan verður í vikunni og verða viðkomandi látnir vita :

  1.    Hafdís Magnúsdóttir
  2.    Ágúst Már Þórðarson
  3-4. Indíana Guðný og Róbert Aron

  Alls tóku 98 þátt í maraþoninu í ár og vill Taflfélagi þakka fyrir hinn gífurlega stuðning sem félagið finnur fyrir í bænum við starf þess.

  Loks ber að minna á að sunnudagsmótið fellur niður í dag, þar sem krökkunum veitir ekki af smá hvíld frá skákinni, en 3 umferð Vormótsins verður í kvöld kl. 19:30.