Yfir 700 skákir komnar í Maraþoninu !

   Nú stendur yfir hið árlega skákmaraþon Taflfélags Vestmannaeyja, en það hófst kl. 12 að hádegi og hefur verið mikið fjör frá byrjun.  Húsið hefur verið fullta af krökkum frá fyrstu mínútu og mikið teflt.  Kl. 17 var heljar Pizzuveisla og fengu allir að smakka hvítlaukspizzu.

  Þetta er ekki búið því það verður opið hús í alla nótt og mikið í gangi.  Nú þegar hafa verið tefldar rúmlega 700 skákir og líklega falla einhver met áður en yfir lýkur.  Dagskráin verður svona :

  Kl. 00 Krossgötumótið - Ætlað andvaka fólki !
  Kl. 02 Miðnæturmótið - Sérstaklega fyrir sjómenn !
  Kl. 04 Síðnæturmótið - Næturgestir velkomnir !
  Kl. 06 Árdagsmótið - Fyrir árrisula !
  Kl.   9:30 á sunnudagsmorgninum hefst Niðurtalningin og
  Kl. 10:30 hefst Martröðin,sem er nýjung í Maraþoninu.
  Kl. 12:05 verður dregið í happadrættinu.