Maraþon á laugardaginn !

   Nú nálgast hið árlega skákmaraþon Taflfélags Vestmannaeyja og fer það að þessu sinni fram n.k. laugardag 14. mars n.k. og stendur frá kl. 12 á hádegi til 12 á hádegi á sunnudag, eða í sólarhring.

  Tilgangur maraþonsins er að venju margþættur en fyrst og fremst að koma saman og hafa það gaman.  Þá vonumst við til þess að krakkarnir verði duglegir að safna áheitum til styrktar félaginu.  Einnig vekjum við með þessu áhuga fyrir skákinni í bænum okkar.

  Fjölmargt verður á boðstólum þennan dag.
  Kl. 12:00 Byrjar fjörið - allir þátttakendur fá númer.
  Kl. 14:00 Útitafl, ef veður leyfir.
  Kl. 17:00 Hin hefðbundna Pizzuveisla.
  Kl. 18:00 Foreldraskákin.
  Kl. 20 Dregin út og veitt verðlaun í áheitasöfnuninni
  Kl. 00 Krossgötumótið - Ætlað andvaka fólki !
  Kl. 02 Miðnæturmótið - Sérstaklega fyrir sjómenn !
  Kl. 04 Síðnæturmótið - Næturgestir velkomnir !
  Kl. 06 Árdagsmótið - Fyrir árrisula !
  Kl.   9:30 á sunnudagsmorgninum hefst Niðurtalningin og
  Kl. 10:30 hefst Martröðin,sem er nýjung í Maraþoninu.
  Kl. 12:05 verður dregið í happadrættinu.