Efstir eftir undanúrslitin.

  Þá er fyrri dagur Íslandsmóts barnaskólasveita lokið.  A-sveit Grunnskóla Vestmannaeyja varð efst með 24,5 vinninga af 28 mögulegum.
  Fjögur efstu liðin komast áfram í úrslit og keppa á morgun um einstök sæti og Íslandsmeristaratitilinn. Þetta voru eftirtalin lið:
  1. Grunnsk. Vestmannaeyja 24,5 vinninga af 28
  2. Rimaskóli 21,5 vinninga
  3. Salaskóli 19,5 vinninga
  4. Glerárskóli, Akureyri 18,5 vinninga
  Eyjasveitunum gekk afar vel og varð E- sveitin efst E sveita.  Valur Marvin fékk borðaverðlaun á 4. borði þar sem hann sigraði alla andstæðinga sína og Ólafur Freyr fékk borðaverðlaun á 3. borði með 6 vinninga af 7.
  Mjög margar sveitir kepptu á mótinu eða 40 alls, eða 160 krakkar og var því oft líf í tuskunum.  Frá Eyjum fóru 5 sveitir og voru flestir keppendur frá Eyjum, þótt ótrúlegt sé, en hér er árangur einstakra sveita okkar:
A sveit :
Daði Steinn 5,5
Kristófer 6
Ólafur Freyr 6
Valur Marvin 7    ... 24,5

B sveit :
Sigurður 4
Róbert 4,5
Nökkvi Dan 5,5
Jörgen 3            ... 17

C sveit :
Jóhann Helgi 4
Eyþór 2
Lárus 5
Guðlaugur 5        ... 16

D sveit :
Arna Þyrí 2
Hafdís 3
Sigga 4
Auðbjörg 3          ...  12

E sveit :
Ágúst 5
Daníel Sch. 4
Daníel Hregg. 3,5
Máni 3,5             ... 16

  Nú á þessari stundu eru langflestir krakkarnir á leið til Eyja í Herjólfi og verða komin upp úr kl. 22 í kvöld.  Hinir verða ekki komnir heim til sín fyrr en klukkan að ganga 23 annað kvöld ! 

Margt má um mótið segja, en ég hef talið nauðsynlegt að setjast aðeins niður og ræða þetta fyrirkomulag.  Í fyrsta lagi er greinilegt að eins dags mót er án efa til að trekkja fleiri skóla til þátttöku, en við höfum talað fyrir því að klára allt mótið á einum degi.  Hvernig það svo sé útfært er annað og erfiðara mál.  Þó held ég að 8-9 umferðir ættu að skera nægilega úr um hvaða lið er best.