Eyjar - Ísland 7 - 5 í netskákinni.

  Í kvöld fór fram netskákkeppni milli Taflfélags Vestmannaeyja og stúlknalandsliðs yngri en 20 ára og voru tefldar 2x6 skákir á sex borðum.

  Fóru leikar þannig að Eyjar sigruðu 7 - 5.

  Úrslit:
  1 borð Björn Ívar - Hallgerður  1,5 - 0,5
  2 borð Sigurjón   - Elsa María     0  -  2
  3 borð Sverrir U   - Geirþrúður  1,5 - 0,5
  4 borð Ólafur Týr - Tinna Kr.     1,5 - 0,5
  5 borð Stefán G.  - Sigríður B      1  -  1
  6 borð Daði/Kristó - Hrund H     1,5 - 0,5

   Samtals .............      7  -  5

  Nýbakaður Vestmannaeyjameistari Björn Ívar Karlsson sigraði Íslandsmeistara kvenna Hallgerði Helgu Þorsteinsdóttur örugglega á 1. borði, 1 ½ : ½.  Björn Ívar vann fyrri skákina nokkuð fyrirhafnarlítið en í seinni skákinni lenti hann 2 peðum undir en varðist stórkostlega og náði að landa jafntefli. 

Á 2. borði sigraði Elsa María Kristínardóttir Sigurjón Þorkelsson 2:0, en Sigurjón lék fyrri skákinni niður í tap með slæmum afleik í jafnteflisstöðu.

Á 3. borði vann Sverrir Unnarsson Geirþrúði Önnu Guðmundsdóttur 1 ½ : ½ með öruggri og þéttri taflmennsku.

Á 4. borði sigraði Ólafur Týr Guðjónsson Tinnu Kristínu Finnbogadóttur 1 ½ : ½.  Ólafur lenti í slæmri stöðu í fyrri skákinni en með góðri vörn náði hann að jafna taflið og sigraði að lokum eftir slæman afleik Tinnu. Seinni skákinni lauk með jafntefli eftir harða baráttu.

Á 5. borði skildu þau jöfn Stefán Gíslason og Sigríður Björg Helgadóttir 1:1. Stefán lætur sér fátt koma á óvart og með því að vinna vel úr stöðuyfirburðum sínum í fyrri skákinni sigraði hann af miklu öryggi. Seinni skákinni tapaði Stefán án mikilla vandræða.

Á 6. borði gerði Hrund Hauksdóttir og Daði Steinn Jónsson jafntefli í fyrri skákinni en seinni skákina tefldi Kristófer Gautason og vann sannfærandi sigur með svörtu.

Stúlkurnar voru nokkuð sleipar og ágætlega að sér í byrjunum, en mikil reynsla og góð barátta Eyjamanna reyndist þyngri á metunum.

Forföll voru hjá báðum liðum. Nökkvi Sverrisson gat ekki teflt vegna veikinda  og Jóhanna Björg Jóhannsdóttir var í skíðaferðalagi á Akureyri