Fróðlegur fyrirlestur Björns Ívars.

 Í gær var haldið þriðja fyrirlestrakvöld Taflfélagsins og var mæting góð, um tíu áhugasamir mættu og hlustuðu á skákskýringar Björns Ívars í næstum 2 og hálfan tíma.

  Björn fór yfir þessar skákir :

Nökkvi Sverris. (1640) - Mads Andersen (2190)  úr ( 3. umf. NM Færeyjum 2009 )  (sikileyjarvörn) Hann byrjaði að fara yfir þessa skák, þar sem Nökkvi sýndi góða takta og átti vinningsleið á móti þessum sterka skákmanni, en skákinni lauk með jafntefli.
Einar Guðl. - Sverrir Unnars.  ( 9. umf. Skákþings Ve 2009 ) Skemmtileg skák, þar sem hvítur fórnaði skiptamun fyrir mjög öflug peð sem urðu óstöðvandi undir lokin.
Björn Ívar Karls. - Einar Guðl. ( 7. umf. Skákþings Ve 2009 ) Í þessari skák var tefld Kóng-indversk vörn þar sem svartur var aðeins á eftir og missti síðan tökin smám saman.
Kristófer Gautas. - Bjartur Týr Ólafs.  ( 9. umf. Skákþings Ve 2009 ) Stuttur gambítur í Ítalska leiknum, sem endaði með algjöru hruni svarts.
Sigurjón Þorkels. - Ólafur Týr Guðjóns. úr ( 3. umf. Skákþings Ve 2009 ) Snaggaraleg skák hjá svörtum þar sem liðsafli hvíts var fjarri góðu gamni.