Sveitakeppni í gær.

  Sveitakeppni var að venju á miðvikudagsæfingunni og mættu 14 krakkar og var skipt í 3ja manna sveitir B, C, D og E eftir styrkleika undanfarið.

  Úrslit urðu:
B Sveit, Sigurður,
    Róbert og Jörgen .......   9
C Sveit, Jóhann,
    Eyþór og Ágúst ..........  3,5
D Sveit, Daníel Már,
    Guðlaugur og Lárus ..   4,5
E Sveit, Daníel Sch.,
    Gabríel og Þórður .....     1

  Þeir sem voru að standa sig vel var auðvitað B sveitin, með þá Sigurð, Róbert og Jörgen sem ekki áttu í vandræðum með að innbyrða fullt hús.  D sveitin kom á óvart og fékk fleiri vinninga en C sveitin, en þar var Guðlaugur að innbyrða 2 vinninga af 3 og Lárus 1,5 vinninga.  Jóhann Helgi hélt uppi heiðri C sveitarinnar og fékk 2 vinninga og Þórður kom í veg fyrir slæma útreið E sveitar með því að ná tvisvar jafntefli.
  Við viljum hvetja alla til að mæta vel á næstunni þar sem Íslandsmót barnaskólasveita nálgast, en ætlunin er að mæta þar með 3-6 sveitir eftir aðstæðum.  Þannig ætlum við að senda Íslandsmeistarana okkar sem A sveit, B sveitin verður skipuð sterkustu krökkunum þar á eftir, C sveitin verður heldur ekkert lamb að leika sér við og jafnvel gæti D sveitin verið skipuð nokkuð sæmilegum skákkrökkum. Svo sendum við auðvitað stelpurnar sem urðu í 4 sæti á Íslandsmóti grunnskólasveita, en ég veit ekki hvort sú sveit gæti heitið S sveit eins og við höfum kallað hana og svo má alveg hugsa sér að skrapa í eina sveit til viðbótar.  Ég reikna nú ekkert frekar með að litli flokkurinn fari með en það er ekki útilokað að 2-3 úr þeim hópi ættu erindi.