Maraþon 20 febrúar !

  Nú styttist í Maraþonið, því það fer fram föstudaginn 20 febrúar n.k. og stendur í sólarhring.  Árgangur 99 og 00 eru reyndar að faraí fótboltaferð á laugardeginum en ég held við verðum að halda áætlun í þessu, þar sem dagskráin er orðin svo þétt og þeir verða með á föstudeginum.

  Tilgangur þess er margþættur en fyrst og fremst að koma saman og hafa það gaman.  Þá vonumst við til þess að krakkarnir verði duglegir að safna áheitum til styrktar félaginu.  Einnig vekjum við með þessu áhuga fyrir skákinni í bænum okkar.

  Fjölmargt verður á boðstólum þennan dag.
  Kl. 12:00 byrjar fjörið - allir þátttakendur fá númer.
  Kl. 17 verður hin hefðbundna Pizzuveisla.
  Kl. 20 verður dregin út og veitt verðlaun í áheitasöfnuninni
  Kl. 00 Krossgötumótið
  Kl. 02 Miðnæturmótið.
  Kl. 04 Síðnæturmótið
  Kl.   9:30 á laugardagsmorgninum hefst Niðurtalningin og
  Kl. 10:30 hefst Martröðin,sem er nýjung í Maraþoninu.
  Kl. 12:05 verður dregið í happadrættinu.