Maraþon föstudaginn 20. febrúar.

  Nú hefur verið ákveðið að hið geysivinsæla skákmaraþon Taflfélags Vestmannaeyja fer fram föstudaginn 20. febrúar og hefst kl. 12:00 og er áætlað að því ljúki kl. 12:00 laugardaginn 21. febrúar.

  Maraþonið fer þannig fram að teflt er stanslaust í Skáksetrinu að Heiðarvegi 9 og haldin nákvæm skrá yfir fjölda skáka, fjölda þátttakenda, nöfn þátttakenda, vinninga á svart og hvítt, happadrætti, móttöku áheita til félagsins og slegin öll fyrri met frá því í fyrra, en í fyrra voru einmitt öll met frá árinu 2007 slegin.

  Bráðlega verður nánar greint frá þeim árangri sem náðist í fyrra og þá vita menn hvað ber að stefna að þetta árið.

   Og nú verða allir með ....