150 nemendur í fjöltefli.

  Það var mikið fjör í Grunnskólanum í Vestmannaeyjum á föstudagsmorgninum.  Forseti Skáksambandsins, Björn Þorfinnsson og Davíð Kjartansson skákkennari buðu nemendum í yngri bekkjum grunnskólans í fjöltefli fram að hádegi.

  Á þessum tíma tefldu u.þ.b. 150 krakkar fjöltefli við þá félaga og var mikið líf í tuskunum.

  Í hléi afhenti forseti Skáksambandsins skólastjóra grunnskólans útnefningu SÍ og menntamálaráðuneytisins til sérstaks skákverkefnis á vegum þessara aðila.