Íslandsmet : 65 stúlkur á skákmóti í Eyjum !

  Hreint gífurleg þátttaka var í dag í Vestmannaeyjum á stúlknaskákmóti Sparisjóðs Vestmannaeyja, þegar 65 stúlkur tóku þátt í mótinu og er það Íslandsmet í þátttöku á stúlknaskákmóti.  Taflfélag Vestmannaeyja stóð fyrir mótshaldinu.

  Það varð uppi fótur og fit þegar allt bókstaflega fylltist í húsnæði Taflfélagsins klukkan 17 í dag og þangað streymdu stúlkur í stríðum straumum.  Þegar allar höfðu skráð sig voru þær orðnar 65 talsins og ljóst að stelpurnar höfðu slegið Íslandsmet sem sett var fyrir nokkru í Reykjavík, þegar 49 stelpur mættu á skákmót sem þar var haldið.  Undanfarnar vikur hefur verið mikil mæting meðal stúlkna í skákkennslu Taflfélagsins í Eyjum, en í haust hóf Grunnskóli Vestmannaeyja skákkennslu meðal nemenda yngstu bekkja grunnskólans.

  Keppt var í 2 flokkum, hefðbundinni skák þar og í svokallaðri peðaskák, sem er sniðin að þörfum nýbyrjenda.

  Í mótinu sigraði Thelma Lind Halldórsdóttir, en hún sigraði alla mótherja sína og fékk þar með fullt hús vinninga eða 5 talsins og fékk bikar að launum.

  Sparisjóður Vestmannaeyja gaf öll verðlaun á mótinu auk bóka og ýmissa muna sem dregin voru út í lok mótsins.

Úrslit í einstökum flokkum (fjöldi í sviga).

Drottningarflokkur fæddar 1998 og eldri (13).

1. Thelma Lind Halldórsdóttir 5 vinn.

2. Arna Þyrí Ólafsdóttir 4 v. (SB 17)
3. Indíana Guðný Kristinsdóttir 4 v. (SB 16,5)

Prinsessur fæddar 1999 ( 8).

1. Sigríður Margrét Sigþórsdóttir 4 vinn.

2. Andrea Ósk Sverrisdóttir 3,5 v.
3. Hrafnhildur Sigmarsdóttir 3 v.

Mjallhvítarflokkur fæddar 2000 (11).

1. Þorbjörg Júlía Ingólfsdóttir 3 vinn. (SB 17)

2. Inga Birna Sigursteinsdóttir 3 v. (SB 14,5)
3. Elsa Rún Ólafsdóttir 3 v. (SB 10,5)

Öskubuskur fæddar 2001 ( 9).

1. Eydís Ósk Þorgeirsdóttir 3,5 vinn. (SB 15,5)

2. Auðbjörg H. Sigþórsdóttir 3,5 v. (SB 13)
3. Anita Lind Hlynsdóttir 2,5 v.

Þyrnirósarflokkur fæddar 2002 og yngri ( 7).

1. Anika Hera Hannesdóttir 2 vinn. (SB 11,5)

2. Andrea Gunnlaugsdóttir 2 v. (SB 9)
3. Helga Sigrún Svansdóttir 1 v.

Peðaskák - Opinn flokkur (17 keppendur).

1. Anna Margrét Jónsdóttir.

2. Mía Rán Guðmundsdóttir.
3. María Árnadóttir.

Þátttaka í árgöngum (65):
Mæður : 8 talsins,
Dömur 18-20 ára : 5 talsins, 

1995 : 3 stúlkur
1996 : 8,
1997 : 1,
1998 : 2,
1999 : 8,
2000 : 11,
2001 : 9 og
2002 : 10 pæjur.

Skrár tengdar þessari bloggfærslu:

• röð keppenda

Athugasemdir

[Arnþór Ragnarsson, 2.12.2008 kl. 22:33]

Glæsilegt, komu fréttir af þessu í fjölmiðlunum?

[Taflfélag Vestmannaeyja, 3.12.2008 kl. 00:17]

Nei ekki ennþá, það er ansi erfitt að fá athygli fjölmiðla.  Þeim finnst auðveldara að sækja fréttirnar í næstu götu.