Fyrsta stelpuæfingin hjá TV.

  Áðan var fyrsta stelpuæfing TV og var mæting bara ágæt.  Alls mættu sjö stelpur á æfinguna á aldrinum 7 til 11 ára.  Vonandi tekst okkur að fjölga þeim aðeins, þannig að þetta verði þéttur hópur hjá okkur.

  Gauti og Björn Ívar tóku á móti stelpunum, en Björn Ívar kenndi svo í tímanum.  Ætlunin er að brydda upp á ýmsum tilraunum með stelpurnar í vetur ef vel tekst til, því eins og þið vitið eru stelpur talsvert öðruvísi en strákar í skákinni.  Við höfum rætt við helstu sérfræðinga um helstu áhugasvið stúlkna.

  Strákahóparnir eru örlítið stærri.  Báðir hóparnir eru af stærðinni 12-16 í hvorum (yngri 2001 og 2002 og eldri 1999 og 2000).  Síðasti hópurinn er svo framhaldið þar sem nú eru kannski 6-7 strákar.  Þeir æfa reyndar allt öðruvísi, hafa bæði einkatíma og keppa svo með fullorðinshópnum.

  Næsta verkefni er að setja af stað sunnudagsmót með yngri krökkunum.  Sunnudagsmótin hafa alltaf verið mjög vinsæl og þéttur hópur sem þar mætir.