Pistill D-sveitar TV

  Þrátt fyrir að markmið hafi ekki nást í A- B- eða C-sveitum TV að þessu sinni á Íslandsmóti Skákfélaga, þá náðist óvæntur og gleðilegur árangur í D-sveit félagsins, því um leið og C sveitin féll úr 3 deild niður í þá fjórðu þá fór D sveitin upp í þá þriðju.  Skondin uppákoma !

  D Sveitin var skipuð valinkunnum mönnum, en stundum tókst ekki að manna öll borð, sem er auðvitað hvimleitt, einu sinni mættu aðeins þrír og náðu þó jafntefli og oftar vantaði einn eða tvo.

  Árangur sveitarmeðlima :
  Páll Ammendrup ............ 2,5 vinn. af 4
  Ólafur Hermannsson ..... 4,0 vinn. af 5
  Páll Magnússon ............  3,5 vinn. af 5
  Gunnar Salvarsson ....... 4,0 vinn. af 6
  Karl Gauti Hjaltason ...... 4,5 vinn. af 6
  Sævar Helgason ...........  1,5 vinn. af 3
  Samtals ....................... 20 vinn. af 29

  Þá töpuðum við 7 sinnum skákum þar sem enginn mætti hjá okkur.  Auk þess fengum við einu sinni 6 vinninga þar sem mótherjar mættu ekki.  Reyndar var þetta eins naumt og hægt var, en ánægjulegt engu að síður.  Taflfélagið óskar sveitarmeðlimum til hamingju og bronspeningarnir eru á leiðinni.

  Efstu sæti í 4 deild (3 efstu fara upp í 3 deild)
  1. Skákfélag Íslands ...........................  12 MP  31 vinning.
  2. Skákfélag Sauðárkróks ...................  11 MP  25,5 vinning
  3. Taflfélag Vestmannaeyja D sveit . 10 MP  26 vinning.
  4. Víkingaklúbburinn B-sveit ...............  10 MP  25,5 vinning.