Reglur TV um frestanir kappskáka.

  Rétt er að ítreka þær reglur sem TV hefur haft um frestanir kappskáka og gilda í Skákþinginu.  Mikilvægt er að keppendur fylgist með hér á heimasíðunni, t.d. um dagsetningar og breytingar.  Þá er rétt að minna á Suðurlandsmótið sem verður helgina 4-6 febrúar á Suðurlandi og verður hlé á Skákþinginu þá helgi, en að venju fara TV menn í hópferð á mótið ef veður leyfir, en núverandi Suðurlandsmeistari er Björn Ívar Karlsson TV.

Reglur TV um frestanir kappskáka

Skákum skal ekki frestað nema lögmæt forföll séu til staðar.
Forföll geta verið vegna vinnu, veikinda, ferðalaga vegna vinnu eða fjölskyldu o.þ.h.
Mótsstjóri sker úr um í vafatilfellum hver séu lögmæt forföll.
Keppandi, sem vegna forfalla getur ekki mætt til keppni, skal tilkynna mótsstjóra (Gauti 898 1067 & Sverrir 858 8866) og andstæðingi sínum um frestun skákar með a.m.k. 6 klukkustunda fyrirvara (fyrir kl. 13 sama dag) og fyrr ef hann getur.
Keppendur skulu koma sér saman um hvenær skákin skuli tefld, en það skal gera a.m.k. einum sólarhring fyrir næstu umferð mótsins.
Komi þeir sér ekki saman um tíma, ákveður mótsstjóri tímasetningu eftir að hafa rætt við báða keppendur.
Skák er töpuð mætir keppandi ekki til skákar, klukkustund eftir að tími er settur af stað.
Ef keppandi mætir ekki ítrekað án skýringa fellir mótsstjóri hann úr mótinu.

Stjórn TV.