Íslandsmót skákfélaga eftir 10 daga.

   Nú eru rúmlega tvær vikur þar til Íslandsmót skákfélaga hefst helgina 8-10. október n.k.  Að venju sendir Taflfélag Vestmannaeyja sterk lið til keppni, en A-lið félagsins teflir í efstu deild þar sem við vorum hársbreidd frá sigri í vor þegar við lentum í öðru sæti á eftir Taflfélagi Bolungarvíkur.  Íslandsmót skákfélaga er stærsti einstaki skákviðburður hvers árs, þar sem öll taflfélög á landinu keppa í 4 deildum og fer fram í 7 umferðum, fjórum að hausti og síðustu þrjár umferðirnar að vori.  Í heild taka hátt í 400 skákmenn þátt í þessu móti og milli 50-60 lið.

Liðsstjóri A-liðs TV er Þorsteinn Þorsteinsson, markaðsstjóri RÚV, en hann hefur stýrt liðinu af mikilli röggsemi síðustu tvö ár.  Nú liggur liðsskipan haustsins fyrir og er liðið skipað eftirtöldum skákmönnum, en 8 skákmenn taka þátt í hverri viðureign :

GM Jon Ludvig Hammer NOR (2636)

GM Mikhail Gurevich TUR (2613)

GM Sebastian Maze FRA (2573)

GM Igor Alexandre Nataf FRA (2541)

GM Helgi Ólafsson ISL (2527)

Nils Grandelius SWE (2500)

Ingvar Þór Jóhannesson ISL (2328)

Kristján Guðmundsson ISL (2262)

Páll Agnar Þórarinsson ISL (2258)

Björn Ívar Karlsson ISL (2210)

Liðsstjóri Þorsteinn Þorsteinsson ISL (2231)

Að auki teflir félagið fram B- og C- sveitum í 3 deild og D- og E- sveitum í 4 deild, en síðastnefnda sveitin er skipuð skákkrökkum úr Eyjum.  Í næstu viku verður fjallað um B- og C-sveitir félagsins.

Þetta er grein sem kom í EYJAFRÉTTUM í síðustu viku