Þorsteinn sigurvegari á Vinnslustöðvarmótinu.

   Nú er Vinnslustöðvarmótinu lokið og hafa aldrei verið jafn margir keppendur og í ár eða 26.  Það var gaman að sjá hve vel var mætt ofan af landi og voru þar meðlimir ÁTVR (Áhangendadeild Taflfélags Vestmannaeyja í Reykjavík) fremstir í flokki þó nokkrir aðrir góðir gestir hafi einnig látið sjá sig.

  Þorsteinn Þorsteinsson TV leiddi mótið allt frá upphafi og stóð að lokum uppi sem sigurvegari með 6 vinninga af 7 mögulegum.  Í öðru sæti kom hinn gamalkunni TV maður Ægir Páll Friðbertsson em sannaði það enn og aftur að hann er sífellt í formi með 5,5 vinninga.  Í þriðja sæti varð hinn bráðefnilegi meðlimur Skákfélags Íslands, Örn Leó Jóhannsson með 5 vinninga.

  Í flokki þeirra sem eru fæddir 1995 og yngri varð Daði Steinn Jónsson Taflfélagi Vestmannaeyja hlutskarpastur með 4,5 vinninga og í öðru sæti Kristófer Gautason einnig í Taflfélagi Vestmannaeyja með 4 vinninga og er greinilegt að þessir bráðungu strákar eru í góðum gír eftir sumarið.  Í þriðja sæti varð svo félagi í Skákfélagi Íslands, Guðmundur Kristinn Lee með 4 vinninga.  Þegar reiknað var hverjir væru efstir í flokki með 1800 stig og minna voru það ofantaldir drengir allir og er átti að fara að veita verðlaun fyrir flokk þeirra sem eru með undir 1600 stig komu enn upp sömu nöfn.  Þótti mörgum fullmiklu af góðmálmum ausið í strákana, en svona er þetta nú einu sinni og þeir fór hlaðnir medalíum til síns heima.

  Þegar mótinu var lokið kom í ljós að Herjólfur siglir ekki í kvöld frekar en í dag og verða keppendur sem koma ofan af landi að gista hjá okkur eina nótt til viðbótar, en svona er að vera í Eyjum, maður veit aldrei hversu lengi maður getur notið austanáttarinnar, sem er svo frískandi.

Lokastaðan
Sæti	Nafn	Stig	FED	Félag	Vinn	BH.
1	Þorsteinn Þorsteinsson	2235	ISL	TV	6	29½
2	Ægir Páll Friðbertsson	2045	ISL	TV	5½	30½
3	Örn Leó Jóhannsson	1945	ISL	Skákfélag Ísl	5	23½
4	Sverrir Ö Björnsson	2140	ISL	Haukar	4½	32
5	Sverrir Unnarsson	1885	ISL	TV	4½	28
6	Daði Steinn Jónsson	1580	ISL	TV	4½	24½
7	Einar K Einarsson	1985	ISL	TV	4	31½
8	Björn Freyr Björnsson	2135	ISL	TV	4	28
9	Magnús Magnússon	1985	ISL	TA	4	27½
10	Kristófer Gautason	1585	ISL	TV	4	23½
11	Guðmundur K Lee	1575	ISL	Skákfélag Ísl	4	22
12	Nökkvi Sverrisson	1745	ISL	TV	3½	26
13	Kjartan Guðmundsson	1840	ISL	TV	3½	26
14	Birkir K Sigurðsson	1440	ISL	Skákfélag Ísl	3½	24½
15	Jón Svavar Úlfljótsson	1775	ISL	Víkingaklúbb	3	27
16	Einar Guðlaugsson	1820	ISL	TV	3	25½
17	Stefán Gíslason	1675	ISL	TV	3	25
18	Þórarinn I Ólafsson	1625	ISL	TV	3	24
19	Róbert A Eysteinsson	1330	ISL	TV	3	21½
20	Charles Pole	0	USA		3	20
21	Ágúst Örn Gíslason	1640	ISL	Víkingaklúbb	3	20
22	Karl Gauti Hjaltason	1555	ISL	TV	2	19½
23	Sigurður A Magnússon	1340	ISL	TV	2	18½
24	Jörgen Freyr Ólafsson	1215	ISL	TV	1½	20
25	Jón Ragnarsson	0	ISL	TV	1	21
26	Rosalyn Katz	0	USA		1	18