Nökkvi og Kristófer skólaskákmeistarar Vestmannaeyja 2010

Skólaskákmót Vestmannaeyja fór fram í dag. Teflt var í tveimur flokkum, yngri (1.-7. bekk) og eldri flokk (8.-10. bekk). Eldri flokkurinn var fámennur, eins og venjan hefur verið undanfarin ár, en þar tefldu Nökkvi Sverrisson og Daði Steinn Jónsson 4 skáka einvígi um titilinn. Nökkvi sigraði með 2,5 vinningi gegn 1,5 vinningi og er því skólaskákmeistari Vestmannaeyja 2010 í eldri flokki. Þeir félagar, Nökkvi og Daði, verða hins vegar báðir fulltrúar Vestmannaeyja á Suðurlandsmótinu.

Í yngri flokki var margt um manninn, en 30 krakkar mættu til leiks. Keppnin var hörð og fjörug en Kristófer Gautason var í sérflokki og lagði alla andstæðinga sína. Næstir voru 4 keppendur, Sigurður Arnar Magnússon, Róbert Aron Eysteinsson, Jörgen Freyr Ólafsson og Lárus Garðar Long. Þeir munu há aukakeppni um sæti á Suðurlandsmótinu.

Aukakeppni um 2. sætið í yngri flokki:

Aukakeppni um laust sæti í yngri flokki var haldin miðvikudaginn 21. apríl. Keppendur tóku með sér þá vinninga sem þeir voru með í aðalkeppninni. Mikil spenna var og varð ekki ljóst fyrr en í síðustu umferð hver myndi fylgja Kristófer á Suðurlandsmótið í skólaskák.

1. Sigurður Arnar Magnússon 8 vinninga
2. Róbert Aron Eysteinsson 7 vinninga + 1 í einvígi
3. Jörgen Freyr Ólafsson 7 vinninga + 0 í einvígi
4. Lárus Garðar Long 4 vinninga

Þar með er ljóst að Kristófer Gautason og Sigurður Arnar Magnússon verða fulltrúar Grunnskóla Vestmannaeyja, í yngri flokki, á Suðurlandsmótinu í skólaskák.

Árgangaverðlaun:

1. bekkur: Arnar Gauti Egilsson og Richard Óskar Hlynsson

2. bekkur: Máni Sverrisson og Tómas Bent Magnússon

3. bekkur:  Auðbjörg Helga Sigþórsdóttir og Þráinn Sigurðsson

4. bekkur: Birta Birgisdóttir

5. bekkur: Sigurður Arnar Magnússon

7. bekkur: Kristófer Gautason

8. bekkur: Daði Steinn Jónsson

10. bekkur: Nökkvi Sverrisson

 

- BÍK