Silfur á Íslandsmóti barnaskólasveita í Smáralindinni.

  Nú er lokið keppni á Íslandsmóti barnaskólasveita sem fór fram í Smáralindinni í dag.  Ætlunin var  að fara með tvær til þrjár sveitir á mótið, en vegna veðurs fór hópurinn ekki frá Eyjum í morgun.  Það vildi svo vel til að 4 krakkar úr Taflfélagi Vestmannaeyja voru stödd uppi á landi vegna annarra íþróttaferða og mættu þau til leiks og skellu saman í sveit.  Sveitin keppti án liðsstjóra, þar sem þeir urðu eftir í Eyjum og er það í fyrsta skipti sem það kemur fyrir hjá félaginu.  Liðsstjórn var í höndum fyrsta borðs mannsins, sem og aðstoðaði Stefán Bergsson hópinn og góðir Eyjamenn meðal áhorfenda sem hlupu einatt í skarðið til að aðstoða okkar krakka og er þeim þakkað kærlega fyrir.

  Mikill fjöldi sveita tók þátt í mótinu, alls 52 sveitir., sem ég held að sé þátttökumet.  Okkar krökkum gekk hreint frábærlega og unnu silfurverðlaun á mótinu.  Maður spyr sig hvað hefði gerst ef okkur hefði auðnast að senda okkar sterkasta lið til þátttöku.  Sveit okkar var að mestu skipuð ungum og upprennandi krökkum, en þrjú af þeim eiga 2 ár eftir í þessu móti svo framtíðin er björt.  Ekki voru þeir skákmenn, sem heima sátu og misstu af mótinu af verri endanum og fremstan í þeim flokki má nefna Lárus Garðar, sem trónir einn efstur á mótaröð vorannar og Jörgen Freyr, svo einhverjir séu nefndir. 

  Sveitin var skipuð :
  1 borð  Kristófer Gautason f. 1997           8 vinninga af 8.
  2 borð  Róbert Aron Eysteinsson f. 1999  7 vinninga.
  3 borð  Sigurður A. Magnússon f. 1999     7 vinninga.
  4 borð  Hafdís Magnúsdóttir f. 1999          3 vinninga.

  Eftir 6 umferðir höfðu þau hlotið 19 vinninga af 24 mögulegum, unnu fyrstu tvo mótherjana 4-0, en töpuðu síðan fyrir Íslandsmeisturunum úr Rimaskóla og sterkustu sveitinni á mótinu, 3-1, þar sem Kristófer vann sína skák.

  Í fjórðu og fimmtu umferð unnu þeir 3-1 og í sjöttu umferð unnu þau Rimaskóla C  4-0.  Í sjöundu og áttundu umferð unnu þau andstæðinga sína 3-1 og enduðu í 2 sæti með 25 vinninga.  Tvær efstu sveitirnar voru í algjörum sérflokki á mótinu og fyrir síðustu umferðina voru báðar sveitirnar nánast búnar að tryggja sér sín sæti. 

  Kristófer fékk borðaverðlaun þar sem hann náði fullu húsi vinninga á fyrsta borði og fékk hann bókaverðlaun.  Róbert var þá einungis 1/2 vinningi frá því að fá borðaverðlaun á 2 borði og Sigurður einum vinningi frá því sama.  Þess má einnig geta að Hafdís er fyrsta stúlkan til þess að ná þeim árangri að fá verðlaun með sveit úr Vestmannaeyjum á þessu móti og er henni óskað sérstaklega til hamingju með það.

 Lokastaðan:
1. Rimaskóli, Reykjavík ................ 30,5 vinn.
2. Grunnskóli Vestmannaeyja ... 25 vinn. (af 32)
3. Salaskóli Kópavogi .................. 22 vinn.
4. Rimaskóli b sveit ..................... 22 vinn.
5. Hjallaskól, Kópavogi ............... 21 vinn.
6. Rimaskóli c sveit ..................... 20 vinn.
7. Sæmundarskóli, Reykjavík ...... 20 vinn.
8. Hvaleyrarskóli, Hafnarfirði ....... 20 vinn.
9. Hjallaskóli b sveit .................... 19 vinn.
10. Brekkuskóli, Akureyri ............  19 vinn.

Árangur Eyjakrakka síðustu ár :
2005 .... 3 sæti
2006 .... 2 sæti
2007 ..  Íslandsmeistarar
2008 ..  Íslandsmeistarar
2009 ..... 2 sæti.
2010 ..... 2 sæti.

     Þess má að lokum geta að á síðustu fimm árum hefur þetta mót verið einvígi milli 3ja skóla, sem hafa raðað sér í efstu 3 sætin án undantekninga, þ.e. Vestmannaeyjar, Rimaskóli og Salaskóli.  Vestmannaeyjakrakkar hafa tvisvar unnið, Rimaskóli tvisvar og Salaskóli einu sinni :

Síðustu 5 ár   Gull  Silfur Brons
Eyjar   ..........    2       3        0
Rimaskóli .....     2       1        2
Salaskóli ......     1       1        3