Skákþing Vestmannaeyja - Úrslit 7. umferðar

7. umferð Skákþingsins fór fram í kvöld.

Björn Ívar hafði hvítt á Kristófer og tefldu þeir katalónska byrjun. Björn fékk meira rými og vann fljótlega 2 peð. Með smá fléttu, þar sem hann fórnaði öðru peðinu, tókst honum óumflýjanlega að ná sér í aðra drottningu og vann af nokkru öryggi.

Sverrir hafði hvítt á Sigurjón í skák umferðarinnar. Sigurjón beitti Caro-Kann og svaraði 3. e5-leik hvíts með 3..c5. Sverrir hirti peðið og eftir athyglisverðan drottningarleik svarts tókst hvítum að halda peðinu og fá betri stöðu. Í flækjum miðtaflsins vann Sigurjón peðið til baka en Sverrir hafði framsækin peð á drottningarvæng sem virtust ætla að duga honum til sigurs. Sigurjón þurfti að gefa mann til þess að stöðva peðin og kom þá upp endatafl þar sem Sverrir hafði drottningu, riddara og 3 peð gegn drottningu og 5 peðum svarts. Í hita leiksins, þar sem tími Sverris var af skornum skammti, lék hann hins vegar af sér drottningunni og Sigurjón vann.

Þórarinn Ingi hafði hvítt á Einar, sem tefldi Sveshnikov-afbrigði sikileyjarvarnar. Keppendur þræddu þekkta leið í byrjuninni sem gefur hvítum örlítið betri stöðu. Þórarinn hélt frumkvæðinu og pressaði stíft að nokkuð veikri peðastöðu Einars. Einar hélt hins vegar stöðunni saman og þegar Þórarinn taldi sig ekki eiga neina frekari möguleika sömdu þeir um jafntefli. Við nánari athugun kom hins vegar í ljós að hvítur átti nokkrar sigurmöguleika í lokastöðunni.

Jörgen hafði hvítt á Gauta, sem tefldi sikileyjarvörn, venju samkvæmt. Jörgen tefldi byrjunina prýðilega og virtist vera kominn með nokkuð vænlegt tafl en hann gaf sér ekki nógan tíma og lék af sér nokkrum peðum. Gauti innbyrti svo sigurinn af öryggi. Ungu mennirnir verða af fara að temja sér betri tímanotkun í skákum sínum.

Eyþór Daði hafði hvítt á Róbert og tefldu þeir ítalska-leikinn. Róbert vann peð í miðtaflinu en Eyþór barðist vel og kom sér út í endatafl þar sem svartur hafði nokkra vinningsmöguleika með bestu taflmennsku, án þess að úrslit væru nokkuð ljós. Í vörninni missti Eyþór hins vegar af besta framhaldinu og Róbert innbyrti sigurinn af miklu öryggi.

Tveimur skákum var frestað í 7. umferð og verða þær tefldar á mánudag eða þriðjudag

úrslit 7. umferðar

Bo.	Name	Pts	Res.	Pts	Name
1	Bjorn-Ivar Karlsson	5½	1  -  0	3	Kristofer Gautason
2	Sverrir Unnarsson	4	0  -  1	4	Sigurjon Thorkelsson
3	Stefan Gislason	3½	frestað	3½	Nokkvi Sverrisson
4	Thorarinn I Olafsson	3½	½  -  ½	3	Einar Gudlaugsson
5	Dadi Steinn Jonsson	3	frestað	2½	Olafur Tyr Gudjonsson
6	Karl Gauti Hjaltason	2½	1  -  0	2	Jorgen Freyr Olafsson
7	Sigurdur A Magnusson	1½	1  -  0	2	Larus Gardar Long
8	Eythor Dadi Kjartansson	0	0  -  1	1½	Robert Aron Eysteinsson

staðan eftir 7. umferðir

Rank	Name	Rtg	Pts	BH.
1	Bjorn-Ivar Karlsson	2175	6½	26
2	Sigurjon Thorkelsson	1885	5	27
3	Sverrir Unnarsson	1880	4	27
4	Thorarinn I Olafsson	1640	4	25
5	Nokkvi Sverrisson	1750	3½	28½	1 frestuð
6	Einar Gudlaugsson	1820	3½	27
7	Stefan Gislason	1650	3½	26	1 frestuð
8	Karl Gauti Hjaltason	1560	3½	22
9	Kristofer Gautason	1540	3	26½
10	Dadi Steinn Jonsson	1550	3	24½	1 frestuð
11	Robert Aron Eysteinsson	1315	2½	22½
12	Olafur Tyr Gudjonsson	1650	2½	21	1 frestuð
13	Sigurdur A Magnusson	1290	2½	20½
14	Jorgen Freyr Olafsson	1110	2	21½
15	Larus Gardar Long	1125	2	20
16	Eythor Dadi Kjartansson	1275	0	19½
17	David Mar Johannesson	1185	0	18

Eins og áður sagði verða frestaðar skákir tefldar á mánudag eða þriðjudag. Áttunda og næstsíðast umferð verður tefld fimmtudaginn 11. febrúar.

mótið á chess-result