Tvískákmeistaramót Vestmannaeyja 2008.

  Þriðjudagskvöldið 30. desember n.k. kl. 19:30 fer fram Tvískákmeistaramót Vestmannaeyja 2008.

  Allir sem ekki mæta með samherja verður útvegaður samherji á staðnum.  Öllum er heimil þátttaka en einungis þeir sem búsettir eru í Eyjum geta orðið Tvískákmeistarar Vestmannaeyja.  Keppt verður um sæmdartitilinn Tvískákmeistarar Vestmannaeyja 2008.

  Telft eftir reglum TV um tvískák sem samþykktar voru 1. nóvember 1907.  Þó gildir regla nr. 7 ekki á mótinu í þetta skipti :

1.  AFBRIGÐI.  Tvískákkeppni fer fram eins og hefðbundin skákkeppni með þeim undantekningum sem hér greinir.
2. LIÐSSKIPAN.  Keppendur í tvískák eru fjórir, tveir í hvoru liði.  Keppt er á tveimur skákborðum samtímis.  Liðsmenn sama liðs sitja sömu megin við borðin, annar hefur hvítt en hinn svart.  Andstætt þeim situr hitt liðið og hvor liðsmanna teflir við annan liðsmann hins liðsins.  Klukkur eru við bæði borðin og snúa báðar inn að borðunum svo allir keppendur sjái á báðar klukkurnar.
3. SIGUR.  Lið vinnur ef annar liðsmaður þess mátar andstæðing sinn eða annar liðsmaður andstæðinganna fellur á tíma.  Annars gilda sömu reglur um mát og fall á tíma og í hefðbundinni skák.
4. HEGÐAN & BERSERKSGANGUR.[1]  Í tvískák er liðsmönnum heimilt að hreyfa menn á báðum borðum síns liðs, þ.e. einnig fyrir félaga sinn og slá á klukku hans.  Liðsmanni er líka heimilt að gefa félaga sínum ráð, hvísla að honum, biðja um menn og allt hvað eina.  Hins vegar verða báðir liðsmenn að sitja í sínu sæti.  Keppendur mega kalla og tala, en berserksgangur er óheimill.  Mat á hvort menn ganga berserksgang er í höndum dómara og gefur hann viðvörun áður en hann dæmir liðhlaup eða tap.
5. ÓLÖGLEGUR LEIKUR & LIÐHLAUPI.[2]  Ef keppandi leikur ólöglegum leik velur andstæðingur liðhlaupa frá honum, en liðhlaupi er þegar þú tekur mann sem er í höfn andstæðings.  Ólöglegur leikur sem sést síðar verður ekki bættur, nema hann sé enn óheimill.  Heimilt er að velja liðhlaupa hvern þann mann sem er í höfninni.  Liðhlaupanum er komið yfir til félaga þess sem heimtir hann.
6.  MANSAL[3] & HÖFN.  Ef keppandi drepur mann andstæðings síns selur hann manninn mansali til félaga síns og má þá félaginn setja þann mann inn á sitt borð næst þegar hann á leik eða þegar hann kýs.  Hann má þannig kjósa að setja menn ekki inn á borðið og safna þeim í höfn til síðari tíma.  Skylt er að menn í höfn séu sjáanlegir andstæðingi.
7. SETT Í MÁT.  Heimilt er að leggja mann inn á borðið sem framkallar mát í skákinni.
8. KÓNGUR.  Kóng má ekki drepa, heldur telst það ólöglegur leikur að bjarga kóng ekki úr skák.
9. UPPVAKNINGUR.  Ef peð gengur upp í borð skapar það ekki uppvakning.
10. BROT.     Ef menn ætla að brot hafi verið framið á reglum þessum dæmir dómari jafnóðum, gefur aðvörun um refsingu en dæmir síðan viðstöðulaust.  Ef menn taka upp á kvörtunum í gríð og erg er dómara rétt að aðvara þann hinn sama og dæma hann svo.  Refsingar eru einungis þrjár, aðvörun, liðhlaup eða töpuð skák.

Reglur þessar gilda í tvískákmótum TV, nema afbrigði séu samþykkt fyrirfram.

[1]  Æði eða hamskipti.
[2]  Maður tekinn úr höfn andstæðinga og notaður í eigið lið.
[3]   Þrælasala ánauðugra manna.

Pakkar, pizzur og verðlaun á lokahófi.

  Í dag fór fram lokahóf yngri deilda Taflfélags Vestmannaeyja.

  Fyrst var farið í sveitakeppni 4ra liða, Ólafur Freyr, Kristófer, Daði Steinn og Jóhann Helgi stýrðu hver sínu liði í æsispennandi keppni.  Mikið var um jafntefli milli sveita, en þó náði lið Ólafs Freys að sigra lið Jóhanns Helga 3-1 og það dugði til að ná fram úrslitum:

Sveitakeppni lokahófs.
1.    Lið Ólafs Freys     4 stig,  7 vinn.
2-3. Lið Kristófers       3 stig,  6 vinn.
2-3. Lið Daða Steins    3 stig,  6 vinn.
4.   Lið Jóhanns Helga 2 stig,  5 vinn.

  Því næst var boðið upp á hvítlaukspizzu með gosi og jafnframt veitt verðlaun fyrir haustönn.  Þessir hlutu viðurkenningar.

Verðlaun fyrir haustönn.
Mótaröð.
1. Sigurður Arnar Magnússon 250 stig
2. Róbert Aron Eysteinss 244 stig
3. Jörgen Freyr Ólafsson  218 stig
4. Ágúst Már Þórðarson   200 stig
5. Lárus Garðar Long      193 stig
6. Daníel Már Sigmarsson 185 stig.

Mótaröð yngri.
1. Máni Sverrisson 148 stig
2. Daníel Hreggviðsson  123 stig
3. Þráinn Jón Sigurðsson  73 stig.

Mótaröð stúlkur.
1. Auðbjörg Helga Óskarsdóttir 114 stig
2. Sigríður Margrét Sigþórsdóttir 109 stig
3. Hafdís Magnúsdóttir   103 stig

Viðurkenning fyrir mætingu.
Róbert Aron Eysteinsson
Lárus Garðar Long
Eyþór Daði Kjartansson

Viðurkenning fyrir framfarir.
Hafdís Magnúsdóttir
Daníel Hreggviðsson

  Eftir að verðlaunaafhendingu var lokið voru dregnir út jólapakkar.

  Taflfélag Vestmannaeyja þakkar yngri deildum fyrir veturinn og hvetur nemendur til að mæta snemma til leiks á nýju ári, en minnir jafnframt á æfingu á morgun fyrir yngra úrval og stúlknaæfingu á þriðjudag kl. 17.

 Mynd tekin í lokahófinu augnabliki áður en pizzurnar kláruðust.

Lokahófið á sunnudag.

  Lokahóf yngri deilda verður sunnudaginn 28. desember kl. 15.  Dagskráin verður þannig að fyrst verður jólapakkamót yngri deilda, en síðan er verðlaunaafhending fyrir mótaröð haustannar.

17 manns á Jólaskákmóti í Eyjum.

  Það þótti mörgum gott að fá örlítið hlé frá jólasteikunum og taka þátt í hinu rótgróna jólaskákmóti Taflfélags Vestmannaeyja í dag, jóladag kl. 13.

  Alls mættu 17 keppendur til leiks og voru tefldar hraðskákir 11 umferðir monrad.

  Eins og stundum áður sigraði Björn Ívar Karlsson með 10 vinningum, tapaði einungis fyrir Einari Guðlaugssyni.

  Mót þetta á sér langa sögu, eins og kemur fram hér annars staðar á heimasíðunni og eftir að sú frétt var skrifuð fannst gamall maður á rölti sem sagði að þessi mót hefðu verið árviss viðburður þegar afi hans var barn, en það var á öndverðri sautjándu öld.

  Lokastaðan

1. Björn Ívar Karlsson 10 vinninga
2. Sverrir Unnarsson 9,5 vinninga
3. Sigurjón Þorkelsson 7,5 vinninga
4. Einar Guðlaugsson 7 vinninga
5. Magnús Matthíasson 6,5 vinning
6. Stefán Gíslason 6 vinninga (63 SB)
7. Nökkvi Sverrisson 6 vinninga (62,5 SB)
8. Ólafur  Freyr Ólafsson 6 vinninga (50 SB)
9. Einar Sigurðsson 5,5 vinninga (61 SB)
10. Karl Gauti Hjaltason 5,5 vinninga (60,5 SB)
11. Kristófer Gautason 5,5 vinninga (52,5 SB)
12. Ólafur Týr Guðjónsson 5,5 vinninga (47 SB)
13. Daði Steinn Jónsson 5 vinninga
14. Róbert Aron Eysteinsson 4 vinninga
15. Bjarur Týr Ólafsson 3,5 vinninga
16. Jórgen Freyr Ólafsson 2 vinninga
17. Daníel Már Sigmarsson 1 vinning

 

 Maðurinn sem fannst á rölti, en hann gaf sér varla tíma til að ræða við ritstjóra Skákeyjunnar.

Skrár tengdar þessari bloggfærslu:

• mótstafla

Jólamótið kl. 13 í dag, jóladag.

  Það er mjög löng hefð fyrir að halda jólaskákmót Taflfélags Vestmannaeyja á jóladag kl. 13:00.

 Leifar frá fyrsta jólaskákmótinu í Eyjum hafa nýlega fundist í gömlum sal taflfélagsins, á myndinni má enn sjá glottið á sigurvegaranum.

  Þessari hefð er enn viðhaldið og er mótið í Skáksetrinu í Eyjum.

 Hinn kunni bandaríski skákmeistari Nelson Aldricht mun stjórna mótinu, en hann er nú í Eyjum að meta gæði laxsíldarhrogna fyrir kaupendur í Texas.

  Þeim sem búa upp á landi er bent á að taka fremur Strandveg en Heiðarveg, þar sem ku vera snjóþekja og fremur illfært.

  Allir velkomnir.

 Að þessu sinni verður ekki leyft að tefla í heita potti félagsins.

Jóladagskráin.

  Dagskráin yfir jólin verður að mestu eftirfarandi, en getur breyst, svo fylgist með.
  Hið gamalgróna Jólamót verður á sínum stað á sjálfum jóladag.  Jólapakkar í verðlaun og jólastemning yfir öllu.  Á þetta mót má alltaf búast við góðum gestum, sem sjaldan sjást.

Jóladagur   25. des.kl. 13 - Jólaskákmótið.
Sunnudagur 28. des - Jólapakkamót 15 ára og yngri - Lokahóf allra yngri deilda.
Kennsla eins og venjulega mánudaginn 29 og þriðjudaginn 30. des.

Þriðjudagur 30. des kl 19:30 - Tvískákmeistaramót Vestmannaeyja 2009.
Gamlársdagur   31. des. kl. 12:00 Volcano Open skákmót á Volcano Café - Nánar síðar.
Nýjársdagur = Kennsla felld niður.
Föstudagur 2. janúar - Hraðskákmót að hætti formanns.

Sunnudagur 4. janúar - Ný mótaröð hefst og kennsla hefst að venju í þeirri viku.
Laugardagur 10. janúar - Ferð til Reykjavíkur - Íslandsmót barna.

Stjórn TV.

Sunnudagsmótaröð lokið.

  Í annað skipti í röð sigraði Róbert sunnudagsmótið.  Nú mættu 9 keppendur og tefldar voru 6 umferðir.

  Nú er sunndagsmótaröð haustannar lokið og sigraði Sigurður með nokkrum yfirburðum með fullt hús, en Róbert var ekki langt undan.  Síðan koma þeir Jörgen og Ágúst, en þeir náðu báðir að komast yfir 200 stiga múrinn.  Síðan koma þeir Lárus og Daníel Már.  Þeir einu sem hafa fulla mætingu eru þeir Róbert og Lárus.  Efst af stúlkunum er Auðbjörg en Sigga Magga í öðru sæti.  Þeir sem hafa verið að bæta sig í mótaröðinni eru tvímælalaust Hafdís og Daníel Hregg. þó aðrir hafa líka verið á siglingu.  Ef einhverjir hafa athugasemdir við útreikning þá er unnt að hringja í Gauta (8981067) en síðasti kærudagur er n.k. miðvikudag kl. 18.  Mótin eru reiknuð þannig að 5 hæstu mót hvers teljast til stiga hjá viðkomandi.  Í sviga eru svo stig hvers og eins á mótunum 11 sem búin eru, en x merkir að viðkomandi hafi ekki mætt á mótið.

Úrslit dagsins.
1.  Róbert 5,5 vinn. 50 stig.
2.  Sigurður  5 vinn. 46 stig.
3.  Jörgen 4,5 vinn. 42 stig.
4.   Ágúst Már  4 vinn. 38 stig
5-6.  Lárus og Hafdís 3 vinn. 32 stig.
7-8.  Daníel Hregg. og Daníel Már  2 vinn.  27 stig.
9.   Þráinn Jón  1 vinn 24 stig.

Staðan í mótaröðinni (mótin 11).
1. Sigurður  250 (50-46-42-50-50-50-50-48-x-34-46)
2. Róbert     244 (44-50-42-46-46-46-38-48-42-50-50)
3. Jörgen     218 (28-38-50-36-x-33-38-42-46-38-42)
4. Ágúst Már 200 (36-xxx-22-33-38-38-50-20-38)
5. Lárus       193  (23-38-32-28-42-33-20-30-38-42-32)
6. Daníel M. 185 (x-38-32-36-26-33-46-30-18-x-27)
7.  Eyþór Daði   175 (44-x-42-25-33-x-25-30-26-26-x)
8.  Davíð Jóh.     164 (36-xx-36-33-x-29-30-xxx)
9.  Guðlaugur     149 (23-x-28-x-33-33-xx-32-xx)
10. Máni             148  (28-x-26-25-33-33-x-19-14-28-x)
11. Daníel Hregg. 123 (xxxxx-22-25-19-16-30-27)
12. Auðbjörg        114 (xx-23-x-18-17-x-24-32-xx)
13. Sigga Magg    109 (20-x-23-x-22-22-x-19-22-xx)
14. Hafdís M.       103 (xxxxxx-29-19-9-14-32)

15. Þráinn Jón       73 (xxxxx-17-13-11-8-x-24)
16. Jóhann Helgi   70 (xxxxxxxx-24-46-x)
16. Eydís Ósk       66 (xxxx-16-22-x-19-9-xx)
17. Bjarki Freyr    58 (xxx-36-22-xxxxxx)
18. Daníel Sch.     55 (xxxxxxx-19-21-24-x)
20. Unnur Ástrós  31 (xxxxxx-20-11-xxx)
21-22. Daníel Örn 28 (xxxxxxxx-28-xx)
21-22. Óliver        28 (28-xxxxxxxxxx)
23. Þórður Sigsv.  22 (xxxxxxxxx-22-x)
24-25. Arna Þyrí   20 (xxxxxx-20-xxxx)
24-25. Tómas A    20 (xxxxxxxx-20-xx)
26. Þuríður            18 (xxxxxxxxx-18-x)
27-28. Elliði Viðars 16 (xxxxxxxxx-16-x)
27-28. Jóna María  16 (xxxxxx-16-xxxx)
29. Andrea G.        13 (xxxxxx-13-xxxx)
30. Hákon J.         12 (xxxxxxxxx-12-x)
31. Kristín Inga    10 (xxxxxx-10-xxxx).

Björn Ívar efstur á Jólaatskákmóti TV

Björn Ívar varð efstur á Jólaatskákmóti félagsins sem haldið var sl. fimmtudagskvöld. Björn Ívar vann alla andstæðinga sína nokkuð örugglega.

Lokastaðan

1. Björn Ívar Karlsson 5. vinninga
2. Nökkvi Sverrisson 4. vinninga
3. Sverrir Unnarsson 3. vinninga
4-6. Daði Steinn Jónsson, Kristófer Gautason og Valur Marvin Pálsson 1 vinning

Jóladagsskráin hjá TV er enn í mótun svo fylgist vel með á síðunni.

Jóladagskráin er í mótun.

  Dagskráin yfir jólin verður að mestu eftirfarandi, en takið vel eftir öllum breytingum, sem geta orðið (t.d. er í ráði að Jólamótið færist í upprunalegt horf, þ.e. hefjist í hádeginu á sjálfum jóladag) :

22. og 23. des. kennsla eins og venjulega
Aðfangadagur = Kennsla felld niður.
föstudagur 26. des.kl. 12 - Jólaskákmótið (eða á jóladag).
sunnudagur 28. des - Jólapakkamót 15 ára og yngri - Lokahóf allra yngri deilda.
þriðjudagur 30. des kl 19:30 - Tvískákmeistaramót Vestmannaeyja 2009.
Gamlársdagur 31. des. kl. 12:00 Volcano Open skákmót á Volcano Café - Nánar síðar.
Nýjársdagur = Kennsla felld niður.
Föstudagur 2. janúar - Hraðskákmót að hætti formanns
Laugardagur 10. janúar - Ferð til Reykjavíkur - Íslandsmót barna.

Stjórn TV.

Næstu mót upp á landi.

  Nú er fjöldi móta á dagskrá uppi á landi næsta mánuðinn og er vert að benda Eyjamönnum á þau, ef þeir gætu mætt á þau.

  Fyrst er að nefna að næsta laugardag 20 des. fer fram í Ráðhúsinu kl. 13 Jólapakkamótið em er fyrir krakka og unglinga og er þetta mjög fjölmennt mót með veglegum vinningum og happadrætti.  Mótið er ekki mjög langt og því tilvalið að taka þátt í því ef þið eruð uppi á landi.  Sjá nánar á síðunni skak.is.

  Síðan er á sunnudag og mánudag 21 og 22. des. Unglingameistaramótið í Reykjavík 20 ára og yngri og þeir sem geta ættu að mæta á það til þess að ná sér í reynslu.  Um þetta mót má lesa á skak.is líka.

  Laugardaginn 10. janúar munum við fara hópferð til Reykjavíkur með alla krakka fædda 1998 og yngri á Íslandsmót barna.  Reiknað er með að fara fram og til baka á sama degi.  Mikilvægt er að hafa þessa ferð í huga og mæta vel á æfingar um jól og áramót.  Tveir efstu krakkarnir á mótinu fara sjálfkrafa á Norðurlandamótið í Færeyjum í febrúar.

  Síðustu helgina í janúar (30. jan, 31 og 1 febr.) er Suðurlandsmótið í skák og er ætlunin að fara með hóp héðan úr Eyjum á mótið.  Mótið tekur alla helgina og saman stendur af atskákum og kappskákum og því tilvalið til að ná sér í reynslu.  Sjá nánar um þetta mót á sudurskak.blog.is sem er í tengli hér á okkar síðu.