3 sæti til Vestmannaeyja.

  A- Sveit Taflfélags Vestmannaeyja náði 3 sæti á Íslandsmóti Unglingasveita í dag og er það besti árangur á því móti hingað til, en í fyrra lenti sveitin í 4 sæti.

  Í síðustu umferð barðist sveitin við Fjölni A og þurftu að ná 2 vinningum til að tryggja sér 3 sætið.  Ólafur Freyr sigraði fljótt á 4 borði og Bjartur tapaði á 2 borði og staðan var 1-1.  Skákin hjá Daða Stein leit vel út og Nökkvi var á því að fara að bjóða jafntefli á 1 borði á móti Herði Aron, en hinkraði við meðan Daði kláraði sína skák á móti Degi Ragnarssyni.  Sem betur fer því Daði tapaði óvænt og nú varð Nökkvi að berjast til síðasta manns, sem hann gerði.  Hörður bauð jafntefli sem Nökkvi hafnaði og fór svo að lokum að Nökkva tókst að sigra og þriðja sætið varð staðreynd og Taflfélagið frá Vestmannaeyjum búið að stimpla sig meðal þriggja sterkustu taflfélaga á landinu í unglingaflokki.

  Á meðan tapaði B-sveitin stórt gegn TR A 0-4.

1. Helli A 25

2. TR A 21

3. Taflfélag Vestmannaeyja A 18,5

4. Fjölnir A 18

5. Akureyri A 14,5

6. Fjölnir B 13

7. Garðabæ 13

8. TR B 12,5