TV A í 3 sæti eftir 6 umferðir.

  Þá er lokið sex umferðum á Íslandsmóti unglingasveita og sem stendur er A-sveit TV í þriðja sæti og hafa keppt við erfiðustu sveitina Helli A.

  Í fyrstu umferð mættust A- og B-sveitir okkar og fór svo að A-sveitin vann 4-0.

  Í annarri umferð mætti A-sveitin Helli A og töpuðu 3-1, en eini vinningur okkar manna var þegar Daði Steinn sigraði Jóhönnu Björg á þriðja borði - gott hjá Daða !  B-sveitin keppti þá við Fjölni B og töpuðu 1-3, en Jörgen vann andstæðing sinn á 4 borði.

  Í þriðju umferð keppti A-sveit okkar við Akureyri B og sigruðu 3-1 og hafa nú 8 vinninga og eru í þriðja sæti.  B-sveitin keppti á móti TR b og töpuðu 1,5 - 2,5, þegar Jörgen vann sína aðra skák og Sigurður gerði jafntefli við Birki Karl á fyrsta borði, gott hjá Sigurði.

  Í fjórðu umferð vann A-sveitin Akureyri A 3,5-0,5 og B-sveitin vann Helli B 3-1.

  Í fimmtu umferð tapaði A-sveitin fyrir TR A 1-3, þegar Daði Steinn vann Pál Andrason.  Aftur er Daði Steinn að gera góða hluti.  B-sveitin tapaði á meðan fyrir Akureyri B 1,5-2,5.

  Í sjöttu umferð gjörsigraði A-sveitin Garðabæ 4-0, og B-sveitin sigraði Hauka 2,5-1,5.

  Eftir sex umferðir er A-sveitin því í þriðja sæti með 16,5 vinninga, en lendir á móti Fjölni A sem er í fjórða sæti með 16 vinninga, þannig að þar verður hrein úrslitarimma um 3ja sætið.  Í fyrsta sæti er Hellir A með 21 vinning, en í 2 sæti er TR A með 17 vinninga.  B-sveitin er með 9,5 vinning sem verður bara að teljast mjög gott hjá þeim drengjum sem margir eru að keppa á sínu fyrsta alvöru móti í sveitakeppni fyrir hönd TV.