Skákþing Vestmannaeyja - 6. umferð í kvöld

Í kvöld kl. 19:30 verður tefld 6. og næstsíðasta umferð Skákþingsins.

Ægir Páll - Sverrir
Nökkvi - Sigurjón
Stefán - Karl Gauti
Einar á yfirsetu

Staðan:

Nökkvi 4
Sverrir 3,5
Sigurjón 2,5
Stefán og Ægir Páll 1,5
Einar 1
Karl Gauti 0

mótið á chess-results

Skákþing Vestmannaeyja - 5. umferð

Í gærkvöldi hófst 5. umferð Skákþings Vestmannaeyja með tveimur skákum. Karl Gauti tefldi ágætlega framanaf gegn Nökkva en missteig sig svo illa í miðtaflinu og tap var ekki umflúið. Ekki var mikil lognmolla í skák Sverris og Einars en eftir miklar flækjur lék sá síðarnefndi af sér manni gafst upp fljótlega eftir það.

 5. umferð

Karl Gauti - Nökkvi 0-1
Sigurjón - Ægir Páll frestað
Sverrir - Einar 1-0

Staðan

1. Sverrir Unnarsson 3,5 af 4
2. Nökkvi Sverrisson 3 af 3
3. Sigurjón Þorkelsson 2,5 af 3
4. Ægir Páll Friðbertsson 1,5 af 2
5. Stefán Gíslason 1,5 af 4
6. Einar Guðlaugsson 1 af 5
7. Karl Gauti Hjaltason 0 af 5

mótið á chess-results

Skákþing Vestmannaeyja - 5. umferð í kvöld

Í kvöld hefst 5. umferð Skákþings Vestmannaeyja með 2 skákum en ljóst er að skák Sigurjóns og Ægir Páls verður frestað.

5. umferð - 6. nóvember kl. 19:30

Karl Gauti - Nökkvi
Sigurjón - Ægir Páll
Sverrir - Einar

chess-results

Skákþing Vestmannaeyja 4. umferð

í gærkvöldi hófst 4. umferð Skákþings Vestmannaeyja með tveimur skákum. Einar og Sigurjón tefldu hörkuskák þar sem sá fyrrnefndi fór of geyst í sókninni og með nákvæmri taflmennsku landaði Sigurjón sigri. Karl Gauti fékk strax þrönga stöðu gegn Ægi Páli og varð að játa sig sigraðan. Skák Nökkva og Stefáns var frestað.

Staðan eftir 4. umferðir er frekar óljós þar sem yfirseta er og þar að auki eru þrjár frestaðar skákir.

1-2. Sigurjón Þorkelsson 2,5 af 3
1-2. Sverrir Unnarsson 2,5 af 3
3-6. Nökkvi Sverrisson 1 af 1
3-6. Ægir Páll Friðbertsson 1 af 1
3-6. Stefán Gíslason 1 af 2
3-6. Einar Guðlaugsson 1 af 4
   7. Karl Gauti Hjaltason 0 af 4

frestaðar skákir

Ægir Páll - Nökkvi (sunnudaginn 27. okt)
Stefán - Ægir Páll
Nökkvi - Stefán

5. umferð miðvikudaginn 30. október kl. 19:30

Karl Gauti - Nökkvi
Sigurjón - Ægir Páll
Sverrir - Einar

 mótið á chess-results

Skákþing Vestmannaeyja - 2. umferð

Önnur umferð Skákþings Vestmannaeyja hófst í gærkvöldi með tveimur skákum. Sverrir vann Karl Gauta nokkuð örugglega eftir slæman fingurbrjót þess síðarnefnda í byrjun skákar. Einar og Stefán tefldu mikla rússíbanaskák sem endaði með slæmum afleik Einars sem leiddi til mannstaps. Skák Ægir Páls og Nökkva var frestað og verður hún að öllum líkindum tefld um aðra helgi. Sigurjón átti yfirsetu í umferðinni.

       úrslit 2. umferðar

       Sverrir - Karl Gauti 1 - 0
       Einar - Stefán 0 - 1
       Ægir Páll - Nökkvi frestað

   Staðan eftir 2. umferðir:

       1. Sverrir Unnarsson 2 af 2
    2-3. Nökkvi Sverrisson og Sigurjón Þorkelsson 1 af 1
       4. Stefán Gíslason 1 af 2
       5. Ægir Páll Friðbertsson 0 af 0
    6-7. Einar Guðlaugsson og Karl Gauti Hjaltason 0 af 2

Næsta umferð verður tefld miðvikudaginn 16. október kl. 19:30:

• Stefán - Ægir Páll
• Karl Gauti - Einar
• Sigurjón - Sverrir

    mótið á chess-results

Skákþing Vestmannaeyja 2013

Skákþing Vestmannaeyja hófst á miðvikudagskvöld. Sjö keppendur skráðu sig til leiks og tefla allir við alla. Tímamörk eru 1:30 á hverja skák með 30 sek. uppbótartíma. Mótið verður bæði reiknað til Íslenskra og alþjóðlegra stiga. Núverandi Skákmeistari Vestmannaeyja er Nökkvi Sverrisson.

   Töfluröð

1. Ægir Páll Friðbertsson 2134
2. Nökkvi Sverrisson 2064
3. Stefán Gíslason 1817
4. Karl Gauti Hjaltason 1507
5. Sigurjón Þorkelsson 2035
6. Sverrir Unnarsson 1959
7. Einar Guðlaugsson 1908

Í fyrstu umferð sigraði Nökkvi Einar eftir miklar sviptingar þar sem Einar átti góða möguleika á betri úrslitum. Stefán tapaði peði í byrjun gegn Sverri og fékk afar erfiða stöðu og gafst upp þegar þrengdi að. Karl Gauti átti fína möguleika gegn Sigurjóni en varð að játa sig sigraðan eftir að Sigurjón sýndi sínar bestu hliðar í endatafli.

Næsta umferð verður tefld miðvikudaginn 9. október kl. 19:30

    2. umferð

    Ægir Páll - Nökkvi  
    Sverrir - Karl Gauti
    Einar - Stefán

mótið á chess-results

Goslokamótið í dag kl. 13

  Á eftir hefst Sparisjóðsmótið eða Goslokamótið í tilefni 40 ára afmælis goslokanna í Vestmannaeyjum.  Móti fer fram í Skáksetrinu að Heiðarvegi.

  Skráning hefst kl. 13, en mótið sjálft hefst ekki síðar en  kl. 13:30.  tefldar verða 5 mínútna skákir, en fjöldi umferða ræðst af fjölda þátttakenda.  Allir eru velkomnir.

Sparisjóðsmótið á morgun

  Á morgun, laugardaginn 6. júlí fer fram Sparisjóðsmótið í Vestmannaeyjum. Mótið er haldið í tengslum við hátíðahöld vegna Goslokaafmælisins í Eyjum og hefst skráning kl. 13:00, en mótið sjálft hefst kl. 13:30 í húsnæði félagsins að Heiðarvegi 9.

  Allir velkomnir.

Sparisjóðsmótið á laugardag

  Á laugardag, 6. júlí fer fram Sparisjóðsmótið í Eyjum.  Mótið er þáttur í hátíðahöldum í Vestmannaeyjum vegna þess að 40 ár eru nú liðin frá því að Heimaeyjargosinu lauk.

  Það verður haldið í húsnæði félagsins að Heiðarvegi 9 og hefst það kl. 13:30 en skráning hefst kl. 13:00.  Allir eru velkomnir.  Á sama stað verður alla helgina málverkasýning Sigurfinns og geta gestir og jafnvel skákmenn gefið sér tíma til að virða fyrir sér myndir hans á meðan á mótinu stendur.

  Tefldar verða 5 mínútna skákir, en umferðafjöldi fer eftir þátttöku, en mótið tekur ca. 2 tíma. Verðlaun verða fyrir mótið í heild og einnig sérverðlaun fyrir yngri þátttakendur.

Ægir Páll nýr formaður TV.

  Í gærkvöldi var aðalfundur Taflfélags Vestmannaeyja haldinn í húsnæði félagsins að Heiðarvegi 9 í Vestmannaeyjum. Lagðir voru fram reikningar félagsins, þar sem kom fram að Íslandsmót skákfélaga nemur 63% af útgjöldum félagsins síðustu ár og húsnæðiskostnaður 26%.

  Á fundinum var kjörinn nýr formaður félagsins, Ægir Páll Friðbertsson, en Karl Gauti Hjaltason fráfarandi formaður baðst undan endurkjöri. Ægir Páll hefur um nokkurt skeið starfað með stjórn félagsins.  Karl Gauti hefur gegnt formannsembættinu í nákvæmlega 6 ár eða frá 5. júní 2007 og hefur enginn formaður í tíð félagsins gegnt embættinu lengur samfellt allt frá árinu 1957.

  Í formannstíð Karls Gauta hafa unnist fjölmargir titlar í barna- og unglingaflokkum og deildameistaratitill 2 deildar á Íslandsmóti Skákfélaga 2009 og tvisvar sinnum 2 sæti og einu sinni 3 sæti á Íslandsmóti skákfélaga, þó aldrei hafi tekist að hampa titlinum sjálfum.

  Meðal helstu verðlauna í barna- og unglingaflokkum á þessum sex árum eru ; Íslandsmeistarar Barnaskólasveita 2008, Íslandsmeistari barna 2008, Íslandsmeistari pilta 2008, Silfur á Norðurlandamóti barnaskólasveita 2009, Íslandsmeistari í skólaskák, yngri 2010 og Meistaratitill skákskólans 2013.

  Í nýrri stjórn félagsins eru auk Ægis Páls, þeir Sverrir Unnarsson, Karl Gauti Hjaltason, Stefán Gíslason, Kristófer Gautason og Sigurjón Þorkelsson.  Í varastjórn voru kosnir þeir Nökkvi Sverrisson og Þórarinn I Ólafsson.